ਹੁਣ ਅਮਰੀਕਾ ਵਿੱਚ ਰਿਟੇਲ ਫਾਰਮੇਸੀ 'ਚ ਮਿਲਣਗੀਆਂ ਗਰਭਪਾਤ ਦੀਆਂ ਗੋਲੀਆਂ, ਜਾਣੋ ਕਿਉਂ ਲਿਆ ਫੈਸਲਾ?

ਅਮਰੀਕਾ ਦੇ ਪਬਲਿਕ ਹੈਲਥ ਡਿਪਾਰਟਮੈਂਟ ਨੇ ਪ੍ਰਚੂਨ ਫਾਰਮੇਸੀ ਦੀਆਂ ਦੁਕਾਨਾਂ ਨੂੰ ਗਰਭਪਾਤ ਦੀਆਂ ਗੋਲੀਆਂ ਵੇਚਣ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਯੂਐਸ ਦੇ ਕਈ ਸੂਬਿਆਂ 'ਚ ਗਰਭਪਾਤ 'ਤੇ ਪਾਬੰਦੀ ਲਗਾਈ ਸੀ।

ਅਮਰੀਕਾ ਵਿੱਚ ਰਿਟੇਲ ਫਾਰਮੇਸੀ 'ਚ ਮਿਲਣਗੀਆਂ ਗਰਭਪਾਤ ਦੀਆਂ ਗੋਲੀਆਂ

American Abortion Decision: ਇਸ ਹਫਤੇ ਤੋਂ ਅਮਰੀਕਾ ਦੇ ਪਬਲਿਕ ਹੈਲਥ ਡਿਪਾਰਟਮੈਂਟ ਨੇ ਪ੍ਰਚੂਨ ਫਾਰਮੇਸੀ ਦੀਆਂ ਦੁਕਾਨਾਂ ਨੂੰ ਪਰਚੇ ਦੇ ਆਧਾਰ 'ਤੇ ਗਰਭਪਾਤ ਦੀਆਂ ਗੋਲੀਆਂ ਵੇਚਣ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਪਿਛਲੇ ਸਾਲ ਅਮਰੀਕਾ ਦੇ ਕਈ ਸੂਬਿਆਂ 'ਚ ਗਰਭਪਾਤ 'ਤੇ ਪਾਬੰਦੀ ਲਗਾਈ ਗਈ ਸੀ ਪਰ ਕੁਝ ਸੂਬਿਆਂ 'ਚ ਗਰਭਪਾਤ 'ਤੇ ਪਾਬੰਦੀ ਨਹੀਂ ਹੈ, ਅਜਿਹੇ 'ਚ ਸਰਕਾਰ ਨੇ ਗਰਭਪਾਤ ਦੀਆਂ ਗੋਲੀਆਂ ਵੇਚਣ ਦੀ ਇਜਾਜ਼ਤ ਦੇ ਦਿੱਤੀ ਹੈ।

ਸਿਹਤ ਵਿਭਾਗ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਸਰਕਾਰ ਦਾ ਇਹ ਕਦਮ ਅਹਿਮ ਸਾਬਤ ਹੋਵੇਗਾ। ਦਰਅਸਲ ਪਿਛਲੇ ਸਾਲ ਅਮਰੀਕੀ ਸੁਪਰੀਮ ਕੋਰਟ ਨੇ ਇਤਿਹਾਸਕ ਫੈਸਲਾ ਦਿੰਦੇ ਹੋਏ ਗਰਭਪਾਤ ਦੇ ਸੰਵਿਧਾਨਕ ਅਧਿਕਾਰ ਨੂੰ ਖਤਮ ਕਰ ਦਿੱਤਾ ਸੀ। ਇਸ ਫੈਸਲੇ ਤੋਂ ਬਾਅਦ ਇਹ ਅਮਰੀਕਾ ਵਿਚ ਵੱਡਾ ਮੁੱਦਾ ਬਣ ਗਿਆ ਸੀ।

FDA ਨੇ ਦਿੱਤਾ ਆਗਿਆ

ਯੂਐਸ ਫੂਡ ਐਂਡ ਡਰੱਗ ਐਡਮਨਿਸਟ੍ਰੇਸ਼ਨ (FDA) ਨੇ ਇੱਕ ਨਿਯਮ ਵਿੱਚ ਬਦਲਾਅ ਕੀਤਾ ਹੈ ਜਿਸ ਵਿੱਚ ਪ੍ਰਚੂਨ ਫਾਰਮੇਸੀਆਂ, ਵੱਡੀਆਂ ਚੇਨ ਅਤੇ ਮੇਲ ਆਰਡਰ ਕੰਪਨੀਆਂ ਸਮੇਤ, ਗਰਭਪਾਤ ਦੀਆਂ ਗੋਲੀਆਂ ਵੇਚਣ ਦੀ ਆਗਿਆ ਦਿੱਤੀ ਗਈ ਹੈ। FDA ਨੇ ਫਾਰਮੇਸੀਆਂ ਨੂੰ 'Mifepristone' ਡਰੱਗ ਰੱਖਣ ਇਜਾਜ਼ਤ ਦੇ ਦਿੱਤੀ ਹੈ। ਮਾਈਫੇਪ੍ਰਿਸਟੋਨ ਦਵਾਈ ਗਰਭ ਅਵਸਥਾ ਦੀ ਸੰਭਾਵਨਾ ਨੂੰ ਰੋਕਦੀ ਹੈ। FDA ਨੇ ਗਰਭ ਅਵਸਥਾ ਦੇ 10ਵੇਂ ਹਫ਼ਤੇ ਤੱਕ ਵਰਤਣ ਲਈ mifepristone ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।

ਅਮਰੀਕੀ ਔਰਤਾਂ ਲਈ ਮਹੱਤਵਪੂਰਨ ਹੈ

ਦੱਸ ਦੇਈਏ ਕਿ ਇਹ ਫੈਸਲਾ ਅਜਿਹੇ ਸਮੇਂ ਆਇਆ ਹੈ ਜਦੋਂ ਪਿਛਲੇ ਸਾਲ ਗਰਭਪਾਤ ਦੇ ਸੰਵਿਧਾਨਕ ਅਧਿਕਾਰ ਨੂੰ ਖਤਮ ਕਰਨ ਦੇ ਸੁਪਰੀਮ ਕੋਰਟ ਦੇ ਫੈਸਲੇ ਤੋਂ ਬਾਅਦ ਜੋ ਬਿਡੇਨ ਪ੍ਰਸ਼ਾਸਨ ਗਰਭਪਾਤ ਦੇ ਹੋਰ ਅਧਿਕਾਰਾਂ ਨੂੰ ਸੁਰੱਖਿਅਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਅਮਰੀਕਾ ਵਿੱਚ, ਡਾਕਟਰੀ ਗਰਭਪਾਤ ਨੂੰ ਉਹਨਾਂ ਔਰਤਾਂ ਲਈ ਇੱਕ ਮਹੱਤਵਪੂਰਨ ਵਿਕਲਪ ਵਜੋਂ ਦੇਖਿਆ ਜਾਂਦਾ ਹੈ ਜੋ ਆਪਣੀ ਗਰਭ ਅਵਸਥਾ ਨੂੰ ਖਤਮ ਕਰਨਾ ਚਾਹੁੰਦੀਆਂ ਹਨ।

ਹੁਕਮਾਂ ਅਨੁਸਾਰ ਡਾਕਟਰੀ ਸਲਾਹ ਤੋਂ ਬਿਨਾਂ ਗਰਭਪਾਤ ਦੀ ਦਵਾਈ ਉਪਲਬਧ ਨਹੀਂ ਹੋਵੇਗੀ, ਇਸਦੇ ਲਈ ਡਾਕਟਰ ਦੀ ਪਰਚੀ ਦੀ ਲੋੜ ਹੋਵੇਗੀ। ਪਹਿਲਾਂ ਇਹ ਦਵਾਈ ਸਿਰਫ ਕੁਝ ਖਾਸ ਦਵਾਈਆਂ ਦੇ ਸਟੋਰਾਂ 'ਤੇ ਉਪਲਬਧ ਸੀ, ਪਰ ਹੁਣ ਤੋਂ ਇਸ ਨੂੰ ਸਾਰੇ ਪ੍ਰਚੂਨ ਸਟੋਰਾਂ 'ਤੇ ਵੇਚਿਆ ਜਾ ਸਕਦਾ ਹੈ। ਦੱਸ ਦੇਈਏ ਕਿ ਗਰਭਪਾਤ ਕਰਵਾਉਣ ਲਈ ਇਹ ਦਵਾਈ ਇੱਕ ਜਾਂ ਦੋ ਦਿਨ ਤੱਕ ਲੈਣੀ ਪੈਂਦੀ ਹੈ।