US President Election: ਡੋਨਾਲਡ ਟਰੰਪ ਬਣਨਗੇ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ! ਪਾਰਟੀ ਕਰ ਸਕਦੀ ਐਲਾਨ
US President Election: ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਚੋਣਾਂ ਲਈ ਪਾਰਟੀ ਦੀ ਨਾਮਜ਼ਦਗੀ ਲਈ ਵਿਸਕਾਨਸਿਨ ਦੇ ਸ਼ਹਿਰ ਮਿਲਵੌਕੀ ਪਹੁੰਚ ਗਏ ਹਨ, ਜਿੱਥੇ ਉਮੀਦਵਾਰ ਦਾ ਰਸਮੀ ਐਲਾਨ ਕੀਤਾ ਜਾਵੇਗਾ।
US President Election: ਅਮਰੀਕਾ ਦੇ ਪੈਨਸਿਲਵੇਨੀਆ ਵਿੱਚ ਹੋਏ ਜਾਨਲੇਵਾ ਹਮਲੇ ਤੋਂ ਬਾਅਦ ਡੋਨਾਲਡ ਟਰੰਪ ਵਿਸਕਾਨਸਿਨ ਦੇ ਮਿਲਵੌਕੀ ਪਹੁੰਚੇ। ਮੰਨਿਆ ਜਾ ਰਿਹਾ ਹੈ ਕਿ ਸੋਮਵਾਰ (15 ਜੁਲਾਈ) ਤੋਂ ਸ਼ੁਰੂ ਹੋਏ ਰਿਪਬਲਿਕਨ ਪਾਰਟੀ ਦੇ ਸੰਮੇਲਨ ਵਿੱਚ ਰਾਸ਼ਟਰਪਤੀ ਅਹੁਦੇ ਦੇ ਉਮੀਦਵਾਰ ਵਜੋਂ ਉਨ੍ਹਾਂ ਦੇ ਨਾਂ ਦਾ ਐਲਾਨ ਹੋਣਾ ਤੈਅ ਹੈ।
ਐਚਟੀ ਦੀ ਰਿਪੋਰਟ ਦੇ ਅਨੁਸਾਰ, ਵਿਸਕਾਨਸਿਨ ਦੇ ਇਸ ਸਵਿੰਗ ਸਟੇਟ ਵਿੱਚ ਫਿਸਰਵ ਫੋਰਮ ਵਿੱਚ 2,400 ਤੋਂ ਵੱਧ ਰਿਪਬਲਿਕਨ ਪ੍ਰਤੀਨਿਧੀ ਇਕੱਠੇ ਹੋ ਰਹੇ ਹਨ। ਇਸ ਤੋਂ ਇਲਾਵਾ ਇਸ ਪ੍ਰੋਗਰਾਮ ਵਿੱਚ 50,000 ਤੋਂ ਵੱਧ ਲੋਕਾਂ ਦੇ ਸ਼ਾਮਲ ਹੋਣ ਦੀ ਉਮੀਦ ਹੈ। ਸ਼ਨੀਵਾਰ ਦੀ ਗੋਲੀਬਾਰੀ ਤੋਂ ਬਾਅਦ ਕਾਨਫਰੰਸ ਲਈ ਸਖ਼ਤ ਸੁਰੱਖਿਆ ਪ੍ਰਬੰਧ ਕੀਤੇ ਗਏ ਹਨ।
ਦਰਅਸਲ, ਟਰੰਪ ਨੇ ਐਤਵਾਰ ਨੂੰ ਆਪਣੀ Truth ਸੋਸ਼ਲ ਸਾਈਟ 'ਤੇ ਪੋਸਟ ਕਰਦਿਆਂ ਹੋਇਆਂ ਲਿਖਿਆ ਕਿ ਉਹ ਵਿਸਕਾਨਸਿਨ ਦੀ ਆਪਣੀ ਯਾਤਰਾ ਅਤੇ ਰਿਪਬਲਿਕਨ ਨੈਸ਼ਨਲ ਕਨਵੈਨਸ਼ਨ ਨੂੰ ਦੋ ਦਿਨਾਂ ਲਈ ਮੁਲਤਵੀ ਕਰਨ ਜਾ ਰਹੇ ਸਨ, ਪਰ ਮੈਂ ਹੁਣੇ ਹੀ ਫੈਸਲਾ ਕੀਤਾ ਹੈ ਕਿ ਮੈਂ ਕਿਸੇ ਵੀ ਸ਼ੂਟਰ ਜਾਂ ਸੰਭਾਵਿਤ ਕਾਤਲ ਨੂੰ ਸ਼ਡਿਊਲ ਕਰਨ ਜਾਂ ਕਿਸੇ ਚੀਜ਼ ਵਿੱਚ ਬਦਲਾਅ ਕਰਨ ਦੀ ਇਜਾਜ਼ਤ ਨਹੀਂ ਦੇ ਸਕਦਾ।
ਉੱਥੇ ਹੀ, ਕਾਨਫਰੰਸ ਦੇ ਬੁਲਾਰੇ ਬਿਡੇਨ ਪ੍ਰਸ਼ਾਸਨ 'ਤੇ ਇਸ ਦੀ ਇਮੀਗ੍ਰੇਸ਼ਨ ਪਾਲਿਸੀ ਨੂੰ ਲੈਕੇ ਨਿਸ਼ਾਨਾ ਸਾਧ ਸਕਦੇ ਹਨ, ਦੱਖਣੀ ਸਰਹੱਦ ਤੋਂ ਇਮੀਗ੍ਰੇਸ਼ਨ ਨੂੰ ਹਮਲਾ ਦੱਸ ਸਕਦੇ ਹਨ। ਇਸ ਤੋਂ ਇਲਾਵਾ ਟਰੰਪ ਦਾ ਸ਼ਾਸਨ ਅਮਰੀਕੀ ਇਤਿਹਾਸ ਦੀ ਸਭ ਤੋਂ ਵੱਡੀ ਦੇਸ਼ ਨਿਕਾਲੇ ਪ੍ਰਕਿਰਿਆ ਦਾ ਵਾਅਦਾ ਕਰ ਸਕਦਾ ਹੈ।
ਇਸ ਦੌਰਾਨ ਕਾਨਫਰੰਸ ਦੇ ਬੁਲਾਰੇ ਅਫਗਾਨਿਸਤਾਨ ਤੋਂ ਅਮਰੀਕੀ ਸੈਨਿਕਾਂ ਦੀ ਵਾਪਸੀ, ਬਿਨਾਂ ਕਿਸੇ ਅੰਤਮ ਟੀਚੇ ਦੇ ਯੂਕਰੇਨ ਯੁੱਧ ਵਿੱਚ ਸ਼ਮੂਲੀਅਤ, ਚੀਨ ਅਤੇ ਇਜ਼ਰਾਈਲ-ਹਮਾਸ ਯੁੱਧ ਅਤੇ ਈਰਾਨ ਦੇ ਕਥਿਤ ਤੁਸ਼ਟੀਕਰਨ ਵੱਲ ਇਸਦੀ ਪਹੁੰਚ ਲਈ ਬਿਡੇਨ ਪ੍ਰਸ਼ਾਸਨ ਦੀ ਆਲੋਚਨਾ ਕਰਨਗੇ। ਇਸ ਦੇ ਉਲਟ, ਟਰੰਪ ਦੇ ਵਫ਼ਾਦਾਰ ਉਸ ਦੇ ਪ੍ਰਸ਼ਾਸਨ ਨੂੰ ਅਜਿਹੇ ਦੌਰ ਦੇ ਰੂਪ 'ਚ ਪੇਸ਼ ਕਰਨਗੇ ਜਦੋਂ ਅਮਰੀਕਾ ਨੇ ਯੁੱਧ ਸ਼ੁਰੂ ਨਹੀਂ ਕੀਤਾ ਸੀ, ਚੀਨ ਵਰਗੇ ਵਿਰੋਧੀਆਂ ਦਾ ਸਾਹਮਣਾ ਕੀਤਾ ਸੀ ਅਤੇ ਰਿਪਬਲਿਕਨ ਉਮੀਦਵਾਰ ਨੂੰ ਰੂਸ-ਚੀਨ-ਉੱਤਰੀ ਕੋਰੀਆ-ਈਰਾਨ ਧੁਰੀ ਦੇ ਵਿਰੁੱਧ ਇੱਕ ਹੋਰ ਜੰਗ ਨੂੰ ਰੋਕਣ ਅਤੇ ਸਮਰੱਥ ਸਖ਼ਸ਼ ਦੇ ਤੌਰ 'ਤੇ ਪ੍ਰਦਰਸ਼ਿਤ ਕੀਤਾ ਜਾਵੇਗਾ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
