ਨੈਸ਼ਨਲ ਸ਼ੂਟਿੰਗ ਚੈਂਪੀਅਨ ਕੋਨਿਕਾ ਲਾਇਕ ਨੇ ਕੀਤੀ ਖੁਦਕੁਸ਼ੀ, ਸੋਨੂੰ ਸੂਦ ਨੇ ਦਿੱਤੀ ਸੀ 3 ਲੱਖ ਦੀ ਜਰਮਨ ਰਾਈਫਲ
ਘਟਨਾ ਤੋਂ ਬਾਅਦ ਤੋਂ ਹੀ ਕੋਨਿਕਾ ਦੇ ਘਰਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਦੇਰ ਰਾਤ ਬਾਲੀ ਥਾਣਾ 'ਚ ਹੀ ਕੋਨਿਕਾ ਦਾ ਪਰਿਵਾਰ ਰੁਕਿਆ ਹੋਇਆ ਹੈ।
ਧਨਬਾਦ ਦੀ ਰਹਿਣ ਵਾਲੀ ਨੈਸ਼ਨਲ ਸ਼ੂਟਿੰਗ ਚੈਂਪੀਅਨ ਕੋਨਿਕਾ ਲਾਇਕ ਦੀ ਲਾਸ਼ ਕੋਲਕਾਤਾ ਸਥਿਤ ਉਸ ਦੇ ਹੌਸਟਲ ਦੇ ਫਲੈਟ 'ਚ ਪੱਖੇ ਨਾਲ ਲਟਕੀ ਮਿਲੀ ਹੈ। ਪਿਛਲੇ ਤਿੰਨ ਮਹੀਨਿਆਂ ਤੋਂ ਕੋਲਕਾਤਾ 'ਚ ਰਹਿ ਕੇ ਕੋਨਿਕਾ ਰਾਈਫਲ ਸ਼ੂਟਿੰਗ ਦੀ ਟ੍ਰੇਨਿੰਗ ਲੈ ਰਹੀ ਸੀ। ਬੇਟੀ ਦੀ ਮੌਤ ਦੀ ਖਬਰ ਸੁਣ ਕੇ ਧਨਬਾਦ ਦੇ ਧਨਸਾਰ 'ਚ ਰਹਿਣ ਵਾਲਾ ਪਰਿਵਾਰ ਕੋਲਕਾਤਾ ਪਹੁੰਚ ਗਿਆ ਹੈ।
ਜਾਣਕਾਰੀ ਮੁਤਾਬਕ ਬੁੱਧਵਾਰ ਸਵੇਰੇ ਹੌਸਟਲ 'ਚ ਰਹਿਣ ਵਾਲੀਆਂ ਲੜਕੀਆਂ ਨੇ ਇਸ ਦੀ ਸੂਚਨਾ ਧਨਬਾਦ ਸਥਿਤ ਕੋਨਿਕਾ ਦੇ ਘਰਵਾਲਿਆਂ ਨੂੰ ਦਿੱਤੀ। ਦੂਜੇ ਪਾਸੇ ਸਥਾਨਕ ਬਾਲੀ ਥਾਣਾ ਦੀ ਟੀਮ ਨੇ ਪਹੁੰਚ ਕੇ ਲਾਸ਼ ਨੂੰ ਆਪਣੇ ਕਬਜ਼ੇ 'ਚ ਲੈ ਕੇ ਪੋਸਟਮਾਰਟਮ ਲਈ ਭੇਜਣ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਦੇਰ ਸ਼ਾਮ ਧਨਸਾਰ ਤੋਂ ਕੋਨਿਕਾ ਦੇ ਮਾਤਾ-ਪਿਤਾ ਕੋਲਕਾਤਾ ਪਹੁੰਚ ਚੁੱਕੇ ਸੀ। ਘਟਨਾ ਤੋਂ ਬਾਅਦ ਤੋਂ ਹੀ ਕੋਨਿਕਾ ਦੇ ਘਰਵਾਲਿਆਂ ਦਾ ਰੋ-ਰੋ ਕੇ ਬੁਰਾ ਹਾਲ ਹੈ। ਦੇਰ ਰਾਤ ਬਾਲੀ ਥਾਣਾ 'ਚ ਹੀ ਕੋਨਿਕਾ ਦਾ ਪਰਿਵਾਰ ਰੁਕਿਆ ਹੋਇਆ ਹੈ। ਬੁੱਧਵਾਰ ਦੀ ਸਵੇਰ ਹੀ ਕੋਨਿਕਾ ਦੇ ਹੌਸਟਲ ਤੋਂ ਪਰਿਵਾਰ ਨੂੰ ਫੋਨ ਆਇਆ ਕਿ ਤੁਹਾਡੀ ਬੇਟੀ ਦੀ ਤਬੀਅਤ ਖਰਾਬ ਹੈ ਤੁਸੀਂ ਲੋਕ ਜਲਦੀ ਪਹੁੰਚ ਜਾਓ। ਸੂਚਨਾ ਮਿਲਦੇ ਹੀ ਪੂਰਾ ਪਰਿਵਾਰ ਸਵੇਰੇ-ਸਵੇਰੇ ਹੀ ਕੋਲਕਾਤਾ ਲਈ ਰਵਾਨਾ ਹੋ ਗਿਆ ਸੀ। ਝਾਰਖੰਡ ਨੂੰ ਮੈਡਲ ਜਿਤਾ ਚੁੱਕੀ ਕੋਨਿਕਾ ਲਾਇਕ ਉਸ ਸਮੇਂ ਚਰਚਾ 'ਚ ਆਈ ਸੀ ਜਦੋਂ ਆਧੁਨਿਕ ਰਾਈਫਲ ਖਰੀਦਣ ਲਈ ਉਸ ਨੇ ਸੋਨੂੰ ਸੂਦ ਨੂੰ ਟਵੀਟ ਕਰ ਕੇ ਮਦਦ ਮੰਗੀ ਸੀ। ਸੋਨੂ ਸੂਦ ਦੀ ਮਦਦ ਨਾਲ ਕੋਨਿਕਾ ਨੇ ਰਾਈਫਲ ਵੀ ਖਰੀਦੀ ਸੀ।
ਇਹ ਵੀ ਪੜ੍ਹੋ : Punjab News: ਕਾਂਗਰਸ 'ਚ ਹੁਣ ਛਿੜਿਆ ਪੋਸਟਰ ਵਿਵਾਦ, ਨਵਜੋਤ ਸਿੱਧੂ ਨੇ ਸੀਐਮ ਚੰਨੀ 'ਤੇ ਚੁੱਕੇ ਸਵਾਲ
ਪੰਜਾਬੀ ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਕਰੋ ਐਪ ਡਾਊਨਲੋਡ:
https://play.google.com/store/apps/details?id=com.winit.starnews.hin
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
