Punjab MC Election Results : ਦਿੱਗਜਾਂ ਲੀਡਰ ਦੇ ਗੜ੍ਹਾਂ ‘ਚ ਕਿਹੋ ਜਿਹਾ ਰਿਹਾ ਨਤੀਜਾ? CM ਦੇ ਹਲਕੇ ‘ਚ ‘ਆਪ’ ਦੀ ਵੱਡੀ ਜਿੱਤ, ਵੜਿੰਗ ਨੂੰ ਝਟਕਾ
Punjab MC Election Results : ਪੰਜਾਬ ਵਿੱਚ 8 ਨਗਰ ਨਿਗਮਾਂ, 75 ਨਗਰ ਕੌਂਸਲਾਂ ਅਤੇ 20 ਨਗਰ ਪੰਚਾਇਤਾਂ ਦੀਆਂ ਚੋਣਾਂ ਦੇ ਨਤੀਜੇ ਸਾਹਮਣੇ ਆ ਰਹੇ ਹਨ। ਇਨ੍ਹਾਂ ਚੋਣਾਂ 'ਚ ਆਮ ਆਦਮੀ ਪਾਰਟੀ (ਆਪ) ਦਾ ਦਬਦਬਾ ਦਿੱਖ ਰਿਹਾ ਹੈ
Punjab MC Election Results : ਪੰਜਾਬ ਵਿੱਚ 8 ਨਗਰ ਨਿਗਮਾਂ, 75 ਨਗਰ ਕੌਂਸਲਾਂ ਅਤੇ 20 ਨਗਰ ਪੰਚਾਇਤਾਂ ਦੀਆਂ ਚੋਣਾਂ ਦੇ ਨਤੀਜੇ ਸਾਹਮਣੇ ਆ ਰਹੇ ਹਨ। ਇਨ੍ਹਾਂ ਚੋਣਾਂ 'ਚ ਆਮ ਆਦਮੀ ਪਾਰਟੀ (ਆਪ) ਦਾ ਦਬਦਬਾ ਦਿੱਖ ਰਿਹਾ ਹੈ। ਜਿਸ ਵਿੱਚ 'ਆਪ' ਨੇ ਹੁਣ ਤੱਕ 794 ਵਾਰਡ ਜਿੱਤੇ।
ਇਹ ਚੋਣਾਂ ਸਿਰਫ਼ ਪਾਰਟੀਆਂ ਲਈ ਹੀ ਨਹੀਂ, ਸਗੋਂ ਵੱਡੇ ਨੇਤਾਵਾਂ ਦੀ ਸਿਆਸੀ ਸਾਖ ਲਈ ਵੀ ਅਹਿਮ ਮੰਨੀਆਂ ਜਾ ਰਹੀਆਂ ਸਨ। ਜਿਨ੍ਹਾਂ ਨੇਤਾਵਾਂ ਦੀ ਇੱਜ਼ਤ ਦਾਅ ‘ਤੇ ਸੀ, ਉਨ੍ਹਾਂ ਵਿੱਚ ਮੁੱਖ ਮੰਤਰੀ ਭਗਵੰਤ ਮਾਨ, ਪੰਜਾਬ ਕਾਂਗਰਸ ਪ੍ਰਧਾਨ ਰਾਜਾ ਵੜਿੰਗ, ਸਾਬਕਾ ਮੁੱਖ ਮੰਤਰੀ ਚਰਨਜੀਤ ਚੰਨੀ ਅਤੇ ਪੰਜਾਬ 'ਆਪ' ਪ੍ਰਧਾਨ ਅਮਨ ਅਰੋੜਾ ਸ਼ਾਮਲ ਸਨ।
CM ਭਗਵੰਤ ਮਾਨ : ਧੂਰੀ ‘ਚ ‘ਆਪ’ ਦੀ ਵੱਡੀ ਜਿੱਤ
ਧੂਰੀ ਨਗਰ ਕੌਂਸਲ ,ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਵਿਧਾਨ ਸਭਾ ਹਲਕੇ ਵਿੱਚ ਆਉਂਦੀ ਹੈ। ਇੱਥੇ ਦੀਆਂ 21 ਸੀਟਾਂ ਵਿੱਚੋਂ 19 ‘ਤੇ ਆਮ ਆਦਮੀ ਪਾਰਟੀ ਨੇ ਜਿੱਤ ਦਰਜ ਕੀਤੀ ਹੈ। ਦੋ ਸੀਟਾਂ ‘ਤੇ ਆਜ਼ਾਦ ਉਮੀਦਵਾਰ ਜਿੱਤੇ ਹਨ। BJP, ਅਕਾਲੀ ਦਲ ਅਤੇ ਕਾਂਗਰਸ ਦਾ ਖਾਤਾ ਤੱਕ ਨਹੀਂ ਖੁੱਲਿਆ।
ਅਮਨ ਅਰੋੜਾ : ਸੁਨਾਮ ਅਤੇ ਲੌਂਗੋਵਾਲ ‘ਚ ਦਬਦਬਾ
ਪੰਜਾਬ ‘ਆਪ’ ਦੇ ਪ੍ਰਧਾਨ ਅਤੇ ਮੰਤਰੀ ਅਮਨ ਅਰੋੜਾ ਦੇ ਪ੍ਰਭਾਵ ਵਾਲੇ ਸੁਨਾਮ ਨਗਰ ਕੌਂਸਲ ਵਿੱਚ AAP ਨੂੰ ਵੱਡਾ ਬਹੁਮਤ ਮਿਲਿਆ। 23 ਵਿੱਚੋਂ 19 ਸੀਟਾਂ ‘ਤੇ ‘ਆਪ’ ਨੇ ਜਿੱਤ ਹਾਸਲ ਕੀਤੀ। BJP ਨੂੰ ਸਿਰਫ਼ ਇੱਕ ਸੀਟ ਮਿਲੀ, ਜਦਕਿ 3 ਵਾਰਡਾਂ ਵਿੱਚ ਆਜ਼ਾਦ ਉਮੀਦਵਾਰ ਜਿੱਤੇ। ਕਾਂਗਰਸ ਅਤੇ ਅਕਾਲੀ ਦਲ ਆਪਣਾ ਖਾਤਾ ਵੀ ਨਹੀਂ ਖੋਲ੍ਹ ਸਕੇ। 'ਆਪ' ਨੇ ਲੌਂਗੋਵਾਲ ਨਗਰ ਕੌਂਸਲ ਦੇ 15 ਵਾਰਡਾਂ ਵਿੱਚੋਂ 10 ਜਿੱਤੀਆਂ। ਇਸ ਦੌਰਾਨ ਕਾਂਗਰਸ ਨੇ ਦੋ ਸੀਟਾਂ, ਅਕਾਲੀ ਦਲ ਨੇ ਇੱਕ ਸੀਟ ਜਿੱਤੀ ਅਤੇ ਆਜ਼ਾਦ ਉਮੀਦਵਾਰਾਂ ਨੇ ਦੋ ਵਾਰਡ ਜਿੱਤੇ।
ਰਾਜਾ ਵੜਿੰਗ ਨੂੰ ਵੱਡਾ ਝਟਕਾ
ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਲਈ ਇਹ ਚੋਣਾਂ ਨਿਰਾਸ਼ਾਜਨਕ ਰਹੀਆਂ। ਗਿੱਦੜਬਾਹਾ ਨਗਰ ਕੌਂਸਲ ਚੋਣਾਂ ਵਿੱਚ AAP ਨੇ 19 ਵਿੱਚੋਂ 17 ਸੀਟਾਂ ਜਿੱਤ ਲਈਆਂ। ਕਾਂਗਰਸ ਆਪਣੇ ਹੀ ਗੜ੍ਹ ਵਿੱਚ ਪਿੱਛੇ ਰਹਿ ਗਈ। ਇੱਥੇ AAP ਵਿਧਾਇਕ ਡਿੰਪੀ ਢਿੱਲੋਂ ਦਾ ਪ੍ਰਭਾਵ ਸਾਫ਼ ਦਿਖਾਈ ਦਿੱਤਾ।
ਚਰਨਜੀਤ ਚੰਨੀ ਦੇ ਗੜ੍ਹ ‘ਚ ਕਾਂਗਰਸ ਮਜ਼ਬੂਤ
ਚਮਕੌਰ ਸਾਹਿਬ ਨਗਰ ਕੌਂਸਲ ਵਿੱਚ ਕਾਂਗਰਸ ਨੇ 13 ਵਿੱਚੋਂ 11 ਸੀਟਾਂ ਜਿੱਤ ਕੇ ਬਹੁਮਤ ਹਾਸਲ ਕੀਤਾ। ਇਹ ਖੇਤਰ ਸਾਬਕਾ CM ਚਰਨਜੀਤ ਚੰਨੀ ਦੇ ਪ੍ਰਭਾਵ ਵਾਲਾ ਮੰਨਿਆ ਜਾਂਦਾ ਹੈ।
ਰਾਣਾ ਗੁਰਜੀਤ ਸਿੰਘ ਦਾ ਕਪੂਰਥਲਾ ‘ਚ ਦਬਦਬਾ
ਰਾਣਾ ਗੁਰਜੀਤ ਸਿੰਘ ਨੇ Kapurthala ਵਿੱਚ ਆਪਣਾ ਦਬਦਬਾ ਕਾਇਮ ਰੱਖਿਆ। ਕਪੂਰਥਲਾ ਨਗਰ ਨਿਗਮ ਵਿੱਚ ਕਾਂਗਰਸ ਨੇ 50 ਵਿੱਚੋਂ 30 ਸੀਟਾਂ ਜਿੱਤ ਕੇ ਬਹੁਮਤ ਹਾਸਲ ਕੀਤਾ। AAP ਨੂੰ 12, BJP ਅਤੇ ਅਕਾਲੀ ਦਲ ਨੂੰ 3 -3 ਸੀਟਾਂ ਮਿਲੀਆਂ, ਜਦਕਿ 2 ਆਜ਼ਾਦ ਉਮੀਦਵਾਰ ਜਿੱਤੇ।
ਸ਼ੈਰੀ ਕਲਸੀ ਦੇ ਹਲਕੇ ਬਟਾਲਾ ‘ਚ ‘ਆਪ’ ਅੱਗੇ
ਇਹ ਹਲਕਾ ਆਮ ਆਦਮੀ ਪਾਰਟੀ ਦੇ ਉਪ ਪ੍ਰਧਾਨ ਅਮਨਸ਼ੇਰ ਸਿੰਘ ਸ਼ੈਰੀ ਕਲਸੀ ਦਾ ਹੈ। 50 ਸੀਟਾਂ ਵਿੱਚੋਂ ਹੁਣ ਤੱਕ 26 ਸੀਟਾਂ ਦੇ ਨਤੀਜੇ ਐਲਾਨੇ ਜਾ ਚੁੱਕੇ ਹਨ। ਇਹਨਾਂ ਵਿੱਚੋਂ ਆਮ ਆਦਮੀ ਪਾਰਟੀ ਨੇ 16, ਕਾਂਗਰਸ ਨੇ 8 ਅਤੇ ਭਾਜਪਾ ਨੇ 2 ਸੀਟਾਂ ਜਿੱਤੀਆਂ।
ਮੋਹਾਲੀ ‘ਚ ਵੀ ‘ਆਪ’ ਦੀ ਬੜਤ
Mohali ਨਗਰ ਨਿਗਮ ਚੋਣਾਂ ਵਿੱਚ ਵਿਧਾਇਕ Kulwant Singh ਦੇ ਨਾਲ ਕਾਂਗਰਸ ਦੇ ਸਾਬਕਾ ਮੰਤਰੀ ਬਲਬੀਰ ਸਿੰਘ ਸਿੱਧੂ ਦੀ ਸਾਖ ਵੀ ਦਾਅ ‘ਤੇ ਸੀ। ਕੁਲਵੰਤ ਸਿੰਘ ਦੇ ਪੁੱਤਰ ਸਰਬਜੀਤ ਸਿੰਘ ਸਮਾਣਾ ਅਤੇ ‘ਆਪ’ ਆਗੂ ਡਾ. ਸੰਨੀ ਆਹਲੂਵਾਲੀਆ ਚੋਣ ਜਿੱਤ ਗਏ ਹਨ। ਬਲਬੀਰ ਸਿੰਘ ਸਿੱਧੂ ਦਾ ਪੁੱਤਰ ਵੀ ਚੋਣ ਲੜ ਰਿਹਾ ਸੀ। ਮੁਹਾਲੀ ਨਗਰ ਨਿਗਮ ਦੇ ਹੁਣ ਤੱਕ ਐਲਾਨੇ 21 ਨਤੀਜਿਆਂ ਵਿੱਚ ਆਮ ਆਦਮੀ ਪਾਰਟੀ ਨੇ 13, ਕਾਂਗਰਸ ਪਾਰਟੀ ਨੇ 4, ਅਕਾਲੀ ਦਲ ਨੇ 2, ਆਜ਼ਾਦ ਉਮੀਦਵਾਰਾਂ ਨੇ 2 ਸੀਟਾਂ ਜਿੱਤੀਆਂ ਹਨ।
ਰਾਣਾ ਇੰਦਰ ਪ੍ਰਤਾਪ ਸਿੰਘ ਦਾ ਪ੍ਰਭਾਵ ਬਰਕਰਾਰ
Rana Inder Pratap Singh ਨੇ Sultanpur Lodhi ਵਿੱਚ ਆਪਣਾ ਪ੍ਰਭਾਵ ਦੁਬਾਰਾ ਸਾਬਤ ਕੀਤਾ। ਨਗਰ ਕੌਂਸਲ ਦੀਆਂ 13 ਸੀਟਾਂ ਵਿੱਚੋਂ ਰਾਣਾ ਇੰਦਰ ਪ੍ਰਤਾਪ ਗਰੁੱਪ ਨੇ 7 ਸੀਟਾਂ ਜਿੱਤੀਆਂ। AAP ਨੂੰ 5 ਅਤੇ ਇੱਕ ਸੀਟ ਆਜ਼ਾਦ ਉਮੀਦਵਾਰ ਨੂੰ ਮਿਲੀ।
Before You Go
ਪੇਪਰ ਲੀਕ 'ਤੇ ਕਾਂਗਰਸ ਦਾ ਹੱਲਾ ਬੋਲ! ਰਾਜਪੁਰਾ 'ਚ ਸੜਕਾਂ 'ਤੇ ਉਤਰੇ ਕਾਂਗਰਸੀ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
