(Source: ECI/ABP News/ABP Majha)
Lok Sabha Election: ਲੋਕਤੰਤਰ ਦੀਆਂ ਉੱਡੀਆਂ ਧੱਜੀਆਂ !ਪੱਛਮੀ ਬੰਗਾਲ 'ਚ ਭਾਜਪਾ ਉਮੀਦਵਾਰ 'ਤੇ ਹਮਲਾ, ਜਾਨ ਬਚਾਉਣ ਲਈ ਗਲੀਆਂ 'ਚ ਭੱਜਿਆ, ਜਾਣੋ ਮਾਮਲਾ
West Bengal Attack On BJP Candidate: ਭਾਜਪਾ ਉਮੀਦਵਾਰ 'ਤੇ ਪੱਛਮੀ ਬੰਗਾਲ 'ਚ ਬਦਮਾਸ਼ਾਂ ਨੇ ਹਮਲਾ ਕੀਤਾ, ਜਿਸ ਦਾ ਦੋਸ਼ ਭਾਜਪਾ ਨੇ ਟੀਐੱਮਸੀ ਵਰਕਰਾਂ 'ਤੇ ਲਗਾਇਆ ਹੈ।
ਲੋਕ ਸਭਾ ਚੋਣਾਂ ਦੇ ਛੇਵੇਂ ਪੜਾਅ ਦੀ ਵੋਟਿੰਗ ਦੌਰਾਨ ਪੱਛਮੀ ਬੰਗਾਲ ਦੇ ਝਾਰਗ੍ਰਾਮ ਤੋਂ ਭਾਜਪਾ ਉਮੀਦਵਾਰ ਪ੍ਰਣਤ ਟੁਡੂ ਦੀ ਟੀਮ 'ਤੇ ਜ਼ਬਰਦਸਤ ਹਮਲਾ ਹੋਇਆ, ਜਿਸ 'ਚ ਉਨ੍ਹਾਂ ਦੇ ਸੁਰੱਖਿਆ ਕਰਮਚਾਰੀ ਜ਼ਖਮੀ ਹੋ ਗਏ। ਪਾਰਟੀ ਨੇ ਇਸ ਦਾ ਦੋਸ਼ ਸੱਤਾਧਾਰੀ ਪਾਰਟੀ ਤ੍ਰਿਣਮੂਲ ਕਾਂਗਰਸ (ਟੀ.ਐੱਮ.ਸੀ.) ਦੇ ਵਰਕਰਾਂ 'ਤੇ ਲਗਾਇਆ।
ਭਾਜਪਾ ਨੇ ਦੋਸ਼ ਲਾਇਆ ਕਿ ਤ੍ਰਿਣਮੂਲ ਕਾਂਗਰਸ (ਟੀ.ਐੱਮ.ਸੀ.) ਦੇ ਵਰਕਰਾਂ ਨੇ ਕਾਫਲੇ 'ਤੇ ਹਮਲਾ ਕੀਤਾ ਜਦੋਂ ਟੁਡੂ ਰਾਜ ਦੇ ਪੱਛਮੀ ਮਿਦਨਾਪੁਰ ਜ਼ਿਲੇ ਦੇ ਗੜ੍ਹਬੇਟਾ ਖੇਤਰ 'ਚ ਇੱਕ ਪੋਲਿੰਗ ਬੂਥ ਦਾ ਦੌਰਾ ਕਰ ਰਹੇ ਸਨ, ਜਿੱਥੇ ਵੋਟਰਾਂ ਨੂੰ ਧਮਕਾਉਣ ਦੀ ਸ਼ਿਕਾਇਤ ਸੀ।
ਘਟਨਾ ਦੀ ਵੀਡੀਓ ਸਾਹਮਣੇ ਆਈ
ਘਟਨਾ ਦੀ ਇੱਕ ਵੀਡੀਓ ਵਿੱਚ ਦਿਖਾਇਆ ਗਿਆ ਹੈ ਕਿ ਭੀੜ ਪਥਰਾਅ ਕਰਦੀ ਹੈ ਅਤੇ ਭਾਜਪਾ ਉਮੀਦਵਾਰ, ਉਸਦੀ ਸੁਰੱਖਿਆ ਅਤੇ ਕਈ ਮੀਡੀਆ ਟੀਮਾਂ ਦਾ ਪਿੱਛਾ ਕਰਦੀ ਹੈ। ਜਦੋਂ ਉਹ ਹਮਲੇ ਦੀ ਲਪੇਟ 'ਚ ਆਇਆ ਤਾਂ ਉਸ ਦੇ ਸੁਰੱਖਿਆ ਕਰਮੀਆਂ ਨੇ ਤੁਰੰਤ ਕਾਰਵਾਈ ਕੀਤੀ ਅਤੇ ਉਸ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਇਸ ਘਟਨਾ ਵਿੱਚ ਭਾਜਪਾ ਆਗੂ ਦੀ ਕਾਰ ਦੀ ਵੀ ਭੰਨਤੋੜ ਕੀਤੀ ਗਈ।
#WATCH | West Bengal | BJP candidate from Jhargram Lok Sabha seat, Pranat Tudu was attacked allegedly by miscreants when he was visiting booth number 200 in Monglapota in the parliamentary constituency today pic.twitter.com/bfEYH7KgXT
— ANI (@ANI) May 25, 2024
ਟੁਡੂ ਇਸ ਲੋਕ ਸਭਾ ਸੀਟ ਤੋਂ ਤ੍ਰਿਣਮੂਲ ਕਾਂਗਰਸ ਦੇ ਕਾਲੀਪਾਧ ਸੋਰੇਨ ਅਤੇ ਸੀਪੀਆਈ (ਐਮ) ਦੀ ਸੋਨਮਣੀ ਦੇ ਖਿਲਾਫ ਚੋਣ ਲੜ ਰਹੇ ਹਨ। ਇਸ ਦੌਰਾਨ, ਭਾਜਪਾ ਦੇ ਦੋਸ਼ਾਂ ਨੂੰ ਰੱਦ ਕਰਦੇ ਹੋਏ, ਟੀਐਮਸੀ ਨੇ ਦੋਸ਼ ਲਾਇਆ ਕਿ ਟੁਡੂ ਦੇ ਸੁਰੱਖਿਆ ਕਰਮਚਾਰੀਆਂ ਨੇ ਇੱਕ ਔਰਤ ਨਾਲ ਕੁੱਟਮਾਰ ਕੀਤੀ । ਟੀਐਮਸੀ ਨੇ ਕਿਹਾ ਕਿ ਇੱਕ ਔਰਤ ਗੜ੍ਹਬੇਟਾ ਵਿੱਚ ਇੱਕ ਪੋਲਿੰਗ ਬੂਥ ਦੇ ਬਾਹਰ ਆਪਣੀ ਵੋਟ ਪਾਉਣ ਲਈ ਕਤਾਰ ਵਿੱਚ ਇੰਤਜ਼ਾਰ ਕਰ ਰਹੀ ਸੀ, ਜਿੱਥੇ ਇਹ ਘਟਨਾ ਵਾਪਰੀ।
ਪਾਰਟੀ ਨੇ ਮਾਈਕ੍ਰੋਬਲਾਗਿੰਗ ਸਾਈਟ ਐਕਸ 'ਤੇ ਇੱਕ ਪੋਸਟ ਵਿੱਚ ਕਿਹਾ, "ਭਾਜਪਾ ਦੀ ਮਹਿਲਾ ਵਿਰੋਧੀ ਨੀਤੀ ਹੁਣ ਸ਼ਬਦਾਂ ਤੱਕ ਸੀਮਤ ਨਹੀਂ ਹੈ, ਇਹ ਹੁਣ ਉਨ੍ਹਾਂ ਦੇ ਕੰਮਾਂ ਤੋਂ ਸਪੱਸ਼ਟ ਹੈ।" ਔਰਤਾਂ ਦਾ ਅਪਮਾਨ ਕਰਨ ਵਾਲੇ ਕੇਂਦਰੀ ਬਲਾਂ ਤੋਂ ਲੈ ਕੇ ਭਾਜਪਾ ਉਮੀਦਵਾਰ ਪ੍ਰਣਤ ਟੁਡੂ ਦੇ ਸੁਰੱਖਿਆ ਕਰਮੀਆਂ ਵੱਲੋਂ ਵੋਟ ਪਾਉਣ ਦੀ ਉਡੀਕ ਕਰ ਰਹੀ ਔਰਤ 'ਤੇ ਸਰੀਰਕ ਤੌਰ 'ਤੇ ਹਮਲਾ ਕਰਨ ਤੱਕ, ਬੰਗਾਲ ਦੀਆਂ ਮਾਵਾਂ-ਭੈਣਾਂ 'ਤੇ ਉਨ੍ਹਾਂ ਦੇ ਹਮਲੇ ਦਿਨੋਂ-ਦਿਨ ਬੇਸ਼ਰਮੀ ਨਾਲ ਹੁੰਦੇ ਜਾ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
