ਅਸਿਸਟੈਂਟ ਪ੍ਰੋਫੈਸਰ ਬਰਖਾਸਤ; ਵਿਦਿਆਰਥਣਾਂ ਨਾਲ ਕਰਦਾ ਸੀ ਗਲਤ ਹਰਕਤਾਂ, ਸੋਸ਼ਲ ਮੀਡੀਆ ਅਤੇ ਵਟਸਐਪ ਰਾਹੀਂ ਭੇਜੇ ਅਪੱਤੀਜਨਕ ਸੁਨੇਹੇ
ਚੰਡੀਗੜ੍ਹ ਦੇ ਇੱਕ ਪ੍ਰਾਈਵੇਟ ਕਾਲਜ ਦੇ ਅਸਿਸਟੈਂਟ ਪ੍ਰੋਫੈਸਰ (ਬੋਟਨੀ) ਉਦੈ ਭਾਨ ਸਿੰਘ ਨੂੰ ਵਿਦਿਆਰਥਣਾਂ ਨਾਲ ਗਲਤ ਹਰਕਤਾਂ ਦੇ ਆਰੋਪਾਂ 'ਤੇ ਤੁਰੰਤ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਗਿਆ। ਵਿਦਿਆਰਥਣਾਂ ਦੀਆਂ ਸ਼ਿਕਾਇਤਾਂ 'ਚ ਆਰੋਪ ਲਾਇਆ ਗਿਆ..
ਚੰਡੀਗੜ੍ਹ ਦੇ ਇੱਕ ਪ੍ਰਾਈਵੇਟ ਕਾਲਜ ਦੇ ਅਸਿਸਟੈਂਟ ਪ੍ਰੋਫੈਸਰ (ਬੋਟਨੀ) ਉਦੈ ਭਾਨ ਸਿੰਘ ਨੂੰ ਵਿਦਿਆਰਥਣਾਂ ਨਾਲ ਗਲਤ ਹਰਕਤਾਂ ਦੇ ਆਰੋਪਾਂ 'ਤੇ ਤੁਰੰਤ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਗਿਆ। ਇਹ ਕਾਰਵਾਈ ਕਾਲਜ ਦੀ ਇੰਟਰਨਲ ਕੰਪਲੇਨਟ ਕਮੇਟੀ (ICC) ਦੀ ਵਿਸਤ੍ਰਤ ਜਾਂਚ ਰਿਪੋਰਟ ਦੇ ਬਾਅਦ ਕੀਤੀ ਗਈ।
ਗਲਤ ਸੁਨੇਹਾ ਤੋਂ ਇਲਾਵਾ ਇਕੱਲੇ ਮਿਲਣ ਲਈ ਬਣਾਉਂਦਾ ਸੀ ਦਬਾਅ
ਵਿਦਿਆਰਥਣਾਂ ਦੀਆਂ ਸ਼ਿਕਾਇਤਾਂ ਵਿੱਚ ਆਰੋਪ ਲਾਇਆ ਗਿਆ ਕਿ ਉਦੈ ਭਾਨ ਸਿੰਘ ਨੇ ਸੋਸ਼ਲ ਮੀਡੀਆ ਅਤੇ ਵਟਸਐਪ ਰਾਹੀਂ ਉਨ੍ਹਾਂ ਨੂੰ ਅਪੱਤੀਜਨਕ ਸੁਨੇਹੇ ਭੇਜੇ, ਨਿੱਜੀ ਜੀਵਨ ਵਿੱਚ ਦਖਲ ਦਿੱਤਾ ਅਤੇ ਕਈ ਵਾਰੀ ਵਿਅਕਤੀਗਤ ਤੌਰ 'ਤੇ ਮਿਲਣ ਲਈ ਦਬਾਅ ਬਣਾਇਆ। ਕੁਝ ਵਿਦਿਆਰਥਣਾਂ ਨੇ ਦੱਸਿਆ ਕਿ ਪ੍ਰੋਫੈਸਰ ਨੇ ਐਨਐੱਸਐੱਸ (NSS) ਗਤੀਵਿਧੀਆਂ ਦਾ ਬਹਾਨਾ ਬਣਾਕੇ ਉਨ੍ਹਾਂ ਨਾਲ ਸੰਪਰਕ ਕੀਤਾ ਅਤੇ ਗਲਤ ਵਰਤੋਂ ਕੀਤੀ।
ਵਿਦਿਆਰਥਣਾਂ ਦੇ ਬਿਆਨ ਸਹੁੰ ਪੱਤਰ ਨਾਲ ਦਰਜ
ਇੰਟਰਨਲ ਕਮੇਟੀ ਨੇ ਸਾਰੀਆਂ ਸ਼ਿਕਾਇਤਾਂ ਲਿਖੀਆਂ ਅਤੇ ਵਿਦਿਆਰਥਣਾਂ ਦੇ ਬਿਆਨ ਸਹੁੰ ਪੱਤਰ ਸਮੇਤ ਦਰਜ ਕੀਤੇ। ਡਿਜ਼ੀਟਲ ਸੁਨੇਹਿਆਂ ਅਤੇ ਹੋਰ ਸਬੂਤਾਂ ਦੀ ਜਾਂਚ ਵਿੱਚ ਆਰੋਪ ਸਹੀ ਪਾਏ ਗਏ। ਰਿਪੋਰਟ ਮੁਤਾਬਕ, ਉਦੈ ਭਾਨ ਸਿੰਘ ਦਾ ਵਰਤਾਵ ਇੱਕ ਅਧਿਆਪਕ ਦੇ ਪਦ ਦੀ ਮਾਨਤਾ ਦੇ ਖਿਲਾਫ ਅਤੇ ਪੂਰੀ ਤਰ੍ਹਾਂ ਅਸਵੀਕਾਰਯੋਗ ਸੀ।
ਗਵਰਨਿੰਗ ਬਾਡੀ ਨੇ ਰਿਪੋਰਟ ਵੇਖੀ ਅਤੇ ਮੰਨਿਆ ਕਿ ਸਾਰੇ ਆਰੋਪ ਸਹੀ ਹਨ। ਉਨ੍ਹਾਂ ਨੂੰ ਜਵਾਬ ਦੇਣ ਦਾ ਪੂਰਾ ਮੌਕਾ ਦਿੱਤਾ ਗਿਆ, ਪਰ ਉਨ੍ਹਾਂ ਦੇ ਸਪੱਸ਼ਟੀਕਰਨ ਵਿੱਚ ਕੋਈ ਅਜਿਹਾ ਤੱਥ ਸਾਹਮਣੇ ਨਹੀਂ ਆਇਆ ਜਿਸ ਨਾਲ ਆਰੋਪਾਂ ਨੂੰ ਖਾਰਿਜ ਕੀਤਾ ਜਾ ਸਕੇ। ਇਸ ਤੋਂ ਬਾਅਦ ਗਵਰਨਿੰਗ ਬਾਡੀ ਨੇ ਤੁਰੰਤ ਬਰਖਾਸਤੀ ਦਾ ਫੈਸਲਾ ਲਿਆ ਅਤੇ ਉਨ੍ਹਾਂ ਦੇ ਸਾਰੇ ਫਾਇਦੇ ਵੀ ਰੱਦ ਕਰ ਦਿੱਤੇ।
ਕਾਰਵਾਈ ਜ਼ੀਰੋ ਟੋਲਰੈਂਸ ਨੀਤੀ ਦੇ ਤਹਿਤ ਕੀਤੀ ਗਈ
ਕਾਲਜ ਪ੍ਰਬੰਧਨ ਨੇ ਕਿਹਾ ਕਿ ਇਹ ਕਾਰਵਾਈ ਜ਼ੀਰੋ ਟਾਲਰੈਂਸ ਨੀਤੀ ਦੇ ਤਹਿਤ ਕੀਤੀ ਗਈ ਹੈ। ਕਾਲਜ ਵਿੱਚ ਵਿਦਿਆਰਥੀਆਂ ਅਤੇ ਸਟਾਫ ਲਈ ਸੁਰੱਖਿਅਤ ਮਾਹੌਲ ਸਭ ਤੋਂ ਉੱਚੀ ਤਰਜੀਹ ਹੈ। ਇਹ ਸੁਨੇਹਾ ਸਪੱਸ਼ਟ ਹੈ ਕਿ ਕਿਸੇ ਵੀ ਅਧਿਆਪਕ ਵੱਲੋਂ ਵਿਦਿਆਰਥੀਆਂ ਨਾਲ ਅਣਉਚਿਤ ਵਿਵਹਾਰ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ।
ਕਾਲਜ ਪ੍ਰਬੰਧਨ ਨੇ ਇਹ ਵੀ ਕਿਹਾ ਕਿ ਉਦੈ ਭਾਨ ਸਿੰਘ ਨੇ ਆਪਣੇ ਅਹੁਦੇ ਦੀ ਦੁਰਵਰਤੋਂ ਕੀਤੀ ਅਤੇ ਵਿਦਿਆਰਥਣਾਂ ਨੂੰ ਮਾਨਸਿਕ ਤਣਾਅ ਵਿੱਚ ਰੱਖਿਆ। ਇਹ ਮਾਮਲਾ ਕੋਈ ਸਧਾਰਨ ਵਿਵਾਦ ਨਹੀਂ ਹੈ, ਸਗੋਂ ਨਾਬਾਲਗ ਅਤੇ ਜਵਾਨ ਵਿਦਿਆਰਥਣਾਂ ਨਾਲ ਜਿਨਸੀ ਸ਼ੋਸ਼ਣ ਦਾ ਗੰਭੀਰ ਮਾਮਲਾ ਹੈ।
Before You Go
BJP ‘ਤੇ CM ਮਾਨ ਦਾ ਤਿੱਖਾ ਤੰਜ, ਸਿਆਸਤ ਹੋਈ ਗਰਮ
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
