![ABP Premium](https://cdn.abplive.com/imagebank/Premium-ad-Icon.png)
Crop Waste Burning: ਚੋਣ ਜ਼ਾਬਤੇ ਦਾ ਲਾਹਾ ਲੈ ਰਹੇ ਕਿਸਾਨ ! 48 ਘੰਟਿਆਂ 'ਚ ਪਰਾਲੀ ਦੀ ਨਾੜ ਨੂੰ ਰਿਕਾਰਡ ਤੋੜ ਲਾਈ ਅੱਗ
Crop Waste Burning: ਇਕੱਲੇ ਗੁਰਦਾਸਪੁਰ ਵਿੱਚ ਹੀ ਸੈਟੇਲਾਈਟ ਕੈਮਰਿਆਂ ਨੇ ਵੱਧ ਤੋਂ ਵੱਧ 480 ਥਾਵਾਂ 'ਤੇ ਪਰਾਲੀ ਸਾੜਨ ਦੀਆਂ ਤਸਵੀਰਾਂ ਕੈਦ ਕੀਤੀਆਂ ਹਨ। ਇਸ ਸੀਜ਼ਨ ਵਿੱਚ 1 ਅਪ੍ਰੈਲ ਤੋਂ ਮੰਗਲਵਾਰ ਤੱਕ ਕਣਕ ਦੀ ਨਾੜ ਸੜਨ ਵਾਲਿਆਂ ਦੀ ਗਿਣਤੀ
![Crop Waste Burning: ਚੋਣ ਜ਼ਾਬਤੇ ਦਾ ਲਾਹਾ ਲੈ ਰਹੇ ਕਿਸਾਨ ! 48 ਘੰਟਿਆਂ 'ਚ ਪਰਾਲੀ ਦੀ ਨਾੜ ਨੂੰ ਰਿਕਾਰਡ ਤੋੜ ਲਾਈ ਅੱਗ 2795 incidents, wheat growers continue to burn stubble Crop Waste Burning: ਚੋਣ ਜ਼ਾਬਤੇ ਦਾ ਲਾਹਾ ਲੈ ਰਹੇ ਕਿਸਾਨ ! 48 ਘੰਟਿਆਂ 'ਚ ਪਰਾਲੀ ਦੀ ਨਾੜ ਨੂੰ ਰਿਕਾਰਡ ਤੋੜ ਲਾਈ ਅੱਗ](https://feeds.abplive.com/onecms/images/uploaded-images/2024/05/15/7ede900f3714272d5067d345af51deb21715736215523785_original.jpg?impolicy=abp_cdn&imwidth=1200&height=675)
Crop Waste Burning: ਪੰਜਾਬ 'ਚ ਵੀ ਇਨ੍ਹੀਂ ਦਿਨੀਂ ਸਿਆਸਤ ਦੇ ਨਾਲ-ਨਾਲ ਮੌਸਮ ਵੀ ਗਰਮ ਹੈ ਪਰ ਇੱਥੇ ਇਕ ਹੋਰ ਚੀਜ਼ ਨੇ ਪੰਜਾਬ ਦੀ ਹਵਾ ਨੂੰ ਦੂਸ਼ਿਤ ਕਰ ਦਿੱਤਾ ਹੈ, ਉਹ ਹੈ ਖੇਤਾਂ 'ਚ ਨਾੜ ਨੂੰ ਅੱਗ ਲਾਉਣਾ। ਚੋਣਾਂ ਦੇ ਮਾਹੌਲ ਦਰਮਿਆਨ ਜਿੱਥੇ ਪ੍ਰਸ਼ਾਸਨ ਦਾ ਸਾਰਾ ਧਿਆਨ ਹੋਰਨਾਂ ਕੰਮਾਂ ਵਿੱਚ ਲੱਗਾ ਹੋਇਆ ਹੈ, ਉੱਥੇ ਹੀ ਇਸ ਦਾ ਸਭ ਤੋਂ ਵੱਧ ਫਾਇਦਾ ਕਿਸਾਨ ਖੇਤਾਂ ਵਿੱਚ ਅੱਗ ਲਗਾ ਕੇ ਉਠਾ ਰਹੇ ਹਨ। ਇਸ ਦਾ ਸਬੂਤ ਪ੍ਰਦੂਸ਼ਣ ਵਿਭਾਗ ਵੱਲੋਂ ਜਾਰੀ ਅੰਕੜੇ ਹਨ।
ਤਾਜ਼ਾ ਜਾਣਕਾਰੀ ਅਨੁਸਾਰ ਸੋਮਵਾਰ ਅਤੇ ਮੰਗਲਵਾਰ ਨੂੰ 48 ਘੰਟਿਆਂ ਦੇ ਅੰਦਰ 2795 ਥਾਵਾਂ 'ਤੇ ਨਾੜ ਸਾੜਨ ਦੇ ਮਾਮਲੇ ਸਾਹਮਣੇ ਆਏ ਹਨ। ਇਕੱਲੇ ਗੁਰਦਾਸਪੁਰ ਵਿੱਚ ਹੀ ਸੈਟੇਲਾਈਟ ਕੈਮਰਿਆਂ ਨੇ ਵੱਧ ਤੋਂ ਵੱਧ 480 ਥਾਵਾਂ 'ਤੇ ਪਰਾਲੀ ਸਾੜਨ ਦੀਆਂ ਤਸਵੀਰਾਂ ਕੈਦ ਕੀਤੀਆਂ ਹਨ। ਇਸ ਸੀਜ਼ਨ ਵਿੱਚ 1 ਅਪ੍ਰੈਲ ਤੋਂ ਮੰਗਲਵਾਰ ਤੱਕ ਕਣਕ ਦੀ ਨਾੜ ਸੜਨ ਵਾਲਿਆਂ ਦੀ ਗਿਣਤੀ 7828 ਤੱਕ ਪਹੁੰਚ ਗਈ ਹੈ।
ਇਨ੍ਹਾਂ ਵਿੱਚੋਂ ਸਭ ਤੋਂ ਵੱਧ 795 ਮਾਮਲੇ ਗੁਰਦਾਸਪੁਰ ਤੋਂ ਸਾਹਮਣੇ ਆਏ ਹਨ। ਫ਼ਿਰੋਜ਼ਪੁਰ 626 ਕੇਸਾਂ ਨਾਲ ਦੂਜੇ ਅਤੇ ਬਠਿੰਡਾ 513 ਕੇਸਾਂ ਨਾਲ ਤੀਜੇ ਸਥਾਨ ’ਤੇ ਰਿਹਾ। ਸੜਕ ਕਿਨਾਰੇ ਖੇਤਾਂ ਵਿੱਚ ਅੱਗ ਲਗਾਉਣ ਕਾਰਨ ਹਾਦਸਿਆਂ ਵਿੱਚ ਵੀ ਵਾਧਾ ਹੋਇਆ ਹੈ। ਪਿਛਲੇ 11 ਦਿਨਾਂ ਵਿੱਚ ਹੀ ਵੱਖ-ਵੱਖ ਹਾਦਸਿਆਂ ਵਿੱਚ 05 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
11 ਦਿਨਾਂ 'ਚ ਪੰਜ ਹਾਦਸੇ
• 4 ਮਈ: ਸੰਗਰੂਰ ਦੇ ਪਿੰਡ ਰਾਮਗੜ੍ਹ ਵਿੱਚ ਖੇਤਾਂ ਵਿੱਚ ਅੱਗ ਲੱਗਣ ਕਾਰਨ 50 ਬੱਕਰੀਆਂ ਅਤੇ ਭੇਡਾਂ ਜ਼ਿੰਦਾ ਸੜ ਗਈਆਂ।
• 5 ਮਈ: ਅੰਮ੍ਰਿਤਸਰ ਦੇ ਮਹਿਤਾ ਚੌਕ ਨੇੜੇ ਪਿੰਡ ਖੱਬੇ ਰਾਜਪੂਤਾਨ ਵਿੱਚ ਬਾਈਕ ਸਵਾਰ ਤਿੰਨ ਵਿਅਕਤੀਆਂ ਦੀ ਮੌਤ ਹੋ ਗਈ। ਧੂੰਏਂ ਦੇ ਗੁਬਾਰ ਵਿੱਚ ਸਭ ਤੋਂ ਪਹਿਲਾਂ ਇੱਕ ਕੈਂਟਰ ਨੇ ਪਿੱਛੇ ਤੋਂ ਬਾਈਕ ਚਾਲਕ ਨੂੰ ਟੱਕਰ ਮਾਰ ਦਿੱਤੀ ਅਤੇ ਭੱਜ ਗਿਆ। ਇਸ ਤੋਂ ਬਾਅਦ ਕਈ ਵਾਹਨ ਬਾਈਕ ਸਵਾਰ, ਉਸ ਦੀ ਮਾਂ ਅਤੇ 5 ਸਾਲ ਦੇ ਬੇਟੇ 'ਤੇ ਚੜ੍ਹ ਗਏ।
• 7 ਮਈ : ਫ਼ਿਰੋਜ਼ਪੁਰ ਦੇ ਪਿੰਡ ਝੋਕ ਹਰੀਹਰ ਵਿਖੇ ਨਾੜ ਦੀ ਲਪੇਟ 'ਚ ਆਉਣ ਨਾਲ ਇਕ ਟਰੈਕਟਰ ਸੜਕ ਸੜ ਗਿਆ, ਅਨਿਆਲ ਵਿੱਚ ਕਣਕ ਦੇ ਨਾੜ ਨੂੰ ਅੱਗ ਲੱਗਣ ਕਾਰਨ ਚਾਰ ਘਰਾਂ ਦਾ ਸਮਾਨ ਸੜ ਕੇ ਸੁਆਹ ਹੋ ਗਿਆ।
• 13 ਮਈ: ਅਜਨਾਲਾ ਦੇ ਪਿੰਡ ਓਠੀਆਂ ਵਿਖੇ ਨਾੜ ਦੀ ਅੱਗ ਬੁਝਾਉਣ ਵਾਲੇ ਨੌਜਵਾਨ ਗੁਰਪ੍ਰੀਤ ਦੀ ਅੱਗ ਦੀ ਲਪੇਟ ਵਿਚ ਆਉਣ ਨਾਲ ਮੌਤ ਹੋ ਗਈ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
![ABP Premium](https://cdn.abplive.com/imagebank/metaverse-mid.png)