Shraddha Murder Case : ਆਫਤਾਬ ਦਾ ਪੋਲੀਗ੍ਰਾਫ਼ ਟੈਸਟ ਸ਼ੁਰੂ, ਲਾਸ਼ ਦੇ ਕੁਝ ਹੋਰ ਟੁਕੜੇ ਬਰਾਮਦ , ਸ਼ਰਧਾ ਮਰਡਰ ਕੇਸ ਨਾਲ ਜੁੜੀਆਂ 10 ਵੱਡੀਆਂ ਗੱਲਾਂ

Shraddha Murder Case : ਸ਼ਰਧਾ ਵਾਕਰ ਕਤਲ ਕੇਸ ਦੇ ਮੁਲਜ਼ਮ ਆਫਤਾਬ ਦੇ ਪੋਲੀਗ੍ਰਾਫ਼ ਟੈਸਟ ਦੀ ਪ੍ਰਕਿਰਿਆ ਅੱਜ ਪੂਰੀ ਹੋਣ ਦੀ ਸੰਭਾਵਨਾ ਹੈ। ਸੂਤਰਾਂ ਅਨੁਸਾਰ ਪੋਲੀਗ੍ਰਾਫ਼ ਟੈਸਟ ਤੋਂ ਪਹਿਲਾਂ ਦੀ ਪ੍ਰਕਿਰਿਆ ਪੂਰੀ ਹੋ ਚੁੱਕੀ ਹੈ।

Aftab

Shraddha Murder Case : ਸ਼ਰਧਾ ਵਾਕਰ ਕਤਲ ਕੇਸ ਦੇ ਮੁਲਜ਼ਮ ਆਫਤਾਬ ਦੇ ਪੋਲੀਗ੍ਰਾਫ਼ ਟੈਸਟ ਦੀ ਪ੍ਰਕਿਰਿਆ ਅੱਜ ਪੂਰੀ ਹੋਣ ਦੀ ਸੰਭਾਵਨਾ ਹੈ। ਸੂਤਰਾਂ ਅਨੁਸਾਰ ਪੋਲੀਗ੍ਰਾਫ਼ ਟੈਸਟ ਤੋਂ ਪਹਿਲਾਂ ਦੀ ਪ੍ਰਕਿਰਿਆ ਪੂਰੀ ਹੋ ਚੁੱਕੀ ਹੈ। ਇਸ ਦੇ ਨਾਲ ਹੀ ਪੁਲਿਸ ਨੂੰ ਆਫਤਾਬ ਦੀ ਨਿਸ਼ਾਨਦੇਹੀ 'ਤੇ ਲਾਸ਼ ਦੇ ਕੁਝ ਹੋਰ ਟੁਕੜੇ ਮਿਲੇ ਹਨ। ਇਨ੍ਹਾਂ ਟੁਕੜਿਆਂ ਨੂੰ ਜਾਂਚ ਲਈ ਭੇਜ ਦਿੱਤਾ ਗਿਆ ਹੈ। ਰਿਪੋਰਟਾਂ ਮੁਤਾਬਕ ਇਨ੍ਹਾਂ ਟੁਕੜਿਆਂ ਵਿੱਚ ਜਬਾੜਾ ਵੀ ਮਿਲਿਆ ਹੈ।

ਦਰਅਸਲ, ਮੰਗਲਵਾਰ 22 ਨਵੰਬਰ ਦੀ ਸ਼ਾਮ ਨੂੰ ਦਿੱਲੀ ਪੁਲਿਸ ਆਫਤਾਬ ਨੂੰ ਫੋਰੈਂਸਿਕ ਸਾਇੰਸ ਲੈਬ ਲੈ ਗਈ ਸੀ ,ਜਿੱਥੋਂ ਉਸ ਨੂੰ ਰੋਹਿਣੀ ਦੇ ਅੰਬੇਡਕਰ ਹਸਪਤਾਲ ਲਿਜਾਇਆ ਗਿਆ ਸੀ। ਅੰਬੇਡਕਰ ਹਸਪਤਾਲ 'ਚ ਕਰੀਬ 15 ਮਿੰਟ ਰੁਕਣ ਤੋਂ ਬਾਅਦ ਆਫਤਾਬ ਦਾ ਪ੍ਰੀ-ਪੌਲੀਗ੍ਰਾਫ ਟੈਸਟ ਸ਼ੁਰੂ ਕੀਤਾ ਗਿਆ।

ਆਓ ਜਾਣਦੇ ਹਾਂ ਮਾਮਲੇ ਦੀਆਂ ਹੁਣ ਤੱਕ ਦੀਆਂ 10 ਵੱਡੀਆਂ ਗੱਲਾਂ...

ਐਫਐਸਐਲ ਅਧਿਕਾਰੀਆਂ ਨੇ ਦੱਸਿਆ ਕਿ ਆਫਤਾਬ ਦੇ ਪੋਲੀਗ੍ਰਾਫੀ ਟੈਸਟ ਲਈ ਪ੍ਰੀ-ਮੈਡ ਸੈਸ਼ਨ ਅਤੇ ਵਿਗਿਆਨਕ ਸੈਸ਼ਨ ਹੋਏ ਹਨ।

ਦਿੱਲੀ ਦੀ ਫੋਰੈਂਸਿਕ ਸਾਇੰਸ ਲੈਬ ਵਿੱਚ ਆਫਤਾਬ ਦੇ ਟੈਸਟ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ, FSL ਦੇ ​​ਐਡੀਸ਼ਨਲ ਡਾਇਰੈਕਟਰ ਸੰਜੀਵ ਗੁਪਤਾ ਨੇ ਦਾਅਵਾ ਕੀਤਾ ਕਿ ਟੈਸਟ ਨੂੰ ਪੂਰਾ ਕਰਨ ਵਿੱਚ ਇੱਕ ਹਫ਼ਤਾ ਲੱਗ ਸਕਦਾ ਹੈ।

ਦਿੱਲੀ ਪੁਲਿਸ ਨੇ ਮੁਲਜ਼ਮ ਆਫਤਾਬ ਦਾ 4 ਦਿਨ ਦਾ ਹੋਰ ਰਿਮਾਂਡ ਹਾਸਲ ਕੀਤਾ ਹੈ। ਪੁਲਸ ਨੇ ਦੱਸਿਆ ਕਿ ਆਫਤਾਬ ਤੋਂ ਅਜੇ ਪੁੱਛਗਿੱਛ ਹੋਣੀ ਬਾਕੀ ਹੈ। ਆਫਤਾਬ ਦੀ ਨਿਸ਼ਾਨਦੇਹੀ 'ਤੇ ਸਰੀਰ ਦੇ ਕੁਝ ਹੋਰ ਅੰਗ ਅਤੇ ਹਥਿਆਰ ਬਰਾਮਦ ਕੀਤੇ ਜਾਣੇ ਹਨ।

ਦਿੱਲੀ ਪੁਲਿਸ ਹੁਣ ਤੱਕ ਮਹਿਰੌਲੀ ਅਤੇ ਛਤਰਪੁਰ ਦੇ ਜੰਗਲਾਂ ਵਿੱਚੋਂ 18 ਹੱਡੀਆਂ ਬਰਾਮਦ ਕਰ ਚੁੱਕੀ ਹੈ। ਇਸ ਵਿੱਚ ਇੱਕ ਜਬਾੜਾ ਵੀ ਮਿਲਿਆ ਹੈ। ਫੋਰੈਂਸਿਕ ਲੈਬ 'ਚ ਜਾਂਚ ਤੋਂ ਬਾਅਦ ਹੀ ਸਪੱਸ਼ਟ ਹੋਵੇਗਾ ਕਿ ਇਹ ਟੁਕੜੇ ਸ਼ਰਧਾ ਦੇ ਸਰੀਰ ਦੇ ਹਨ ਜਾਂ ਨਹੀਂ।

20 ਨਵੰਬਰ ਨੂੰ ਆਫਤਾਬ ਦੀ ਨਿਸ਼ਾਨਦੇਹੀ 'ਤੇ ਪੁਲਸ ਨੇ ਸ਼ਰਧਾ ਦਾ ਜਬਾੜਾ ਬਰਾਮਦ ਕੀਤਾ ਸੀ। ਸੀਐਫਐਸਐਲ ਟੀਮ ਨੂੰ ਵੀ ਮੌਕੇ ’ਤੇ ਜਾਂਚ ਲਈ ਬੁਲਾਇਆ ਗਿਆ।

ਪੁਲਿਸ ਨੂੰ ਆਫਤਾਬ ਦੇ ਘਰ ਤੋਂ ਨਕਸ਼ਾ ਮਿਲਿਆ ਹੈ। ਨਕਸ਼ੇ ਤੋਂ ਸ਼ਰਧਾ ਮਾਮਲੇ 'ਚ ਪੁਲਸ ਨੂੰ ਖਾਸ ਮਦਦ ਮਿਲ ਸਕਦੀ ਹੈ। ਆਫਤਾਬ ਨੇ ਨਕਸ਼ੇ 'ਤੇ ਉਨ੍ਹਾਂ ਥਾਵਾਂ ਦਾ ਜ਼ਿਕਰ ਕੀਤਾ ਹੈ ਜਿੱਥੇ ਸ਼ਰਧਾ ਦੇ ਸਰੀਰ ਦੇ ਅੰਗ ਰੱਖੇ ਗਏ ਸਨ।

22 ਨਵੰਬਰ ਨੂੰ ਆਫਤਾਬ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਸੀ ,ਜਿਸ ਵਿੱਚ ਦੋਸ਼ੀ ਆਫਤਾਬ ਫੋਰੈਂਸਿਕ ਸਾਇੰਸ ਲੈਬਾਰਟਰੀ ਦਫਤਰ ਦੇ ਅੰਦਰ ਖੜ੍ਹੇ ਇੱਕ ਅਧਿਕਾਰੀ ਨਾਲ ਗੱਲ ਕਰਦਾ ਨਜ਼ਰ ਆ ਰਿਹਾ ਹੈ। ਇਸ ਦੌਰਾਨ ਆਫਤਾਬ ਦੀ ਬਾਡੀ ਲੈਂਗਵੇਜ ਨਿਡਰ ਨਜ਼ਰ ਆਈ, ਜਿਸ ਕਾਰਨ ਹਰ ਕੋਈ ਹੈਰਾਨ ਅਤੇ ਪਰੇਸ਼ਾਨ ਹੈ।

ਦਿੱਲੀ ਪੁਲਸ ਨੇ ਮੰਗਲਵਾਰ ਨੂੰ ਮਹਾਰਾਸ਼ਟਰ ਦੇ ਪਾਲਘਰ ਜ਼ਿਲੇ ਦੀ ਵਸਈ ਕ੍ਰਾਈਮ ਬ੍ਰਾਂਚ 'ਚ ਦੋਸ਼ੀ ਆਫਤਾਬ ਦੇ 3 ਦੋਸਤਾਂ ਦੇ ਬਿਆਨ ਦਰਜ ਕੀਤੇ। ਦਿੱਲੀ ਪੁਲਿਸ ਹੁਣ ਤੱਕ 17 ਲੋਕਾਂ ਦੇ ਬਿਆਨ ਦਰਜ ਕਰ ਚੁੱਕੀ ਹੈ।

ਆਫਤਾਬ ਨੂੰ 22 ਨਵੰਬਰ ਨੂੰ ਵੀਡੀਓ ਕਾਨਫਰੰਸਿੰਗ ਰਾਹੀਂ ਸਾਕੇਤ ਅਦਾਲਤ 'ਚ ਪੇਸ਼ ਕੀਤਾ ਗਿਆ, ਜਿੱਥੇ ਉਸ ਨੇ ਆਪਣਾ ਗੁਨਾਹ ਕਬੂਲ ਕਰਦਿਆਂ ਕਿਹਾ ਕਿ ਉਸ ਨੇ ਗੁੱਸੇ 'ਚ ਸ਼ਰਧਾ ਦਾ ਕਤਲ ਕੀਤਾ ਸੀ। ਉਨ੍ਹਾਂ ਇਹ ਵੀ ਕਿਹਾ ਕਿ ਹੁਣ ਉਹ ਜਾਂਚ ਵਿੱਚ ਪੁਲਿਸ ਦੀ ਪੂਰੀ ਮਦਦ ਕਰ ਰਹੇ ਹਨ।

ਆਫਤਾਬ ਨੇ ਕਿਹਾ, "ਮੈਂ ਪੁਲਿਸ ਨੂੰ ਦੱਸ ਦਿੱਤਾ ਹੈ ਕਿ ਸ਼ਰਧਾ ਦੀ ਲਾਸ਼ ਦੇ ਟੁਕੜੇ ਕਿੱਥੇ ਸੁੱਟੇ ਗਏ ਸਨ। ਹੁਣ ਇੰਨਾ ਸਮਾਂ ਬੀਤ ਗਿਆ ਹੈ ਕਿ ਮੈਂ ਬਹੁਤ ਕੁਝ ਭੁੱਲ ਗਿਆ ਹਾਂ"। ਉਨ੍ਹਾਂ ਕਿਹਾ ਕਿ ਜੋ ਵੀ ਹੋਇਆ ਹੈ ਗਲਤੀ ਨਾਲ ਹੋਇਆ ਹੈ। ਗੁੱਸੇ ਵਿੱਚ ਮਾਰ ਦਿੱਤਾ। ਉਸਨੇ ਸਾਰੇ ਸਵਾਲਾਂ ਦੇ ਜਵਾਬ ਅੰਗਰੇਜ਼ੀ ਵਿੱਚ ਹੀ ਦਿੱਤੇ। ਪੁਲਿਸ ਦੀ ਪੁੱਛਗਿੱਛ ਵਿੱਚ ਉਹ ਅੰਗਰੇਜ਼ੀ ਵਿੱਚ ਹੀ ਸਵਾਲਾਂ ਦੇ ਜਵਾਬ ਦਿੰਦਾ ਹੈ।