Telangana Election : PM ਮੋਦੀ 'ਤੇ ਸੀਐਮ ਚੰਦਰਸ਼ੇਖਰ ਰਾਓ ਦੀ ਬੇਟੀ ਕਵਿਤਾ 'ਤੇ ਸਾਧਿਆ ਨਿਸ਼ਾਨਾ, ਕਿਹਾ- ਮੋਦੀ ਹੈ ਤਾਂ ਮੁਸ਼ਕਿਲ ਹੈ

ਤੇਲੰਗਾਨਾ ਵਿੱਚ ਸਾਲ 2023 ਵਿੱਚ ਰਾਜ ਵਿਧਾਨ ਸਭਾ ਚੋਣਾਂ (Assembly Election) ਪ੍ਰਸਤਾਵਿਤ ਹਨ ਪਰ ਮਈ 2022 ਵਿੱਚ ਹੀ ਚੋਣ ਸਰਗਰਮੀਆਂ ਅਤੇ ਅੰਦੋਲਨ ਨੂੰ ਸਪੱਸ਼ਟ ਤੌਰ 'ਤੇ ਤੇਜ਼ ਦੇਖਿਆ ਜਾ ਸਕਦਾ ਹੈ।

Telangana Election

Telangana Election : ਤੇਲੰਗਾਨਾ ਵਿੱਚ ਸਾਲ 2023 ਵਿੱਚ ਰਾਜ ਵਿਧਾਨ ਸਭਾ ਚੋਣਾਂ (Assembly Election) ਪ੍ਰਸਤਾਵਿਤ ਹਨ ਪਰ ਮਈ 2022 ਵਿੱਚ ਹੀ ਚੋਣ ਸਰਗਰਮੀਆਂ ਅਤੇ ਅੰਦੋਲਨ ਨੂੰ ਸਪੱਸ਼ਟ ਤੌਰ 'ਤੇ ਤੇਜ਼ ਦੇਖਿਆ ਜਾ ਸਕਦਾ ਹੈ। ਇਸ ਸਿਲਸਿਲੇ 'ਚ ਸੱਤਾਧਾਰੀ ਤੇਲੰਗਾਨਾ ਰਾਸ਼ਟਰ ਸਮਿਤੀ (TRS) ਇਨ੍ਹੀਂ ਦਿਨੀਂ ਭਾਜਪਾ (BJP) 'ਤੇ ਹਮਲਾਵਰ ਹੈ। ਸੀਐਮ ਕੇਸੀ ਰਾਓ ਦੀ ਧੀ ਐਮਐਲਸੀ ਕੇ ਕਵਿਤਾ (Kavitha Kalvakuntla) ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਹਮਲਾ ਸਾਧਿਆ ਹੈ।

ਦੇਸ਼ 'ਚ ਵਧਦੀ ਮਹਿੰਗਾਈ 'ਤੇ ਨਿਸ਼ਾਨਾ ਸਾਧਦੇ ਹੋਏ ਕਵਿਤਾ ਨੇ ਕਿਹਾ ਕਿ ਮੋਦੀ ਹੈ ਤਾਂ ਮੁਸ਼ਕਿਲ ਹੈ। ਉਨ੍ਹਾਂ ਕਿਹਾ ਕਿ ਅੱਜ ਜੀਡੀਪੀ ਨਰਕ ਵਿੱਚ ਹੈ, ਮਹਿੰਗਾਈ ਅਸਮਾਨ ਵਿੱਚ ਹੈ। ਪੈਟਰੋਲ, ਗੈਸ ਸਿਲੰਡਰ, ਡੀਜ਼ਲ ਦੀਆਂ ਕੀਮਤਾਂ ਅਸਮਾਨ ਨੂੰ ਛੂਹ ਰਹੀਆਂ ਹਨ ਅਤੇ ਆਮ ਆਦਮੀ ਦੀ ਆਮਦਨ ਪਾਤਾਲ ਹੈ। ਇਸ ਲਈ ਮੈਂ ਕਹਿੰਦੀ ਹਾਂ ਕਿ ਮੋਦੀ ਹੈ ਤਾਂ ਮੁਸ਼ਕਿਲ ਹੈ।

ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨੇ ਤੇਲੰਗਾਨਾ ਦੌਰੇ ਦੌਰਾਨ TRS 'ਤੇ ਕੀ ਕਿਹਾ?

ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਕੇਂਦਰੀ ਗ੍ਰਹਿ ਮੰਤਰੀ ਅਤੇ ਭਾਜਪਾ ਨੇਤਾ ਅਮਿਤ ਸ਼ਾਹ ਨੇ ਸ਼ਨੀਵਾਰ ਨੂੰ ਕਥਿਤ ਭ੍ਰਿਸ਼ਟਾਚਾਰ ਨੂੰ ਲੈ ਕੇ ਸੂਬੇ ਦੀ ਟੀਆਰਐਸ ਸਰਕਾਰ ਨੂੰ ਘੇਰਿਆ ਸੀ। ਸ਼ਾਹ ਨੇ ਸੀਐਮ ਰਾਓ 'ਤੇ ਚੋਣ ਵਾਅਦੇ ਪੂਰੇ ਨਾ ਕਰਨ ਦਾ ਦੋਸ਼ ਲਾਇਆ ਸੀ। ਉਨ੍ਹਾਂ ਕਿਹਾ ਕਿ ਚੰਦਰਸ਼ੇਖਰ ਰਾਓ ਤੇਲੰਗਾਨਾ ਨੂੰ ਬੰਗਾਲ ਬਣਾਉਣਾ ਚਾਹੁੰਦੇ ਹਨ। ਉਨ੍ਹਾਂ ਵਾਅਦਾ ਕੀਤਾ ਕਿ ਜੇਕਰ ਭਾਜਪਾ ਸੱਤਾ ਵਿੱਚ ਆਉਂਦੀ ਹੈ ਤਾਂ ਉਹ ਘੱਟ ਗਿਣਤੀ ਰਾਖਵਾਂਕਰਨ ਖ਼ਤਮ ਕਰ ਦੇਣਗੇ। ਇਸ ਦੇ ਨਾਲ ਹੀ ਸ਼ਾਹ ਨੇ ਅਗਲੇ ਸਾਲ ਹੋਣ ਵਾਲੀਆਂ ਚੋਣਾਂ ਲਈ ਭਾਜਪਾ ਦੇ ਪੂਰੀ ਤਰ੍ਹਾਂ ਤਿਆਰ ਹੋਣ ਦੀ ਗੱਲ ਕੀਤੀ ਸੀ ਅਤੇ ਤੇਲੰਗਾਨਾ ਦੇ ਲੋਕਾਂ ਨੂੰ ਹੈਦਰਾਬਾਦ ਦੇ ਨਿਜ਼ਾਮ (ਮੌਜੂਦਾ ਸਰਕਾਰ) ਨੂੰ ਬਦਲਣ ਦੀ ਅਪੀਲ ਕੀਤੀ ਸੀ।

 

ਕੇ. ਚੰਦਰਸ਼ੇਖਰ ਰਾਓ ਨੇ ਭਾਜਪਾ 'ਤੇ ਬੋਲਿਆ ਸੀ ਹਮਲਾ

ਇਸ ਦੇ ਨਾਲ ਹੀ ਤੇਲੰਗਾਨਾ ਰਾਸ਼ਟਰ ਸਮਿਤੀ (ਟੀਆਰਐਸ) ਦੇ ਮੁਖੀ ਅਤੇ ਤੇਲੰਗਾਨਾ ਦੇ ਮੁੱਖ ਮੰਤਰੀ ਕੇ. ਚੰਦਰਸ਼ੇਖਰ ਰਾਓ ਨੇ ਬੁੱਧਵਾਰ ਨੂੰ ਦੇਸ਼ ਨੂੰ ਸਿਆਸੀ ਮੋਰਚਿਆਂ ਜਾਂ ਸਿਆਸੀ ਪੁਨਰਗਠਨ ਦੀ ਨਹੀਂ, ਸਗੋਂ ਬਦਲਵੇਂ ਏਜੰਡੇ ਦੀ ਲੋੜ ਦੱਸਿਆ। ਉਨ੍ਹਾਂ ਨੇ ਇੱਕ 'ਨਵੀਂ ਸਿਆਸੀ ਤਾਕਤ' ਦੇ ਉਭਾਰ ਦਾ ਸੱਦਾ ਦਿੱਤਾ ਸੀ ,ਜਿਸ ਵਿੱਚ ਉਨ੍ਹਾਂ ਦੀ ਪਾਰਟੀ ਦੇਸ਼ ਦੇ ਵਿਕਾਸ ਲਈ ਅਹਿਮ ਭੂਮਿਕਾ ਨਿਭਾ ਸਕਦੀ ਹੈ।

ਭਾਜਪਾ 'ਤੇ ਅਸਿੱਧਾ ਹਮਲਾ

ਭਾਜਪਾ 'ਤੇ ਅਸਿੱਧਾ  ਹਮਲਾ ਕਰਦੇ ਹੋਏ ਮੁੱਖ ਮੰਤਰੀ ਰਾਓ ਨੇ ਕਿਹਾ ਕਿ ਦੇਸ਼ ਦਿੱਲੀ ਅਤੇ ਕਰਨਾਟਕ ਦੀਆਂ ਹਾਲੀਆ ਘਟਨਾਵਾਂ ਨਾਲ ਫਿਰਕੂ ਸੰਘਰਸ਼ ਦਾ ਗਵਾਹ ਹੈ, ਜਦਕਿ ਧਰਮ ਦੀ ਪਰਵਾਹ ਕੀਤੇ ਬਿਨਾਂ ਵਿਕਾਸ ਅਤੇ ਲੋਕਾਂ ਦੀ ਭਲਾਈ 'ਤੇ ਜ਼ੋਰ ਦਿੱਤਾ ਜਾਣਾ ਚਾਹੀਦਾ ਸੀ।