Elon Musk: ਐਲਨ ਮਸਕ ਨੇ ਛੱਡਿਆ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਸਾਥ! ਲਿਖਿਆ- 'ਮੇਰਾ ਸਮਾਂ ਮੁੱਕ ਗਿਆ'
ਅਮਰੀਕਾ ਦੇ ਸਿਆਸੀ ਗਲਿਆਰਿਆਂ 'ਚ ਉਸ ਸਮੇਂ ਹੜਕੰਪ ਮੱਚ ਗਿਆ ਜਦੋਂ ਐਲਨ ਮਸਕ ਨੇ ਐਕਸ ਉੱਤੇ ਇੱਕ ਪੋਸਟ ਪਾ ਕੇ ਆਪਣਾ ਅਹੁਦਾ ਛੱਡਾ ਦਿੱਤਾ। ਉਹ ਅਮਰੀਕੀ ਸਰਕਾਰ ਵਿੱਚ ਵਿਸ਼ੇਸ਼ ਸਰਕਾਰੀ ਕਰਮਚਾਰੀ (SGE) ਦੇ ਤੌਰ ਤੇ 130 ਦਿਨਾਂ ਦਾ ਕਾਰਜਕਾਲ ਖਤਮ ਕਰ
Elon Musk: ਟੈਸਲਾ ਅਤੇ ਸਪੇਸ ਐਕਸ ਦੇ ਮੁਖੀ ਐਲਨ ਮਸਕ ਨੇ ਐਲਾਨ ਕੀਤਾ ਹੈ ਕਿ ਉਹ ਅਮਰੀਕੀ ਸਰਕਾਰ ਵਿੱਚ ਵਿਸ਼ੇਸ਼ ਸਰਕਾਰੀ ਕਰਮਚਾਰੀ (SGE) ਦੇ ਤੌਰ ਤੇ 130 ਦਿਨਾਂ ਦਾ ਕਾਰਜਕਾਲ ਖਤਮ ਕਰ ਰਹੇ ਹਨ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X (ਪਹਿਲਾਂ ਟਵਿੱਟਰ) 'ਤੇ ਲਿਖਿਆ ਕਿ ਮੈਂ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਸਰਕਾਰੀ ਖਰਚ ਘਟਾਉਣ ਦੇ ਮੌਕੇ ਲਈ ਧੰਨਵਾਦ ਕਰਨਾ ਚਾਹੁੰਦਾ ਹਾਂ। DOGE ਮਿਸ਼ਨ ਸਮੇਂ ਦੇ ਨਾਲ ਹੋਰ ਮਜ਼ਬੂਤ ਹੁੰਦਾ ਜਾਵੇਗਾ।
ਇਹ ਵਾਲੇ ਕਦਮਾਂ ਦੇ ਨਾਲ ਘਟਾਇਆ ਗਿਆ ਸਰਕਾਰੀ ਖਰਚਾ
Department of Government Efficiency (DOGE) ਇੱਕ ਪ੍ਰਸ਼ਾਸਕੀ ਨਵੀਨਤਾ ਸੀ, ਜਿਸ ਵਿੱਚ ਮਸਕ ਨੂੰ ਸਰਕਾਰੀ ਖਰਚਿਆਂ ਵਿੱਚ ਕਟੌਤੀ ਅਤੇ ਦੱਖਲਵਾਧ ਨੂੰ ਵਧਾਉਣ ਦੀ ਜਿੰਮੇਵਾਰੀ ਦਿੱਤੀ ਗਈ ਸੀ। ਇਸ ਮੁਹਿੰਮ ਦੇ ਜ਼ਰੀਏ ਜ਼ਰੂਰੀ ਨਾ ਹੋਣ ਵਾਲੇ ਸਰਕਾਰੀ ਖਰਚੇ ਦੀ ਪਹਿਚਾਣ ਕੀਤੀ ਗਈ। ਵਿਦੇਸ਼ੀ ਸਹਾਇਤਾ ਅਤੇ ਸਰਵਜਨਿਕ ਪ੍ਰਸਾਰਣ ਉੱਤੇ ਖਰਚ ਘਟਾਉਣ ਦੇ ਸੁਝਾਅ ਦਿੱਤੇ ਗਏ। NPR, PBS ਅਤੇ ਵਿਦੇਸ਼ੀ ਸਹਾਇਤਾ ਪ੍ਰੋਗਰਾਮਾਂ ਵਿੱਚ $9.4 ਬਿਲੀਅਨ ਦੀ ਕਟੌਤੀ ਦਾ ਪ੍ਰਸਤਾਵ ਰੱਖਿਆ ਗਿਆ। ਇਹ ਕਦਮ ਸਰਕਾਰੀ ਸੁਧਾਰ ਅਤੇ ਜ਼ਰੂਰਤ ਤੋਂ ਵੱਧ ਖਰਚੇ ਖ਼ਤਮ ਕਰਨ ਵੱਲ ਇਕ ਮਹੱਤਵਪੂਰਣ ਕਦਮ ਸੀ।
As my scheduled time as a Special Government Employee comes to an end, I would like to thank President @realDonaldTrump for the opportunity to reduce wasteful spending.
— Elon Musk (@elonmusk) May 29, 2025
The @DOGE mission will only strengthen over time as it becomes a way of life throughout the government.
ਐਲਨ ਮਸਕ ਦਾ ਵੱਡਾ ਬਿਆਨ
ਐਲਨ ਮਸਕ ਦਾ ਹਟਣਾ ਉਸ ਸਮੇਂ ਹੋਇਆ ਹੈ, ਜਦੋਂ ਉਨ੍ਹਾਂ ਨੇ ਟਰੰਪ ਦੇ ਬਿਗ ਐਂਡ ਬਿਊਟੀਫੁਲ ਬਿੱਲ ਦੀ ਆਲੋਚਨਾ ਕੀਤੀ ਹੈ। ਜਾਣਕਾਰੀ ਲਈ ਦੱਸਣਾ ਲਾਜ਼ਮੀ ਹੈ ਕਿ ਬਿਗ ਬਿਊਟੀਫੁਲ ਬਿੱਲ ਵਿੱਚ ਬਹੁਤ ਵੱਡੀ ਟੈਕਸ ਛੂਟਾਂ, ਰੱਖਿਆ ਖਰਚ ਵਿੱਚ ਵਾਧਾ ਅਤੇ ਆਵ੍ਰਜਨ ਨਿਯੰਤਰਣ ਨਾਲ ਜੁੜੇ ਖਰਚ ਸ਼ਾਮਿਲ ਹਨ। ਮਸਕ ਨੇ ਕਿਹਾ ਕਿ ਇਹ ਬਿੱਲ DOGE ਦੇ ਕੰਮ ਨੂੰ ਕਮਜ਼ੋਰ ਕਰਦਾ ਹੈ ਅਤੇ ਇਸ ਨਾਲ ਘਾਟਾ ਵਧ ਸਕਦਾ ਹੈ। ਇਸ ਬਾਰੇ ਟਰੰਪ ਨੇ ਓਵਲ ਆਫਿਸ ਵਿੱਚ ਕਿਹਾ ਸੀ ਕਿ ਮੈਂ ਇਸ ਦੇ ਕੁਝ ਹਿੱਸਿਆਂ ਨਾਲ ਖੁਸ਼ ਨਹੀਂ ਹਾਂ, ਪਰ ਦੇਖਾਂਗੇ ਅੱਗੇ ਕੀ ਹੁੰਦਾ ਹੈ।
ਕਾਂਗਰਸ ਅਤੇ ਸੀਨੇਟ ਵਿੱਚ ਵੀ ਵੰਡ
ਮਸਕ ਦੇ ਬਿਆਨ ਨੂੰ ਕੁਝ ਰਿਪਬਲਿਕਨ ਨੇਤਾਵਾਂ ਨੇ ਵੀ ਸਮਰਥਨ ਦਿੱਤਾ। ਸੀਨੇਟਰ ਰੌਨ ਜੌਨਸਨ (ਵਿਸਕਾਂਸਿਨ) ਨੇ ਕਿਹਾ ਕਿ ਮੈਂ ਐਲਨ ਦੇ ਨਿਰਾਸ਼ ਹੋਣ ਨਾਲ ਸਹਾਨੁਭੂਤੀ ਰੱਖਦਾ ਹਾਂ। ਹਾਲਾਂਕਿ, ਰਾਸ਼ਟਰਪਤੀ 'ਤੇ ਦਬਾਅ ਪਾਉਣਾ ਕਿਸੇ ਵੀ ਤਰੀਕੇ ਨਾਲ ਪ੍ਰਭਾਵਸ਼ਾਲੀ ਨਹੀਂ ਹੁੰਦਾ। ਹਾਊਸ ਸਪੀਕਰ ਮਾਈਕ ਜੌਨਸਨ ਨੇ ਕਿਹਾ ਕਿ ਉਹ ਚਾਹੁੰਦੇ ਹਨ ਕਿ ਸੀਨੇਟ ਵਿੱਚ ਬਿੱਲ ਵਿੱਚ ਘੱਟੋ ਘੱਟ ਤਬਦੀਲੀਆਂ ਹੋਣ ਤਾਂ ਜੋ ਸੰਤੁਲਨ ਬਣਿਆ ਰਹੇ। ਪਰ ਜੇ ਸੀਨੇਟ ਵਿੱਚ ਬਿੱਲ ਵਿੱਚ ਤਬਦੀਲੀ ਹੁੰਦੀ ਹੈ, ਤਾਂ ਇਸਨੂੰ ਫਿਰ ਵੋਟਿੰਗ ਲਈ ਹਾਊਸ ਆਫ ਰਿਪ੍ਰਜ਼ੈਂਟੇਟਿਵਜ਼ ਵਿੱਚ ਲਿਆਂਦਾ ਜਾਵੇਗਾ।
ਮਸਕ ਦਾ ਨਿੱਜੀ ਖੇਤਰ ਵਿੱਚ ਵਾਪਸੀ ਅਤੇ ਰਾਜਨੀਤਿਕ ਖਰਚਿਆਂ ਵਿੱਚ ਕਟੌਤੀ
ਸਰਕਾਰੀ ਅਹੁਦੇ ਤੋਂ ਹਟਦਿਆਂ ਐਲਨ ਮਸਕ ਨੇ ਕਿਹਾ ਕਿ ਹੁਣ ਉਹ ਪੂਰੀ ਤਰ੍ਹਾਂ ਟੈਸਲਾ ਅਤੇ ਸਪੇਸਐਕਸ ਨੂੰ ਸਮਰਪਿਤ ਹਨ। ਉਹ ਆਪਣੇ ਰਾਜਨੀਤਿਕ ਖਰਚੇ ਵੀ ਘਟਾਉਣਗੇ, ਕਿਉਂਕਿ ਉਹ ਮੰਨਦੇ ਹਨ ਕਿ ਉਹਨੇ ਆਪਣਾ ਯੋਗਦਾਨ ਦੇ ਦਿੱਤਾ ਹੈ। ਇਹ ਬਿਆਨ ਸਪੱਸ਼ਟ ਕਰਦਾ ਹੈ ਕਿ ਉਹ ਰਾਜਨੀਤੀ ਤੋਂ ਪਿੱਛੇ ਹਟ ਕੇ ਆਪਣੀਆਂ ਕੰਪਨੀਆਂ 'ਤੇ ਧਿਆਨ ਦੇਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
