ਪੰਜਾਬ 'ਚ ਇਸ ਬਾਲੀਵੁੱਡ ਐਕਟਰ ਦੀ ਫਿਲਮ ਦੀ ਸ਼ੂਟਿੰਗ ਦਾ ਵਿਰੋਧ; ਘਰ 'ਤੇ ਲਾਇਆ ਪਾਕਿਸਤਾਨ ਦਾ ਝੰਡਾ, ਜਾਣੋ ਪੂਰਾ ਮਾਮਲਾ
ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਤੋਂ ਬਾਅਦ ਹੁਣ ਐਕਟਰ ਰਣਵੀਰ ਸਿੰਘ ਦੀ ਫਿਲਮ 'ਧੁਰੰਧਰ' ਦਾ ਵੀ ਸੋਸ਼ਲ ਮੀਡੀਆ 'ਤੇ ਵਿਰੋਧ ਹੋਣਾ ਸ਼ੁਰੂ ਹੋ ਗਿਆ ਹੈ। ਇਸ ਫਿਲਮ ਦੇ ਕੁਝ ਸੀਨ ਲੁਧਿਆਣਾ ਦੇ ਖੇੜਾ ਪਿੰਡ ਵਿੱਚ ਫਿਲਮਾਏ ਗਏ...
Protest Against Ranveer Singh's Film Shooting: ਪੰਜਾਬੀ ਗਾਇਕ ਦਿਲਜੀਤ ਦੋਸਾਂਝ ਤੋਂ ਬਾਅਦ ਹੁਣ ਐਕਟਰ ਰਣਵੀਰ ਸਿੰਘ ਦੀ ਫਿਲਮ 'ਧੁਰੰਧਰ' ਦਾ ਵੀ ਸੋਸ਼ਲ ਮੀਡੀਆ 'ਤੇ ਵਿਰੋਧ ਹੋਣਾ ਸ਼ੁਰੂ ਹੋ ਗਿਆ ਹੈ। ਇਸ ਫਿਲਮ ਦੇ ਕੁਝ ਸੀਨ ਲੁਧਿਆਣਾ ਦੇ ਖੇੜਾ ਪਿੰਡ ਵਿੱਚ ਫਿਲਮਾਏ ਗਏ ਹਨ, ਜਿੱਥੇ ਇੱਕ ਘਰ ਦੀ ਛੱਤ 'ਤੇ ਪਾਕਿਸਤਾਨੀ ਝੰਡਾ ਲੱਗਾ ਹੋਇਆ ਦਿੱਸਿਆ। ਸੋਸ਼ਲ ਮੀਡੀਆ 'ਤੇ ਵੀਡੀਓ ਦੇਖਣ ਤੋਂ ਬਾਅਦ ਲੋਕਾਂ ਨੇ ਪਾਕਿਸਤਾਨੀ ਝੰਡੇ ਨੂੰ ਲੈ ਕੇ ਸਵਾਲ ਉਠਾਉਣ ਸ਼ੁਰੂ ਕਰ ਦਿੱਤੇ ਹਨ।
ਸ਼ੂਟਿੰਗ ਦਾ 27 ਸਕਿੰਟ ਦਾ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵਿੱਚ ਰਣਵੀਰ ਸਿੰਘ ਇੱਕ ਮਕਾਨ ਦੀ ਛੱਤ 'ਤੇ ਕਾਲੇ ਰੰਗ ਦਾ ਕੋਟ ਪਹਿਨ ਕੇ ਖੜੇ ਨਜ਼ਰ ਆਉਂਦੇ ਹਨ। ਉਨ੍ਹਾਂ ਦੇ ਨਾਲ ਹੋਰ ਕੁਝ ਲੋਕ ਵੀ ਹਨ। ਮਕਾਨ 'ਤੇ ਪਾਕਿਸਤਾਨ ਦਾ ਝੰਡਾ ਵੀ ਲੱਗਿਆ ਹੋਇਆ ਹੈ।
ਇਸ ਤੋਂ ਬਾਅਦ ਰਣਵੀਰ ਸਿੰਘ ਗਲੀ 'ਚ ਜਾਂਦੇ ਹੋਏ ਫੈਨਸ ਨੂੰ ਹੱਥ ਹਿਲਾ ਕੇ ਸਲਾਮ ਕਰਦੇ ਦਿਖਾਈ ਦਿੰਦੇ ਹਨ। ਫਿਰ ਉਹ ਫਿਰ ਤੋਂ ਛੱਤ 'ਤੇ ਹੱਥ ਵਿੱਚ AK-47 ਲੈ ਕੇ ਨਜ਼ਰ ਆਉਂਦੇ ਹਨ ਅਤੇ ਛੱਤ ਤੋਂ ਹੇਠਾਂ ਕੁੱਦ ਪੈਂਦੇ ਹਨ। ਵੀਡੀਓ ਦੇ ਅਖੀਰ ਵਿੱਚ ਰੇਲਵੇ ਟਰੈਕ ਕੋਲ ਇੱਕ ਆਇਲ ਕੰਟੇਨਰ 'ਚ ਧਮਾਕਾ ਹੁੰਦਾ ਹੋਇਆ ਦਿਖਾਈ ਦਿੰਦਾ ਹੈ।
ਇਸ ਵੀਡੀਓ ਨੂੰ ਦੇਖ ਯੂਜ਼ਰਸ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਫੇਸਬੁੱਕ 'ਤੇ ਵੀਡੀਓ ਦੇਖ ਕੇ KCP ਪ੍ਰਿੰਸ ਨਾਂ ਦੇ ਇੱਕ ਯੂਜ਼ਰ ਨੇ ਕਮੈਂਟ ਕਰਦੇ ਹੋਏ ਲਿਖਿਆ,
“ਬਾਲੀਵੁੱਡ ਦਿਲਜੀਤ ਨਾਲ ਇਸ ਲਈ ਨਫ਼ਰਤ ਕਰਦਾ ਹੈ ਕਿਉਂਕਿ ਉਹ ਦੋ ਦੇਸ਼ਾਂ ਵਿਚ ਸ਼ਾਂਤੀ ਚਾਹੁੰਦਾ ਹੈ, ਜਦਕਿ ਬਾਲੀਵੁੱਡ ਦੋ ਦੇਸ਼ਾਂ ਵਿਚ ਨਫ਼ਰਤ ਪੈਦਾ ਕਰਨਾ ਚਾਹੁੰਦਾ ਹੈ।”
ਹਰਮਨ ਸਿੰਘ ਸੋਢੀ ਨਾਮਕ ਯੂਜ਼ਰ ਨੇ ਲਿਖਿਆ, “ਪਾਕਿਸਤਾਨੀ ਝੰਡਾ ਲਾਇਆ ਹੋਇਆ ਹੈ, ਕੋਈ ਵੀ ਇਹਨੂੰ ਦੇਸ਼ਦ੍ਰੋਹੀ ਨਹੀਂ ਕਹੇਗਾ?” ਦੂਜੇ ਪਾਸੇ, ਸ਼ਰਨ ਨਾਂ ਦੇ ਯੂਜ਼ਰ ਨੇ ਹੱਸੇ ਵਾਲੇ ਇਮੋਜ਼ੀ ਦੇ ਨਾਲ ਲਿਖਿਆ, “ਇਹਨਾਂ ਨੂੰ ਗਰਮੀ ਨਹੀਂ ਲੱਗਦੀ ਕੀ? ਕੋਟ ਪੈਂਟ ਪਾਏ ਹੋਏ ਹਨ!”
ਇਹ ਵੀ ਹਾਲੇ ਸਾਹਮਣੇ ਨਹੀਂ ਆਇਆ ਕਿ ਫਿਲਮ ਵਿੱਚ ਪਾਕਿਸਤਾਨ ਦਾ ਝੰਡਾ ਕਿਹੜੇ ਕਾਰਨ ਲਾਇਆ ਗਿਆ ਹੈ। ਫਿਲਮ ਦੀ ਕਾਸਟ ਵਿੱਚ ਰਣਵੀਰ ਸਿੰਘ, ਅਰਜੁਨ ਰਾਮਪਾਲ, ਆਰ. ਮਾਧਵਨ, ਅਕਸ਼ੈ ਖੰਨਾ ਅਤੇ ਸੰਜੇ ਦੱਤ ਮੁੱਖ ਭੂਮਿਕਾਵਾਂ ਵਿੱਚ ਹਨ। 6 ਜੁਲਾਈ ਨੂੰ ਫਿਲਮ ਦਾ ਫਰਸਟ ਲੁੱਕ ਰਿਲੀਜ਼ ਹੋਇਆ ਸੀ, ਜਦਕਿ ਪੂਰੀ ਫਿਲਮ 5 ਦਸੰਬਰ 2025 ਨੂੰ ਰਿਲੀਜ਼ ਹੋਈ।
ਐੱਸ.ਐਚ.ਓ. ਕਹਿੰਦੇ ਹਨ— ਇਜ਼ਾਜ਼ਤ ਲੈ ਕੇ ਕੀਤੀ ਸ਼ੂਟਿੰਗ
ਥਾਣਾ ਡੇਹਲੋਂ ਦੇ ਐੱਸ.ਐਚ.ਓ. ਸੁਖਜਿੰਦਰ ਸਿੰਘ ਨੇ ਦੱਸਿਆ ਕਿ ਫਿਲਮ ‘ਧੁਰੰਧਰ’ ਦੀ ਸ਼ੂਟਿੰਗ ਖੇੜਾ ਪਿੰਡ ਵਿੱਚ ਹੋਈ ਹੈ। ਰਣਵੀਰ ਸਿੰਘ ਦੀ ਇਸ ਫਿਲਮ ਦਾ ਕੇਵਲ 5–6 ਮਿੰਟ ਦਾ ਸੀਨ ਇੱਥੇ ਫਿਲਮਾਇਆ ਗਿਆ। ਉਨ੍ਹਾਂ ਮੁਤਾਬਕ, ਸ਼ੂਟਿੰਗ ਦੀ ਬਕਾਇਦਾ ਇਜ਼ਾਜ਼ਤ ਲਈ ਗਈ ਸੀ ਅਤੇ ਸਾਰੀ ਪ੍ਰਕਿਰਿਆ ਕਾਨੂੰਨੀ ਦਾਇਰੇ ਅੰਦਰ ਰਹਿ ਕੇ ਹੀ ਹੋਈ।
ਸਰਪੰਚ ਦੱਸਦੇ ਹਨ— ਟੀਮ 3–4 ਦਿਨ ਪਿੰਡ ‘ਚ ਰਹੀ
ਖੇੜਾ ਪਿੰਡ ਦੇ ਸਰਪੰਚ ਜਸਵਿੰਦਰ ਸਿੰਘ ਨੇ ਕਿਹਾ ਕਿ ਜਦੋਂ ਫਿਲਮ ਦੀ ਟੀਮ ਸ਼ੂਟਿੰਗ ਲਈ ਆਈ, ਉਸ ਵੇਲੇ ਮੈਂ ਖੁਦ ਪਿੰਡ ਤੋਂ ਬਾਹਰ ਸੀ। ਟੀਮ ਲਗਭਗ 3 ਤੋਂ 4 ਦਿਨ ਪਿੰਡ ‘ਚ ਰਹੀ। ਐਕਟਰ ਰਣਵੀਰ ਸਿੰਘ ਵੀ ਪਿੰਡ ਵਿੱਚ ਆਏ ਸਨ। ਉਨ੍ਹਾਂ ਨੇ ਪਿੰਡ ਦੇ ਨਾਲ–ਨਾਲ ਕੁਝ ਬੰਦਰਗਾਹਾਂ ‘ਤੇ ਵੀ ਦ੍ਰਿਸ਼ ਫਿਲਮਾਏ। ਸਰਪੰਚ ਮੁਤਾਬਕ, ਪਿੰਡ ‘ਚ ਕਿਸੇ ਨੇ ਵੀ ਪਾਕਿਸਤਾਨੀ ਝੰਡਾ ਲੱਗਣ ‘ਤੇ ਵਿਰੋਧ ਨਹੀਂ ਕੀਤਾ। ਜਿਨ੍ਹਾਂ ਦਿਨਾਂ ਟੀਮ ਇਥੇ ਰਹੀ, ਸਾਰੀ ਸ਼ੂਟਿੰਗ ਬਿਨਾ ਕਿਸੇ ਰੁਕਾਵਟ ਦੇ ਸਹੀ ਤਰੀਕੇ ਨਾਲ ਹੋਈ।
ਹਿੰਦੂ ਨੇਤਾ ਕਹਿੰਦੇ ਹਨ— ਇਨ੍ਹਾਂ ਨੂੰ ਸ਼ਰਮ ਆਉਣੀ ਚਾਹੀਦੀ ਹੈ
ਹਿੰਦੂ ਆਗੂ ਅਮਿਤ ਅਰੋੜਾ ਦਾ ਦਾਅਵਾ ਹੈ ਕਿ ਰਣਵੀਰ ਸਿੰਘ ਅਤੇ ਅਰਜੁਨ ਰਾਮਪਾਲ ਨੂੰ ਆਪਣੀ ਕਰਤੂਤ ‘ਤੇ ਸ਼ਰਮ ਆਉਣੀ ਚਾਹੀਦੀ ਹੈ। ਉਹ ਕਹਿੰਦੇ ਹਨ ਕਿ ਪੰਜਾਬ ਦੇ ਖੇੜਾ ਪਿੰਡ ਵਿੱਚ ਜੋ ਤੁਸੀਂ ਪਾਕਿਸਤਾਨ ਦਾ ਝੰਡਾ ਲਗਾਇਆ, ਉਸਨੂੰ ਅਸੀਂ ਹਿੰਦੁਸਤਾਨੀ ਕਦੇ ਬਰਦਾਸ਼ਤ ਨਹੀਂ ਕਰਾਂਗੇ। ਅਰੋੜਾ ਨੇ ਕਿਹਾ, “ਉਹ ਦਿਨ ਯਾਦ ਕਰੋ ਜਦੋਂ ਸਾਡੇ ਯਾਤਰੀਆਂ ਤੇ ਸੈਨੀਕ ਸ਼ਹੀਦ ਹੋਏ ਸਨ; ਤੁਹਾਨੂੰ ਕਿਵੇਂ ਹਿੰਮਤ ਹੋਈ ਇਹ ਕੰਮ ਕਰਨ ਦੀ?”
ਉਨ੍ਹਾਂ ਨੇ ਸਵਾਲ ਕੀਤਾ ਕਿ ਪੰਜਾਬ ਜਾਂ ਕੇਂਦਰ ਸਰਕਾਰ ਨੇ ਇਨ੍ਹਾਂ ਕਲਾਕਾਰਾਂ ਨੂੰ ਝੰਡਾ ਲਗਾਉਣ ਦੀ ਆਗਿਆ ਕਿਵੇਂ ਦਿੱਤੀ? ਨਾਲ ਹੀ ਚੇਤਾਵਨੀ ਦਿੱਤੀ ਕਿ “ਇਨ੍ਹਾਂ ਦੋਵੇਂ ਕਲਾਕਾਰਾਂ ਦਾ ਮੂੰਹ ਕਾਲਾ ਕੀਤਾ ਜਾਏਗਾ।”
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
