ਨਵਾਂ ਸਾਲ ਸ਼ੁਰੂ ਹੁੰਦਿਆਂ ਹੀ ਦੁਨੀਆ 'ਚ ਵੱਧ ਜਾਵੇਗੀ ਇੰਨੀ ਆਬਾਦੀ, ਰਿਪੋਰਟ 'ਚ ਹੋਇਆ ਹੈਰਾਨ ਕਰਨ ਵਾਲਾ ਖੁਲਾਸਾ, ਜਾਣੋ ਭਾਰਤ ਦਾ ਕੀ ਹੋਵੇਗਾ ਹਾਲ
World Population on first day of 2025: ਸਾਲ 2025 ਵਿੱਚ ਅਮਰੀਕੀ ਜਨਗਣਨਾ ਬਿਊਰੋ ਦੀ ਰਿਪੋਰਟ ਦੇ ਅਨੁਸਾਰ ਇਹ ਅਨੁਮਾਨ ਲਗਾਇਆ ਗਿਆ ਹੈ ਕਿ ਪ੍ਰਤੀ ਸਕਿੰਟ ਵਿੱਚ 4.2 ਜਨਮ ਅਤੇ 2.0 ਮੌਤਾਂ ਹੋਣਗੀਆਂ।
World Population on first day of 2025: ਸਾਲ 2025 ਦੀ ਸ਼ੁਰੂਆਤ ਹੋਣ ਵਾਲੀ ਹੈ, ਜਿਸ ਨੂੰ ਕੁਝ ਹੀ ਸਮਾਂ ਬਾਕੀ ਰਹਿ ਗਿਆ ਹੈ। ਕੁਝ ਸਮੇਂ ਵਿੱਚ ਸਾਲ 2024 ਇਤਿਹਾਸ ਵਿੱਚ ਦਰਜ ਹੋ ਜਾਵੇਗਾ। ਇਸ ਦੌਰਾਨ ਇਕ ਰਿਪੋਰਟ ਸਾਹਮਣੇ ਆਈ ਹੈ, ਜਿਸ 'ਚ ਦੱਸਿਆ ਗਿਆ ਹੈ ਕਿ ਨਵੇਂ ਸਾਲ 'ਤੇ ਦੁਨੀਆ ਦੀ ਆਬਾਦੀ ਕਿੰਨੀ ਹੋਵੇਗੀ। ਦਰਅਸਲ, ਇਸ ਸਾਲ ਪੂਰੀ ਦੁਨੀਆ ਦੀ ਆਬਾਦੀ ਵਿੱਚ 7.1 ਕਰੋੜ ਲੋਕਾਂ ਦਾ ਵਾਧਾ ਹੋਇਆ ਹੈ, ਤਾਂ ਉੱਥੇ ਹੀ ਨਵੇਂ ਸਾਲ ਦੇ ਆਂਕੜੇ ਹੈਰਾਨ ਕਰਨ ਵਾਲੇ ਹਨ। ਅਮਰੀਕੀ ਜਨਗਣਨਾ ਬਿਊਰੋ ਦੀ ਰਿਪੋਰਟ ਦੇ ਅਨੁਸਾਰ ਸਾਲ 2025 ਵਿੱਚ ਇਹ ਅਨੁਮਾਨ ਲਗਾਇਆ ਗਿਆ ਹੈ ਕਿ ਪ੍ਰਤੀ ਸਕਿੰਟ 4.2 ਜਨਮ ਅਤੇ 2.0 ਮੌਤਾਂ ਹੋਣਗੀਆਂ। ਰਿਪੋਰਟ ਮੁਤਾਬਕ ਪਹਿਲੇ ਦਿਨ ਦੁਨੀਆ ਦੀ ਆਬਾਦੀ ਲਗਭਗ 8.09 ਅਰਬ ਹੋ ਜਾਵੇਗੀ।
ਪਿਛਲੇ ਸਾਲਾਂ ਤੋਂ ਤੁਲਨਾ
ਅਮਰੀਕੀ ਜਨਗਣਨਾ ਬਿਊਰੋ ਦੀ ਰਿਪੋਰਟ ਦੇ ਅਨੁਸਾਰ, ਸਾਲ 2024 ਵਿੱਚ 2023 ਆਬਾਦੀ ਘੱਟ ਵਧੀ ਹੈ। ਸਾਲ 2023 ਵਿੱਚ ਵਿਸ਼ਵ ਦੀ ਆਬਾਦੀ ਵਿੱਚ 7.5 ਕਰੋੜ ਦਾ ਵਾਧਾ ਦਰਜ ਕੀਤਾ ਗਿਆ ਸੀ। ਉੱਥੇ ਹੀ ਜੇਕਰ ਅਮਰੀਕਾ ਦੀ ਗੱਲ ਕਰੀਏ ਤਾਂ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਇਸ ਸਾਲ ਇੱਥੇ 26 ਲੱਖ ਆਬਾਦੀ ਦਾ ਵਾਧਾ ਹੋਇਆ ਹੈ। ਜਨਵਰੀ 2025 ਦੇ ਦੌਰਾਨ ਅਮਰੀਕਾ ਵਿੱਚ ਹਰ ਨੌਂ ਸਕਿੰਟਾਂ ਵਿੱਚ ਇੱਕ ਵਿਅਕਤੀ ਦੇ ਜਨਮ ਅਤੇ ਹਰ 9.4 ਸਕਿੰਟਾਂ ਵਿੱਚ ਇੱਕ ਵਿਅਕਤੀ ਦੀ ਮੌਤ ਹੋਣ ਦੀ ਸੰਭਾਵਨਾ ਹੈ। ਇਸ ਦੇ ਨਾਲ ਹੀ ਅੰਤਰਰਾਸ਼ਟਰੀ ਪ੍ਰਵਾਸੀਆਂ ਕਾਰਨ ਅਮਰੀਕਾ ਦੀ ਆਬਾਦੀ ਹਰ 23.2 ਸਕਿੰਟਾਂ ਵਿੱਚ ਇੱਕ ਵਿਅਕਤੀ ਵਧੇਗੀ। ਜੇ ਜਨਮ, ਮੌਤ ਅਤੇ ਪ੍ਰਵਾਸੀਆਂ ਦੀ ਗਿਣਤੀ ਨੂੰ ਜੋੜਿਆ ਜਾਵੇ, ਤਾਂ ਹਰ 21.2 ਸਕਿੰਟਾਂ ਵਿੱਚ ਅਮਰੀਕਾ ਦੀ ਆਬਾਦੀ ਵਿੱਚ ਇੱਕ ਵਿਅਕਤੀ ਸ਼ਾਮਲ ਜੁੜ ਜਾਵੇਗਾ।
ਕੀ ਹੋਵੇਗੀ ਭਾਰਤ ਦੀ ਸਥਿਤੀ
ਤੁਹਾਨੂੰ ਦੱਸ ਦਈਏ ਕਿ ਮੌਜੂਦਾ ਸਮੇਂ 'ਚ ਭਾਰਤ ਚੀਨ ਨੂੰ ਪਿੱਛੇ ਛੱਡ ਕੇ ਆਬਾਦੀ ਦੇ ਮਾਮਲੇ 'ਚ ਪਹਿਲੇ ਨੰਬਰ 'ਤੇ ਆ ਗਿਆ ਹੈ। ਮਾਹਿਰਾਂ ਨੇ ਇਸ ਦਾ ਕਾਰਨ ਦੱਸਿਆ ਹੈ ਕਿ ਸਾਲ 2025 'ਚ ਭਾਰਤ ਦੀ ਜਨਸੰਖਿਆ ਵਾਧਾ ਦਰ 0.9 ਫੀਸਦੀ ਰਹੇਗੀ। 2025 ਵਿੱਚ ਭਾਰਤ ਦੀ ਆਬਾਦੀ 146 ਕਰੋੜ ਹੋਣ ਦੀ ਸੰਭਾਵਨਾ ਹੈ। ਸੰਯੁਕਤ ਰਾਸ਼ਟਰ ਦੀ ਸਮਾਜਿਕ-ਆਰਥਿਕ ਏਜੰਸੀ UNDESA ਨੇ ਅਨੁਮਾਨ ਲਗਾਇਆ ਸੀ ਕਿ ਅਪ੍ਰੈਲ 2023 ਵਿੱਚ ਭਾਰਤ ਦੀ ਆਬਾਦੀ ਚੀਨ ਦੇ ਬਰਾਬਰ 142 ਕਰੋੜ ਜਾਂ ਇਸ ਤੋਂ ਵੱਧ ਹੋਣ ਦਾ ਖਦਸ਼ਾ ਜਤਾਇਆ ਜਾ ਰਿਹਾ ਸੀ।
UNDESA ਦੇ ਅਨੁਸਾਰ, ਭਾਰਤ ਵਿੱਚ 2035 ਤੱਕ ਉਤਪਾਦਕਤਾ ਵਿੱਚ ਵਾਧਾ ਹੋਵੇਗਾ। ਇਸ ਦਾ ਕਾਰਨ ਇਹ ਹੈ ਕਿ ਕੰਮਕਾਜੀ ਆਬਾਦੀ (15 ਤੋਂ 64 ਸਾਲ) 'ਤੇ ਗੈਰ-ਕੰਮ ਕਰਨ ਵਾਲੀ ਆਬਾਦੀ (15 ਸਾਲ ਤੋਂ ਘੱਟ ਅਤੇ 64 ਸਾਲ ਤੋਂ ਵੱਧ) ਦੀ ਨਿਰਭਰਤਾ ਅਗਲੇ 11 ਸਾਲਾਂ ਤੱਕ ਲਗਾਤਾਰ ਘਟਣ ਦੀ ਸੰਭਾਵਨਾ ਹੈ।
Before You Go
ਕਾਂਗਰਸ 'ਚ ਪਏ ਪਾੜ 'ਤੇ ਪਰਗਟ ਸਿੰਘ ਨੇ ਤੋੜੀ ਚੁੱਪੀ!
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
