![ABP Premium](https://cdn.abplive.com/imagebank/Premium-ad-Icon.png)
Lok Sabha Election Results: ਨੌਜਵਾਨ ਲੀਡਰ ਨੇ ਚੁਪ-ਚੁਪੀਤੇ ਢਾਅ ਸੁੱਟਿਆ ਬੀਜੇਪੀ ਦਾ ਗੜ੍ਹ! ਹੁਣ ਵੱਡੇ-ਵੱਡੇ ਥਿੰਕ ਟੈਂਕ ਵੀ ਹੈਰਾਨ
Lok Sabha Election Results: ਸਮਾਜਵਾਦੀ ਪਾਰਟੀ ਨੇ ਅਜਿਹਾ ਕੀ ਕੀਤਾ, ਜਿਸ ਕਾਰਨ ਉਸ ਨੇ ਇੰਨੀਆਂ ਸੀਟਾਂ ਜਿੱਤੀਆਂ। ਕਿਹੜੀ ਰਣਨੀਤੀ ਸੀ ਜਿਸ ਰਾਹੀਂ ਸਪਾ ਨੇ ਯੂਪੀ ਚ ਭਾਜਪਾ ਦੇ ਚੋਣ ਰੱਥ ਨੂੰ ਰੋਕਿਆ? ਆਓ ਇਹ ਸਮਝਣ ਦੀ ਕੋਸ਼ਿਸ਼ ਕਰਦੇ ਹਾਂ ਕਿ ਸਪਾ ਨੇ 2019 ਵਿੱਚ 5 ਸੀਟਾਂ ਤੋਂ 2024 ਵਿੱਚ 37 ਸੀਟਾਂ ਦਾ ਸਫ਼ਰ ਕਿਵੇਂ ਕੀਤਾ।
![Lok Sabha Election Results: ਨੌਜਵਾਨ ਲੀਡਰ ਨੇ ਚੁਪ-ਚੁਪੀਤੇ ਢਾਅ ਸੁੱਟਿਆ ਬੀਜੇਪੀ ਦਾ ਗੜ੍ਹ! ਹੁਣ ਵੱਡੇ-ਵੱਡੇ ਥਿੰਕ ਟੈਂਕ ਵੀ ਹੈਰਾਨ this youth leader defeat BJP think tank also surprised Lok Sabha Election Results: ਨੌਜਵਾਨ ਲੀਡਰ ਨੇ ਚੁਪ-ਚੁਪੀਤੇ ਢਾਅ ਸੁੱਟਿਆ ਬੀਜੇਪੀ ਦਾ ਗੜ੍ਹ! ਹੁਣ ਵੱਡੇ-ਵੱਡੇ ਥਿੰਕ ਟੈਂਕ ਵੀ ਹੈਰਾਨ](https://feeds.abplive.com/onecms/images/uploaded-images/2023/07/01/15c5e43ec8e89e65bbb33715e897d84d1688225766214487_original.jpg?impolicy=abp_cdn&imwidth=1200&height=675)
Lok Sabha Election Results: ਲੋਕ ਸਭਾ ਚੋਣਾਂ ਵਿੱਚ ਸਭ ਤੋਂ ਵੱਧ ਸੀਟਾਂ ਲੈ ਕੇ ਵੀ ਬੀਜੇਪੀ ਫਿਕਰਮੰਦ ਨਜ਼ਰ ਆ ਰਹੀ ਹੈ। ਬੀਜੇਪੀ ਨੂੰ ਤੀਜੀ ਵਾਰ ਸਰਕਾਰ ਬਣਾਉਣ ਦੀ ਖੁਸ਼ੀ ਨਾਲੋਂ ਇਸ ਗੱਲ ਦੀ ਚਿੰਤਾ ਵੱਧ ਸਤਾ ਰਹੀ ਹੈ ਕਿ ਉਸ ਦਾ ਹਿੰਦੂ ਕੇਂਦਰਿਤ ਮੁੱਖ ਪੈਂਤੜਾ ਫੇਲ੍ਹ ਹੁੰਦਾ ਨਜ਼ਰ ਆ ਰਿਹਾ ਹੈ। ਬੀਜੇਪੀ ਦੀ ਪੂਰੀ ਸਿਆਸਤ ਇਸੇ ਪੈਂਤੜੇ ਦੁਆਲੇ ਘੁੰਮਦੀ ਹੈ ਪਰ ਯੂਪੀ ਵਿੱਚ ਜਨਤਾ ਨੇ ਸਾਰੀਆਂ ਗਿਣਤੀਆਂ ਮਿਣਤੀਆਂ ਵਿਗਾੜ ਦਿੱਤੀਆਂ ਹਨ। ਇਸ ਸਭਾ ਦਾ ਸਿਹਰਾ ਇੱਕ ਨੌਜਵਾਨ ਲੀਡਰ ਨੂੰ ਜਾਂਦਾ ਹੈ ਜਿਸ ਨੇ ਚੁਪ-ਚੁਪੀਤੇ ਬੀਜੇਪੀ ਦਾ ਗੜ੍ਹ ਢਾਅ ਸੁੱਟਿਆ।
ਦਰਅਸਲ ਲੋਕ ਸਭਾ ਚੋਣ ਨਤੀਜਿਆਂ ਤੋਂ ਬਾਅਦ ਹਰ ਕੋਈ ਕਾਂਗਰਸ ਦੇ ਮੁੜ ਸੁਰਜੀਤ ਹੋਣ ਦੀ ਚਰਚਾ ਕਰ ਰਿਹਾ ਹੈ ਪਰ ਇਸ ਗੱਲ ਤੋਂ ਵੀ ਕੋਈ ਇਨਕਾਰ ਨਹੀਂ ਕਰ ਸਕਦਾ ਕਿ ਸਮਾਜਵਾਦੀ ਪਾਰਟੀ ਨੇ ਵੀ ਆਪਣੇ ਆਪ ਨੂੰ ਮੁੜ ਸੁਰਜੀਤ ਕੀਤਾ ਹੈ। ਚੋਣ ਨਤੀਜਿਆਂ ਤੋਂ ਬਾਅਦ ਸਮਾਜਵਾਦੀ ਪਾਰਟੀ ਦੇਸ਼ ਦੀ ਤੀਜੀ ਸਭ ਤੋਂ ਵੱਡੀ ਪਾਰਟੀ ਬਣ ਕੇ ਉਭਰੀ ਹੈ। ਯੂਪੀ ਵਿੱਚ ਸਪਾ ਨੇ 37 ਸੀਟਾਂ ਜਿੱਤੀਆਂ ਹਨ। ਪਾਰਟੀ ਨੇ ਅਵਧ ਤੋਂ ਪੂਰਵਾਂਚਲ ਤੱਕ ਸੀਟਾਂ ਜਿੱਤੀਆਂ ਹਨ।
ਹਾਲਾਂਕਿ ਹੁਣ ਸਵਾਲ ਇਹ ਉੱਠਦਾ ਹੈ ਕਿ ਸਮਾਜਵਾਦੀ ਪਾਰਟੀ ਨੇ ਅਜਿਹਾ ਕੀ ਕੀਤਾ, ਜਿਸ ਕਾਰਨ ਉਸ ਨੇ ਇੰਨੀਆਂ ਸੀਟਾਂ ਜਿੱਤੀਆਂ। ਕਿਹੜੀ ਰਣਨੀਤੀ ਸੀ ਜਿਸ ਰਾਹੀਂ ਸਪਾ ਨੇ ਯੂਪੀ ਵਿੱਚ ਭਾਜਪਾ ਦੇ ਚੋਣ ਰੱਥ ਨੂੰ ਰੋਕਿਆ? ਯੂਪੀ ਵਿੱਚ ਹਾਰ ਕਾਰਨ ਭਾਜਪਾ ਬਹੁਮਤ ਤੋਂ ਦੂਰ ਰਹਿ ਗਈ। ਆਓ ਇਹ ਸਮਝਣ ਦੀ ਕੋਸ਼ਿਸ਼ ਕਰਦੇ ਹਾਂ ਕਿ ਸਪਾ ਨੇ 2019 ਵਿੱਚ 5 ਸੀਟਾਂ ਤੋਂ 2024 ਵਿੱਚ 37 ਸੀਟਾਂ ਦਾ ਸਫ਼ਰ ਕਿਵੇਂ ਕੀਤਾ।
ਟਿਕਟ ਵੰਡ ਰਣਨੀਤੀ
ਲੋਕ ਸਭਾ ਚੋਣਾਂ ਲਈ ਉਮੀਦਵਾਰਾਂ ਦੀ ਚੋਣ ਕਰਦੇ ਸਮੇਂ ਸਮਾਜਵਾਦੀ ਪਾਰਟੀ ਨੇ ਟਿਕਟਾਂ ਦੀ ਬਹੁਤ ਵਧੀਆ ਵੰਡ ਕੀਤੀ। ਸਪਾ ਨੇ ਗੈਰ-ਯਾਦਵ ਓਬੀਸੀ ਉਮੀਦਵਾਰਾਂ ਨੂੰ ਬਹੁਤ ਸਾਰੀਆਂ ਟਿਕਟਾਂ ਦਿੱਤੀਆਂ। ਸਿਰਫ਼ ਪੰਜ ਯਾਦਵ ਉਮੀਦਵਾਰਾਂ ਨੂੰ ਟਿਕਟ ਦਿੱਤੀ ਗਈ, ਜੋ ਅਖਿਲੇਸ਼ ਯਾਦਵ ਪਰਿਵਾਰ ਦੇ ਸਨ। 27 ਗੈਰ-ਯਾਦਵ ਓਬੀਸੀ, ਚਾਰ ਬ੍ਰਾਹਮਣ, ਦੋ ਠਾਕੁਰ, ਦੋ ਵੈਸ਼ ਤੇ ਇੱਕ ਖੱਤਰੀ ਸਮੇਤ 11 ਉੱਚ ਜਾਤੀਆਂ, 4 ਮੁਸਲਿਮ ਉਮੀਦਵਾਰਾਂ ਤੋਂ ਇਲਾਵਾ 15 ਦਲਿਤ ਉਮੀਦਵਾਰਾਂ ਨੂੰ ਟਿਕਟਾਂ ਦਿੱਤੀਆਂ ਗਈਆਂ।
ਇੰਡੀਅਨ ਐਕਸਪ੍ਰੈਸ ਦੀ ਰਿਪੋਰਟ ਅਨੁਸਾਰ, ਇੱਕ ਸਪਾ ਨੇਤਾ ਨੇ ਕਿਹਾ, "ਸਾਡੀ ਪਾਰਟੀ ਨੂੰ ਯਾਦਵ ਤੇ ਮੁਸਲਮਾਨਾਂ ਦੇ ਸਮਰਥਨ ਦਾ ਭਰੋਸਾ ਸੀ, ਪਰ ਅਸੀਂ ਆਪਣੇ ਅਧਾਰ ਨੂੰ ਇਨ੍ਹਾਂ ਦੋ ਭਾਈਚਾਰਿਆਂ ਤੋਂ ਅੱਗੇ ਵਧਾਉਣਾ ਚਾਹੁੰਦੇ ਸੀ ਤੇ ਗੈਰ-ਯਾਦਵ ਓਬੀਸੀ ਤੇ ਦਲਿਤਾਂ ਤੱਕ ਪਹੁੰਚਣਾ ਚਾਹੁੰਦੇ ਸੀ, ਜੋ ਹੁਣ ਲੱਗਦਾ ਹੈ ਕਿ ਹੋ ਗਿਆ ਹੈ।"
ਚੋਣ ਪ੍ਰਚਾਰ ਦੀ ਸ਼ੈਲੀ ਬਦਲੀ
ਟਿਕਟਾਂ ਦੀ ਵੰਡ ਦੀ ਕਲਾ ਹੀ ਇੱਕ ਅਜਿਹੀ ਰਣਨੀਤੀ ਨਹੀਂ ਜਿਸ ਨੇ ਸਪਾ ਨੂੰ ਜਿੱਤ ਦਿਵਾਈ, ਸਗੋਂ ਚੋਣ ਪ੍ਰਚਾਰ ਦਾ ਤਰੀਕਾ ਵੀ ਹੈ। ਇਸ ਨੇ ਕਿਤੇ ਨਾ ਕਿਤੇ ਜਿੱਤ ਯਕੀਨੀ ਕੀਤੀ ਹੈ। ਜਿੱਥੇ ਭਾਜਪਾ ਨੇ ਵੱਡੀਆਂ ਤੇ ਵਿਸ਼ਾਲ ਰੈਲੀਆਂ 'ਤੇ ਧਿਆਨ ਕੇਂਦਰਿਤ ਕੀਤਾ, ਉਥੇ ਸਪਾ-ਕਾਂਗਰਸ ਨੇ ਮਿਲ ਕੇ ਲੋਕਾਂ ਤੇ ਸਥਾਨਕ ਭਾਈਚਾਰਿਆਂ ਤੱਕ ਪਹੁੰਚਣ 'ਤੇ ਜ਼ੋਰ ਦਿੱਤਾ।
ਇਸ ਦੀ ਉਦਾਹਰਨ ਇਹ ਹੈ ਕਿ ਕਾਂਗਰਸ ਦੀ ਜਨਰਲ ਸਕੱਤਰ ਪ੍ਰਿਅੰਕਾ ਗਾਂਧੀ ਵਾਡਰਾ ਨੇ ਰਾਏਬਰੇਲੀ ਤੇ ਅਮੇਠੀ ਵਿੱਚ ਜ਼ੋਰਦਾਰ ਪ੍ਰਚਾਰ ਕੀਤਾ, ਪਰ ਉਨ੍ਹਾਂ ਨੇ ਕੋਈ ਵੱਡੀ ਰੈਲੀ ਨਹੀਂ ਕੀਤੀ। ਇਸ ਦੀ ਬਜਾਏ, ਉਹ ਹਰ ਰੋਜ਼ 20 ਨੁੱਕੜ ਮੀਟਿੰਗਾਂ ਕਰਦੀ ਦਿਖਾਈ ਦਿੱਤੀ, ਜੋ ਸਵੇਰ ਤੋਂ ਦੇਰ ਸ਼ਾਮ ਤੱਕ ਜਾਰੀ ਰਹੀ। ਸਪਾ ਉਮੀਦਵਾਰ ਵੀ ਵੱਡੀਆਂ ਰੈਲੀਆਂ ਦੀ ਬਜਾਏ ਲੋਕਾਂ ਨੂੰ ਮਿਲਣ ਨੂੰ ਜ਼ਿਆਦਾ ਮਹੱਤਵ ਦੇ ਰਹੇ ਸਨ।
ਇਹ ਵੀ ਪੜ੍ਹੋ: Lok Sabha Election Result : ਆਖਰ ਅਯੁੱਧਿਆ 'ਚ ਵੀ ਕਿਉਂ ਹਾਰ ਗਈ ਭਾਜਪਾ? ਰਾਮ ਮੰਦਰ ਦਾ ਮੁੱਦਾ ਵੀ ਨਹੀਂ ਆਇਆ ਕੰਮ, ਜਾਣੋ ਜ਼ਮੀਨੀ ਹਕੀਕਤ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)