ਪਾਕਿਸਤਾਨ ਵਿੱਚ ਮੁਸਲਿਮ ਕਲਾਕਾਰਾਂ ਨੇ ਕੀਤਾ ਰਾਮਾਇਣ ਦਾ ਮੰਚਨ, ਕਰਾਚੀ ਵਿੱਚ ਗੂੰਜੇ ਜੈ ਸ਼੍ਰੀ ਰਾਮ ਦੇ ਨਾਅਰੇ
ਰਾਮਾਇਣ ਦਾ ਮੰਚਨ ਪਾਕਿਸਤਾਨ ਦੇ ਕਰਾਚੀ ਵਿੱਚ ਕੀਤਾ ਗਿਆ ਹੈ, ਜਿਸ ਵਿੱਚ ਮੁਸਲਿਮ ਕਲਾਕਾਰਾਂ ਨੇ ਵੀ ਭੂਮਿਕਾਵਾਂ ਨਿਭਾਈਆਂ ਹਨ। ਇਸ ਨਾਟਕ ਦਾ ਨਿਰਦੇਸ਼ਨ ਕਰਨ ਵਾਲੇ ਯੋਗੇਸ਼ਵਰ ਕਰੇਰਾ ਨੇ ਕਿਹਾ ਕਿ ਪਾਕਿਸਤਾਨ ਦਾ ਸਮਾਜ ਸਹਿਣਸ਼ੀਲ ਹੈ।
Ramayana in Pakistan: ਪਾਕਿਸਤਾਨ ਦੇ ਕਰਾਚੀ ਸ਼ਹਿਰ ਵਿੱਚ ਮੁਸਲਿਮ ਕਲਾਕਾਰਾਂ ਨੇ ਰਾਮਾਇਣ ਦਾ ਮੰਚਨ ਕੀਤਾ, ਜਿਸ ਲਈ ਪਾਕਿਸਤਾਨੀ ਨਾਟਕ ਸਮੂਹ ਦੀ ਬਹੁਤ ਪ੍ਰਸ਼ੰਸਾ ਕੀਤੀ ਜਾ ਰਹੀ ਹੈ। ਕਰਾਚੀ ਆਰਟਸ ਕੌਂਸਲ ਵਿੱਚ ਵੀਕਐਂਡ 'ਤੇ ਰਾਮਾਇਣ ਦਾ ਮੰਚਨ ਕੀਤਾ ਗਿਆ। ਕਰਾਚੀ ਦੇ 'ਮੌਜ' ਸਮੂਹ ਦੁਆਰਾ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (ਏਆਈ) ਦੀ ਵਰਤੋਂ ਕਰਕੇ ਇਹ ਨਾਟਕ ਪੇਸ਼ ਕੀਤਾ ਗਿਆ ਸੀ।
ਜਿੱਥੇ ਪਾਕਿਸਤਾਨ ਵਿੱਚ ਘੱਟ ਗਿਣਤੀ ਹਿੰਦੂਆਂ ਦੀ ਸੁਰੱਖਿਆ ਦਾ ਮੁੱਦਾ ਅਕਸਰ ਉਠਾਇਆ ਜਾਂਦਾ ਰਿਹਾ ਹੈ, ਉੱਥੇ ਹੀ ਇਸ ਰਾਮਾਇਣ ਬਾਰੇ ਵੀ ਕਈ ਤਰ੍ਹਾਂ ਦੀਆਂ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ। ਇਸ ਰਾਮਲੀਲਾ ਦੇ ਨਿਰਦੇਸ਼ਕ ਯੋਹੇਸ਼ਵਰ ਕਰੇਰਾ ਨੇ ਕਿਹਾ, 'ਮੈਨੂੰ ਕਦੇ ਨਹੀਂ ਲੱਗਾ ਕਿ ਲੋਕ ਮੈਨੂੰ ਨਾਪਸੰਦ ਕਰਨਗੇ ਜਾਂ ਰਾਮਾਇਣ ਦਾ ਮੰਚਨ ਕਰਕੇ ਉਨ੍ਹਾਂ ਨੂੰ ਕਿਸੇ ਵੀ ਤਰ੍ਹਾਂ ਦੇ ਖ਼ਤਰੇ ਦਾ ਸਾਹਮਣਾ ਕਰਨਾ ਪਵੇਗਾ।'
ਪਾਕਿਸਤਾਨ ਦਾ ਸਮਾਜ ਵਧੇਰੇ ਸਹਿਣਸ਼ੀਲ ਹੈ: ਯੋਹੇਸ਼ਵਰ ਕਰੇਰਾ
ਯੋਹੇਸ਼ਵਰ ਕਰੇਰਾ ਨੇ ਕਿਹਾ, 'ਮੇਰੇ ਲਈ ਰਾਮਾਇਣ ਨੂੰ ਸਟੇਜ 'ਤੇ ਜ਼ਿੰਦਾ ਕਰਨਾ ਇੱਕ ਸ਼ਾਨਦਾਰ ਦ੍ਰਿਸ਼ਟੀਗਤ ਅਨੁਭਵ ਹੈ ਤੇ ਇਹ ਦਰਸਾਉਂਦਾ ਹੈ ਕਿ ਪਾਕਿਸਤਾਨੀ ਸਮਾਜ ਜਿੰਨਾ ਮੰਨਿਆ ਜਾਂਦਾ ਹੈ ਉਸ ਤੋਂ ਵੱਧ ਸਹਿਣਸ਼ੀਲ ਹੈ।' ਉਨ੍ਹਾਂ ਕਿਹਾ, 'ਨਾਟਕ ਨੂੰ ਚੰਗਾ ਹੁੰਗਾਰਾ ਮਿਲਿਆ ਹੈ ਅਤੇ ਬਹੁਤ ਸਾਰੇ ਆਲੋਚਕਾਂ ਨੇ ਇਸਦੇ ਨਿਰਮਾਣ ਅਤੇ ਅਦਾਕਾਰਾਂ ਦੀ ਅਦਾਕਾਰੀ ਦੀ ਪ੍ਰਸ਼ੰਸਾ ਕੀਤੀ ਹੈ।'
ਪਾਕਿਸਤਾਨ ਵਿੱਚ ਕਲਾ ਅਤੇ ਫਿਲਮ ਆਲੋਚਕ, ਓਮੈਰ ਅਲਵੀ ਨੇ ਕਿਹਾ ਕਿ ਉਹ ਕਹਾਣੀ ਸੁਣਾਉਣ ਦੀ ਇਮਾਨਦਾਰੀ ਤੋਂ ਪ੍ਰਭਾਵਿਤ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਰਾਮਾਇਣ ਦੇ ਪ੍ਰਦਰਸ਼ਨ ਦੌਰਾਨ ਰੋਸ਼ਨੀ ਪ੍ਰਬੰਧ, ਸੰਗੀਤ, ਕਲਾਕਾਰਾਂ ਦੇ ਰੰਗੀਨ ਪਹਿਰਾਵੇ ਤੇ ਭਾਵਨਾਤਮਕ ਡਿਜ਼ਾਈਨ ਨੇ ਸ਼ੋਅ ਦੀ ਸ਼ਾਨ ਨੂੰ ਵਧਾਇਆ। ਉਨ੍ਹਾਂ ਕਿਹਾ, 'ਰਾਮਾਇਣ ਇੱਕ ਅਜਿਹੀ ਕਹਾਣੀ ਹੈ ਜੋ ਦੁਨੀਆ ਭਰ ਦੇ ਲੱਖਾਂ ਲੋਕਾਂ ਨਾਲ ਜੁੜਦੀ ਹੈ।'
ਸੀਤਾ ਦਾ ਕਿਰਦਾਰ ਨਿਭਾਉਣ ਵਾਲੀ ਅਦਾਕਾਰਾ ਨੇ ਕੀ ਕਿਹਾ ?
ਕਰਾਚੀ ਵਿੱਚ ਇਸ ਰਾਮਾਇਣ ਪ੍ਰਦਰਸ਼ਨ ਵਿੱਚ ਮਾਤਾ ਸੀਤਾ ਦੀ ਭੂਮਿਕਾ ਨਿਭਾਉਣ ਵਾਲੀ ਨਿਰਮਾਤਾ ਰਾਣਾ ਕਾਜ਼ਮੀ ਨੇ ਕਿਹਾ ਕਿ ਉਹ ਇਸ ਪ੍ਰਾਚੀਨ ਕਹਾਣੀ ਨੂੰ ਦਰਸ਼ਕਾਂ ਲਈ ਇੱਕ ਲਾਈਵ ਅਨੁਭਵ ਵਜੋਂ ਪੇਸ਼ ਕਰਨ ਦੇ ਵਿਚਾਰ ਤੋਂ ਬਹੁਤ ਖੁਸ਼ ਹੈ।
ਨੋਟ : - ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ। ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ।
ਟਾਪ ਹੈਡਲਾਈਨ
ਟ੍ਰੈਂਡਿੰਗ ਟੌਪਿਕ
