ਨਵੀਂ ਦਿੱਲੀ: ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਟਡ (IOCL) ਨੇ ਅਪ੍ਰੈਂਟਿਸ ਦੀਆਂ ਅਸਾਮੀਆਂ 'ਤੇ ਭਰਤੀ ਲਈ ਉਮੀਦਵਾਰਾਂ ਤੋਂ ਬਿਨੈ ਪੱਤਰ ਮੰਗੇ ਹਨ। ਇਸ ਭਰਤੀ ਮੁਹਿੰਮ ਨਾਲ ਸੰਸਥਾ ਵਿੱਚ 436 ਅਸਾਮੀਆਂ ਭਰੀਆਂ ਜਾਣਗੀਆਂ। ਯੋਗ ਅਤੇ ਚਾਹਵਾਨ ਉਮੀਦਵਾਰ IOCL ਦੀ ਅਧਿਕਾਰਤ ਸਾਈਟ ਰਾਹੀਂ ਅਸਾਮੀਆਂ ਲਈ ਅਰਜ਼ੀ ਦੇ ਸਕਦੇ ਹਨ। ਆਈਓਸੀਐਲ ਵਲੋਂ ਬਿਨੈ ਪੱਤਰ 23 ਨਵੰਬਰ ਨੂੰ ਜਾਰੀ ਕੀਤੇ ਜਾਣਗੇ।
ਦੱਸ ਦਈਏ ਕਿ ਅਹੁਦੇ ਲਈ ਅਰਜ਼ੀ ਦੇਣ ਦੀ ਆਖ਼ਰੀ ਤਰੀਕ 19 ਦਸੰਬਰ 2020 ਹੈ। ਉਮੀਦਵਾਰਾਂ ਨੂੰ ਆਖਰੀ ਤਾਰੀਖ ਤੋਂ ਪਹਿਲਾਂ ਅਪਲਾਈ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਲਿਖਤੀ ਪ੍ਰੀਖਿਆ ਚੰਡੀਗੜ੍ਹ, ਜੈਪੁਰ, ਲਖਨਉ ਅਤੇ ਨਵੀਂ ਦਿੱਲੀ ਵਿਖੇ ਹੋਵੇਗੀ।
IOCL ਭਰਤੀ 2020: ਅਹਿਮ ਤਾਰੀਖਾਂ
ਅਰਜ਼ੀ ਓਪਨਿੰਗ ਦੀ ਤਾਰੀਖ: 23 ਨਵੰਬਰ 2020
ਅਰਜ਼ੀ ਦੇਣ ਦੀ ਆਖ਼ਰੀ ਤਰੀਕ: 19 ਦਸੰਬਰ 2020
ਅਮਿਤਿਟ ਕਾਰਡ ਡਾਊਨਲੋਡ ਕਰਨ ਦੀ ਤਾਰੀਖ: 22 ਦਸੰਬਰ 2020
ਲਿਖਤੀ ਪ੍ਰੀਖਿਆ ਦੀ ਮਿਤੀ: 2 ਜਨਵਰੀ 2021
IOCL ਭਰਤੀ 2020: ਐਲੀਜੀਬਿਲਟੀ ਕ੍ਰਾਇਟੀਰਿਆ
ਵਿਦਿਅਕ ਯੋਗਤਾ ਅਤੇ ਉਮਰ ਸੀਮਾ: ਉਮੀਦਵਾਰ ਇੱਥੇ ਦਿੱਤੇ ਨੋਟੀਫਿਕੇਸ਼ਨ ਵਿੱਚ ਵੱਖ-ਵੱਖ ਟ੍ਰੇਡਾਂ ਜਾਂ ਵਿਸ਼ਿਆਂ ਲਈ ਵਿਦਿਅਕ ਯੋਗਤਾ ਦੀ ਜਾਂਚ ਕਰ ਸਕਦੇ ਹਨ। ਉਮੀਦਵਾਰ ਦੀ ਉਮਰ ਸੀਮਾ General /EWS ਉਮੀਦਵਾਰਾਂ ਲਈ 30 ਨਵੰਬਰ 2020 ਤੱਕ 18 ਤੋਂ 24 ਸਾਲ ਦੇ ਵਿਚਕਾਰ ਹੋਣੀ ਚਾਹੀਦੀ ਹੈ। ਐਸਸੀ / ਐਸਟੀ / ਓਬੀਸੀ (ਐਨਸੀਐਲ) / ਪੀਡਬਲਯੂਬੀਡੀ ਉਮੀਦਵਾਰਾਂ ਲਈ ਨਿਯਮਾਂ ਅਨੁਸਾਰ ਵੱਧ ਤੋਂ ਵੱਧ ਉਮਰ ਹੱਦ ਵਿੱਚ ਢਿੱਲ ਦਿੱਤੀ ਜਾਵੇਗੀ।
IOCL ਭਰਤੀ 2020: ਅਪ੍ਰੈਂਟਿਸ ਸਿਖਲਾਈ ਦੀ ਮਿਆਦ
ਸਾਰੇ ਵਿਸ਼ਿਆਂ ਲਈ: 12 ਮਹੀਨੇ
ਟ੍ਰੇਡ ਅਪ੍ਰੈਂਟਿਸ ਲਈ - ਡੇਟਾ ਐਂਟਰੀ ਓਪਰੇਟਰ (ਫ੍ਰੈਸ਼ਰ ਅਪ੍ਰੈਂਟਿਸ) ਅਤੇ ਟ੍ਰੇਡ ਅਪ੍ਰੈਂਟਿਸ - ਡਾਟਾ ਐਂਟਰੀ ਓਪਰੇਟਰ (ਹੁਨਰ ਸਰਟੀਫਿਕੇਟ ਧਾਰਕ): 15 ਮਹੀਨੇ
IOCL ਭਰਤੀ 2020: ਚੋਣ ਪ੍ਰਕਿਰਿਆ
ਚੋਣ ਲਿਖਤੀ ਇਮਤਿਹਾਨ (ਮਿਆਦ 90 ਮਿੰਟ) ਵਿਚ ਉਮੀਦਵਾਰਾਂ ਵਲੋਂ ਹਾਸਲ ਕੀਤੇ ਅੰਕਾਂ ਦੇ ਅਧਾਰ 'ਤੇ ਅਤੇ ਸੂਚਿਤ ਯੋਗਤਾ ਦੇ ਮਾਪਦੰਡਾਂ ਨੂੰ ਪੂਰਾ ਕਰਨ 'ਤੇ ਕੀਤੀ ਜਾਏਗੀ। ਲਿਖਤੀ ਇਮਤਿਹਾਨ ਵਿੱਚ ਉਦੇਸ਼ ਪੂਰਬਕ ਮਲਟੀਪਲ ਚੋਣ ਪ੍ਰਸ਼ਨਾਂ (MCQs) ਦੇ ਨਾਲ 100 ਪ੍ਰਸ਼ਨ ਹੋਣਗੇ, ਜਿਨ੍ਹਾਂ 'ਚ ਇੱਕ ਸਹੀ ਵਿਕਲਪ ਦੇ ਨਾਲ ਚਾਰ ਵਿਕਲਪ ਹੋਣਗੇ। ਸਵਾਲ ਅੰਗਰੇਜ਼ੀ ਅਤੇ ਹਿੰਦੀ ਵਿੱਚ ਹੋਣਗੇ। IOCL ਨਾਲ ਸਬੰਧਤ ਵੇਰਵਿਆਂ ਲਈ ਅਧਿਕਾਰਤ ਸਾਈਟ ਰਾਹੀਂ ਜਾਂਚ ਕੀਤੀ ਜਾ ਸਕਦੀ ਹੈ।
Education Loan Information:
Calculate Education Loan EMI