Punjab News: ਪੰਜਾਬ 'ਚ 10,000 ਤੋਂ ਵੱਧ ਲੋਕ ਹੋਏ ਲਾਪਤਾ

Punjab News: ਦੱਸ ਦਈਏ ਪੰਜਾਬ ਭਰ ਵਿੱਚ ਬੀਤੇ 10-12 ਸਾਲ ਦੌਰਾਨ ਕਰੀਬ 10,000 ਲੋਕ ਗਾਇਬ ਹੋ ਚੁੱਕੇ ਹਨ।

( Image Source : Freepik )

Shocking News: ਪੰਜਾਬ ਤੋਂ ਇੱਕ ਬਹੁਤ ਹੀ ਹੈਰਾਨ ਕਰ ਦੇਣ ਵਾਲੀ ਖਬਰ ਸਾਹਮਣੇ ਆਈ ਹੈ। ਜਿਸ ਨੂੰ ਸੁਣ ਕੇ ਹਰ ਇੱਕ ਦੇ ਹੋਸ਼ ਉੱਡ ਗਏ ਹਨ। ਦੱਸ ਦਈਏ ਪੰਜਾਬ ਭਰ ਵਿੱਚ ਬੀਤੇ 10-12 ਸਾਲ ਦੌਰਾਨ ਕਰੀਬ 10,000 ਲੋਕ ਗਾਇਬ ਹੋ ਚੁੱਕੇ ਹਨ। ਜੀ ਹਾਂ ਇਹ ਅੰਕੜੇ ਕਿਸੇ ਨੂੰ ਵੀ ਪ੍ਰੇਸ਼ਾਨ ਕਰ ਸਕਦੇ ਹਨ। ਇਸ ਲਿਸਟ ਵਿੱਚ 5 ਸਾਲ ਦੇ ਬੱਚੇ ਤੋਂ ਲੈ ਕੇ 90 ਸਾਲ ਤੱਕ ਦੇ ਬਜ਼ੁਰਗ ਸ਼ਾਮਲ ਹਨ।

ਸਭ ਤੋਂ ਵੱਧ ਜਲੰਧਰ ਦਿਹਾਤੀ ਖੇਤਰ ਦੇ ਮਾਮਲੇ ਦਰਜ ਹਨ 

ਰਾਜ ਦੇ ਵੱਖ ਵੱਖ ਜ਼ਿਲ੍ਹਿਆਂ ਵਿੱਚ ਪੰਜਾਬ ਪੁਲਿਸ ਦੇ ਸਾਂਝ ਕੇਂਦਰਾਂ ਦੇ ਡੇਟਾ ਤੋਂ ਸਾਫ਼ ਹੈ ਕਿ ਸਭ ਤੋਂ ਜ਼ਿਆਦਾ ਜਲੰਧਰ ਦਿਹਾਤੀ ਵਿੱਚ ਲੋਕ ਲਾਪਤਾ ਹੋਏ ਹਨ। ਉਂਝ ਸਭ ਤੋਂ ਸਟੀਕ ਅਪਡੇਟ ਵੀ ਇਸ ਜ਼ਿਲ੍ਹੇ ਦੀ ਹੈ। ਜਲੰਧਰ ਦਿਹਾਤੀ ਜ਼ਿਲ੍ਹੇ ਵਿੱਚ 21 ਅਪ੍ਰੈਲ, 2023 ਤੱਕ 1626 ਲੋਕਾਂ ਦੇ ਗੁੰਮ ਹੋਣ ਦੀ ਸ਼ਿਕਾਇਤ ਪੁਲਿਸ ਨੂੰ ਮਿਲੀ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਸ ਸਾਲ ਪਹਿਲੀ ਜਨਵਰੀ ਤੋਂ ਹੁਣ ਤੱਕ ਜਲੰਧਰ ਦਿਹਾਤੀ ਵਿੱਚ ਗੁੰਮ ਹੋਏ 39 ਲੋਕਾਂ ਵਿੱਚ 29 ਔਰਤਾਂ ਹਨ। ਅੰਕੜਿਆਂ ਦੇ ਲਿਹਾਜ਼ ਨਾਲ ਜਲੰਧਰ ਦਿਹਾਤੀ ਦੇ ਨਾਲ ਹੀ ਹੁਸ਼ਿਆਰਪੁਰ ਅਤੇ ਕਪੂਰਥਲਾ ਜ਼ਿਲ੍ਹਿਆਂ ਦੀ ਪੁਲਿਸ ਨੇ ਵੀ ਗੁੰਮਸ਼ੁਦਗੀ ਦੇ ਮਾਮਲਿਆਂ ਨੂੰ ਸਾਂਝ ਪੋਰਟਲ ’ਤੇ ਅਪਡੇਟ ਕੀਤਾ ਹੋਇਆ ਹੈ। ਬਾਕੀ ਜ਼ਿਲ੍ਹਿਆਂ ਦਾ ਰਿਕਾਰਡ ਇਨ੍ਹਾਂ ਦੇ ਆਸਪਾਸ ਵੀ ਨਹੀਂ।

ਜਾਣੋ ਹੁਣ ਤੱਕ ਪੁਲਿਸ ਕੋਲ ਕਿੰਨੀਆਂ ਸ਼ਿਕਾਇਤਾਂ ਦਰਜ ਹੋਈਆਂ ਨੇ

ਪੁਲਿਸ ਕੋਲ ਹੁਣ ਤੱਕ 9881 ਗੁੰਮਸ਼ੁਦਗੀ ਦੀਆਂ ਸ਼ਿਕਾਇਤ ਆਈਆਂ ਹਨ। ਇਨ੍ਹਾਂ ਵਿਚ ਇਕੱਲੇ ਦੋਆਬਾ ਵਿੱਚ ਹੀ 4518 ਗੁੰਮਸ਼ੁਦਗੀ ਦੇ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। 4 ਜ਼ਿਲ੍ਹਿਆਂ ਵਿੱਚ ਫੈਲੇ ਦੋਆਬਾ ਦੇ ਹੁਸ਼ਿਆਰਪੁਰ ਵਿਚ 1490, ਜਲੰਧਰ ਸ਼ਹਿਰੀ ਵਿਚ 688, ਜਲੰਧਰ ਦਿਹਾਤੀ ਵਿਚ 1626, ਕਪੂਰਥਲਾ ਵਿਚ 361 ਅਤੇ ਸ਼ਹੀਦ ਭਗਤ ਸਿੰਘ ਨਗਰ ਜ਼ਿਲ੍ਹੇ ਵਿਚ 353 ਲੋਕ ਗੁੰਮ ਹਨ। ਗੁੰਮਸ਼ੁਦਗੀ ਦੇ ਮਾਮਲੇ ਵਿਚ ਪੂਰੇ ਪੰਜਾਬ ਭਰ ਵਿਚ ਜਲੰਧਰ ਦਿਹਾਤੀ ਪਹਿਲੇ ਤੇ ਹੁਸ਼ਿਆਰਪੁਰ ਦੂਜੇ ਨੰਬਰ ’ਤੇ ਰਿਹਾ ਹੈ, ਉਂਝ 1000 ਕੇਸਾਂ ਤੋਂ ਜ਼ਿਆਦਾ ਵਾਲੇ ਵੀ ਇਹੀ ਦੋ ਜ਼ਿਲ੍ਹੇ ਹਨ।

ਸਭ ਤੋਂ ਘੱਟ ਮਾਮਲੇ ਇਸ ਜ਼ਿਲ੍ਹੇ ਤੋਂ ਨੇ

ਸਭ ਤੋਂ ਘੱਟ ਲੋਕ ਮਾਲੇਰਕੋਟਲਾ ਜ਼ਿਲ੍ਹੇ ਵਿੱਚ ਲਾਪਤਾ ਹੋਏ ਹਨ। ਉਥੇ 2009-2019 ਦੌਰਾਨ ਸਿਰਫ਼ 16 ਲੋਕਾਂ ਦੇ ਲਾਪਤਾ ਹੋਣ ਦੀ ਸ਼ਿਕਾਇਤ ਪੁਲਿਸ ਨੂੰ ਮਿਲੀ। 100 ਤੋਂ ਘੱਟ ਗੁੰਮਸ਼ੁਦਗੀ ਦੇ ਕੇਸ ਮਾਲੇਰਕੋਟਲਾ ਤੋਂ ਇਲਾਵਾ 8 ਹੋਰ ਜ਼ਿਲ੍ਹਿਆਂ ਵਿੱਚ ਦਰਜ ਹੋਏ ਹਨ। ਇਨ੍ਹਾਂ 'ਚ ਬਟਾਲਾ ਪੁਲਿਸ ਜ਼ਿਲ੍ਹੇ ਵਿਚ 88, ਬਠਿੰਡਾ ਵਿਚ 70, ਫ਼ਤਹਿਗੜ੍ਹ ਸਾਹਿਬ ਵਿਚ 78, ਫਿਰੋਜ਼ਪੁਰ ਵਿਚ 71, ਗੁਰਦਾਸਪੁਰ ਵਿਚ 89, ਖੰਨਾ ਪੁਲਿਸ ਜ਼ਿਲ੍ਹੇ 'ਚ 41, ਲੁਧਿਆਣਾ ਪੇਂਡੂ ਵਿਚ 98, ਸੰਗਰੂਰ ਵਿਚ 88 ਅਤੇ ਤਰਨਤਾਰਨ ਜ਼ਿਲ੍ਹੇ 'ਚ 98 ਮਾਮਲੇ ਸ਼ਾਮਲ ਹਨ।

ਬਾਰਡਰ ਨਾਲ ਲੱਗਦੇ ਫਾਜ਼ਿਲਕਾ ਦੇ 593 ਲੋਕ ਲਾਪਤਾ ਬਾਰਡਰ ਨਾਲ ਲੱਗਦੇ ਜ਼ਿਲ੍ਹਿਆਂ 'ਚ ਸਭ ਤੋਂ ਜ਼ਿਆਦਾ 593 ਕੇਸ ਫਾਜ਼ਿਲਕਾ ਜ਼ਿਲ੍ਹੇ ਵਿਚ ਸਾਹਮਣੇ ਆਏ ਹਨ। ਖਾਸ ਗੱਲ ਇਹ ਹੈ ਕਿ ਉਸ ਨਾਲ ਫਿਰੋਜ਼ਪੁਰ ਜ਼ਿਲ੍ਹੇ 'ਚ ਕੇਵਲ 71 ਗੁੰਮਸ਼ੁਦਗੀ ਦੀਆਂ ਸ਼ਿਕਾਇਤਾਂ ਮਿਲੀਆਂ।

ਜ਼ਿਲ੍ਹਾਵਾਰ ਗੁੰਮਸ਼ੁਦਗੀ ਦੇ ਮਾਮਲੇ

ਅੰਮ੍ਰਿਤਸਰ ਪੁਲਿਸ ਕਮਿਸ਼ਨਰੇਟ 220
ਅੰਮ੍ਰਿਤਸਰ 224
ਬਰਨਾਲਾ 119
ਬਟਾਲਾ ਪੁਲਸ ਜ਼ਿਲ੍ਹਾ 88
ਬਠਿੰਡਾ 70
ਫਰੀਦਕੋਟ 287
ਫ਼ਤਹਿਗੜ੍ਹ ਸਾਹਿਬ 78
ਫਾਜ਼ਿਲਕਾ 593
ਫਿਰੋਜ਼ਪੁਰ 71
ਗੁਰਦਾਸਪੁਰ 89
ਹੁਸ਼ਿਆਰਪੁਰ 1490
ਜਲੰਧਰ ਪੁਲਸ ਕਮਿਸ਼ਨਰੇਟ 688
ਜਲੰਧਰ ਦਿਹਾਤੀ 1626
ਕਪੂਰਥਲਾ 361
ਖੰਨਾ ਪੁਲਸ ਜ਼ਿਲ੍ਹਾ 41
ਲੁਧਿਆਣਾ ਪੁਲਸ ਕਮਿਸ਼ਨਰੇਟ 929
ਲੁਧਿਆਣਾ ਦਿਹਾਤੀ 98
ਮਾਲੇਰਕੋਟਲਾ 16
ਮਾਨਸਾ 483
ਮੋਗਾ 134
ਪਠਾਨਕੋਟ 344
ਪਟਿਆਲਾ 615
ਰੂਪਨਗਰ138
ਸੰਗਰੂਰ 88
ਐੱਸ.ਏ.ਐੱਸ. ਨਗਰ 175
ਐੱਸ.ਬੀ.ਐੱਸ. ਨਗਰ 353
ਸ਼੍ਰੀ ਮੁਕਤਸਰ ਸਾਹਿਬ365
ਤਰਨਤਾਰਨ 98