ਅਮਰੀਕਾ 'ਚ ਮੈਰੀਲੈਂਡ ਪੁਲਿਸ ਨੇ ਮੈਕਡੋਨਲਡਸ ਦੇ ਬਾਹਰ ਮੁਕਾਬਲੇ ਤੋਂ ਬਾਅਦ ਵਿਅਕਤੀ ਨੂੰ ਮਾਰ ਮੁਕਾਇਆ
ਪੁਲਿਸ ਦੇ ਮੁਤਾਬਕ ਦੋਵੇਂ ਪਾਸਿਆਂ ਤੋਂ ਗੋਲ਼ੀਬਾਰੀ ਹੋਈ। ਇਸ ਦੌਰਾਨ ਅਧਿਕਾਰੀਆਂ ਨੇ ਕਰੀਬ ਅੱਧਾ ਘੰਟਾ ਵਿਅਕਤੀ ਨੂੰ ਸਮਝਾਉਣ ਦਾ ਯਤਨ ਕੀਤਾ।
ਅਮਰੀਕਾ ਦੇ ਮੈਰੀਲੈਂਡ ਸੂਬੇ 'ਚ ਮੈਕਡੋਨਲਡਸ ਦੇ ਇਕ ਰੈਸਟੋਰੈਂਟ ਦੇ ਬਾਹਰ ਪੁਲਿਸ ਦੇ ਨਾਲ ਮੁਕਾਬਲੇ 'ਚ 21 ਸਾਲਾ ਇਕ ਨੌਜਵਾਨ ਦੀ ਮੌਤ ਹੋ ਗਈ। ਮੋਂਟਗੋਮੇਰੀ ਕਾਊਂਟੀ ਪੁਲਿਸ ਵਿਭਾਗ ਨੇ ਇਕ ਪ੍ਰੈਸ ਵਿਗਿਆਪਨ 'ਚ ਇਹ ਜਾਣਕਾਰੀ ਦਿੱਤੀ
ਪੁਲਿਸ ਨੇ ਦੱਸਿਆ ਕਿ ਗੋਲ਼ੀਬਾਰੀ ਦੀ ਘਟਨਾ ਸ਼ੁੱਕਰਵਾਰ ਰਾਤ ਉਦੋਂ ਹੋਈ। ਜਦੋਂ ਅਧਿਕਾਰੀਆਂ ਨੂੰ ਫੋਨ 'ਤੇ ਸੂਚਨਾ ਮਿਲੀ ਕਿ ਗੈਥਰਸਬਰਗ 'ਚ ਮੈਡੋਨਲਡਸ ਦੇ ਰੈਸਟੋਰੈਂਟ 'ਚ ਇਕ ਵਿਅਕਤੀ ਨੇ ਭੋਜਨ ਦਾ ਆਰਡਰ ਦਿੱਤਾ ਹੈ। ਪਰ ਉਹ ਰੈਸਟੋਰੈਂਟ ਦੀ ਡ੍ਰਾਈਵ ਥ੍ਰੂ ਲੇਨ ਤੋਂ ਨਹੀਂ ਹਟ ਰਿਹਾ।
ਗੈਥਰਸਬਰਗ ਵਾਸ਼ਿੰਗਟਨ ਤੋਂ ਕਰੀਬ 48 ਕਿਲੋਮੀਟਰ ਦੂਰ ਹੈ। ਡ੍ਰਾਈਵ ਥ੍ਰੂ ਲੇਨ ਸੜਕ ਕਿਨਾਰੇ ਉਹ ਰਾਹ ਹੁੰਦਾ ਹੈ, ਜੋ ਲੋਕਾਂ ਨੂੰ ਆਪਣੀ ਗੱਡੀ ਤੋਂ ਬਾਹਰ ਨਿੱਕਲੇ ਬਿਨਾਂ ਆਰਡਰ ਦੇਣ ਦੀ ਸੁਵਿਧਾ ਦਿੰਦਾ ਹੈ। ਉਸ ਨੇ ਦੱਸਿਆ ਕਿ ਇਕ ਪੁਲਿਸ ਕਰਮੀ ਨੇ ਮੁਲਜ਼ਮ ਦੀ ਕਾਰ 'ਚ ਅੱਗੇ ਦੀ ਸੀਟ ਦੇ ਕੋਲ ਬੰਦੂਕ ਦੇਖ ਕੇ ਵਾਧੂ ਬਲ ਨੂੰ ਸੱਦਿਆ। ਵਾਧੂ ਪੁਲਿਸ ਅਧਿਕਾਰੀਆਂ ਨੇ ਇਲਾਕੇ ਨੂੰ ਸੁਰੱਖਿਅਤ ਕੀਤਾ ਤੇ ਮੈਕਡੌਨਲਡਸ ਦੇ ਕਰਮੀਆਂ ਨੂੰ ਬਾਹਰ ਕੱਢਿਆ। ਇਸ ਦੌਰਾਨ ਭਾਰੀ ਪੁਲਿਸ ਬਲ ਮੌਕੇ 'ਤੇ ਮੌਜੂਦ ਰਿਹਾ।
ਪੁਲਿਸ ਨੇ ਦਿੱਤੀ ਇਹ ਵੱਡੀ ਜਾਣਕਾਰੀ
ਪੁਲਿਸ ਦੇ ਮੁਤਾਬਕ ਦੋਵੇਂ ਪਾਸਿਆਂ ਤੋਂ ਗੋਲ਼ੀਬਾਰੀ ਹੋਈ। ਇਸ ਦੌਰਾਨ ਅਧਿਕਾਰੀਆਂ ਨੇ ਕਰੀਬ ਅੱਧਾ ਘੰਟਾ ਵਿਅਕਤੀ ਨੂੰ ਸਮਝਾਉਣ ਦਾ ਯਤਨ ਕੀਤਾ। ਪ੍ਰੈਸ ਵਿਗਿਆਪਨ ਦੇ ਮੁਤਾਬਕ ਇਸ ਸਬੰਧੀ ਜਾਂਚ ਚੱਲ ਰਹੀ ਹੈ ਕਿ ਪੁਲਿਸ ਅਧਿਕਾਰੀਆਂ ਨੂੰ ਕਿਹੜੀਆਂ ਹਾਲਤਾਂ 'ਚ ਵਿਅਕਤੀ 'ਤੇ ਗੋਲ਼ੀ ਚਲਾਉਣੀ ਪਈ।
ਪੁਲਿਸ ਨੇ ਦੱਸਿਆ ਕਿ ਵਿਅਕਤੀ ਨੂੰ ਹਸਪਤਾਲ ਲਿਜਾਇਆ ਗਿਆ। ਪੁਲਿਸ ਨੇ ਦੱਸਿਆ ਕਿ ਵਿਅਕਤੀ ਨੂੰ ਹਸਪਤਾਲ ਲਿਜਾਇਆ ਗਿਆ। ਜਿੱਥੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਵਿਭਾਗ ਨੇ ਘਟਨਾ ਦੀ ਵੀਡੀਓ ਜਾਰੀ ਨਹੀਂ ਕੀਤੀ ਤੇ ਨਾ ਹੀ ਘਟਨਾ 'ਚ ਸ਼ਾਮਲ ਵਿਅਕਤੀ ਦੀ ਪਛਾਣ ਦੱਸੀ ਹੈ। ਪੁਲਿਸ ਹੁਣ ਪੂਰੇ ਮਾਮਲੇ ਦੀ ਜਾਂਚ ਚ ਜੁੱਟ ਗਈ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
