ਵੈਟਰਨ ਕਮਾਂਡ ਦੇ ਆਰਮੀ ਕਮਾਂਡਰ ਨੇ ਖਾਸਾ ਮਿਲਟਰੀ ਸਟੇਸ਼ਨ ਦਾ ਕੀਤਾ ਦੌਰਾ, ਆਪ੍ਰੇਸ਼ਨਲ ਤਿਆਰੀ ਦੀ ਕੀਤੀ ਸਮੀਖਿਆ

ਵੈਸਟਰਨ ਕਮਾਂਡ ਦੇ ਆਰਮੀ ਕਮਾਂਡਰ ਲੈਫਟੀਨੈਂਟ ਜਨਰਲ ਆਰਪੀ ਸਿੰਘ ਨੇ ਅੱਜ ਡੋਗਰਾ ਬ੍ਰਿਗੇਡ ਅਤੇ ਖਾਸਾ ਮਿਲਟਰੀ ਸਟੇਸ਼ਨ ਦੇ ਆਪ੍ਰੇਸ਼ਨਲ ਖੇਤਰਾਂ ਦਾ ਦੌਰਾ ਕੀਤਾ।

ਚੰਡੀਗੜ੍ਹ: ਵੈਸਟਰਨ ਕਮਾਂਡ ਦੇ ਆਰਮੀ ਕਮਾਂਡਰ ਲੈਫਟੀਨੈਂਟ ਜਨਰਲ ਆਰਪੀ ਸਿੰਘ, ਜੀਓਸੀ ਵਾਜਰਾ ਕੋਰ ਦੇ ਲੈਫਟੀਨੈਂਟ ਜਨਰਲ ਐਸ ਕੇ ਸ਼ਰਮਾ, ਅਤੇ ਜੀਓਸੀ ਪੈਂਥਰ ਡਿਵੀਜ਼ਨ ਦੇ ਮੇਜਰ ਜਨਰਲ ਵਿਕਰਮ ਸਿੰਘ ਨੇ ਅੱਜ ਡੋਗਰਾ ਬ੍ਰਿਗੇਡ ਅਤੇ ਖਾਸਾ ਮਿਲਟਰੀ ਸਟੇਸ਼ਨ ਦੇ ਆਪ੍ਰੇਸ਼ਨਲ ਖੇਤਰਾਂ ਦਾ ਦੌਰਾ ਕੀਤਾ। ਆਪ੍ਰੇਸ਼ਨਲ ਤਿਆਰੀ ਦੀ ਸਮੀਖਿਆ ਕਰਨ ਤੋਂ ਇਲਾਵਾ, ਆਰਮੀ ਕਮਾਂਡਰ ਨੇ ਫਲੇਮਿੰਗ ਐਰੋ ਬ੍ਰਿਗੇਡ, ਵਾਜਰਾ ਬੈਟਲ ਸਕੂਲ ਦੇ ਸਿਖਲਾਈ ਖੇਤਰਾਂ ਅਤੇ ਖਾਸਾ ਵਿਖੇ ਕੁਆਰੰਟੀਨ ਸਹੂਲਤ ਦਾ ਵੀ ਦੌਰਾ ਕੀਤਾ।ਸੈਨਾ ਦੇ ਕਮਾਂਡਰ ਨੇ ਆਪ੍ਰੇਸ਼ਨਲ ਤਿਆਰੀ ਅਤੇ ਕੋਵਿਡ ਪ੍ਰਬੰਧਨ 'ਤੇ ਤਸੱਲੀ ਪ੍ਰਗਟਾਈ ਅਤੇ ਸਿਵਲ ਪ੍ਰਸ਼ਾਸਨ ਨੂੰ ਦਿੱਤੀ ਜਾ ਰਹੀ ਸਹਾਇਤਾ ਤੇ ਵੀ ਸੰਤੁਸ਼ਟੀ ਜ਼ਾਹਰ ਕੀਤੀ।