ਅਮਰੀਕਾ ਵਿੱਚ ਭਾਰਤੀ ਵਪਾਰੀ ਦੀ ਹੱਤਿਆ, ਸੁਸ਼ਮਾ ਵੱਲੋਂ ਮਦਦ ਦਾ ਭਰੋਸਾ

ਨਿਊਯਾਰਕ: ਅਮਰੀਕਾ ਦੇ ਉੱਤਰੀ ਕੈਰੋਲੀਨਾ ਵਿੱਚ ਭਾਰਤੀ ਮੂਲ ਦੇ ਅਮਰੀਕੀ ਨਾਗਰਿਕ ਆਕਾਸ਼ ਤਲਾਟੀ ਦਾ ਗੋਲੀਆਂ ਮਾਰ ਕੇ ਕਤਲ ਕਰ ਦਿੱਤਾ ਗਿਆ ਹੈ। ਤਲਾਟੀ ਇੱਕ ਮੋਟੇਲ ਦਾ ਮਾਲਕ ਸੀ। ਇਸ ਘਟਨਾ ਤੋਂ ਬਾਅਦ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨੇ ਪੀੜਤ ਪਰਿਵਾਰ ਨਾਲ ਗੱਲਬਾਤ ਕੀਤੀ ਹੈ। ਮੂਲ ਰੂਪ ਤੋਂ ਗੁਜਰਾਤ ਦੇ ਰਹਿਣ ਵਾਲੇ ਅਕਾਸ਼ ਤਲਾਟੀ ਦੀ ਉਮਰ 40 ਸਾਲ ਸੀ। ਭਾਰਤ ਵਿੱਚ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਆਕਾਸ਼ ਅਮਰੀਕਾ ਵਿੱਚ ਜਾ ਵੱਸਿਆ ਸੀ। ਉਹ ਗੁਜਰਾਤ ਦੇ ਮਸ਼ਹੂਰ ਆਕਾਸ਼ ਆਨੰਦ ਆਰਟਸ ਕਾਲਜ ਦੇ ਸਾਬਕਾ ਪ੍ਰਿੰਸੀਪਲ ਰਮੇਸ਼ ਪਟੇਲ ਦਾ ਪੁੱਤਰ ਸੀ। [embed]https://twitter.com/SushmaSwaraj/status/929674014846468097[/embed] ਇਸ ਘਟਨਾ ਤੋਂ ਬਾਅਦ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਨੇ ਟਵੀਟ ਕਰਦਿਆਂ ਕਿਹਾ ਕਿ ਉਹ ਪੀੜਤ ਪਰਿਵਾਰ ਦੇ ਸੰਪਰਕ ਵਿੱਚ ਹੈ। ਉਨ੍ਹਾਂ ਨੂੰ ਹਰ ਕਿਸਮ ਦੀ ਮਦਦ ਕੀਤੀ ਜਾਵੇਗੀ। ਕਿਵੇਂ ਵਾਪਰੀ ਘਟਨਾ? ਦਰਅਸਲ, ਜਿਸ ਵਿਅਕਤੀ ਦੀ ਗੋਲੀ ਤੋਂ ਆਕਾਸ਼ ਤਲਾਟੀ ਦੀ ਮੌਤ ਹੋਈ ਹੈ, ਉਸ ਨੂੰ ਪਹਿਲਾਂ ਕਲੱਬ ਤੋਂ ਬਾਹਰ ਕੱਢ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਉਹ ਫੌਰਨ ਵਾਪਸ ਆਇਆ ਤੇ ਉਸ ਨੇ ਗੋਲੀ ਚਲਾ ਦਿੱਤੀ। ਉਹ ਗੋਲੀ ਆਕਾਸ਼ ਨੂੰ ਜਾ ਲੱਗੀ, ਜਿਸ ਕਾਰਨ ਉਸ ਦੀ ਮੌਤ ਹੋ ਗਈ। ਸੁਰੱਖਿਆ ਗਾਰਡ ਵੱਲੋਂ ਕੀਤੀ ਜਵਾਬੀ ਕਾਰਵਾਈ ਵਿੱਚ ਹਮਲਾਵਰ ਵੀ ਜ਼ਖ਼ਮੀ ਹੋਇਆ ਹੈ। ਹਮਲਾਵਰ ਨੂੰ ਗ੍ਰਿਫਤਾਰ ਵੀ ਕੀਤਾ ਜਾ ਚੁੱਕਾ ਹੈ।