UP ਤੋਂ ਗ੍ਰਿਫਤਾਰ ਗੈਂਗਸਟਰ ਦਾ ਜਲੰਧਰ ਕੁਨੈਕਸ਼ਨ

ਜਲੰਧਰ: ਨਾਭਾ ਜੇਲ੍ਹ ਬਰੇਕ ਕਾਂਡ ਦਾ ਮਾਸਟਰ ਮਾਇੰਡ ਪਰਵਿੰਦਰ ਸਿੰਘ ਪਿੰਦਾ ਨੂੰ ਯੂ.ਪੀ. ਦੇ ਸਵਾਂਲੀ ਤੋਂ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ। ਪਿੰਦੇ ਦਾ ਸਬੰਧ ਜਲੰਧਰ ਦੇ ਪਿੰਡ ਨਿਹਾਲੂਵਾਲ ਨਾਲ ਹੈ। ਉਹ ਕੁਝ ਸਮਾਂ ਪਹਿਲਾਂ ਹੀ ਨਾਭਾ ਜੇਲ੍ਹ ਤੋਂ ਫ਼ਰਾਰ ਹੋਇਆ ਸੀ। ਪਿੰਦਾ ਦੇ ਪਰਿਵਾਰ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ। ਅਪ੍ਰੈਲ 2013 ਵਿੱਚ ਉਸ ਨੇ ਜਲੰਧਰ ਦੇ ਨੇੜੇ ਫਗਵਾੜਾ ਬਾਈਪਾਸ ਨੇੜੇ ਹਵੇਲੀ ਹੋਟਲ ਨੇੜੇ ਏ.ਐਸ.ਆਈ. ਗੁਰਦੇਵ ਸਿੰਘ ਦੀ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਸੀ। ਇਸ ਤੋਂ ਬਾਅਦ ਦਸੰਬਰ 2013 ਵਿੱਚ ਪੁਲਿਸ ਨੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ ਸੀ। ਗ੍ਰਿਫ਼ਤਾਰੀ ਵਕਤ ਪਿੰਦੇ ਦੀ ਗਰਲਫਰੈਂਡ ਸੋਨੀਆ ਵੀ ਉਸ ਦੇ ਨਾਲ ਸੀ। ਪਰਵਿੰਦਰ ਸਿੰਘ ਪਿੰਦੇ ਉੱਤੇ ਇੱਕ ਏ.ਐਸ.ਆਈ. ਤੇ ਇੱਕ ਜਲੰਧਰ ਦੇ ਐਨ.ਆਰ.ਆਈ. ਦੀ ਹੱਤਿਆ ਸਮੇਤ ਲੁੱਟ-ਖੋਹ ਦੇ 10 ਤੋਂ ਜ਼ਿਆਦਾ ਕੇਸ ਦਰਜ ਹਨ। 29 ਮਾਰਚ, 2016 ਨੂੰ ਪਿੰਦਾ ਨਾਭਾ ਜੇਲ੍ਹ ਵਿੱਚ ਬਿਮਾਰੀ ਦਾ ਬਹਾਨਾ ਲੱਗਾ ਕੇ ਹਸਪਤਾਲ ਆਇਆ ਜਿੱਥੇ ਉਸ ਦੇ ਸਾਥੀਆਂ ਨੇ ਫਾਇਰਿੰਗ ਕਰ ਕੇ ਉਸ ਨੂੰ ਛਡਵਾ ਲਿਆ।