LUPIN ਨੇ ਭਾਰਤ 'ਚ ਕੋਰੋਨਾ ਦੀ ਦਵਾਈ 'ਕੋਵਿਹਾਲਟ' ਲਾਂਚ, ਜਾਣੋ ਇਸ ਦੀ ਕੀਮਤ

ਫਾਰਮਾਸਿਊਟੀਕਲ ਕੰਪਨੀ ਲੂਪਿਨ ਨੇ ਕੋਵਿਡ-19 ਦੇ ਹਲਕੇ ਤੇ ਘੱਟ ਗੰਭੀਰ ਮਰੀਜ਼ਾਂ ਦਾ ਇਲਾਜ ਕਰਨ ਲਈ ਦਵਾਈ ਫੈਵੀਪੀਰਾਵੀਰ ਨੂੰ 'ਕੋਵਿਹਾਲਟ' ਬ੍ਰਾਂਡ ਨਾਂ ਨਾਲ ਲਾਂਚ ਕੀਤਾ ਹੈ।

ਨਵੀਂ ਦਿੱਲੀ: ਕੋਰੋਨਾਵਾਇਰਸ ਵੈਕਸੀਨ ਦਵਾਈ ਬਣਾਉਣ ਵਾਲੀ ਕੰਪਨੀ ਲੂਪਿਨ ਨੇ ਬੁੱਧਵਾਰ ਨੂੰ ਭਾਰਤ ਵਿੱਚ ਕੋਰੋਨਾਵਾਇਰਸ ਦੇ ਹਲਕੇ ਤੋਂ ਦਰਮਿਆਨੀ ਲੱਛਣਾਂ ਵਾਲੇ ਮਰੀਜ਼ਾਂ ਦੇ ਇਲਾਜ ਲਈ ਐਂਟੀਵਾਇਰਲ ਡਰੱਗ ਫੈਵੀਪੀਰਾਵੀਰ ਦੀ ਸ਼ੁਰੂਆਤ ਕਰਨ ਦਾ ਐਲਾਨ ਕੀਤਾ। ਕੋਵਿਹੋਲਟ ਦੇ ਨਾਂ 'ਤੇ ਜਾਰੀ ਕੀਤੀ ਇਸ ਦਵਾਈ ਦੀ ਇੱਕ ਗੋਲੀ ਦੀ ਕੀਮਤ ਭਾਰਤ ਵਿੱਚ 49 ਰੁਪਏ ਰੱਖੀ ਗਈ ਹੈ। ਦੱਸ ਦਈਏ ਕਿ ਲੂਪਿਨ ਨੇ ਇੱਕ ਰੈਗੂਲੇਟਰੀ ਫਾਈਲਿੰਗ ਵਿੱਚ ਕਿਹਾ ਕਿ ਉਸ ਨੂੰ ਫੈਵੀਪੀਰਾਵੀਰ ਦੀ ਐਮਰਜੈਂਸੀ ਵਰਤੋਂ ਲਈ ਡਰੱਗ ਕੰਟਰੋਲਰ ਜਨਰਲ ਆਫ਼ ਇੰਡੀਆ (ਡੀਸੀਜੀਆਈ) ਤੋਂ ਪ੍ਰਵਾਨਗੀ ਮਿਲੀ ਹੈ। ਕੰਪਨੀ ਮੁਤਾਬਕ ਫੈਵੀਪੀਰਾਵੀਰ 200 ਮਿਲੀਗ੍ਰਾਮ ਪ੍ਰਤੀ ਟੈਬਲੇਟ ਲਾਂਚ ਕੀਤਾ ਜਾਏਗਾ। ਇਹ 10 ਟੇਬਲੇਟਸ ਦੀ ਇੱਕ ਪੱਟੀ ਵਜੋਂ ਉਪਲਬਧ ਹੋਵੇਗੀ ਤੇ ਇਸ ਦੀ ਕੀਮਤ ਪ੍ਰਤੀ ਟੈਬਲੇਟ 49 ਰੁਪਏ ਹੋਵੇਗੀ। ਫੈਵੀਪੀਰਾਵੀਰ ਇਕੋ ਓਰਲ ਐਂਟੀ-ਵਾਇਰਲ ਡਰੱਗ ਹੈ ਜੋ ਹਲਕੇ ਤੋਂ ਦਰਮਿਆਨੀ ਕੋਰੋਨਾਵਾਇਰਸ ਵਾਲੇ ਮਰੀਜ਼ਾਂ ਦੇ ਇਲਾਜ ਲਈ ਮਨਜ਼ੂਰ ਕੀਤਾ ਗਿਆ ਹੈ। ਕੰਪਨੀ ਨੇ ਕਿਹਾ ਕਿ ਪ੍ਰਸ਼ਾਸਨ ਦੀ ਸਹੂਲਤ ਨੂੰ ਧਿਆਨ ਵਿੱਚ ਰੱਖਦਿਆਂ ਇਸ ਦੀ ਕੋਵਿਹਾਲਟ ਖੁਰਾਕ ਦੀ ਤਾਕਤ ਵਿਕਸਤ ਕੀਤੀ ਗਈ ਹੈ। ਇਸ ਤੋਂ ਪਹਿਲਾਂ 4 ਅਗਸਤ ਨੂੰ ਸਨ ਫਾਰਮਾਸਿਊਟੀਕਲ ਇੰਡਸਟਰੀਜ਼ ਨੇ 'ਫਲੁਗਾਰਡ' ਦੇ ਨਾਂ 'ਤੇ ਫੈਵੀਪੀਰਾਵੀਰ ਦੀ ਸ਼ੁਰੂਆਤ ਕੀਤੀ ਸੀ। ਭਾਰਤ ਵਿੱਚ ਫੈਵੀਪੀਰਾਵੀਰ ਦਾ ਇਹ ਸਭ ਤੋਂ ਸਸਤਾ ਵਰਜਨ ਹੈ। ਸਨ ਫਾਰਮਾ ਨੇ ਆਪਣੇ ਟੈਬਲੇਟ ਦੀ ਕੀਮਤ 35 ਰੁਪਏ ਰੱਖੀ ਹੈ। ਸਨ ਫਾਰਮਾ ਵਲੋਂ ਇਹ ਕਿਹਾ ਗਿਆ ਸੀ ਕਿ ਭਾਰਤ ਵਿੱਚ ਰੋਜ਼ਾਨਾ ਕੋਵਿਡ-19 ਦੇ 50,000 ਤੋਂ ਵੱਧ ਮਾਮਲੇ ਸਾਹਮਣੇ ਆ ਰਹੇ ਹਨ। ਡਾਕਟਰਾਂ ਨੂੰ ਉਨ੍ਹਾਂ ਦੇ ਇਲਾਜ ਲਈ ਵਧੇਰੇ ਵਿਕਲਪ ਮੁਹੱਈਆ ਕਰਨ ਦੀ ਫੌਰੀ ਲੋੜ ਹੈ। ਪੰਜਾਬੀ ‘ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ: https://play.google.com/store/apps/details?id=com.winit.starnews.hin https://apps.apple.com/in/app/abp-live-news/id811114904