ਪੰਜਾਬ ਸਰਕਾਰ ਵੱਲੋਂ ਹੋਰ ਕਰਜ਼ ਮਾਫੀ ਦਾ ਐਲਾਨ, ਬਜਟ 'ਚ ਖੇਤੀਬਾੜੀ ਦਾ ਰੱਖਿਆ ਖਾਸ ਖਿਆਲ

-ਪੰਜਾਬ ਦੇ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਨੇ ਸ਼ੁੱਕਰਵਾਰ ਨੂੰ ਆਪਣੇ ਬਜਟ ਭਾਸ਼ਣ ਵਿੱਚ 2,000 ਕਰੋੜ ਰੁਪਏ ਦੇ ਫਸਲੀ ਕਰਜ਼ੇ ਦੀ ਮੁਆਫੀ ਦਾ ਐਲਾਨ ਕੀਤਾ।- ਇਸ ਦੌਰਾਨ ਖੇਤੀਬਾੜੀ ਸੈਕਟਰ ਨੂੰ 12,526 ਕਰੋੜ ਰੁਪਏ ਦੀ ਰਾਸ਼ੀ ਦਿੱਤੀ ਗਈ ਹੈ।

ਰੌਬਟ

ਚੰਡੀਗੜ੍ਹ: ਪੰਜਾਬ ਦੇ ਵਿੱਤ ਮੰਤਰੀ ਮਨਪ੍ਰੀਤ ਬਾਦਲ ਨੇ ਸ਼ੁੱਕਰਵਾਰ ਨੂੰ ਆਪਣੇ ਬਜਟ ਭਾਸ਼ਣ ਵਿੱਚ 2,000 ਕਰੋੜ ਰੁਪਏ ਦੇ ਫਸਲੀ ਕਰਜ਼ੇ ਦੀ ਮੁਆਫੀ ਦਾ ਐਲਾਨ ਕੀਤਾ ਹੈ। ਸਰਕਾਰ ਨੇ 2020-21 ਵਿੱਚ ਕਿਸਾਨਾਂ ਲਈ 8,275 ਕਰੋੜ ਰੁਪਏ ਦੀ ਬਿਜਲੀ ਸਬਸਿਡੀ ਦਾ ਵੀ ਐਲਾਨ ਕੀਤਾ। ਇਸ ਦੌਰਾਨ ਖੇਤੀਬਾੜੀ ਸੈਕਟਰ ਨੂੰ 12,526 ਕਰੋੜ ਰੁਪਏ ਦੀ ਰਾਸ਼ੀ ਦਿੱਤੀ ਗਈ ਹੈ। ਬਜਟ ਦੇ ਕੁਝ ਮੁੱਖ ਹਾਈਲਾਈਟਸ:

• ਕਪੂਰਥਲਾ ਵਿੱਚ ਇੱਕ ਨਵਾਂ ਪਸ਼ੂ ਫੀਡ ਪਲਾਂਟ ਲਾਇਆ ਜਾਵੇਗਾ।
• ਅਵਾਰਾ ਪਸ਼ੂਆਂ ਦੀ ਸਮੱਸਿਆ ਦੇ ਹੱਲ ਲਈ ਪਸ਼ੂ ਪੌਂਡ ਦੇ ਬੁਨਿਆਦੀ ਢਾਂਚੇ ਦੀ ਮਜ਼ਬੂਤੀ ਲਈ 25 ਕਰੋੜ ਰੁਪਏ ਅਲਾਟ ਕੀਤੇ ਗਏ।
• ਫਸਲੀ ਕਰਜ਼ਾ ਮੁਆਫੀ ਲਈ 2000 ਕਰੋੜ ਰੁਪਏ ਅਲਾਟ ਕੀਤੇ ਗਏ ਹਨ, ਜਿਸ ਵਿੱਚ ਖੇਤ ਮਜ਼ਦੂਰਾਂ ਲਈ 520 ਕਰੋੜ ਰੁਪਏ ਸ਼ਾਮਲ ਹਨ।
• ਫਾਜ਼ਿਲਕਾ ਦੇ ਸਪਨਵਾਲੀ ਵਿੱਚ ਇੱਕ ਵੈਟਰਨਰੀ ਕਾਲਜ ਤੇ ਖੇਤਰੀ ਖੋਜ ਕੇਂਦਰ ਸਥਾਪਤ ਕੀਤਾ ਜਾਵੇਗਾ।
• ਫਸਲਾਂ ਦੀ ਰਹਿੰਦ ਖੂੰਹਦ ਦੇ ਪ੍ਰਬੰਧਨ ਲਈ 20 ਕਰੋੜ ਰੁਪਏ ਅਲਾਟ, ਪਰਾਲੀ ਨਾ ਸਾੜਨ ਵਾਲੇ ਕਿਸਾਨਾਂ ਨੂੰ ਦਿੱਤੀ ਜਾਵੇਗੀ ਸਬਸਿਡੀ।
• 200 ਕਰੋੜ ਰੁਪਏ ਖੇਤੀ ਵਿਭਿੰਨਤਾ ਲਈ ਤੈਅ ਕੀਤੇ। ਮੱਕੀ ਨੂੰ ਉਤਸ਼ਾਹਤ ਕਰੇਗੀ ਸਰਕਾਰ; ਗੁਰਦਾਸਪੁਰ ਤੇ ਬਟਾਲਾ ਵਿੱਚ ਖੰਡ ਮਿੱਲਾਂ ਨੂੰ ਅਪਗ੍ਰੇਡ ਕੀਤਾ ਜਾਵੇਗਾ।
• ਗੰਨੇ ਦੇ ਕਿਸਾਨਾਂ ਨੂੰ ਸਹਾਇਤਾ ਪ੍ਰਦਾਨ ਕਰਨ ਲਈ 100 ਕਰੋੜ ਰੁਪਏ ਅਲਾਟ ਕੀਤੇ।
• ਅੰਮ੍ਰਿਤਸਰ, ਪਠਾਨਕੋਟ, ਕੋਟਕਪੂਰਾ ਤੇ ਪਟਿਆਲਾ ਵਿੱਚ ਨਵੀਂ ਬਾਗਬਾਨੀ ਜਾਇਦਾਦ ਸਥਾਪਤ ਕੀਤੀ ਜਾਵੇਗੀ।
• ਫੁੱਲ ਪਾਲਣ ਦੀ ਉੱਤਮਤਾ ਦਾ ਕੇਂਦਰ ਦੌਰਾਹਾ ਵਿੱਚ ਸਥਾਪਤ ਕੀਤੀ ਜਾਵੇਗਾ।
• ਗੁਰਦਾਸਪੁਰ ਤੇ ਬਲਾਚੌਰ ਵਿਖੇ ਦੋ ਨਵੇਂ ਖੇਤੀਬਾੜੀ ਕਾਲਜ ਸਥਾਪਤ ਕੀਤੇ ਜਾਣਗੇ।
• ‘ਪਾਣੀ ਬਚਾਓ ਪੈਸੇ ਕਮਾਓ’ ਯੋਜਨਾ ਨੂੰ ਖੇਤੀਬਾੜੀ ਸੈਕਟਰ ਨੂੰ ਬਿਜਲੀ ਦੇ ਸਿੱਧੇ ਲਾਭ ਤਬਦੀਲ ਕਰਨ ਲਈ ਵਧਾਈ ਜਾਏਗੀ। ਸਕੀਮ ਨੂੰ 244 ਫੀਡਰਾਂ ਨੂੰ ਕਵਰ ਕਰਨ ਲਈ ਵਧਾਇਆ ਜਾਏਗਾ।
• ਦਿਹਾਤੀ ਡਿਵੈਲਪਮੈਂਟ ਨੂੰ 3,830 ਕਰੋੜ ਰੁਪਏ ਕੀਤੇ ਅਲਾਟ।