ਜੇ NCP 'ਚ ਫੁੱਟ ਪਈ ਤਾਂ ਕਿਵੇਂ ਬਣੇਗੀ ਬੀਜੇਪੀ ਦੀ ਸਰਕਾਰ? ਜਾਣੋ ਮਹਾਰਾਸ਼ਟਰ ਦੇ ਸਮੀਕਰਨ

ਬਹੁਮਤ ਲਈ 145 ਸੀਟਾਂ ਚਾਹੀਦੀਆਂ ਹਨ। ਬੀਜੇਪੀ ਕੋਲ 105 ਸੀਟਾਂ ਹਨ। ਯਾਨੀ ਸਰਕਾਰ ਬਣਾਉਣ ਲਈ ਇਸ ਨੂੰ 40 ਸੀਟਾਂ ਦੀ ਜ਼ਰੂਰਤ ਹੈ। ਬੀਜੇਪੀ ਦਾ ਦਾਅਵਾ ਹੈ ਕਿ ਉਨ੍ਹਾਂ ਕੋਲ ਕਈ ਛੋਟੀਆਂ ਪਾਰਟੀਆਂ ਤੇ ਸੁਤੰਤਰ ਵਿਧਾਇਕ ਹਨ ਅਤੇ ਇਸ ਵੇਲੇ ਉਨ੍ਹਾਂ 120 ਵਿਧਾਇਕਾਂ ਦਾ ਸਮਰਥਨ ਹਾਸਲ ਹੈ। ਯਾਨੀ ਜੇ ਬੀਜੇਪੀ ਨੂੰ 25 ਹੋਰ ਸੀਟਾਂ ਮਿਲ ਗਈਆਂ ਤਾਂ ਉਸ ਦੀ ਸਰਕਾਰ ਬਚ ਜਾਏਗੀ।

ਮੁੰਬਈ: ਸਾਰੇ ਸਿਆਸੀ ਸਮੀਕਰਨਾਂ ਨੂੰ ਰੱਦ ਕਰਦਿਆਂ ਅਜੀਤ ਪਵਾਰ ਨੇ ਜਿਵੇਂ ਹੀ ਸ਼ਨੀਵਾਰ ਸਵੇਰੇ ਦੇਵੇਂਦਰ ਫੜਨਵੀਸ ਨੇ ਨਾਲ ਡਿਪਟੀ ਮੁੱਖ ਮੰਤਰੀ ਵਜੋਂ ਸਹੁੰ ਚੁੱਕੀ, ਤਾਂ ਕਿਆਸ ਇਹੀ ਲਗਾਇਆ ਜਾ ਰਿਹਾ ਸੀ ਕਿ ਐਨਸੀਪੀ ਨੇ ਅਚਾਨਕ ਆਪਣਾ ਫੈਸਲਾ ਬਦਲ ਲਿਆ ਹੈ ਤੇ ਸੱਤਾ ਵਿੱਚ ਬੀਜੇਪੀ ਸੱਤਾ ਦੀ ਲੜਾਈ ਵਿੱਚ ਬਾਜ਼ੀ ਮਾਰ ਚੁੱਕੀ ਹੈ, ਪਰ ਸ਼ਰਦ ਪਵਾਰ ਦੀ ਗੈਰਹਾਜ਼ਰੀ ਨੂੰ ਇਹ ਕਹਿ ਕੇ ਨਜ਼ਰ ਅੰਦਾਜ਼ ਕੀਤਾ ਗਿਆ ਹੈ ਕਿ ਸ਼ਾਇਦ ਇਹ ਉਨ੍ਹਾਂ ਦਾ ਸਿਆਸੀ ਚਾਲ ਹੈ। ਇਹ ਘਟਨਾਕ੍ਰਮ ਏਨੀ ਤੇਜ਼ੀ ਨਾਲ ਬਦਲ ਰਹੇ ਸੀ ਕਿ ਕੁਝ ਹੀ ਮਿੰਟਾਂ ਵਿੱਚ ਇਹ ਪਤਾ ਲੱਗ ਗਿਆ ਕਿ ਰਾਜਨੀਤੀ ਦਾ ਜੋ ਕੁਝ ਵੀ ਖੇਡ ਹੋਇਆ, ਇਸ ਵਿੱਚ ਸ਼ਰਦ ਪਵਾਰ ਦੀ ਮਰਜ਼ੀ ਸ਼ਾਮਲ ਨਹੀਂ ਹੈ।

ਸ਼ਰਦ ਪਵਾਰ ਸਹੁੰ ਚੁੱਕਣ ਤੋਂ ਕੁਝ ਘੰਟਿਆਂ ਬਾਅਦ ਮੀਡੀਆ ਸਾਹਮਣੇ ਪੇਸ਼ ਹੋਏ। ਉਨ੍ਹਾਂ ਸਪੱਸ਼ਟ ਕੀਤਾ ਕਿ ਅਜੀਤ ਪਵਾਰ ਨੂੰ ਐਨਸੀਪੀ ਦੀ ਹਮਾਇਤ ਨਹੀਂ ਹੈ ਅਤੇ ਬੀਜੇਪੀ ਦੀ ਗੱਠਜੋੜ ਸਰਕਾਰ ਵਿਧਾਨ ਸਭਾ ਵਿੱਚ ਬਹੁਮਤ ਸਾਬਤ ਨਹੀਂ ਕਰ ਸਕੇਗੀ। ਸ਼ਰਦ ਪਵਾਰ ਉਨ੍ਹਾਂ ਵਿਧਾਇਕਾਂ ਨਾਲ ਵੀ ਦਿਖਾਈ ਦਿੱਤੇ ਜੋ ਸਹੁੰ ਚੁੱਕਣ ਸਮੇਂ ਅਜੀਤ ਪਵਾਰ ਦੇ ਨਾਲ ਸਨ।

ਸ਼ਰਦ ਪਵਾਰ ਦੇ ਦਾਅਵੇ ਤੋਂ ਇਹ ਸਪੱਸ਼ਟ ਹੈ ਕਿ ਜੇ ਅਜੀਤ ਪਵਾਰ ਅੜਿੱਕਾ ਪਾ ਰਹੇ ਹਨ ਤਾਂ ਪਾਰਟੀ ਵਿੱਚ ਫੁੱਟ ਨਿਸ਼ਚਤ ਹੈ। ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਜੇ ਪਾਰਟੀ ਟੁੱਟ ਜਾਂਦੀ ਹੈ ਅਤੇ ਕਿੰਨੀ ਗਿਣਤੀ ਕਿਸ ਪਾਸੇ ਜਾਂਦੀ ਹੈ, ਇਹ ਫੈਸਲਾ ਲਿਆ ਜਾਵੇਗਾ ਕਿ ਫੜਨਵੀਸ ਦੀ ਸਰਕਾਰ ਕਿਵੇਂ ਬਚੇਗੀ ਜਾਂ ਕਿਵੇਂ ਚੱਲੇਗੀ।

ਵਿਧਾਨ ਸਭਾ ਚੋਣਾਂ ਵਿੱਚ ਕਿਸੇ ਵੀ ਪਾਰਟੀ ਨੂੰ ਬਹੁਮਤ ਨਹੀਂ ਮਿਲਿਆ। 288 ਸੀਟਾਂ ਵਾਲੀ ਵਿਧਾਨ ਸਭਾ ਵਿਚ ਬੀਜੇਪੀ 105 ਸੀਟਾਂ ਵਾਲੀ ਸਭ ਤੋਂ ਵੱਡੀ ਪਾਰਟੀ ਹੈ, ਜਦਕਿ ਸ਼ਿਵ ਸੈਨਾ ਨੂੰ 56, ਐਨਸੀਪੀ ਨੂੰ 54 ਅਤੇ ਕਾਂਗਰਸ ਨੂੰ 44 ਸੀਟਾਂ ਮਿਲੀਆਂ ਹਨ। ਹੋਰਾਂ ਦੇ ਖਾਤੇ ਵਿਚ 00 ਸੀਟਾਂ ਗਈਆਂ ਸਨ।

ਬਹੁਮਤ ਲਈ 145 ਸੀਟਾਂ ਚਾਹੀਦੀਆਂ ਹਨ। ਬੀਜੇਪੀ ਕੋਲ 105 ਸੀਟਾਂ ਹਨ। ਯਾਨੀ ਸਰਕਾਰ ਬਣਾਉਣ ਲਈ ਇਸ ਨੂੰ 40 ਸੀਟਾਂ ਦੀ ਜ਼ਰੂਰਤ ਹੈ। ਬੀਜੇਪੀ ਦਾ ਦਾਅਵਾ ਹੈ ਕਿ ਉਨ੍ਹਾਂ ਕੋਲ ਕਈ ਛੋਟੀਆਂ ਪਾਰਟੀਆਂ ਤੇ ਸੁਤੰਤਰ ਵਿਧਾਇਕ ਹਨ ਅਤੇ ਇਸ ਵੇਲੇ ਉਨ੍ਹਾਂ 120 ਵਿਧਾਇਕਾਂ ਦਾ ਸਮਰਥਨ ਹਾਸਲ ਹੈ। ਯਾਨੀ ਜੇ ਬੀਜੇਪੀ ਨੂੰ 25 ਹੋਰ ਸੀਟਾਂ ਮਿਲ ਗਈਆਂ ਤਾਂ ਉਸ ਦੀ ਸਰਕਾਰ ਬਚ ਜਾਏਗੀ।

ਐਨਸੀਪੀ ਕੋਲ 54 ਸੀਟਾਂ ਹਨ, ਜੇ ਪਾਰਟੀ ਟੁੱਟ ਜਾਂਦੀ ਹੈ ਅਤੇ ਜੇ ਅਜੀਤ ਪਵਾਰ 36 ਵਿਧਾਇਕਾਂ ਦਾ ਸਮਰਥਨ ਪ੍ਰਾਪਤ ਕਰਨ 'ਚ ਕਾਮਯਾਬ ਹੁੰਦੇ ਹਨ ਤਾਂ ਬੀਜੇਪੀ ਦੀ ਸਰਕਾਰ ਬਚ ਜਾਏਗੀ। ਕਿਉਂਕਿ ਦਲਬਦਲ ਕਾਨੂੰਨ ਤਹਿਤ ਦੋ ਤਿਹਾਈ ਵਿਧਾਇਕਾਂ ਦਾ ਇਕੱਠੇ ਹੋਣਾ ਲਾਜ਼ਮੀ ਹੈ ਅਤੇ ਦੋ ਤਿਹਾਈ ਨੰਬਰ 36 ਹੈ। ਪਰ ਜੇ ਅਜੀਤ ਪਵਾਰ ਨੂੰ 36 ਤੋਂ ਘੱਟ ਵਿਧਾਇਕਾਂ ਦਾ ਸਮਰਥਨ ਮਿਲਦਾ ਹੈ ਤਾਂ ਬੀਜੇਪੀ ਸਰਕਾਰ ਮੁਸੀਬਤ ਵਿੱਚ ਘਿਰ ਜਾਵੇਗੀ। ਯਾਦ ਰਹੇ ਇਸ ਖੇਡ ਵਿੱਚ ਅਸੈਂਬਲੀ ਦਾ ਸਪੀਕਰ ਵੱਡਾ ਕਿਰਦਾਰ ਹੋਏਗਾ।