Plane Missing in Nepal : ਨੇਪਾਲ 'ਚ ਯਾਤਰੀ ਜਹਾਜ਼ ਲਾਪਤਾ , ਜੰਗਲ 'ਚ ਉੱਠਦਾ ਦਿਖਿਆ ਧੂੰਆਂ, ਖਰਾਬ ਮੌਸਮ ਕਾਰਨ ਬਚਾਅ ਕਾਰਜ 'ਚ ਦੇਰੀ

ਨੇਪਾਲ ਦੀ ਤਾਰਾ ਏਅਰ ਦਾ ਲਾਪਤਾ ਹੋਇਆ ਜਹਾਜ਼ ਕਰੈਸ਼ ਹੋਣ ਦੀ ਆਸ਼ੰਕਾ ਜਤਾਈ ਜਾ ਰਹੀ ਹੈ। ਮਸਤਾਂਗ ਦੇ ਲਾਰਜੰਗ ਵਿੱਚ ਇੱਕ ਜਹਾਜ਼ ਦੇ ਹਾਦਸਾਗ੍ਰਸਤ ਹੁੰਦੇ ਦੇਖਿਆ ਗਿਆ ਹੈ, ਜਿਸ ਤੋਂ ਬਾਅਦ ਬਚਾਅ ਕਾਰਜ ਸ਼ੁਰੂ ਕਰਕੇ ਇੱਕ ਹੈਲੀਕਾਪਟਰ ਨੂੰ ਮੌਕੇ 'ਤੇ ਭੇਜਿਆ

Plane Missing

Plane Missing in Nepal : ਨੇਪਾਲ ਦੀ ਤਾਰਾ ਏਅਰ ਦਾ ਲਾਪਤਾ ਹੋਇਆ ਜਹਾਜ਼ ਕਰੈਸ਼ ਹੋਣ ਦੀ ਆਸ਼ੰਕਾ ਜਤਾਈ ਜਾ ਰਹੀ ਹੈ। ਦਰਅਸਲ, ਮਸਤਾਂਗ ਦੇ ਲਾਰਜੰਗ ਵਿੱਚ ਇੱਕ ਜਹਾਜ਼ ਦੇ ਹਾਦਸਾਗ੍ਰਸਤ ਹੁੰਦੇ ਦੇਖਿਆ ਗਿਆ ਹੈ, ਜਿਸ ਤੋਂ ਬਾਅਦ ਬਚਾਅ ਕਾਰਜ ਸ਼ੁਰੂ ਕਰਕੇ ਇੱਕ ਹੈਲੀਕਾਪਟਰ ਨੂੰ ਮੌਕੇ 'ਤੇ ਭੇਜਿਆ ਗਿਆ ਪਰ ਖਰਾਬ ਮੌਸਮ ਕਾਰਨ ਹੈਲੀਕਾਪਟਰ ਨੂੰ ਰੋਕ ਦਿੱਤਾ ਗਿਆ ਅਤੇ ਫੌਜ ਅਤੇ ਪੁਲਿਸ ਦੀਆਂ ਟੀਮਾਂ ਨੂੰ ਹਾਦਸੇ ਵਾਲੀ ਥਾਂ 'ਤੇ ਭੇਜਿਆ ਗਿਆ।

 

ਪ੍ਰਾਪਤ ਜਾਣਕਾਰੀ ਅਨੁਸਾਰ ਤਾਰਾ ਏਅਰ ਵਿੱਚ ਸਵਾਰ ਇੱਕ ਯਾਤਰੀ ਕੈਪਟਨ ਵਸੰਤ ਲਾਮਾ ਜੋ ਪੇਸ਼ੇ ਤੋਂ ਪਾਇਲਟ ਹੈ ਅਤੇ ਤਾਰਾ ਏਅਰ ਦਾ ਹੀ ਜਹਾਜ਼ ਉਡਾਉਂਦੇ ਹਨ। ਉਹ ਹੀ ਜਹਾਜ਼ 'ਚ ਸਵਾਰ ਚਾਰ ਭਾਰਤੀ ਯਾਤਰੀ ਮੁੰਬਈ 'ਚ ਰਹਿਣ ਵਾਲੇ ਇਕ ਹੀ ਪਰਿਵਾਰ ਦੇ ਮੈਂਬਰ ਹਨ। ਅਧਿਕਾਰੀਆਂ ਨੇ ਦੱਸਿਆ ਕਿ ਪਿਛਲੇ ਅੱਧੇ ਘੰਟੇ ਤੋਂ ਜਹਾਜ਼ ਦਾ ਏਟੀਸੀ ਨਾਲ ਕੋਈ ਸੰਪਰਕ ਨਹੀਂ ਹੋਇਆ ਹੈ। ਜਹਾਜ਼ 10:35 ਤੱਕ ਏਟੀਸੀ ਦੇ ਸੰਪਰਕ ਵਿੱਚ ਸੀ।

 

ਧਮਾਕੇ ਦੀ ਆਵਾਜ਼ ਸੁਣਾਈ ਦਿੱਤੀ 

ਇਸ ਜਹਾਜ਼ ਨੇ ਪੋਖਰਾ ਤੋਂ ਜੋਮਸੋਮ ਲਈ ਉਡਾਣ ਭਰੀ ਸੀ। ਬਾਅਦ ਵਿੱਚ ਇਸ ਦਾ ਏਅਰ ਟ੍ਰੈਫਿਕ ਕੰਟਰੋਲ (ਏ.ਟੀ.ਸੀ.) ਨਾਲ ਸੰਪਰਕ ਟੁੱਟ ਗਿਆ। ਹੁਣ ਖ਼ਬਰ ਮਿਲੀ ਹੈ ਕਿ ਜੋਮਸੋਮ ਦੇ ਨੇੜੇ ਇੱਕ ਇਲਾਕੇ ਵਿੱਚ ਅੱਗ ਦੀਆਂ ਲਪਟਾਂ ਦੇਖੀਆਂ ਗਈਆਂ ਹਨ। ਇਸ ਦੇ ਨਾਲ ਹੀ ਜੋਮਸੋਮ ਏਅਰਪੋਰਟ ਅਥਾਰਟੀ ਨੇ ਵੀ ਜ਼ੋਰਦਾਰ ਧਮਾਕੇ ਦੀ ਆਵਾਜ਼ ਸੁਣੀ।


ਜਹਾਜ਼ ਵਿੱਚ 13 ਨੇਪਾਲੀ, 4 ਭਾਰਤੀ ਯਾਤਰੀ ਸਵਾਰ  

ਤਾਰਾ ਏਅਰ ਮੁਤਾਬਕ ਜਹਾਜ਼ 'ਚ ਚਾਲਕ ਦਲ ਸਮੇਤ ਕੁੱਲ 22 ਯਾਤਰੀ ਸਵਾਰ ਹਨ। ਇਨ੍ਹਾਂ ਵਿੱਚੋਂ 13 ਨੇਪਾਲੀ, 4 ਭਾਰਤੀ ਅਤੇ ਦੋ ਜਾਪਾਨੀ ਨਾਗਰਿਕ ਹਨ। ਚਾਲਕ ਦਲ ਦੇ ਮੈਂਬਰਾਂ ਵਿੱਚ ਜਹਾਜ਼ ਦੇ ਪਾਇਲਟ ਕੈਪਟਨ ਪ੍ਰਭਾਕਰ ਪ੍ਰਸਾਦ ਘਿਮੀਰੇ, ਕੋ-ਪਾਇਲਟ ਇਤਾਸਾ ਪੋਖਰੈਲ ਅਤੇ ਏਅਰ ਹੋਸਟੈਸ ਕਾਸਮੀ ਥਾਪਾ ਸ਼ਾਮਲ ਹਨ।