ਮੋਦੀ ਦੇ ਗੜ੍ਹ 'ਚ ਪ੍ਰਦੂਸ਼ਣ, ਭਗਵਾਨ ਦੀਆਂ ਮੂਰਤੀਆਂ ਨੂੰ ਵੀ ਪਾਏ ਮਾਸਕ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੰਸਦੀ ਖੇਤਰ ਵਾਰਾਣਸੀ ਵਿੱਚ, ਸ਼ਰਧਾਲੂਆਂ ਨੇ ਪ੍ਰਦੂਸ਼ਣ ਦੇ ਖਤਰੇ ਤੋਂ ਬਚਾਉਣ ਲਈ ਦੇਵੀ-ਦੇਵਤਿਆਂ ਦੀਆਂ ਮੂਰਤੀਆਂ ਨੂੰ ਮਾਸਕ ਪਹਿਨਾ ਦਿੱਤੇ ਹਨ। ਦੀਵਾਲੀ ਤੋਂ ਲੈ ਕੇ ਰਾਜਧਾਨੀ ਦਿੱਲੀ ਸਮੇਤ ਉੱਤਰ ਭਾਰਤ ਦੇ ਕਈ ਜ਼ਿਲ੍ਹਿਆਂ ਵਿੱਚ ਪ੍ਰਦੂਸ਼ਣ ਵਧਿਆ ਹੈ। ਮਾਸਕ ਪਾਈ ਮੂਰਤੀਆਂ ਦੀਆਂ ਤਸਵੀਰਾਂ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
ਵਾਰਾਣਸੀ: ਪ੍ਰਦੂਸ਼ਣ ਤੋਂ ਸਿਰਫ ਮਨੁੱਖ ਹੀ ਨਹੀਂ, ਬਲਕਿ ਭਗਵਾਨ ਵੀ ਪ੍ਰੇਸ਼ਾਨ ਹੈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੰਸਦੀ ਖੇਤਰ ਵਾਰਾਣਸੀ ਵਿੱਚ, ਸ਼ਰਧਾਲੂਆਂ ਨੇ ਪ੍ਰਦੂਸ਼ਣ ਦੇ ਖਤਰੇ ਤੋਂ ਬਚਾਉਣ ਲਈ ਦੇਵੀ-ਦੇਵਤਿਆਂ ਦੀਆਂ ਮੂਰਤੀਆਂ ਨੂੰ ਮਾਸਕ ਪਹਿਨਾ ਦਿੱਤੇ ਹਨ। ਦੀਵਾਲੀ ਤੋਂ ਲੈ ਕੇ ਰਾਜਧਾਨੀ ਦਿੱਲੀ ਸਮੇਤ ਉੱਤਰ ਭਾਰਤ ਦੇ ਕਈ ਜ਼ਿਲ੍ਹਿਆਂ ਵਿੱਚ ਪ੍ਰਦੂਸ਼ਣ ਵਧਿਆ ਹੈ। ਮਾਸਕ ਪਾਈ ਮੂਰਤੀਆਂ ਦੀਆਂ ਤਸਵੀਰਾਂ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ।
ਵਾਰਾਣਸੀ ਦੇ ਸਿਗਰਾ ਸਥਿਤ ਕਾਸ਼ੀ ਵਿਦਿਆਪੀਠ ਵਿਦਿਆਲਿਆ ਨੇੜੇ ਸਥਿਤ ਭਗਵਾਨ ਸ਼ਿਵ ਪਾਰਵਤੀ ਦੇ ਮੰਦਰ ਵਿੱਚ ਸਥਾਪਤ ਮੂਰਤੀਆਂ 'ਤੇ ਇੱਥੋਂ ਦੇ ਪੁਜਾਰੀਆਂ ਤੇ ਕੁਝ ਸ਼ਰਧਾਲੂਆਂ ਨੇ ਮਾਸਕ ਪਹਿਨਾ ਦਿੱਤੇ ਹਨ। ਪੁਜਾਰੀ ਕਹਿੰਦੇ ਹਨ, 'ਵਾਰਾਣਸੀ ਵਿਸ਼ਵਾਸ ਦਾ ਸ਼ਹਿਰ ਹੈ। ਅਸੀਂ ਆਸਥਾਵਾਨ ਭਗਵਾਨ ਦੇ ਮਨੁੱਖੀ ਸਰੂਪ ਨੂੰ ਮਹਿਸੂਸ ਕਰਦੇ ਹਾਂ। ਗਰਮੀਆਂ ਵਿੱਚ ਮੂਰਤੀਆਂ ਨੂੰ ਠੰਡਕ ਦੇਣ ਲਈ ਚੰਦਨ ਦਾ ਲੇਪ ਲਾਇਆ ਜਾਂਦਾ ਹੈ। ਪਤਝੜ ਵਿੱਚ ਇਨ੍ਹਾਂ ਨੂੰ ਕੰਬਲ ਤੇ ਸਵੈਟਰ ਵੀ ਪਹਿਨਾਏ ਜਾਂਦੇ ਹਨ। ਜਦੋਂ ਅਸੀਂ ਇਨ੍ਹਾਂ ਇਨਸਾਨੀ ਰੂਪ 'ਚ ਮੰਨਦੇ ਹਾਂ, ਤਾਂ ਉਨ੍ਹਾਂ 'ਤੇ ਵੀ ਪ੍ਰਦੂਸ਼ਣ ਦਾ ਅਸਰ ਹੋ ਰਿਹਾ ਹੋਏਗਾ। ਇਸ ਲਈ ਇੱਥੇ ਸਥਿਤ ਮੂਰਤੀਆਂ ਨੂੰ ਮਾਸਕ ਪਾ ਦਿੱਤੇ ਹਨ।
ਉਨ੍ਹਾਂ ਦੱਸਿਆ ਕਿ ਬਾਬਾ ਭੋਲੇਨਾਥ, ਦੇਵੀ ਦੁਰਗਾ, ਕਾਲੀ ਮਾਤਾ ਤੇ ਸਾਈਂ ਬਾਬਾ ਦੀ ਪੂਜਾ ਕਰਨ ਤੋਂ ਬਾਅਦ ਉਨ੍ਹਾਂ ਨੂੰ ਮਾਸਕ ਪਾਏ ਹੋਏ ਹਨ। ਪੁਜਾਰੀ ਨੇ ਕਿਹਾ ਕਿ ਜਦੋਂ ਲੋਕਾਂ ਨੇ ਮੂਰਤੀਆਂ ਪਹਿਨੇ ਮੂਰਤੀਆਂ ਨੂੰ ਵੇਖਿਆ ਤਾਂ ਉਹ ਵੀ ਆਪਣੇ-ਆਪ ਨੂੰ ਪ੍ਰਦੂਸ਼ਣ ਤੋਂ ਬਚਾਉਣ ਲਈ ਮਾਸਕ ਪਹਿਨਣ ਲੱਗ ਪਏ। ਬਹੁਤ ਸਾਰੇ ਲੋਕਾਂ ਨੇ ਇਨ੍ਹਾਂ ਮੂਰਤੀਆਂ ਤੋਂ ਸਿੱਖ ਲਈ। ਛੋਟੇ ਬੱਚੇ ਵੀ ਪ੍ਰਦੂਸ਼ਣ ਨੂੰ ਰੋਕਣ ਲਈ ਜਾਗਰੂਕ ਹੋ ਰਹੇ ਹਨ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
