(Source: ECI/ABP News)
ਪਾਕਿਸਤਾਨੀ ਕੁੜੀ ਨੇ ਦੋਸਤ ਦੇ ਪਿਤਾ ਨਾਲ ਵਿਆਹ ਕਰਨ ਤੋਂ ਕੀਤਾ ਇਨਕਾਰ, ਛੇੜਛਾੜ, ਜਿਨਸੀ ਸ਼ੋਸ਼ਣ ਦੀ ਹੋਈ ਸ਼ਿਕਾਰ
Pakistan News: ਪਾਕਿਸਤਾਨ ਦੇ ਪੰਜਾਬ ਸੂਬੇ ਵਿੱਚ ਇੱਕ ਕਾਲਜ ਵਿਦਿਆਰਥਣ ਨੂੰ ਇੱਕ ਦੋਸਤ ਦੇ ਪਿਤਾ ਨਾਲ ਵਿਆਹ ਕਰਨ ਤੋਂ ਇਨਕਾਰ ਕਰਨ 'ਤੇ ਛੇੜਖਾਨੀ ਅਤੇ ਜਿਨਸੀ ਸ਼ੋਸ਼ਣ ਦਾ ਸ਼ਿਕਾਰ ਹੋਣਾ ਪਿਆ। ਉਸ ਦੇ ਦੋਸਤ ਦੇ ਪਿਤਾ ਨੇ ਹੋਰਨਾਂ ਨਾਲ ਮਿਲ ਕੇ ਵਿਦਿਆਰਥਣ ਦੇ ਵਾਲ ਅਤੇ ਭਰਵੱਟੇ ਵੱਢ ਦਿੱਤੇ ਅਤੇ ਧਮਕੀ ਦਿੱਤੀ ਕਿ ਜੇਕਰ ਉਸ ਨੂੰ 10 ਲੱਖ ਰੁਪਏ ਨਾ ਦਿੱਤੇ ਤਾਂ ਉਸ ਨਾਲ ਛੇੜਛਾੜ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਪਾ ਦਿੱਤੀ ਜਾਵੇਗੀ।
Pakistan News: ਪਾਕਿਸਤਾਨ ਦੇ ਪੰਜਾਬ ਸੂਬੇ ਵਿੱਚ ਇੱਕ ਕਾਲਜ ਵਿਦਿਆਰਥਣ ਨੂੰ ਇੱਕ ਦੋਸਤ ਦੇ ਪਿਤਾ ਨਾਲ ਵਿਆਹ ਕਰਨ ਤੋਂ ਇਨਕਾਰ ਕਰਨ 'ਤੇ ਛੇੜਖਾਨੀ ਅਤੇ ਜਿਨਸੀ ਸ਼ੋਸ਼ਣ ਦਾ ਸ਼ਿਕਾਰ ਹੋਣਾ ਪਿਆ। ਉਸ ਦੇ ਦੋਸਤ ਦੇ ਪਿਤਾ ਨੇ ਹੋਰਨਾਂ ਨਾਲ ਮਿਲ ਕੇ ਵਿਦਿਆਰਥਣ ਦੇ ਵਾਲ ਅਤੇ ਭਰਵੱਟੇ ਵੱਢ ਦਿੱਤੇ ਅਤੇ ਧਮਕੀ ਦਿੱਤੀ ਕਿ ਜੇਕਰ ਉਸ ਨੂੰ 10 ਲੱਖ ਰੁਪਏ ਨਾ ਦਿੱਤੇ ਤਾਂ ਉਸ ਨਾਲ ਛੇੜਛਾੜ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਪਾ ਦਿੱਤੀ ਜਾਵੇਗੀ।
ਇਹ ਹੈਰਾਨ ਕਰਨ ਵਾਲੀ ਘਟਨਾ ਲਾਹੌਰ ਤੋਂ ਕਰੀਬ 150 ਕਿਲੋਮੀਟਰ ਦੂਰ ਫੈਸਲਾਬਾਦ 'ਚ 8 ਅਗਸਤ ਨੂੰ ਵਾਪਰੀ। ਮੰਗਲਵਾਰ ਨੂੰ, ਘਟਨਾ ਦੀ ਵੀਡੀਓ ਸਾਹਮਣੇ ਆਈ, ਜਿਸ ਵਿੱਚ ਸ਼ੱਕੀ ਉਸ 'ਤੇ ਹਮਲਾ ਕਰਦੇ, ਉਸ ਦੇ ਵਾਲ ਅਤੇ ਮੱਥੇ ਵੱਢਦੇ ਹੋਏ ਅਤੇ ਪੀੜਤਾ ਸ਼ੱਕੀ ਦੀਆਂ ਜੁੱਤੀਆਂ ਚੱਟਦੇ ਹੋਏ ਦਿਖਾਈ ਦੇ ਰਹੀ ਹੈ।
ਪੰਜ ਹੋਰ ਸ਼ੱਕੀ ਗ੍ਰਿਫਤਾਰ
ਪੁਲਸ ਨੇ ਕਿਹਾ ਕਿ ਉਨ੍ਹਾਂ ਨੇ ਮੁੱਖ ਸ਼ੱਕੀ ਸ਼ੇਖ ਦਾਨਿਸ਼, ਉਸ ਦੀ ਬੇਟੀ ਅਤੇ ਪੰਜ ਹੋਰ ਸ਼ੱਕੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੰਜਾਬ ਪੁਲਿਸ ਦੇ ਬੁਲਾਰੇ ਨੇ ਦੱਸਿਆ, “ਪੁਲਿਸ ਨੇ ਦਾਨਿਸ਼ ਅਤੇ ਉਸਦੀ ਧੀ ਸਮੇਤ ਸੱਤ ਸ਼ੱਕੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ ਅਤੇ ਬਾਕੀਆਂ ਨੂੰ ਫੜਨ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।” ਪੀੜਤਾ ਆਪਣੀ ਬਜ਼ੁਰਗ ਮਾਂ ਨਾਲ ਰਹਿੰਦੀ ਸੀ ਜਦਕਿ ਉਸਦੇ ਦੋ ਭਰਾ ਯੂਕੇ ਅਤੇ ਆਸਟ੍ਰੇਲੀਆ ਵਿੱਚ ਰਹਿੰਦੇ ਹਨ।
ਪੁਲਿਸ ਨੇ ਦੰਦ ਦੇ ਡਾਕਟਰ ਦੀ ਪੜਾਈ ਕਰ ਰਹੀ ਵਿਦਿਆਰਥਣ ਨੂੰ ਅਗਵਾ ਕਰਨ, ਪਰੇਸ਼ਾਨ ਕਰਨ, ਜਬਰੀ ਵਸੂਲੀ ਕਰਨ ਅਤੇ ਜਿਨਸੀ ਸ਼ੋਸ਼ਣ ਦੇ ਦੋਸ਼ਾਂ ਤਹਿਤ 15 ਸ਼ੱਕੀ ਵਿਅਕਤੀਆਂ ਖ਼ਿਲਾਫ਼ ਪਾਕਿਸਤਾਨ ਪੀਨਲ ਕੋਡ ਦੀਆਂ ਸਬੰਧਤ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਐਫਆਈਆਰ ਵਿੱਚ ਪੀੜਤਾ ਨੇ ਕਿਹਾ ਕਿ ਉਹ ਅਤੇ ਦਾਨਿਸ਼ ਦੀ ਬੇਟੀ ਅੰਨਾ ਦੋਸਤ ਹਨ ਅਤੇ ਅੰਨਾ ਦੇ ਪਰਿਵਾਰ ਨਾਲ ਕਰੀਬੀ ਸਬੰਧ ਹਨ। ਉਸ ਨੇ ਕਿਹਾ, ''ਅੰਨਾ ਦੇ ਪਿਤਾ ਸ਼ੇਖ ਦਾਨਿਸ਼ ਨੇ ਉਸ ਨੂੰ ਵਿਆਹ ਦੀ ਪੇਸ਼ਕਸ਼ ਕੀਤੀ ਸੀ ਪਰ ਮੈਂ ਅਤੇ ਮੇਰੇ ਪਰਿਵਾਰ ਨੇ ਇਸ ਨੂੰ ਠੁਕਰਾ ਦਿੱਤਾ। ਦਾਨਿਸ਼ ਮੇਰੇ ਪਿਤਾ ਦੀ ਉਮਰ ਦਾ ਹੈ ਅਤੇ ਜਦੋਂ ਮੈਂ ਇਹ ਗੱਲ ਅੰਨਾ ਨੂੰ ਦੱਸੀ ਤਾਂ ਉਹ ਮੇਰੇ ਨਾਲ ਗੁੱਸੇ ਹੋ ਗਈ।
ਵਿਆਹ ਦੇ ਪ੍ਰਸਤਾਵ ਨੂੰ ਮੰਨਣ ਲਈ ਦਬਾਅ ਬਣਾਇਆ
ਉਸ ਨੇ ਦੱਸਿਆ ਕਿ 8 ਅਗਸਤ ਨੂੰ ਜਦੋਂ ਉਸ ਦਾ ਭਰਾ ਬਰਤਾਨੀਆ ਤੋਂ ਵਾਪਸ ਆਇਆ ਤਾਂ ਦਾਨਿਸ਼ ਅਤੇ ਉਸ ਦੇ 14 ਸਾਥੀ ਪੀੜਤਾ ਦੇ ਘਰ ਆਏ ਅਤੇ ਉਸ ਦੇ ਭਰਾ 'ਤੇ ਵਿਆਹ ਦਾ ਪ੍ਰਸਤਾਵ ਮੰਨਣ ਲਈ ਦਬਾਅ ਪਾਇਆ। ਪੀੜਤਾ ਅਨੁਸਾਰ ਜਦੋਂ ਉਸ ਦਾ ਭਰਾ ਉਸ ਦੀ ਗੱਲ ਮੰਨਣ ਲਈ ਰਾਜ਼ੀ ਨਹੀਂ ਹੋਇਆ ਤਾਂ ਸ਼ੱਕੀ ਅਤੇ ਉਸ ਦੇ ਸਾਥੀਆਂ ਨੇ ਉਸ ਦੀ ਅਤੇ ਲੜਕੀ ਦੀ ਕੁੱਟਮਾਰ ਕੀਤੀ ਅਤੇ ਉਹ ਜ਼ਬਰਦਸਤੀ ਦੋਵਾਂ ਨੂੰ ਆਪਣੇ ਘਰ ਲੈ ਗਏ। ਸ਼ੱਕੀਆਂ ਨੇ ਲੜਕੀ ਨੂੰ ਜ਼ਬਰਦਸਤੀ ਦਾਨਿਸ਼ ਦੀ ਜੁੱਤੀ ਚੱਟਣ ਲਈ ਮਜ਼ਬੂਰ ਕੀਤਾ, ਉਸ ਦੇ ਵਾਲ ਅਤੇ ਮੱਥੇ ਵੱਢ ਦਿੱਤੇ ਅਤੇ ਬੇਇੱਜ਼ਤੀ ਦੀ ਵੀਡੀਓ ਬਣਾਈ।
ਲੜਕੀ 'ਤੇ ਜਿਨਸੀ ਸ਼ੋਸ਼ਣ
ਐਫਆਈਆਰ ਵਿੱਚ ਕਿਹਾ ਗਿਆ ਹੈ, "ਮੁੱਖ ਸ਼ੱਕੀ (ਦਾਨਿਸ਼) ਫਿਰ ਉਸਨੂੰ (ਪੀੜਤ) ਨੂੰ ਇੱਕ ਹੋਰ ਕਮਰੇ ਵਿੱਚ ਲੈ ਗਿਆ ਜਿੱਥੇ ਉਸਨੇ ਲੜਕੀ ਦਾ ਜਿਨਸੀ ਸ਼ੋਸ਼ਣ ਕੀਤਾ ਅਤੇ ਇਸਦੀ ਵੀਡੀਓ ਬਣਾਈ।" ਪੀੜਤਾ ਦੇ ਅਨੁਸਾਰ, ਸ਼ੱਕੀ ਵਿਅਕਤੀਆਂ ਨੇ ਉਸਦਾ ਮੋਬਾਈਲ ਫੋਨ, 500000 ਰੁਪਏ ਦੀ ਨਕਦੀ ਅਤੇ 450,000 ਰੁਪਏ ਦੇ ਸੋਨੇ ਦੇ ਗਹਿਣੇ ਖੋਹ ਕੇ ਲੈ ਗਏ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
