ਅਸਮ ਤੇ ਪੱਛਮੀ ਬੰਗਾਲ ਦੇ ਦੌਰੇ 'ਤੇ ਪੀਐਮ, ਕਈ ਯੋਜਨਾਵਾਂ ਦਾ ਰੱਖਣਗੇ ਨੀਂਹ ਪੱਥਰ

ਪੱਛਮੀ ਬੰਗਾਲ 'ਚ ਐਲਪੀਜੀ ਇੰਪੋਰਟ ਟਰਮੀਨਲ ਦਾ ਉਦਘਾਟਨ ਕਰਨਗੇ। ਇਸਦਾ ਨਿਰਮਾਣ ਕਰੀਬ 1100 ਕਰੋੜ ਰੁਪਏ ਦੇ ਨਿਵੇਸ਼ ਨਾਲ ਕੀਤਾ ਗਿਆ ਹੈ ਤੇ ਇਸ ਦੀ ਸਮਰੱਥਾ ਇਕ ਮਿਲਿਅਨ ਮੀਟ੍ਰਿਕ ਟਨ ਪ੍ਰਤੀ ਸਾਲ ਹੈ।

ਕੋਲਕਾਤਾ: ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਅੱਜ ਅਸਮ ਤੇ ਪੱਛਮੀ ਬੰਗਾਲ ਦਾ ਦੌਰਾ ਕਰਨਗੇ। ਉਹ ਅਸਮ 'ਚ ਸਵੇਰੇ ਕਰੀਬ ਪੌਣੇ 12 ਵਜੇ ਦੋ ਹਸਪਤਾਲਾਂ ਦਾ ਨੀਂਹ ਪੱਥਰ ਰੱਖਣਗੇ। ਸੋਨਿਤਪੁਰ ਜ਼ਿਲ੍ਹੇ ਦੇ ਡੇਕਿਆਜੁਲੀ 'ਚ ਸੂਬੇ ਦੇ ਰਾਜਮਾਰਗਾਂ ਤੇ ਪ੍ਰਮੁੱਖ ਜ਼ਿਲ੍ਹਾ ਸੜਕਾਂ ਲਈ ਸਮਰਪਿਤ ਇਕ ਪ੍ਰੋਗਰਾਮ 'ਅਸੋਮ ਮਾਲਾ' ਦਾ ਸ਼ੁੱਭ ਆਰੰਭ ਕਰਨਗੇ।

ਪ੍ਰਧਾਨ ਮੰਤਰੀ ਦੋ ਮੈਡੀਕਲ ਕਾਲਜਾਂ ਤੇ ਹਸਪਤਾਲਾਂ ਦਾ ਨੀਂਹ ਪੱਥਰ ਰੱਖਣਗੇ ਜੋ ਬਿਸਵਨਾਥ ਤੇ ਚਰਾਇਦੇਵ 'ਚ ਸਥਾਪਿਤ ਕੀਤੇ ਜਾ ਰਹੇ ਹਨ। ਇਸ ਯੋਜਨਾ ਦੀ ਕੁੱਲ ਅਨੁਮਾਨਤ ਲਾਗਤ 1100 ਕਰੋੜ ਰੁਪਏ ਤੋਂ ਜ਼ਿਆਦਾ ਹੈ। ਹਰ ਹਸਪਤਾਲ 'ਚ 500 ਬਿਸਤਰਿਆਂ ਦੀ ਸਮਰੱਥਾ ਤੇ ਐਮਬੀਬੀਐਸ ਦੀਆਂ 100 ਸੀਟਾਂ ਹੋਣਗੀਆਂ।

ਇਸ ਤੋਂ ਇਲਾਵਾ ਪੱਛਮੀ ਬੰਗਾਲ 'ਚ ਐਲਪੀਜੀ ਇੰਪੋਰਟ ਟਰਮੀਨਲ ਦਾ ਉਦਘਾਟਨ ਕਰਨਗੇ। ਇਸਦਾ ਨਿਰਮਾਣ ਕਰੀਬ 1100 ਕਰੋੜ ਰੁਪਏ ਦੇ ਨਿਵੇਸ਼ ਨਾਲ ਕੀਤਾ ਗਿਆ ਹੈ ਤੇ ਇਸ ਦੀ ਸਮਰੱਥਾ ਇਕ ਮਿਲਿਅਨ ਮੀਟ੍ਰਿਕ ਟਨ ਪ੍ਰਤੀ ਸਾਲ ਹੈ।

ਪੀਐਮ ਦੇ ਬੰਗਾਲ ਦੌਰੇ ਦਾ ਮਿੰਟ-ਟੂ-ਮਿੰਟ ਸ਼ੈਡਿਊਲ

ਦੁਪਹਿਰ 1:20 ਵਜੇ ਅਸਮ ਦੇ ਤੇਜਪੁਰ ਤੋਂ ਹੋਣਗੇ ਰਵਾਨਾ

ਦੁਪਹਿਰ 3:10 ਵਜੇ ਕੋਲਕਾਤਾ ਏਰਪੋਰਟ ਤੇ ਲੈਂਡਿੰਗ

ਦੁਪਹਿਰ 3:15 ਤੇ ਕੋਲਕਾਤਾ ਏਅਰਪੋਰਟ ਤੋਂ ਹੈਲੀਕੌਪਟਰ ਚ ਹਲਦਿਆ ਹੈਲੀਪੇਡ ਲਈ ਰਵਾਨਾ

ਦੁਪਹਿਰ 15:50 ਹਲਦਿਆ ਹੈਲੀਪੈਡ ਚ ਲੈਂਡਿੰਗ

ਸ਼ਾਮ 4 ਵਜੇ ਹਲਦਿਆ ਚ ਸਮਾਗਮ ਵਾਲੀ ਥਾਂ ਪਹੁੰਚਣਗੇ।

ਸ਼ਾਮ 4 ਵਜੇ ਤੋਂ ਪੌਣੇ ਪੰਜ ਤਕ ਰੈਲੀ-ਸ਼ਾਮ 4:50-5:25 ਤਕ ਹਲਦਿਆ 'ਚ ਵੱਖ-ਵੱਖ ਯੋਜਨਾਵਾਂ ਦਾ ਉਦਘਾਟਨ ਕਰਨਗੇ।

ਸ਼ਾਮ 5:35 ਵਜੇ ਹਲਦਿਆ ਹੈਲੀਪੈਡ ਪਹੁੰਚਣਗੇ ਤੇ ਸ਼ਾਮ 5:40 'ਤੇ ਕੋਲਕਾਤਾ ਲਈ ਰਵਾਨਾ

ਸ਼ਾਮ 6:20 ਤੇ ਕੋਲਕਾਤਾ ਏਅਰਪੋਰਟ ਤੋਂ ਦਿੱਲੀ ਲਈ ਰਵਾਨਾ ਹੋਣਗੇ ਤੇ ਰਾਤ 8:50 'ਤੇ ਦਿੱਲੀ ਲੈਂਡ ਹੋਣਗੇ।

ਪੰਜਾਬੀ 'ਚ ਤਾਜ਼ਾ ਖਬਰਾਂ ਪੜ੍ਹਨ ਲਈ ਏਬੀਪੀ ਸਾਂਝਾ ਦੀ ਐਪ ਹੁਣੇ ਕਰੋ ਡਾਊਨਲੋਡ