Monsoon 2026 : ਮੌਨਸੂਨ ਨੂੰ ਲੈ ਕੇ ਆਈ ਵੱਡੀ ਖ਼ਬਰ ,ਇਸ ਸਾਲ ਕਦੋਂ, ਕਿੱਥੇ ਅਤੇ ਕਿੰਨੀ ਬਾਰਿਸ਼ ਹੋਵੇਗੀ ,ਪੜ੍ਹੋ ਪੂਰੀ ਜਾਣਕਾਰੀ
Monsoon 2026 : ਮੌਸਮ ਏਜੰਸੀ ਸਕਾਈਮੇਟ (Skymet) ਨੇ ਖੁਲਾਸਾ ਕੀਤਾ ਹੈ ਕਿ ਇਸ ਸਾਲ ਭਾਰਤ ਵਿੱਚ ਮੌਨਸੂਨ ਕਿਵੇਂ ਦਾ ਰਹੇਗਾ ਅਤੇ ਕਿੰਨੀ ਬਾਰਿਸ਼ ਹੋਵੇਗੀ। ਸਕਾਈਮੇਟ ਵੈਦਰ ਨੇ 2026 ਲਈ ਆਪਣੀ ਮੌਨਸੂਨ ਦੀ ਭਵਿੱਖਬਾਣੀ ਜਾਰੀ ਕੀਤੀ ਹੈ।
Monsoon 2026 : ਮੌਸਮ ਏਜੰਸੀ ਸਕਾਈਮੇਟ (Skymet) ਨੇ ਖੁਲਾਸਾ ਕੀਤਾ ਹੈ ਕਿ ਇਸ ਸਾਲ ਭਾਰਤ ਵਿੱਚ ਮੌਨਸੂਨ ਕਿਵੇਂ ਦਾ ਰਹੇਗਾ ਅਤੇ ਕਿੰਨੀ ਬਾਰਿਸ਼ ਹੋਵੇਗੀ। ਸਕਾਈਮੇਟ ਵੈਦਰ ਨੇ 2026 ਲਈ ਆਪਣੀ ਮੌਨਸੂਨ ਦੀ ਭਵਿੱਖਬਾਣੀ ਜਾਰੀ ਕੀਤੀ ਹੈ। ਇਸ ਸਾਲ ਮੌਨਸੂਨ ਆਮ ਤੋਂ ਘੱਟ ਰਹਿਣ ਦੀ ਉਮੀਦ ਹੈ। ਜੂਨ ਤੋਂ ਸਤੰਬਰ ਦੇ ਚਾਰ ਮਹੀਨਿਆਂ ਦੌਰਾਨ ਮੌਨਸੂਨ (Monsoon Update) ਲੰਬੇ ਸਮੇਂ ਦੇ ਔਸਤ 868.6 ਮਿਲੀਮੀਟਰ ਦਾ 94 ਪ੍ਰਤੀਸ਼ਤ ਹੋਣ ਦਾ ਅਨੁਮਾਨ ਹੈ, ਜਿਸ ਵਿੱਚ +/- 5 ਪ੍ਰਤੀਸ਼ਤ ਦਾ ਫਰਕ ਹੈ।
ਰੋਜ਼ਾਨਾ ਇੱਕ ਚਮਚ ਸ਼ਹਿਦ ਖਾਣ ਨਾਲ ਕੀ ਹੁੰਦਾ ਹੈ?
ਸਾਲ ਦੇ ਅੰਤ ਤੱਕ El Nino ਮਜ਼ਬੂਤ ਹੋਣ ਦੀ ਸੰਭਾਵਨਾ
ਸਕਾਈਮੇਟ ਦੇ ਅਨੁਸਾਰ ਮਾਨਸੂਨ ਦੇ 90% ਤੋਂ 95% ਸੀਮਾ ਵਿੱਚ ਰਹਿਣ ਦੀ ਉਮੀਦ ਹੈ, ਜੋ ਕਿ ਆਮ ਤੋਂ ਘੱਟ ਸ਼੍ਰੇਣੀ ਵਿੱਚ ਆਉਂਦਾ ਹੈ। ਜਨਵਰੀ 2026 ਵਿੱਚ ਵੀ ਮਾਨਸੂਨ ਦੇ ਕਮਜ਼ੋਰ ਰਹਿਣ ਦੀ ਭਵਿੱਖਬਾਣੀ ਕੀਤੀ ਗਈ ਸੀ ਅਤੇ ਇਹ ਭਵਿੱਖਬਾਣੀ ਉਹੀ ਹੈ। ਸਕਾਈਮੇਟ ਦੇ ਪ੍ਰਬੰਧ ਨਿਰਦੇਸ਼ਕ ਜਤਿਨ ਸਿੰਘ ਨੇ ਕਿਹਾ ਕਿ ਲਾ ਨੀਨਾ (La Nina) ਦੇ ਡੇਢ ਸਾਲ ਬਾਅਦ ਪ੍ਰਸ਼ਾਂਤ ਮਹਾਸਾਗਰ ਹੁਣ ਇੱਕ ENSO-ਨਿਰਪੱਖ ਸਥਿਤੀ ਵਿੱਚ ਪਹੁੰਚ ਗਿਆ ਹੈ। ਐਲ ਨੀਨੋ ਦੇ ਸ਼ੁਰੂਆਤੀ ਮਾਨਸੂਨ ਪੜਾਅ ਦੌਰਾਨ ਵਿਕਸਤ ਹੋਣ ਅਤੇ ਸਾਲ ਦੇ ਅੰਤ ਤੱਕ ਮਜ਼ਬੂਤ ਹੋਣ ਦੀ ਸੰਭਾਵਨਾ ਹੈ, ਜੋ ਮਾਨਸੂਨ ਨੂੰ ਕਮਜ਼ੋਰ ਕਰ ਸਕਦਾ ਹੈ।
ਉਨ੍ਹਾਂ ਕਿਹਾ ਕਿ ਸੀਜ਼ਨ ਦਾ ਦੂਜਾ ਅੱਧ ਹੋਰ ਵੀ ਅਨਿਯਮਿਤ ਅਤੇ ਅਸਥਿਰ ਰਹਿ ਸਕਦਾ ਹੈ। ਹਿੰਦ ਮਹਾਂਸਾਗਰ ਡਾਇਪੋਲ ਵੀ ਮਾਨਸੂਨ ਨੂੰ ਪ੍ਰਭਾਵਿਤ ਕਰ ਸਕਦਾ ਹੈ। ਇਹ ਨਿਰਪੱਖ ਜਾਂ ਥੋੜ੍ਹਾ ਪੌਜੇਟਿਵ ਹੋਣ ਦੀ ਉਮੀਦ ਹੈ, ਜਿਸ ਨਾਲ ਮਾਨਸੂਨ ਦੀ ਸ਼ੁਰੂਆਤ ਬਿਹਤਰ ਹੋ ਸਕਦੀ ਹੈ। ਹਾਲਾਂਕਿ, ਸੀਜ਼ਨ ਦੇ ਦੂਜੇ ਅੱਧ ਵਿੱਚ ਮਾਨਸੂਨ ਦੇ ਪ੍ਰਭਾਵਿਤ ਹੋਣ ਦੀ ਸੰਭਾਵਨਾ ਤੋਂ ਇੰਨਕਾਰ ਨਹੀਂ ਕੀਤਾ ਗਿਆ ਹੈ।
ਕਿਸ ਰਾਜ ਵਿੱਚ ਕਿੰਨੀ ਬਾਰਿਸ਼ ਹੋਵੇਗੀ
ਭੂਗੋਲਿਕ ਤੌਰ 'ਤੇ ਮੱਧ ਅਤੇ ਪੱਛਮੀ ਭਾਰਤ ਵਿੱਚ ਘੱਟ ਬਾਰਿਸ਼ ਹੋਣ ਦੀ ਉਮੀਦ ਹੈ। ਪੰਜਾਬ, ਹਰਿਆਣਾ ਅਤੇ ਰਾਜਸਥਾਨ ਵਿੱਚ ਆਮ ਤੋਂ ਘੱਟ ਬਾਰਿਸ਼ ਹੋ ਸਕਦੀ ਹੈ, ਖਾਸ ਕਰਕੇ ਅਗਸਤ ਅਤੇ ਸਤੰਬਰ ਵਿੱਚ। ਪੂਰਬੀ ਅਤੇ ਉੱਤਰ-ਪੂਰਬੀ ਭਾਰਤ ਵਿੱਚ ਸਥਿਤੀ ਬਿਹਤਰ ਹੋਣ ਦੀ ਉਮੀਦ ਹੈ।
ਕਦੋਂ ਕਿੰਨੀ ਬਾਰਿਸ਼ ਹੋਣ ਦੀ ਉਮੀਦ ਹੈ?
ਜੂਨ, ਜੁਲਾਈ, ਅਗਸਤ ਅਤੇ ਸਤੰਬਰ (ਜੇਜੇਏਐਸ) ਦੀ ਮਿਆਦ ਲਈ ਸਕਾਈਮੇਟ ਨੇ 0 ਪ੍ਰਤੀਸ਼ਤ , ਆਮ ਤੋਂ 10 ਪ੍ਰਤੀਸ਼ਤ ਜ਼ਿਆਦਾ , 20 ਪ੍ਰਤੀਸ਼ਤ ਆਮ , ਆਮ ਨਾਲੋਂ 40 ਪ੍ਰਤੀਸ਼ਤ ਘੱਟ ਅਤੇ 30 ਪ੍ਰਤੀਸ਼ਤ ਸੋਕਾ ਪੈਣ ਦੀ ਭਵਿੱਖਬਾਣੀ ਕੀਤੀ ਹੈ। ਮਾਸਿਕ ਆਧਾਰ 'ਤੇ ਜੂਨ ਵਿੱਚ 101 ਪ੍ਰਤੀਸ਼ਤ, ਜੁਲਾਈ 95 ਪ੍ਰਤੀਸ਼ਤ, ਅਗਸਤ 92 ਪ੍ਰਤੀਸ਼ਤ ਅਤੇ ਸਤੰਬਰ 89 ਪ੍ਰਤੀਸ਼ਤ ਬਾਰਿਸ਼ ਹੋਣ ਦੀ ਉਮੀਦ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
