(Source: ECI/ABP News)
ਪਾਕਿਸਤਾਨ 'ਚ ਭੂਚਾਲ ਦੇ ਝਟਕੇ, ਰਿਕਟਰ ਸਕੇਲ 'ਤੇ ਤੀਬਰਤਾ 3.9 ਮਾਪੀ ਗਈ
ਪਾਕਿਸਤਾਨ 'ਚ ਸ਼ੁੱਕਰਵਾਰ ਰਾਤ10 ਵੱਜ ਕੇ 58 ਮਿੰਟ 'ਤੇ ਭੂਚਾਲ ਦੇ ਝਟਿਆਂ ਨੂੰ ਮਹਿਸੂਸ ਕੀਤਾ ਗਿਆ।
Earthquake in Pakistan: ਪਾਕਿਸਤਾਨ 'ਚ ਆਜ਼ਾਦੀ ਦਿਹਾੜੇ ਤੋਂ ਪਹਿਲਾਂ ਸ਼ੁੱਕਰਵਾਰ ਰਾਤ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਨੈਸ਼ਨਲ ਸੈਂਟਰ ਫਾਰ ਸੀਸਮੌਲੌਜੀ ਦੇ ਮੁਤਾਬਕ ਪਾਕਿਸਤਾਨ 'ਚ ਸ਼ੁੱਕਰਵਾਰ ਰਾਤ10 ਵੱਜ ਕੇ 58 ਮਿੰਟ 'ਤੇ ਭੂਚਾਲ ਦੇ ਝਟਿਆਂ ਨੂੰ ਮਹਿਸੂਸ ਕੀਤਾ ਗਿਆ। ਦੱਸਿਆ ਜਾ ਰਿਹਾ ਕਿ ਭੂਚਾਲ ਦੇ ਝਟਕਿਆਂ ਦੀ ਤੀਬਰਤਾ ਰਿਕਟਰ ਸਕੇਲ 'ਤੇ 3.9 ਦਰਜ ਕੀਤੀ ਗਈ। ਉੱਥੇ ਅਜੇ ਤਕ ਇਸ ਭੂਚਾਲ ਕਾਰਨ ਕਿਸੇ ਤਰ੍ਹਾਂ ਦੇ ਜਾਨੀ ਨੁਕਸਾਨ ਦੀ ਕੋਈ ਖ਼ਬਰ ਨਹੀਂ ਹੈ।
ਪਹਿਲਾਂ ਵੀ ਆਇਆ ਭੂਚਾਲ
ਇਸ ਤੋਂ ਪਹਿਲਾਂ ਵੀ ਇਸ ਸਾਲ ਪਾਕਿਸਤਾਨ 'ਚ ਕਈ ਵਾਰ ਭੂਚਾਲੇ ਦੇ ਝਟਕੇ ਮਹਿਸੂਸ ਕੀਤੇ ਗਏ। ਜਿਸ 'ਚ ਖ਼ੈਬਰ ਪਖਤੂਨਖਵਾ, ਪੰਜਾਬ ਤੇ ਇਸਲਾਮਾਬਾਦ ਸ਼ਾਮਿਲ ਸਨ। ਇੱਥੇ 6.4 ਤੀਬਰਤਾ ਦੇ ਭੂਚਾਲ ਦੇ ਝਟਕੇ ਮਹਿਸੂਸ ਕੀਤੇ ਗਏ ਸਨ। ਇਸ ਦੌਰਾਨ ਭਾਰਤ ਦੇ ਵੀ ਕੁਝ ਇਲਾਕਿਆਂ 'ਚ ਝਟਕੇ ਮਹਿਸੂਸ ਕੀਤੇ ਗਏ ਸਨ।
ਕਿਉਂ ਆਉਂਦਾ ਹੈ ਭੂਚਾਲ
ਧਰਤੀ ਕਈ ਤਰ੍ਹਾਂ ਦੀ ਸਤ੍ਹਾ 'ਚ ਵੰਡੀ ਹੋਈ ਹੈ। ਧਰਤੀ ਦੀ ਸਤ੍ਹਾ 'ਤੇ ਅਚਾਨਕ ਹੋਈ ਹਲਚਲ ਕਾਰਨ ਇਸਦੀ ਆਂਤਰਿਕ ਊਰਜਾ ਬਾਹਰ ਨਿੱਕਲ ਜਾਂਦੀ ਹੈ। ਜਿਸ ਕਾਰਨ ਧਰਤੀ ਕੰਬਣ ਜਾਂ ਹਿੱਲਣ ਲੱਗਦੀ ਹੈ। ਜਿਸ ਨੂੰ ਭੂਚਾਲ ਕਹਿੰਦੇ ਹਨ। ਇਸ ਦੀ ਤੀਬਰਤਾ ਸਿਸਮੋਗ੍ਰਾਫ ਨਾਮਕ ਯੰਤਰ ਨਾਲ ਮਾਪੀ ਜਾਂਦੀ ਹੈ
ਭੂਚਾਲ ਨਾਲ ਹੁੰਦਾ ਹੈ ਭਾਰੀ ਨੁਕਸਾਨ
ਭੂਚਾਲ ਕਾਫੀ ਭਿਆਨਕ ਹੋ ਸਕਦੇ ਹਨ। ਇਸ ਕਾਰਨ ਪਹਾੜੀ ਸੂਬਿਆਂ 'ਚ ਜ਼ਮੀਨ ਖਿਸਕਣ ਜਿਹੀਆਂ ਘਟਨਾਵਾਂ ਹੋ ਸਕਦੀਆਂ ਹਨ। ਮੈਦਾਨੀ ਇਲਾਕਿਆਂ 'ਚ ਆਉਣ ਵਾਲੇ ਭੂਚਾਲ ਵੱਡੀਆਂ-ਵੱਡੀਆਂ ਇਮਾਰਤਾਂ ਨੂੰ ਕਾਫੀ ਆਸਾਨੀ ਨਾਲ ਡੇਗ ਸਕਦੇ ਹਨ। ਜਿਸ ਨਾਲ ਵੱਡੀ ਤਾਦਾਦ 'ਚ ਨੁਕਸਾਨ ਹੋ ਸਕਦਾ ਹੈ।
ਫਿਲਹਾਲ ਭਾਰਤ 'ਚ 26 ਜਨਵਰੀ, 2001 ਨੂੰ ਆਇਆ ਭੂਚਾਲ ਕਾਫੀ ਭਿਆਨਕ ਸੀ। ਜਿਸ ਕਾਰਨ 30 ਹਜ਼ਾਰ ਤੋਂ ਜ਼ਿਆਦਾ ਲੋਕ ਮਾਰੇ ਗਏ ਸਨ ਤੇ 10 ਲੱਖ ਤੋਂ ਜ਼ਿਆਦਾ ਲੋਕ ਬੇਘਰ ਹੋ ਗਏ। ਇਸ ਦੀ ਤੀਬਰਤਾ ਰਿਕਟਰ ਸਕੇਲ 'ਤੇ 7.9 ਮਾਪੀ ਗਈ ਸੀ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
