ਸਪਾਈਸਜੈੱਟ ਦਾ ਐਲਾਨ - 22 ਜੁਲਾਈ ਤੋਂ 24 ਘੰਟਿਆਂ 'ਚ 2 ਵਾਰ ਉਡਾਣ ਭਰੇਗੀ ਫਲਾਈਟ
ਅੰਮ੍ਰਿਤਸਰ ਤੋਂ ਫਲਾਈਟ ਸਵੇਰੇ 11 ਵਜੇ ਟੇਕ ਆਫ ਕਰੇਗੀ ਅਤੇ 2 ਘੰਟੇ 25 ਮਿੰਟ ਦੇ ਸਫਰ ਤੋਂ ਬਾਅਦ 1.25 ਵਜੇ ਅਹਿਮਦਾਬਾਦ 'ਚ ਲੈਂਡ ਕਰੇਗੀ। ਅੰਮ੍ਰਿਤਸਰ ਤੋਂ ਦੂਜੀ ਉਡਾਣ ਰਾਤ 10 ਵਜੇ ਉਡਾਣ ਭਰੇਗੀ ਅਤੇ 12.20 ਵਜੇ ਅਹਿਮਦਾਬਾਦ ਪਹੁੰਚੇਗੀ।
ਚੰਡੀਗੜ੍ਹ : ਸਪਾਈਸਜੈੱਟ ਨੇ 27 ਮਾਰਚ 2022 ਤੋਂ ਅੰਮ੍ਰਿਤਸਰ-ਅਹਿਮਦਾਬਾਦ ਵਿਚਕਾਰ ਪਹਿਲੀ ਸਿੱਧੀ ਉਡਾਣ ਸ਼ੁਰੂ ਕੀਤੀ। ਇਸ ਉਡਾਣ ਨਾਲ ਜਿੱਥੇ ਦੋਵਾਂ ਸ਼ਹਿਰਾਂ ਵਿਚਾਲੇ ਸੈਰ-ਸਪਾਟੇ ਨੂੰ ਹੁਲਾਰਾ ਮਿਲਿਆ। ਉਥੇ ਵਪਾਰੀ ਵਰਗ ਨੂੰ ਵੀ ਕਾਫੀ ਫਾਇਦਾ ਹੋਇਆ। ਸਪਾਈਸਜੈੱਟ ਵੱਲੋਂ ਇਸ ਉਡਾਣ ਨੂੰ ਮਿਲੇ ਚੰਗੇ ਹੁੰਗਾਰੇ ਤੋਂ ਬਾਅਦ ਹੁਣ ਸਪਾਈਸਜੈੱਟ ਨੇ 22 ਜੁਲਾਈ ਤੋਂ ਦਿਨ ਵਿੱਚ ਦੋ ਵਾਰ ਉਡਾਣ ਭਰਨ ਦਾ ਫੈਸਲਾ ਕੀਤਾ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ ਅੰਮ੍ਰਿਤਸਰ ਤੋਂ ਫਲਾਈਟ ਸਵੇਰੇ 11 ਵਜੇ ਟੇਕ ਆਫ ਕਰੇਗੀ ਅਤੇ 2 ਘੰਟੇ 25 ਮਿੰਟ ਦੇ ਸਫਰ ਤੋਂ ਬਾਅਦ 1.25 ਵਜੇ ਅਹਿਮਦਾਬਾਦ 'ਚ ਲੈਂਡ ਕਰੇਗੀ। ਅੰਮ੍ਰਿਤਸਰ ਤੋਂ ਦੂਜੀ ਉਡਾਣ ਰਾਤ 10 ਵਜੇ ਉਡਾਣ ਭਰੇਗੀ ਅਤੇ 12.20 ਵਜੇ ਅਹਿਮਦਾਬਾਦ ਪਹੁੰਚੇਗੀ। ਅਹਿਮਦਾਬਾਦ ਤੋਂ ਅੰਮ੍ਰਿਤਸਰ ਦੀਆਂ ਦੋਵੇਂ ਉਡਾਣਾਂ ਸ਼ਾਮ ਨੂੰ ਹਨ। ਅਹਿਮਦਾਬਾਦ ਤੋਂ ਸ਼ਾਮ 4.30 ਵਜੇ ਉਡਾਣ ਭਰੇਗੀ, ਜੋ ਸ਼ਾਮ 6.50 ਵਜੇ ਅੰਮ੍ਰਿਤਸਰ ਲੈਂਡ ਕਰੇਗੀ। ਦੂਜੀ ਉਡਾਣ ਸ਼ਾਮ 7.10 ਵਜੇ ਉਡਾਣ ਭਰੇਗੀ ਅਤੇ ਰਾਤ 9.35 ਵਜੇ ਅੰਮ੍ਰਿਤਸਰ ਉਤਰੇਗੀ।
6 ਹਜ਼ਾਰ 'ਚ ਫਲਾਈਟ ਪਹੁੰਚਣਗੀਆਂ ਅਹਿਮਦਾਬਾਦ
ਸਪਾਈਸਜੈੱਟ ਦੀ ਇਹ ਫਲਾਈਟ ਅੰਮ੍ਰਿਤਸਰ ਤੋਂ ਅਹਿਮਦਾਬਾਦ ਤੱਕ ਕਰੀਬ 6 ਹਜ਼ਾਰ ਰੁਪਏ ਵਿੱਚ ਸਫਰ ਕਰੇਗੀ। ਇੰਨਾ ਹੀ ਨਹੀਂ, ਸਪਾਈਸਜੈੱਟ ਨੇ ਯਾਤਰੀਆਂ ਲਈ De Havilland-Bombardier Dash-8 SG-3724 ਫਲਾਈਟ ਦੀ ਚੋਣ ਕੀਤੀ ਹੈ, ਜਿਸ 'ਚ ਇੱਕੋ ਸਮੇਂ 50 ਯਾਤਰੀ ਸਫਰ ਕਰ ਸਕਦੇ ਹਨ।
ਕੱਪੜਾ ਵਪਾਰੀਆਂ ਲਈ ਲਾਭਦਾਇਕ ਉਡਾਣਾਂ
ਗੁਰੂ ਨਗਰੀ ਕੱਪੜਾ ਵਪਾਰ ਲਈ ਜਾਣੀ ਜਾਂਦੀ ਹੈ। ਹੁਣ ਵੀ ਅੰਮ੍ਰਿਤਸਰ ਵਿੱਚ ਕੱਪੜੇ ਦੇ ਵਪਾਰ ਵਿੱਚ ਗੁਜਰਾਤ ਦਾ ਅਹਿਮ ਯੋਗਦਾਨ ਹੈ, ਜਿਸ ਕਾਰਨ ਵਪਾਰੀ ਰੋਜ਼ਾਨਾ ਅੰਮ੍ਰਿਤਸਰ-ਗੁਜਰਾਤ ਵਿਚਕਾਰ ਸਫ਼ਰ ਕਰਦੇ ਹਨ। ਜਦੋਂ ਕਿ ਰੇਲਗੱਡੀ ਵਿੱਚ ਇਹ ਸਫ਼ਰ ਇੱਕ ਦਿਨ ਤੋਂ ਵੱਧ ਹੁੰਦਾ ਹੈ, ਪਰ ਫਲਾਈਟ ਦੁਆਰਾ ਇਹ ਸਿਰਫ 2 ਘੰਟੇ ਅਤੇ 25 ਮਿੰਟ ਤੱਕ ਘੱਟ ਜਾਂਦਾ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
