PM Modi: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸੰਦੇਸ਼ਖਲੀ ਦੀ ਪੰਜ ਪੀੜਤਾਂ ਔਰਤਾਂ ਨੂੰ ਮਿਲੇ, ਉਨ੍ਹਾਂ ਦਾ ਦਰਦ ਸੁਣ ਕੇ ਹੋਏ ਭਾਵੁਕ
Sandeshkhali Victims: ਪ੍ਰਧਾਨ ਮੰਤਰੀ ਮੋਦੀ ਪੱਛਮੀ ਬੰਗਾਲ ਦੇ ਦੌਰੇ 'ਤੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਮਹਿਲਾ ਸ਼ਕਤੀ 'ਤੇ ਅੱਤਿਆਚਾਰ ਦਾ ਵੱਡਾ ਪਾਪ ਟੀਐਮਸੀ ਦੇ ਸ਼ਾਸਨ 'ਚ ਹੋਇਆ ਹੈ। ਸੰਦੇਸ਼ਖਲੀ ਕਾਂਡ ਨਾਲ ਕਿਸੇ ਦਾ ਵੀ ਸਿਰ ਸ਼ਰਮ ਨਾਲ ਝੁਕ...
PM Modi Meet Sandeshkhali Victims: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਪੱਛਮੀ ਬੰਗਾਲ ਦੇ ਦੌਰੇ 'ਤੇ ਹਨ। ਪ੍ਰਧਾਨ ਮੰਤਰੀ ਮੋਦੀ ਨੇ ਬੁੱਧਵਾਰ (6 ਮਾਰਚ, 2024) ਨੂੰ ਸੰਦੇਸ਼ਖਲੀ ਦੀਆਂ 5 ਪੀੜਤ ਔਰਤਾਂ ਨਾਲ ਮੁਲਾਕਾਤ ਕੀਤੀ। ਇਸ ਮੁਲਾਕਾਤ ਦੌਰਾਨ ਪੀੜਤ ਔਰਤਾਂ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਆਪਣੇ ਨਾਲ ਵਾਪਰੀਆਂ ਘਟਨਾਵਾਂ ਬਾਰੇ ਦੱਸਿਆ। ਇਨ੍ਹਾਂ ਔਰਤਾਂ ਦਾ ਦਰਦ ਸੁਣ ਕੇ ਪੀਐਮ ਮੋਦੀ ਭਾਵੁਕ ਹੋ ਗਏ।
ਆਪਣੇ ਦੌਰੇ ਦੌਰਾਨ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਬੰਗਾਲ ਵਿੱਚ ਟੀਐਮਸੀ ਦੇ ਸ਼ਾਸਨ ਵਿੱਚ ਮਹਿਲਾ ਸ਼ਕਤੀ ਉੱਤੇ ਅੱਤਿਆਚਾਰ ਦਾ ਵੱਡਾ ਪਾਪ ਕੀਤਾ ਗਿਆ ਹੈ। ਸੰਦੇਸ਼ਖਲੀ ਵਿੱਚ ਜੋ ਵੀ ਹੋਇਆ, ਉਸ ਨਾਲ ਕਿਸੇ ਦਾ ਵੀ ਸਿਰ ਸ਼ਰਮ ਨਾਲ ਝੁਕ ਜਾਵੇਗਾ, ਪਰ ਇੱਥੋਂ ਦੀ ਤ੍ਰਿਣਮੂਲ ਕਾਂਗਰਸ ਸਰਕਾਰ ਨੂੰ ਤੁਹਾਡੇ ਦੁੱਖ ਦੀ ਕੋਈ ਪਰਵਾਹ ਨਹੀਂ।
ਮਮਤਾ ਸਰਕਾਰ 'ਤੇ ਹਮਲਾ ਕਰਦੇ ਹੋਏ ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਬੰਗਾਲ ਨੂੰ ਟੀ.ਐੱਮ.ਸੀ. ਦੇ ਨਾਂ 'ਤੇ ਗ੍ਰਹਿਣ ਲੱਗ ਗਿਆ ਹੈ। ਉਹ ਇਸ ਸੂਬੇ ਦੇ ਵਿਕਾਸ ਨੂੰ ਅੱਗੇ ਨਹੀਂ ਵਧਣ ਦੇ ਰਿਹਾ। ਇਸ ਲਈ, ਤੁਸੀਂ ਸਾਰੀਆਂ ਭੈਣਾਂ ਨੇ INDI ਗਠਜੋੜ ਨੂੰ ਹਰਾਉਣਾ ਹੈ ਅਤੇ ਦੇਸ਼ ਦੇ ਕੋਨੇ-ਕੋਨੇ ਵਿੱਚ ਕਮਲ ਖਿੜਾਨਾ ਹੈ।
ਇਸ ਦੌਰਾਨ ਜਨਤਾ ਨੂੰ ਸੰਬੋਧਨ ਕਰਦੇ ਹੋਏ ਪੀਐਮ ਮੋਦੀ ਆਪਣੀ ਜ਼ਿੰਦਗੀ ਦੇ ਇੱਕ ਖਾਸ ਪਹਿਲੂ ਬਾਰੇ ਦੱਸਦੇ ਹੋਏ ਭਾਵੁਕ ਹੋ ਗਏ। ਉਨ੍ਹਾਂ ਨੇ ਕਿਹਾ ਕਿ ਮੇਰੇ ਦੇਸ਼ ਦੀਆਂ ਭੈਣਾਂ ਮੋਦੀ ਦਾ ਪਰਿਵਾਰ ਹਨ। ਮੋਦੀ ਦੇ ਸਰੀਰ ਦਾ ਹਰ ਕਣ ਅਤੇ ਉਨ੍ਹਾਂ ਦੀ ਜ਼ਿੰਦਗੀ ਦਾ ਹਰ ਪਲ ਇਸ ਪਰਿਵਾਰ ਨੂੰ ਸਮਰਪਿਤ ਹੈ।
ਇਹ ਵੀ ਪੜ੍ਹੋ: Viral Video: ਗਲੀ 'ਚ ਬੱਚਿਆਂ ਨਾਲ ਕੰਚੇ ਖੇਡਦੇ ਨਜ਼ਰ ਆਏ ਰਿਸ਼ਭ ਪੰਤ, ਕ੍ਰਿਕਟਰ ਦੀ ਸਾਦਗੀ ਨੇ ਜਿੱਤ ਲਿਆ ਦਿਲ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ ਕਿ ਤੁਸ਼ਟੀਕਰਨ ਦੇ ਦਬਾਅ ਹੇਠ ਕੰਮ ਕਰਨ ਵਾਲੀ ਟੀਐਮਸੀ ਸਰਕਾਰ ਕਦੇ ਵੀ ਭੈਣਾਂ ਅਤੇ ਧੀਆਂ ਨੂੰ ਸੁਰੱਖਿਆ ਪ੍ਰਦਾਨ ਨਹੀਂ ਕਰ ਸਕਦੀ। ਦੂਜੇ ਪਾਸੇ ਭਾਜਪਾ ਦੀ ਕੇਂਦਰ ਸਰਕਾਰ ਹੈ, ਜਿਸ ਨੇ ਜਬਰ ਜਨਾਹ ਵਰਗੇ ਗੰਭੀਰ ਅਪਰਾਧਾਂ ਲਈ ਮੌਤ ਦੀ ਸਜ਼ਾ ਤੱਕ ਦੀ ਵਿਵਸਥਾ ਕੀਤੀ ਹੋਈ ਹੈ। ਇੱਕ ਮਹਿਲਾ ਹੈਲਪਲਾਈਨ ਬਣਾਈ ਗਈ ਹੈ ਤਾਂ ਜੋ ਭੈਣਾਂ ਸੰਕਟ ਦੇ ਸਮੇਂ ਵਿੱਚ ਆਸਾਨੀ ਨਾਲ ਸ਼ਿਕਾਇਤ ਕਰ ਸਕਣ, ਪਰ ਟੀਐਮਸੀ ਸਰਕਾਰ ਇੱਥੇ ਇਸ ਪ੍ਰਣਾਲੀ ਨੂੰ ਲਾਗੂ ਨਹੀਂ ਹੋਣ ਦੇ ਰਹੀ ਹੈ। ਅਜਿਹੀ ਮਹਿਲਾ ਵਿਰੋਧੀ ਟੀਐਮਸੀ ਸਰਕਾਰ ਕਦੇ ਵੀ ਔਰਤਾਂ ਦਾ ਭਲਾ ਨਹੀਂ ਕਰ ਸਕਦੀ।
ਇਹ ਵੀ ਪੜ੍ਹੋ: WhatsApp Update: ਵਟਸਐਪ ਨੇ ਬਦਲਿਆ ਆਪਣਾ ਰੰਗ, ਨਵਾਂ ਅਪਡੇਟ ਦੇਖ ਹੈਰਾਨ ਹੋਏ ਯੂਜ਼ਰ, ਕਈਆਂ ਨੇ ਕਿਹਾ ਬੇਕਾਰ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
