ਹਿਜ਼ਬੁੱਲਾ 'ਤੇ ਮੌਤ ਬਣ ਕੇ ਵਰ੍ਹ ਰਿਹਾ ਇਜ਼ਰਾਈਲ ? ਨਸਰੱਲਾ ਨੂੰ ਮਾਰਨ ਤੋਂ ਬਾਅਦ ਨਬੀਲ ਨੂੰ ਕੀਤਾ ਢੇਰ, ਜਾਣੋ ਕੌਣ ਸੀ Nabil Kaouk
Israel Attack On Hezbollah: ਇਨ੍ਹੀਂ ਦਿਨੀਂ ਇਜ਼ਰਾਈਲ ਈਰਾਨ ਸਮਰਥਿਤ ਸੰਗਠਨ ਹਿਜ਼ਬੁੱਲਾ 'ਤੇ ਮੌਤ ਬਣ ਕੇ ਵਰ੍ਹ ਰਿਹਾ ਹੈ ਅਤੇ ਵੱਡੇ ਨੇਤਾਵਾਂ ਨੂੰ ਮਾਰ ਰਿਹਾ ਹੈ।
Israel Attack On Hezbollah Commanders: ਇਜ਼ਰਾਈਲ (Israel )ਇਨ੍ਹੀਂ ਦਿਨੀਂ ਈਰਾਨ ਸਮਰਥਿਤ ਸੰਗਠਨ ਹਿਜ਼ਬੁੱਲਾ (Hezbollah ) 'ਤੇ ਮੌਤ ਬਣ ਕੇ ਵਰ੍ਹ ਰਿਹਾ ਹੈ। ਲਗਾਤਾਰ ਹਵਾਈ ਹਮਲਿਆਂ 'ਚ ਹਿਜ਼ਬੁੱਲਾ ਦੇ ਚੋਟੀ ਦੇ ਕਮਾਂਡਰ ਮਾਰੇ ਗਏ ਹਨ। ਐਤਵਾਰ (29 ਸਤੰਬਰ) ਨੂੰ ਇਕ ਹੋਰ ਹਵਾਈ ਹਮਲੇ ਵਿਚ ਇਜ਼ਰਾਈਲ ਨੇ ਇੱਕ ਹੋਰ ਕਮਾਂਡਰ ਨਬੀਲ ਕੌਕ ( Nabil Kaouk) ਨੂੰ ਮਾਰ ਦਿੱਤਾ।
ਇਜ਼ਰਾਈਲੀ ਫੌਜ ਨੇ ਸ਼ੁੱਕਰਵਾਰ ਨੂੰ ਘੋਸ਼ਣਾ ਕੀਤੀ ਕਿ ਉਨ੍ਹਾਂ ਸੀਨੀਅਰ ਨੇਤਾ ਨਬੀਲ ਕੌਕ ਨੂੰ ਮਾਰ ਦਿੱਤਾ ਹੈ, ਜੋ ਕਿ ਈਰਾਨ ਸਮਰਥਿਤ ਅੱਤਵਾਦੀ ਸਮੂਹ ਦੀ ਇੱਕ ਪ੍ਰਮੁੱਖ ਸ਼ਖਸੀਅਤ ਅਤੇ ਹਸਨ ਨਸਰੁੱਲਾ ਦੇ ਸੰਭਾਵਿਤ ਉੱਤਰਾਧਿਕਾਰੀ ਸੀ।
ਕੌਣ ਸੀ ਨਬੀਲ ਕੌਕ ?
ਸਮਾਚਾਰ ਏਜੰਸੀ ਰਾਇਟਰਸ ਦੀ ਰਿਪੋਰਟ ਮੁਤਾਬਕ ਇਜ਼ਰਾਇਲੀ ਫੌਜ ਨੇ ਐਤਵਾਰ ਨੂੰ ਕਿਹਾ ਕਿ ਉਸ ਨੇ ਹਿਜ਼ਬੁੱਲਾ ਕਮਾਂਡਰ ਨਬੀਲ ਕੌਕ ਨੂੰ ਮਾਰ ਦਿੱਤਾ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਹਿਜ਼ਬੁੱਲਾ ਨੇ ਕੌਕ ਦੀ ਮੌਤ ਦੀ ਪੁਸ਼ਟੀ ਨਹੀਂ ਕੀਤੀ ਹੈ, ਪਰ ਇਸਦੇ ਸਮਰਥਕ ਸ਼ਨੀਵਾਰ ਤੋਂ ਸ਼ੋਕ ਸੰਦੇਸ਼ ਪੋਸਟ ਕਰ ਰਹੇ ਹਨ। ਨਬੀਲ 'ਤੇ ਇਹ ਹਮਲਾ ਸ਼ੁੱਕਰਵਾਰ ਨੂੰ ਇਜ਼ਰਾਈਲੀ ਫੌਜ ਦੁਆਰਾ ਕੀਤੇ ਗਏ ਵੱਡੇ ਹਵਾਈ ਹਮਲੇ 'ਚ ਈਰਾਨ ਸਮਰਥਿਤ ਹਿਜ਼ਬੁੱਲਾ ਮੁਖੀ ਹਸਨ ਨਸਰੱਲਾ ਦੀ ਹੱਤਿਆ ਦੇ ਇੱਕ ਦਿਨ ਬਾਅਦ ਹੋਇਆ ਹੈ। ਨਬੀਲ ਕੌਕ ਹਿਜ਼ਬੁੱਲਾ ਦੀ ਕੇਂਦਰੀ ਕੌਂਸਲ ਦਾ ਉਪ ਮੁਖੀ ਸੀ।
🔴ELIMINATED: The Commander of Hezbollah's Preventative Security Unit and a member of their Executive Council, Nabil Qaouk, was eliminated in a precise IDF strike.
— Israel Defense Forces (@IDF) September 29, 2024
Qaouk was close to Hezbollah's senior commanders and was directly engaged in terrorist attacks against the State of… pic.twitter.com/dcvKLRkMbf
ਇਜ਼ਰਾਈਲ ਨੇ ਨਬੀਲ ਕੌਕ ਨੂੰ ਕਿਵੇਂ ਮਾਰਿਆ?
ਇਜ਼ਰਾਈਲੀ ਫੌਜ ਵੱਲੋਂ ਜਾਰੀ ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ ਹਿਜ਼ਬੁੱਲਾ ਦੀ ਰੋਕਥਾਮ ਸੁਰੱਖਿਆ ਯੂਨਿਟ ਦੇ ਕਮਾਂਡਰ ਤੇ ਇਸਦੀ ਕੇਂਦਰੀ ਕੌਂਸਲ ਦੇ ਮੈਂਬਰ ਕੌਕ ਨੂੰ ਫੌਜੀ ਖੁਫੀਆ ਜਾਣਕਾਰੀ ਦੇ ਸਟੀਕ ਨਿਰਦੇਸ਼ਾਂ ਦੇ ਤਹਿਤ ਇਜ਼ਰਾਈਲੀ ਲੜਾਕੂ ਜਹਾਜ਼ਾਂ ਨੇ ਨਿਸ਼ਾਨਾ ਬਣਾ ਕੇ ਮਾਰ ਦਿੱਤਾ।
ਇਜ਼ਰਾਈਲ ਦੀ ਫੌਜ ਨੇ ਕਿਹਾ ਹੈ ਕਿ ਉਸਨੇ ਇਸ ਸਾਲ ਹਿਜ਼ਬੁੱਲਾ ਦੇ ਨੌਂ ਸਭ ਤੋਂ ਸੀਨੀਅਰ ਫੌਜੀ ਕਮਾਂਡਰਾਂ ਵਿੱਚੋਂ ਅੱਠ ਨੂੰ ਮਾਰ ਦਿੱਤਾ ਹੈ, ਜਿਸ ਵਿੱਚ ਨਸਰੱਲਾ ਵੀ ਸ਼ਾਮਲ ਹੈ, ਜਿਨ੍ਹਾਂ ਵਿੱਚੋਂ ਜ਼ਿਆਦਾਤਰ ਪਿਛਲੇ ਹਫ਼ਤੇ ਵਿੱਚ ਮਾਰੇ ਗਏ ਹਨ। ਜੇ ਨਿਊਜ਼ ਏਜੰਸੀ ਰਾਇਟਰਜ਼ ਦੀ ਰਿਪੋਰਟ 'ਤੇ ਵਿਸ਼ਵਾਸ ਕੀਤਾ ਜਾਵੇ ਤਾਂ ਇਨ੍ਹਾਂ ਕਮਾਂਡਰਾਂ ਨੇ ਰਾਕੇਟ ਡਿਵੀਜ਼ਨ ਤੋਂ ਲੈ ਕੇ ਕੁਲੀਨ ਰਾਡਵਾਨ ਫੋਰਸ ਤੱਕ ਦੀਆਂ ਇਕਾਈਆਂ ਦੀ ਅਗਵਾਈ ਕੀਤੀ ਸੀ।
ਲੇਬਨਾਨ ਵਿੱਚ ਸੋਗ
ਇਜ਼ਰਾਈਲੀ ਹਵਾਈ ਹਮਲਿਆਂ ਵਿੱਚ ਹਿਜ਼ਬੁੱਲਾ ਆਗੂ ਸੱਯਦ ਹਸਨ ਨਸਰੱਲਾ ਦੀ ਮੌਤ ਤੋਂ ਇੱਕ ਦਿਨ ਬਾਅਦ ਲੇਬਨਾਨ ਨੇ ਐਤਵਾਰ ਨੂੰ ਦੇਸ਼ ਵਿੱਚ ਪੰਜ ਦਿਨਾਂ ਦੇ ਸੋਗ ਦਾ ਐਲਾਨ ਕੀਤਾ। ਸਾਰੀਆਂ ਦੁਕਾਨਾਂ, ਕਾਰੋਬਾਰ ਅਤੇ ਸਰਕਾਰੀ ਦਫ਼ਤਰ ਬੁੱਧਵਾਰ ਤੱਕ ਬੰਦ ਰਹਿਣਗੇ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
