(Source: ECI/ABP News)
ਰਾਸ਼ਨ ਕਾਰਡ ਦੇ ਨਿਯਮਾਂ 'ਚ ਹੋਇਆ ਵੱਡਾ ਬਦਲਾਅ, ਆਹ ਚੀਜ਼ਾਂ ਮਿਲਣਗੀਆਂ ਘੱਟ, ਦੇਖੋ ਪੂਰੀ ਲਿਸਟ
Ration Card Rules: ਭਾਰਤ ਵਿੱਚ ਰਹਿ ਰਹੇ ਕਰੋੜਾਂ ਰਾਸ਼ਨ ਕਾਰਡ ਧਾਰਕਾਂ ਲਈ ਨਿਯਮ ਬਦਲ ਦਿੱਤੇ ਗਏ ਹਨ। ਹੁਣ ਰਾਸ਼ਨ ਕਾਰਡ 'ਤੇ ਮਿਲਣ ਵਾਲੀ ਰਾਸ਼ਨ ਦੀ ਮਾਤਰਾ ਵੀ ਬਦਲ ਗਈ ਹੈ। ਜਾਣੋ ਹੁਣ ਤੁਹਾਨੂੰ ਕਿੰਨਾ ਰਾਸ਼ਨ ਮਿਲੇਗਾ।
Ration Card Rules: ਭਾਰਤ ਸਰਕਾਰ ਦੇਸ਼ ਦੇ ਲੋਕਾਂ ਲਈ ਕਈ ਸਕੀਮਾਂ ਚਲਾਉਂਦੀ ਹੈ, ਜਿਸ ਦਾ ਲਾਭ ਦੇਸ਼ ਦੇ ਵੱਖ-ਵੱਖ ਲੋਕਾਂ ਨੂੰ ਮਿਲਦਾ ਹੈ। ਸਰਕਾਰ ਆਪਣੀਆਂ ਜ਼ਿਆਦਾਤਰ ਯੋਜਨਾਵਾਂ ਦੇਸ਼ ਦੇ ਗਰੀਬ ਅਤੇ ਲੋੜਵੰਦ ਲੋਕਾਂ ਲਈ ਲਿਆਉਂਦੀ ਹੈ। ਅੱਜ ਵੀ ਭਾਰਤ ਵਿੱਚ ਬਹੁਤ ਸਾਰੇ ਲੋਕ ਅਜਿਹੇ ਹਨ ਜਿਹੜੇ ਦੋ ਵਕਤ ਦੀ ਰੋਟੀ ਵੀ ਨਹੀਂ ਖਾ ਪਾਉਂਦੇ ਹਨ।
ਭਾਰਤ ਸਰਕਾਰ ਅਜਿਹੇ ਲੋਕਾਂ ਨੂੰ ਨੈਸ਼ਨਲ ਫੂਡ ਸਕਿਓਰਿਟੀ ਐਕਟ ਦੇ ਤਹਿਤ ਬਹੁਤ ਘੱਟ ਰੇਟ 'ਤੇ ਰਾਸ਼ਨ ਮੁਹੱਈਆ ਕਰਵਾਉਂਦੀ ਹੈ। ਇਸ ਦੇ ਲਈ ਸਰਕਾਰ ਲੋਕਾਂ ਨੂੰ ਰਾਸ਼ਨ ਕਾਰਡ ਜਾਰੀ ਕਰਦੀ ਹੈ। ਜਿਸ ਦੀ ਮਦਦ ਨਾਲ ਲੋਕ ਘੱਟ ਕੀਮਤ 'ਤੇ ਰਾਸ਼ਨ ਦੀ ਸਹੂਲਤ ਲੈ ਸਕਦੇ ਹਨ। ਖੁਰਾਕ ਵਿਭਾਗ ਨੇ ਰਾਸ਼ਨ ਕਾਰਡ 'ਤੇ ਮਿਲਣ ਵਾਲੀਆਂ ਵਸਤਾਂ 'ਚ ਬਦਲਾਅ ਕੀਤਾ ਹੈ। ਉੱਥੇ ਹੀ ਇਹ ਵੱਡਾ ਬਦਲਾਅ 1 ਜਨਵਰੀ 2025 ਤੋਂ ਹੋਵੇਗਾ।
ਹੁਣ ਰਾਸ਼ਨ ਕਾਰਡ ਧਾਰਕਾਂ ਲਈ ਬਦਲੇ ਨਿਯਮ
ਨੈਸ਼ਨਲ ਫੂਡ ਸਕਿਓਰਿਟੀ ਐਕਟ ਤਹਿਤ ਘੱਟ ਕੀਮਤ 'ਤੇ ਮਿਲਣ ਵਾਲੇ ਰਾਸ਼ਨ ਦੇ ਸਬੰਧ 'ਚ ਬਦਲਾਅ ਕੀਤੇ ਗਏ ਹਨ। ਪਹਿਲਾਂ ਦਿੱਤੇ ਜਾਣ ਵਾਲੇ ਰਾਸ਼ਨ ਦੀ ਮਾਤਰਾ ਹੁਣ ਬਦਲ ਦਿੱਤੀ ਗਈ ਹੈ। ਜੇਕਰ ਗੱਲ ਕਰੀਏ ਤਾਂ ਪਹਿਲਾਂ ਇੱਕ ਯੂਨਿਟ ਵਿੱਚ 3 ਕਿਲੋ ਚੌਲ ਅਤੇ 2 ਕਿਲੋ ਕਣਕ ਮਿਲਦੀ ਸੀ। ਹੁਣ ਇਸ ਨੂੰ ਘਟਾ ਕੇ 2 ਕਿਲੋ ਕਣਕ ਅਤੇ 2.5 ਕਿਲੋ ਚੌਲ ਯਾਨੀ ਚੌਲ ਅੱਧਾ ਕਿਲੋ ਘਟਾ ਦਿੱਤੇ ਗਏ ਹਨ।
ਤਾਂ ਉੱਥੇ ਹੀ ਅੱਧਾ ਕਿਲੋ ਕਣਕ ਵਧਾ ਦਿੱਤੀ ਗਈ ਹੈ, ਹਾਲਾਂਕਿ ਪਹਿਲਾਂ ਜਿਸ ਯੂਨਿਟ ਵਿੱਚ 5 ਕਿਲੋ ਰਾਸ਼ਨ ਮਿਲਦਾ ਸੀ, ਉਹ 5 ਕਿਲੋ ਹੀ ਹੈ। ਅੰਤੋਦਿਆ ਰਾਸ਼ਨ ਕਾਰਡ ਧਾਰਕਾਂ ਨੂੰ 35 ਕਿਲੋ ਰਾਸ਼ਨ ਮਿਲਦਾ ਹੈ ਜਿਸ ਵਿੱਚ 14 ਕਿਲੋ ਕਣਕ ਅਤੇ 21 ਕਿਲੋ ਚੌਲ ਸ਼ਾਮਲ ਹਨ। ਇਸ ਵਿੱਚ ਵੀ ਬਦਲਾਅ ਕੀਤੇ ਗਏ ਹਨ, ਹੁਣ ਅੰਤੋਦਿਆ ਕਾਰਡ ਵਿੱਚ 18 ਕਿਲੋ ਚੌਲ ਅਤੇ 17 ਕਿਲੋ ਕਣਕ ਦਿੱਤੀ ਜਾਵੇਗੀ। ਹਾਲਾਂਕਿ ਰਾਸ਼ਨ ਦੀ ਮਾਤਰਾ ਪਹਿਲਾਂ ਵਾਂਗ ਹੀ ਰਹਿੰਦੀ ਹੈ। ਪਰ ਚੌਲ ਘਟਾ ਕੇ ਕਣਕ ਵਧਾ ਦਿੱਤੀ ਗਈ ਹੈ। ਇਹ ਨਿਯਮ 1 ਨਵੰਬਰ ਤੋਂ ਲਾਗੂ ਹੋ ਗਏ ਹਨ।
1 ਜਨਵਰੀ ਤੋਂ ਪਹਿਲਾਂ ਈ-ਕੇਵਾਈਸੀ ਜ਼ਰੂਰੀ
ਖੁਰਾਕ ਵਿਭਾਗ ਨੇ ਕੇਵਾਈਸੀ ਕਰਵਾਉਣ ਸਬੰਧੀ ਸਾਰੇ ਰਾਸ਼ਨ ਕਾਰਡ ਧਾਰਕਾਂ ਨੂੰ ਸੂਚਨਾ ਜਾਰੀ ਕਰ ਦਿੱਤੀ ਹੈ। ਸਾਰੇ ਰਾਸ਼ਨ ਕਾਰਡ ਧਾਰਕਾਂ ਲਈ ਈ-ਕੇਵਾਈਸੀ ਕਰਵਾਉਣਾ ਲਾਜ਼ਮੀ ਹੈ। ਜਿਹੜੇ ਰਾਸ਼ਨ ਕਾਰਡ ਧਾਰਕ ਈ-ਕੇਵਾਈਸੀ ਨਹੀਂ ਕਰਵਾਉਂਦੇ, ਉਨ੍ਹਾਂ ਦੇ ਰਾਸ਼ਨ ਕਾਰਡ ਰੱਦ ਕਰ ਦਿੱਤੇ ਜਾਣਗੇ, ਕਿਰਪਾ ਕਰਕੇ ਧਿਆਨ ਦਿਓ ਕਿ ਸਰਕਾਰ ਨੇ ਇਸ ਲਈ ਪਹਿਲਾਂ 1 ਅਕਤੂਬਰ ਤੱਕ ਦੀ ਸਮਾਂ ਸੀਮਾ ਦਿੱਤੀ ਸੀ, ਜਿਸ ਨੂੰ ਬਾਅਦ ਵਿੱਚ 1 ਨਵੰਬਰ ਤੱਕ ਵਧਾ ਦਿੱਤਾ ਗਿਆ ਸੀ। ਇਸ ਲਈ ਹੁਣ ਇਹ ਸਮਾਂ ਸੀਮਾ 1 ਦਸੰਬਰ ਤੱਕ ਹੈ, ਯਾਨੀ ਸਾਰੇ ਰਾਸ਼ਨ ਕਾਰਡ ਧਾਰਕਾਂ ਨੂੰ 1 ਜਨਵਰੀ 2025 ਤੋਂ ਪਹਿਲਾਂ ਰਾਸ਼ਨ ਕਾਰਡ ਦੀ ਕੇਵਾਈਸੀ ਕਰਵਾਉਣੀ ਪਵੇਗੀ। ਨਹੀਂ ਤਾਂ ਉਨ੍ਹਾਂ ਨੂੰ ਮੁਫਤ ਰਾਸ਼ਨ ਅਤੇ ਘੱਟ ਕੀਮਤ ਵਾਲੇ ਰਾਸ਼ਨ ਦੀ ਸਹੂਲਤ ਮਿਲਣੀ ਬੰਦ ਹੋ ਜਾਵੇਗੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
