Nitish Kumar Tejashwi Yadav in Flight: ਜਿੱਤ ਕੇ ਵੀ ਸਹਿਮੀ ਬੀਜੇਪੀ! ਹਿਲਾ ਕੇ ਰੱਖ ਦੇਵੇਗਾ ਫਲਾਈਟ 'ਚ ਨਿਤੀਸ਼ ਕੁਮਾਰ ਤੇ ਤੇਜਸਵੀ ਯਾਦਵ ਬਾਰੇ ਖੁਲਾਸਾ
Nitish Kumar Tejashwi Yadav in Flight: ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਤੇ ਵਿਰੋਧੀ ਧਿਰ ਦੇ ਨੇਤਾ ਤੇਜਸਵੀ ਯਾਦਵ ਦੀ ਇੱਕ ਤਸਵੀਰ ਨੇ ਪਿਛਲੇ ਬੁੱਧਵਾਰ ਨੂੰ ਸਿਆਸੀ ਤਣਾਅ ਵਧਾ ਦਿੱਤਾ ਸੀ। ਤਸਵੀਰ ਵਿੱਚ ਦੇਖਿਆ ਜਾ ਰਿਹਾ ਸੀ ਕਿ ਨਿਤੀਸ਼ ਕੁਮਾਰ ਤੇ ਤੇਜਸਵੀ ਯਾਦਵ ਇੱਕ ਹੀ ਫਲਾਈਟ ਵਿੱਚ ਸਨ।
Nitish Kumar Tejashwi Yadav in Flight: ਬਿਹਾਰ ਦੇ ਮੁੱਖ ਮੰਤਰੀ ਨਿਤੀਸ਼ ਕੁਮਾਰ ਤੇ ਵਿਰੋਧੀ ਧਿਰ ਦੇ ਨੇਤਾ ਤੇਜਸਵੀ ਯਾਦਵ ਦੀ ਇੱਕ ਤਸਵੀਰ ਨੇ ਪਿਛਲੇ ਬੁੱਧਵਾਰ ਨੂੰ ਸਿਆਸੀ ਤਣਾਅ ਵਧਾ ਦਿੱਤਾ ਸੀ। ਤਸਵੀਰ ਵਿੱਚ ਦੇਖਿਆ ਜਾ ਰਿਹਾ ਸੀ ਕਿ ਨਿਤੀਸ਼ ਕੁਮਾਰ ਤੇ ਤੇਜਸਵੀ ਯਾਦਵ ਇੱਕ ਹੀ ਫਲਾਈਟ ਵਿੱਚ ਸਨ। ਦੋਵੇਂ ਬੁੱਧਵਾਰ (05 ਜੂਨ) ਨੂੰ ਪਟਨਾ ਤੋਂ ਦਿੱਲੀ ਜਾ ਰਹੇ ਸਨ। ਪਹਿਲਾਂ ਤੇਜਸਵੀ ਯਾਦਵ ਨਿਤੀਸ਼ ਕੁਮਾਰ ਦੇ ਪਿੱਛੇ ਵਾਲੀ ਸੀਟ 'ਤੇ ਬੈਠੇ ਸਨ ਤੇ ਫਿਰ ਉਹ ਮੁੱਖ ਮੰਤਰੀ ਦੇ ਕੋਲ ਬੈਠ ਗਏ। ਹੁਣ ਜੋ ਖੁਲਾਸਾ ਹੋਇਆ ਹੈ, ਉਹ ਭਾਜਪਾ ਦਾ ਤਣਾਅ ਹੋਰ ਵਧਾ ਸਕਦਾ ਹੈ।
ਵਿਰੋਧੀ ਧਿਰ ਦੇ ਨੇਤਾ ਤੇਜਸਵੀ ਯਾਦਵ ਨੇ ਖੁਦ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਇਸ ਤਸਵੀਰ ਨੂੰ ਲੈ ਕੇ ਸਾਰੀ ਕਹਾਣੀ ਦੱਸੀ ਹੈ। ਇਸ ਸਵਾਲ 'ਤੇ ਕਿ ਇੱਕ ਤਸਵੀਰ ਸਾਹਮਣੇ ਆਈ ਹੈ, ਜਿਸ 'ਚ ਦੇਖਿਆ ਜਾ ਰਿਹਾ ਹੈ ਕਿ ਤੁਸੀਂ ਨਿਤੀਸ਼ ਕੁਮਾਰ ਨਾਲ ਫਲਾਈਟ 'ਚ ਬੈਠੇ ਹੋ। ਕੀ ਹੋਇਆ ਸੀ?
ਇਸ 'ਤੇ ਤੇਜਸਵੀ ਯਾਦਵ ਨੇ ਕਿਹਾ, ਸਲਾਮ ਦੁਆ। ਫਿਰ ਨਿਤੀਸ਼ ਕੁਮਾਰ ਨੇ ਦੇਖਿਆ ਕਿ ਮੇਰੀ ਸੀਟ ਪਿਛਲੇ ਪਾਸੇ ਅਲਾਟ ਕੀਤੀ ਗਈ ਸੀ ਤਾਂ ਉਨ੍ਹਾਂ ਨੇ ਮੈਨੂੰ ਅੱਗੇ ਬੁਲਾਇਆ। ਮੈਂ ਅੱਗੇ ਚਲਾ ਗਿਆ। ਕੀ ਕੋਈ ਸਿਆਸੀ ਗੱਲ ਹੋਈ? ਇਸ 'ਤੇ ਤੇਜਸਵੀ ਯਾਦਵ ਨੇ ਕਿਹਾ ਇਹ ਸਭ ਛੱਡੋ। ਸਭ ਕੁਝ ਬਾਹਰ ਨਹੀਂ ਦੱਸਿਆ ਜਾਂਦਾ। ਤੇਜਸਵੀ ਦਾ ਇਹ ਬਿਆਨ ਭਾਜਪਾ ਦਾ ਤਣਾਅ ਵਧਾ ਸਕਦਾ ਹੈ।
ਇਹ ਵੀ ਪੜ੍ਹੋ: Barnala News: ਧਾਗੇ ਅਤੇ ਕਾਗਜ਼ ਦੀ ਫੈਕਟਰੀ 'ਚ ਲੱਗੀ ਭਿਆਨਕ ਅੱਗ, ਬੜੀ ਮੁਸ਼ਕੱਤ ਨਾਲ ਅੱਗ 'ਤੇ ਪਾਇਆ ਗਿਆ ਕਾਬੂ
ਤੇਜਸਵੀ ਯਾਦਵ ਨੂੰ ਨਿਤੀਸ਼ ਕੁਮਾਰ ਤੋਂ ਉਮੀਦ
ਬੁੱਧਵਾਰ ਸ਼ਾਮ ਨੂੰ ਮੀਡੀਆ ਨਾਲ ਗੱਲਬਾਤ ਕਰਦੇ ਹੋਏ ਤੇਜਸਵੀ ਯਾਦਵ ਨੇ ਕਿਹਾ ਕਿ ਜੋ ਵੀ ਸਰਕਾਰ ਬਣੇ, ਉਸ ਨੂੰ ਬਿਹਾਰ 'ਤੇ ਜ਼ਿਆਦਾ ਧਿਆਨ ਦੇਣਾ ਚਾਹੀਦਾ ਹੈ। ਵਿਸ਼ੇਸ਼ ਰਾਜ ਦਾ ਦਰਜਾ ਦਿੱਤਾ ਜਾਵੇ। ਜਦੋਂ ਬਿਹਾਰ ਵਿੱਚ ਮਹਾਗਠਜੋੜ ਦੀ ਸਰਕਾਰ 17 ਮਹੀਨਿਆਂ ਲਈ ਸੱਤਾ ਵਿੱਚ ਸੀ, ਅਸੀਂ ਜਾਤੀ ਅਧਾਰਤ ਜਨਗਣਨਾ ਕਰਵਾ ਕੇ ਰਾਖਵੇਂਕਰਨ ਦੀ ਸੀਮਾ ਨੂੰ ਵਧਾ ਕੇ 75 ਫੀਸਦੀ ਕਰ ਦਿੱਤਾ ਸੀ। ਇਸ ਨੂੰ 9ਵੀਂ ਸੂਚੀ ਵਿੱਚ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ। ਦੇਸ਼ ਭਰ ਵਿੱਚ ਜਾਤੀ ਜਨਗਣਨਾ ਕਰਵਾਈ ਜਾਵੇ।
ਉਨ੍ਹਾਂ ਨੇ ਕਿਹਾ ਕਿ ਜੇਕਰ ਨਿਤੀਸ਼ ਕੁਮਾਰ ਕਿੰਗ ਮੇਕਰ ਹਨ ਤਾਂ ਬਿਹਾਰ ਨੂੰ ਵਿਸ਼ੇਸ਼ ਰਾਜ ਦਾ ਦਰਜਾ ਦਿਵਾਉਣ ਲਈ ਘੱਟੋ-ਘੱਟ ਇੰਨਾ ਤਾਂ ਕਰਨਾ ਚਾਹੀਦਾ ਹੈ। ਪੂਰੇ ਦੇਸ਼ ਵਿੱਚ ਜਾਤੀ ਜਨਗਣਨਾ ਕਰਵਾਈ ਜਾਵੇ। ਬਿਹਾਰ ਵਿੱਚ ਜੋ ਰਾਖਵਾਂਕਰਨ ਵਧਾਇਆ ਗਿਆ ਹੈ, ਉਸ ਨੂੰ ਨੌਵੀਂ ਸੂਚੀ ਵਿੱਚ ਸ਼ਾਮਲ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਸਮੇਂ ਚੰਗਾ ਮੌਕਾ ਹੈ।
ਤੇਜਸਵੀ ਯਾਦਵ ਨੇ ਕਿਹਾ ਕਿ ਇਸ ਵਾਰ ਮੋਦੀ ਦਾ ਜਾਦੂ ਫੇਲ੍ਹ ਹੋ ਗਿਆ ਹੈ। ਉਹ ਬਹੁਮਤ ਤੋਂ ਦੂਰ ਹਨ। ਉਨ੍ਹਾਂ ਦੇ ਦੋ ਵੱਡੇ ਸਹਿਯੋਗੀਆਂ ਤੋਂ ਬਿਨਾਂ ਸਰਕਾਰ ਨਹੀਂ ਚੱਲ ਸਕਦੀ। ਉਨ੍ਹਾਂ ਕਿਹਾ ਕਿ ਪਿਛਲੀ ਵਾਰ (2019 ਦੀਆਂ ਚੋਣਾਂ ਵਿੱਚ) ਬਿਹਾਰ ਵਿੱਚ ਐਨਡੀਏ ਨੂੰ 39 ਸੀਟਾਂ ਮਿਲੀਆਂ ਸਨ। ਇਸ ਵਾਰ ਇਹ 30 ਮਿਲੀਆਂ ਹਨ। ਜਿਹੜੇ 400 ਪਾਰ ਕਰਨ ਦੀ ਗੱਲ ਕਰ ਰਹੇ ਸਨ, ਉਹ 240 ਤੋਂ ਪਹਿਲਾਂ ਹੀ ਦਮ ਤੋੜ ਗਏ ਗਏ।
ਇਹ ਵੀ ਪੜ੍ਹੋ: Loksabha Election result: ਮਾਇਆਵਤੀ ਨੇ ਬਣਾਈ ਮੋਦੀ ਸਰਕਾਰ! ਖੁਦ ਜ਼ੀਰੋ 'ਤੇ ਰਹਿ ਕੇ ਵੀ ਬਸਪਾ ਨੇ 16 ਸੀਟਾਂ ਬੀਜੇਪੀ ਦੀ ਝੋਲੀ ਪਾਈਆਂ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
