ਲੋਕ ਸਭਾ ਪਹੁੰਚੇ CM ਮਾਨ, ਕਿਹਾ- ਸਾਡੀ ਹਰਿਆਣਾ ਨਾਲ ਕੋਈ ਲੜਾਈ ਨਹੀਂ, ਬਸ ਸਾਡੇ ਕੋਲ ਪਾਣੀ ਨਹੀਂ
Punjab News: ਮੁੱਖ ਮੰਤਰੀ ਸਰਦਾਰ ਭਗਵੰਤ ਮਾਨ ਅੱਜ ਯਾਨੀ ਬੁੱਧਵਾਰ ਨੂੰ ਦਿੱਲੀ ਸੰਸਦ ਭਵਨ ਪਹੁੰਚੇ ਅਤੇ ਲੋਕ ਸਭਾ ਦੇ ਮੈਂਬਰਾਂ ਨਾਲ ਗੱਲਬਾਤ ਕੀਤੀ। ਇਸ ਦੌਰਾਨ ਉਹ ਲੋਕ ਸਭਾ ਸਪੀਕਰ ਅਤੇ ਸੰਸਦ ਦੇ ਪੁਰਾਣੇ ਸਾਥੀਆਂ ਨੂੰ ਵੀ ਮਿਲੇ।
Punjab News: ਮੁੱਖ ਮੰਤਰੀ ਸਰਦਾਰ ਭਗਵੰਤ ਮਾਨ ਅੱਜ ਯਾਨੀ ਬੁੱਧਵਾਰ ਨੂੰ ਦਿੱਲੀ ਸੰਸਦ ਭਵਨ ਪਹੁੰਚੇ ਅਤੇ ਲੋਕ ਸਭਾ ਦੇ ਮੈਂਬਰਾਂ ਨਾਲ ਗੱਲਬਾਤ ਕੀਤੀ। ਇਸ ਦੌਰਾਨ ਉਹ ਲੋਕ ਸਭਾ ਸਪੀਕਰ ਅਤੇ ਸੰਸਦ ਦੇ ਪੁਰਾਣੇ ਸਾਥੀਆਂ ਨੂੰ ਵੀ ਮਿਲੇ।
ਮੀਟਿੰਗ ਤੋਂ ਬਾਅਦ ਮਾਨ ਨੇ ਕਿਹਾ ਕਿ ਮੈਂ ਅੱਜ ਸੰਸਦ ਦੇ ਸਪੀਕਰ ਅਤੇ ਆਪਣੇ ਪੁਰਾਣੇ ਸਾਥੀਆਂ ਨਾਲ ਮੁਲਾਕਾਤ ਕੀਤੀ। ਮੈਂ ਇੱਥੇ ਜਲ ਸ਼ਕਤੀ ਮੰਤਰੀ ਅਤੇ ਹਰਿਆਣਾ ਦੇ ਮੁੱਖ ਮੰਤਰੀ ਨੂੰ ਐਸਵਾਈਐਲ ਮੁੱਦੇ 'ਤੇ ਮਿਲਣ ਆਇਆ ਹਾਂ।
ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਸੰਸਦ ਦੇ ਮੇਰੇ ਪੁਰਾਣੇ ਸਾਥੀ ਮੈਨੂੰ ਪੁੱਛ ਰਹੇ ਹਨ ਕਿ ਤੁਸੀਂ ਇੱਥੋਂ ਕਿਉਂ ਚਲੇ ਗਏ, ਤੁਸੀਂ ਇੱਥੇ ਦੀ ਰੌਣਕ ਸੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਕੱਲ੍ਹ ਯਾਨੀ ਮੰਗਲਵਾਰ ਨੂੰ, ਮੇਰੀ ਕੇਂਦਰੀ ਜਲ ਸ਼ਕਤੀ ਵਿਭਾਗ ਦੇ ਮੰਤਰੀ ਸੀਆਰ ਪਾਟਿਲ ਅਤੇ ਹਰਿਆਣਾ ਦੇ ਮੁੱਖ ਮੰਤਰੀ ਨਾਇਬ ਸੈਣੀ ਨਾਲ ਐਸਵਾਈਐਲ ਸਬੰਧੀ ਮੀਟਿੰਗ ਹੋਈ ਸੀ, ਇਸ ਕਰਕੇ ਮੈਂ ਅੱਜ ਦਿੱਲੀ ਵਿੱਚ ਸੀ। ਪੁਰਾਣੇ ਸਾਥੀ ਸੰਸਦ ਮੈਂਬਰ ਸੰਜੇ ਅਤੇ ਹੋਰ ਸਾਥੀਆਂ ਨੇ ਕਿਹਾ ਕਿ ਤੁਹਾਨੂੰ ਅੱਜ ਸੰਸਦ ਜਾਣਾ ਚਾਹੀਦਾ ਹੈ, ਇਸ ਲਈ ਮੈਂ ਇੱਥੇ ਆਇਆ ਹਾਂ।
SYL ਵਿਵਾਦ 'ਤੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਹਾ ਕਿ ਇਹ ਵਿਵਾਦ ਉਦੋਂ ਤੋਂ ਚੱਲਿਆ ਆ ਰਿਹਾ ਹੈ, ਜਦੋਂ ਮੇਰੇ ਪਿਤਾ ਜੀ ਦੋ ਸਾਲ ਦੇ ਸਨ। ਇਹ ਲੰਬੇ ਸਮੇਂ ਤੋਂ ਚੱਲਿਆ ਆ ਰਿਹਾ ਵਿਵਾਦ ਹੈ। ਸਾਡੀ ਹਰਿਆਣਾ ਨਾਲ ਕੋਈ ਲੜਾਈ ਨਹੀਂ ਹੈ, ਪਰ ਇਸਨੂੰ ਖਿੱਚਿਆ ਗਿਆ। ਹਾਲਾਤ ਇਹ ਹੈ ਕਿ ਸਾਡੇ ਕੋਲ ਪਾਣੀ ਨਹੀਂ ਹੈ। ਪਰ ਅਸੀਂ ਸਕਾਰਾਤਮਕ ਗੱਲ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਜੇਕਰ ਸਿੰਧ ਦੀ ਟ੍ਰੀਟੀ ਰੱਦ ਹੋਈ ਹੈ, ਤਾਂ ਚਨਾਬ ਅਤੇ ਕਸ਼ਮੀਰ ਦਰਿਆਵਾਂ ਦਾ ਪਾਣੀ ਪੰਜਾਬ ਵਿੱਚ ਆਵੇਗਾ।
ਸੀਐਮ ਮਾਨ ਨੇ ਅੱਗੇ ਕਿਹਾ ਕਿ ਸਾਡੇ ਪੰਜਾਬ ਵਿੱਚ ਤਿੰਨ ਡੈਮ ਹਨ, ਇਹ ਨਦੀਆਂ ਤਿੰਨੋਂ ਡੈਮਾਂ ਨਾਲ ਜੁੜੀਆਂ ਹੋਈਆਂ ਹਨ। ਇਸ ਨਾਲ ਸਾਨੂੰ ਇੰਨਾ ਪਾਣੀ ਮਿਲੇਗਾ ਕਿ ਅਸੀਂ ਇਸਨੂੰ ਅਰਬ ਸਾਗਰ ਵਿੱਚ ਲੈ ਜਾਵਾਂਗੇ, ਤਾਮਿਲਨਾਡੂ ਤਾਂ ਦੂਰ ਦੀ ਗੱਲ ਹੈ। ਪਰ ਇਹ ਸਿਰਫ਼ ਪੰਜਾਬ ਵਿੱਚੋਂ ਹੀ ਜਾਵੇਗਾ। ਪਰ ਮੈਂ ਸਿਰਫ਼ ਪ੍ਰਾਰਥਨਾ ਕਰਦਾ ਹਾਂ ਕਿ ਟਰੰਪ ਇਹ ਟਵੀਟ ਨਾ ਕਰੇ ਕਿ ਸਿੰਧ ਟ੍ਰੀਟ੍ਰੀ ਬਹਾਲ ਕੀਤੀ ਜਾ ਰਹੀ ਹੈ। ਕਿਉਂਕਿ ਸਾਡੀ ਸਰਕਾਰ ਵੱਲੋਂ ਕੋਈ ਜਵਾਬ ਨਹੀਂ ਮਿਲੇਗਾ। ਜੇਕਰ ਟਰੰਪ ਇੱਕ ਵਾਰ ਟਵੀਟ ਕਰਦਾ ਹੈ, ਤਾਂ ਪੰਜਾਬ ਦਾ ਕੰਮ ਖਰਾਬ ਹੋ ਜਾਵੇਗਾ।
ਸੀਐਮ ਮਾਨ ਨੇ ਕਿਹਾ - ਮੈਂ ਸਵੇਰੇ ਉੱਠਦਿਆਂ ਹੀ ਟਰੰਪ ਦੇ ਟਵੀਟ ਚੈੱਕ ਕਰਦਾ ਹਾਂ ਕਿ ਕੀ ਉਨ੍ਹਾਂ ਨੇ ਕੋਈ ਟਵੀਟ ਤਾਂ ਨਹੀਂ ਕੀਤਾ ਹੈ। ਸੀਐਮ ਮਾਨ ਨੇ ਉਤਰਾਖੰਡ ਵਿੱਚ ਵਾਪਰੀ ਤ੍ਰਾਸਦੀ ਲਈ ਵੀ ਸੰਵੇਦਨਾ ਪ੍ਰਗਟ ਕੀਤੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
