King Charles: ਕਿੰਗ ਚਾਰਲਸ 'ਤੇ ਨੌਜਵਾਨ ਨੇ ਸੁੱਟੇ ਸੀ ਅੰਡੇ, 5 ਮਹੀਨੇ ਬਾਅਦ ਦੋਸ਼ੀ ਕਰਾਰ, ਹੁਣ ਭੁਗਤਣੀ ਪਵੇਗੀ ਇਹ ਸਜ਼ਾ

King Charles Egg-Throwing Incident: ਬ੍ਰਿਟੇਨ ਦੇ ਕਿੰਗ ਚਾਰਲਸ ਅਤੇ ਉਨ੍ਹਾਂ ਦੀ ਪਤਨੀ ਕੈਮਿਲਾ 'ਤੇ ਇਕ ਨੌਜਵਾਨ ਨੇ ਅੰਡੇ ਸੁੱਟੇ। ਇਸ ਘਟਨਾ ਦਾ ਵੀਡੀਓ ਵਾਇਰਲ ਹੋ ਗਿਆ ਸੀ। ਹੁਣ ਉਸ ਨੌਜਵਾਨ ਨੂੰ ਸਜ਼ਾ ਸੁਣਾਈ ਗਈ ਹੈ।

king charles

British Monarch King Charles News: ਬ੍ਰਿਟੇਨ 'ਚ ਕਿੰਗ ਚਾਰਲਸ 'ਤੇ ਅੰਡੇ ਸੁੱਟਣ ਦੇ ਦੋਸ਼ 'ਚ ਇਕ ਨੌਜਵਾਨ ਨੂੰ ਸਜ਼ਾ ਸੁਣਾਈ ਗਈ ਹੈ। ਨੌਜਵਾਨ ਨੇ ਰਸਤੇ ਵਿਚ ਕਿੰਗ ਚਾਰਲਸ 'ਤੇ ਘੱਟੋ-ਘੱਟ ਪੰਜ ਅੰਡੇ ਸੁੱਟੇ, ਨਵੰਬਰ ਵਿਚ ਹੋਈ ਇਸ ਘਟਨਾ ਲਈ ਉਸ ਨੂੰ ਧਮਕੀ ਭਰੇ ਵਿਵਹਾਰ ਦਾ ਦੋਸ਼ੀ ਠਹਿਰਾਇਆ ਗਿਆ। ਹੁਣ ਉਸ ਨੂੰ ਪੂਰਾ ਸਾਲ ਕਮਿਊਨਿਟੀ ਆਰਡਰ ਦੀ ਪਾਲਣਾ ਕਰਨੀ ਪਵੇਗੀ।

ਇਹ ਜਾਣਕਾਰੀ ਕਰਾਊਨ ਪ੍ਰੋਸੀਕਿਊਸ਼ਨ ਸਰਵਿਸ (ਸੀਪੀਐਸ) ਨੇ ਦਿੱਤੀ। ਸਰਕਾਰੀ ਵਕੀਲਾਂ ਨੇ ਕਿਹਾ ਕਿ ਕਿੰਗ ਚਾਰਲਸ 'ਤੇ ਅੰਡੇ ਸੁੱਟਣ ਵਾਲੇ ਵਿਅਕਤੀ ਨੂੰ "100 ਘੰਟੇ ਬਿਨਾਂ ਤਨਖ਼ਾਹ ਤੋਂ ਕੰਮ" ਦੇ ਨਾਲ 12 ਮਹੀਨਿਆਂ ਦੇ ਕਮਿਊਨਿਟੀ ਆਰਡਰ ਦੀ ਸਜ਼ਾ ਸੁਣਾਈ ਗਈ ਹੈ। ਉਸ ਨੌਜਵਾਨ ਦੀ ਪਛਾਣ ਪੈਟਰਿਕ ਥੈਲਵੇਲ ਵਜੋਂ ਹੋਈ ਹੈ। ਉਹ 23 ਸਾਲ ਦਾ ਹੈ। ਪੈਟ੍ਰਿਕ ਥੈਲਵੇਲ 'ਤੇ ਨਵੰਬਰ ਵਿਚ ਕਿੰਗ ਚਾਰਲਸ 'ਤੇ ਘੱਟੋ-ਘੱਟ ਪੰਜ ਅੰਡੇ ਸੁੱਟਣ ਦਾ ਦੋਸ਼ ਲਗਾਇਆ ਗਿਆ ਸੀ, ਜਿਸ ਲਈ ਉਸ ਨੂੰ ਧਮਕੀ ਭਰੇ ਵਿਵਹਾਰ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ।

100 ਬਿਨਾਂ ਤਨਖਾਹ ਤੋਂ ਮਜ਼ਦੂਰੀ ਕਰਨੀ ਪਵੇਗੀ

ਰਾਇਟਰਸ ਦੀ ਰਿਪੋਰਟ ਮੁਤਾਬਕ ਕਿੰਗ ਚਾਰਲਸ 'ਤੇ ਅੰਡੇ ਸੁੱਟੇ ਜਾਣ ਦੀ ਘਟਨਾ ਉਦੋਂ ਵਾਪਰੀ ਜਦੋਂ ਉਹ ਉੱਤਰੀ ਇੰਗਲੈਂਡ 'ਚ ਯਾਰਕ ਦਾ ਦੌਰਾ ਕਰ ਰਹੇ ਸਨ। ਕ੍ਰਾਊਨ ਪ੍ਰੌਸੀਕਿਊਸ਼ਨ ਸਰਵਿਸ (CPS) ਨੇ ਕਿਹਾ ਕਿ ਦੋਸ਼ੀ ਨੂੰ 12 ਮਹੀਨਿਆਂ ਦੇ ਕਮਿਊਨਿਟੀ ਆਰਡਰ 'ਤੇ "100 ਘੰਟੇ ਬਿਨਾਂ ਤਨਖ਼ਾਹ ਤੋਂ ਕੰਮ" ਦੇ ਨਾਲ ਸਜ਼ਾ ਸੁਣਾਈ ਗਈ ਸੀ। ਸੀਪੀਐਸ ਨੇ ਕਿਹਾ ਕਿ ਸਜ਼ਾ ਯੌਰਕ ਮੈਜਿਸਟ੍ਰੇਟ ਦੀ ਅਦਾਲਤ ਵਿੱਚ ਸੁਣਵਾਈ ਤੋਂ ਬਾਅਦ ਆਈ ਹੈ।

ਇਹ ਵੀ ਪੜ੍ਹੋ: Blast At Japan PM Speech: ਵਾਲ-ਵਾਲ ਬਚੇ ਜਾਪਾਨ ਦੇ ਪ੍ਰਧਾਨ ਮੰਤਰੀ, ਭਾਸ਼ਣ ਦੌਰਾਨ ਵਿਸਫੋਟ

‘ਆਪਣੇ ਕੀਤੇ ‘ਤੇ ਕੋਈ ਪਛਤਾਵਾ ਨਹੀਂ’

ਸੀਪੀਐਸ ਸਪੈਸ਼ਲ ਕ੍ਰਾਈਮਜ਼ ਅਤੇ ਕਾਊਂਟਰ ਟੈਰੋਰਿਜ਼ਮ ਡਿਵੀਜ਼ਨ ਦੇ ਮੁਖੀ ਨਿਕ ਪ੍ਰਾਈਸ ਨੇ ਇੱਕ ਬਿਆਨ ਵਿੱਚ ਕਿਹਾ: "ਪੈਟਰਿਕ ਥੈਲਵੇਲ" ਨੇ ਆਪਣੀ ਗ੍ਰਿਫਤਾਰੀ ਦੇ ਬਾਵਜੂਦ ਆਪਣੇ ਕੰਮਾਂ ਲਈ ਕੋਈ ਪਛਤਾਵਾ ਨਹੀਂ ਦਿਖਾਇਆ ਅਤੇ ਐਚਐਮ ਚਾਰਲਸ ਨੂੰ ਅੰਡੇ ਨਾਲ ਪਥਰਾਅ ਕਰਨ ਦੇ ਆਪਣੇ ਇਰਾਦੇ 'ਤੇ ਕਾਇਮ ਰਿਹਾ।'' ਇਹ ਧਮਕੀ ਭਰਿਆ ਵਿਵਹਾਰ ਹੈ। ਅਸਵੀਕਾਰਨਯੋਗ ਹੈ ਅਤੇ ਇਸ ਨੂੰ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ,”।

ਸੀਪੀਐਸ ਨੇ ਕਿਹਾ ਕਿ ਜਦੋਂ ਉਹ ਘਟਨਾ ਤੋਂ ਬਾਅਦ ਪੁਲਿਸ ਵੈਨ ਦੇ ਆਉਣ ਦਾ ਇੰਤਜ਼ਾਰ ਕਰ ਰਿਹਾ ਸੀ, ਭੀੜ ਵਿੱਚ ਇੱਕ ਵਿਅਕਤੀ ਨੇ ਉਸ ਨੂੰ ਪੁੱਛਿਆ ਕਿ ਕੀ ਉਸ ਨੇ "ਕੁਝ" ਸੁੱਟਿਆ ਹੈ, ਜਿਸ ਦਾ ਜਵਾਬ ਪੈਟਰਿਕ ਥੈਲਵੇਲ ਨੇ ਦਿੱਤਾ, "ਮੈਂ ਉਨ੍ਹਾਂ 'ਤੇ ਅੰਡੇ ਸੁੱਟੇ, ਕਿਉਂਕਿ ਉਹ ਇਸ ਦੇ ਹੱਕਦਾਰ ਹਨ। "

ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਵੀਡੀਓ

ਸੋਸ਼ਲ ਮੀਡੀਆ 'ਤੇ ਵਿਆਪਕ ਤੌਰ 'ਤੇ ਸਾਂਝੀ ਕੀਤੀ ਗਈ ਵੀਡੀਓ ਵਿੱਚ ਨੌਜਵਾਨ ਨੂੰ ਕਿੰਗ ਚਾਰਲਸ ਅਤੇ ਉਨ੍ਹਾਂ ਦੀ ਪਤਨੀ ਕੈਮਿਲਾ 'ਤੇ ਅੰਡੇ ਸੁੱਟਦੇ ਹੋਏ ਦੇਖਿਆ ਗਿਆ ਜਦੋਂ ਉਹ ਯਾਰਕ ਵਿੱਚ ਇੱਕ ਰਵਾਇਤੀ ਸਮਾਰੋਹ ਲਈ ਪਹੁੰਚੇ ਸਨ। ਅੰਡੇ ਉੱਛਲ ਕੇ ਬ੍ਰਿਟਿਸ਼ ਸਮਰਾਟ ਅਤੇ ਉਨ੍ਹਾਂ ਦੀ ਪਤਨੀ ਕੋਲੋਂ ਗੁਜ਼ਰੇ ਅਤੇ ਜ਼ਮੀਨ 'ਤੇ ਡਿੱਗ ਪਏ। ਹੁਣ ਕਿੰਗ ਚਾਰਲਸ ਦਾ ਤਾਜਪੋਸ਼ੀ ਸਮਾਗਮ 6 ਮਈ ਨੂੰ ਲੰਡਨ ਦੇ ਵੈਸਟਮਿੰਸਟਰ ਐਬੇ ਵਿਖੇ ਹੋਣ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ: Russia-Ukraine War: ਯੂਕਰੇਨ ਦੇ ਸਲੋਵਿੰਸਕ 'ਚ ਰੂਸੀ ਮਿਜ਼ਾਈਲ ਹਮਲਾ, 2 ਸਾਲ ਦੇ ਬੱਚੇ ਸਣੇ 8 ਦੀ ਮੌਤ, 21 ਜ਼ਖਮੀ