ਚੀਨੀ ਲਸਣ ਤੇ ਅਦਰਕ ਦੇ ਸਟਾਕ ਬਾਜ਼ਾਰਾਂ ਚੋਂ ਖਤਮ, ਬੰਗਲਾਦੇਸ਼ 'ਚ ਚੀਨੀ ਲਸਣ ਹੋਇਆ ਮਹਿੰਗਾ

ਬੰਗਲਾਦੇਸ਼ ਵਿੱਚ, ਚੀਨੀ ਲਸਣ ਅਤੇ ਅਦਰਕ ਦੇ ਸਟਾਕ ਬਾਜ਼ਾਰਾਂ ਤੋਂ ਖਤਮ ਹੋ ਗਏ ਹਨ ਅਤੇ ਸਪਲਾਈ ਦੀ ਘਾਟ ਪੈਦਾ ਹੋ ਗਈ ਹੈ।

ਨਵੀਂ ਦਿੱਲੀ: ਬੰਗਲਾਦੇਸ਼ ਵਿੱਚ, ਚੀਨੀ ਲਸਣ ਅਤੇ ਅਦਰਕ ਦੇ ਸਟਾਕ ਬਾਜ਼ਾਰਾਂ ਤੋਂ ਖਤਮ ਹੋ ਗਏ ਹਨ ਅਤੇ ਸਪਲਾਈ ਦੀ ਘਾਟ ਪੈਦਾ ਹੋ ਗਈ ਹੈ। ਜਿਸ ਨਾਲ ਵਪਾਰੀਆਂ ਨੂੰ ਖਾਣਾ ਪਕਾਉਣ ਵਾਲੀਆਂ ਦੂਜੀਆਂ ਵਿਕਲਪਿਕ ਚੀਜਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰਨ ਲਈ ਪ੍ਰੇਰਿਆ ਜਾ ਰਿਹਾ ਹੈ। ਘਾਟ ਚੀਨ ਤੋਂ ਆਯਾਤ ਮੁਲਤਵੀ ਹੋਣ ਕਾਰਨ ਹੋਈ ਹੈ, ਜੋ ਕਿ ਇਹਨਾਂ ਦੋਵਾਂ ਚੀਜਾਂ ਲਈ ਸਭ ਤੋਂ ਵੱਡਾ ਸਰੋਤ ਹੈ। ਇਹ ਮਾਰੂ ਕੋਰੋਨਾਵਾਇਰਸ ਦੇ ਪ੍ਰਕੋਪ ਦੇ ਕਾਰਨ ਹੋ ਰਿਹਾ ਹੈ। ਕਈ ਪ੍ਰਚੂਨ ਬਾਜ਼ਾਰਾਂ ਦਾ ਦੌਰਾ ਕਰਦਿਆਂ, ਇਹ ਪਾਇਆ ਗਿਆ ਕਿ ਚੀਨੀ ਮਸਾਲੇ ਬਹੁਤ ਸੀਮਤ ਮਾਤਰਾ ਵਿੱਚ ਮੌਜੂਦ ਹਨ ਅਤੇ ਉਹ ਬਹੁਤ ਜ਼ਿਆਦਾ ਕੀਮਤਾਂ ਤੇ ਵੇਚ ਰਹੇ ਹਨ। ਇੱਕ ਕਿਲੋਗ੍ਰਾਮ ਚੀਨੀ ਲਸਣ 200-230 ਰੁਪਏ ਪ੍ਰਤੀ ਕਿੱਲ ਵਿਕ ਰਿਹਾ ਸੀ, ਜੋ ਪਹਿਲਾਂ ਸ਼ਹਿਰ ਦੀਆਂ ਰਸੋਈ ਬਾਜ਼ਾਰਾਂ ਵਿੱਚ 130-140 ਰੁਪਏ ਕਿਲੋ ਹੀ ਸੀ।