Car ਦਾ AC ਚਲਾਉਂਦੇ ਸਮੇਂ ਤੁਸੀਂ ਕਰ ਰਹੇ ਹੋ ਇਹ 5 ਗਲਤੀਆਂ ? ਖ਼ਰਚ ਹੋ ਸਕਦਾ ਹੈ ਦੁੱਗਣਾ ! ਜਾਣੋ ਸਹੀ ਤਰੀਕਾ

Car AC Tips : ਗਰਮੀ ਦੇ ਮੌਸਮ 'ਚ ਆਪਣੀ ਕਾਰ ਵਿੱਚ ਬੈਠਦੇ ਹੀ ਏਸੀ ਚਾਲੂ ਕਰਨਾ ਆਮ ਗੱਲ ਹੈ। ਹਾਲਾਂਕਿ, ਬਹੁਤ ਸਾਰੇ ਲੋਕ ਇਸਦੀ ਸਹੀ ਵਰਤੋਂ ਨਹੀਂ ਕਰਦੇ, ਜਿਸ ਦੀ ਵਜ੍ਹਾ ਨਾਲ ਪੈਟਰੋਲ ਦੀ ਖਪਤ ਜ਼ਿਆਦਾ ਹੁੰਦੀ ਹੈ

Car AC Tips

Car AC Tips : ਗਰਮੀ ਦੇ ਮੌਸਮ 'ਚ ਆਪਣੀ ਕਾਰ ਵਿੱਚ ਬੈਠਦੇ ਹੀ ਏਸੀ ਚਾਲੂ ਕਰਨਾ ਆਮ ਗੱਲ ਹੈ। ਹਾਲਾਂਕਿ, ਬਹੁਤ ਸਾਰੇ ਲੋਕ ਇਸਦੀ ਸਹੀ ਵਰਤੋਂ ਨਹੀਂ ਕਰਦੇ, ਜਿਸ ਦੀ ਵਜ੍ਹਾ ਨਾਲ ਪੈਟਰੋਲ ਦੀ ਖਪਤ ਜ਼ਿਆਦਾ ਹੁੰਦੀ ਹੈ ਅਤੇ ਕਾਰ ਦੀ ਪਰਫਾਰਮੈਂਸ 'ਤੇ ਵੀ ਅਸਰ ਪੈਂਦਾ ਹੈ। ਜੇਕਰ ਤੁਸੀਂ ਕੁਝ ਆਸਾਨ ਗੱਲਾਂ ਦਾ ਧਿਆਨ ਰੱਖੋ ,ਨਾ ਸਿਰਫ ਤੁਹਾਡੀ ਕਾਰ ਜਲਦੀ ਠੰਢੀ ਹੋ ਜਾਵੇਗੀ ਬਲਕਿ ਤੁਹਾਡਾ ਖ਼ਰਚਾ ਵੀ ਘੱਟ ਹੋਵੇਗਾ।

ਛੋਟੀਆਂ ਗਲਤੀਆਂ ਵਧਾ ਦਿੰਦੀਆਂ ਹਨ ਖਰਚ ਕਈ ਵਾਰ ਲੋਕ ਏਸੀ ਚੱਲਦੇ ਸਮੇਂ ਖਿੜਕੀਆਂ ਨੂੰ ਥੋੜ੍ਹਾ ਜਿਹਾ ਖੁੱਲ੍ਹਾ ਛੱਡ ਦਿੰਦੇ ਹਨ ਜਾਂ ਟਾਕੀ ਨੂੰ ਸਹੀ ਢੰਗ ਨਾਲ ਬੰਦ ਨਹੀਂ ਕਰਦੇ। ਇਸ ਨਾਲ ਠੰਢੀ ਹਵਾ ਬਾਹਰ ਨਿਕਲ ਜਾਂਦੀ ਹੈ, ਜਿਸ ਨਾਲ ਏਸੀ ਨੂੰ ਜ਼ਿਆਦਾ ਕੰਮ ਕਰਨਾ ਪੈਂਦਾ ਹੈ। ਇਸ ਤੋਂ ਇਲਾਵਾ ਜੇਕਰ ਏਅਰ ਫਿਲਟਰ ਗੰਦਾ ਹੋਵੇ ਤਾਂ ਕੂਲਿੰਗ ਵੀ ਘੱਟ ਜਾਂਦੀ ਹੈ ਅਤੇ ਤੁਹਾਨੂੰ ਏਸੀ ਜ਼ਿਆਦਾ ਚਲਾਉਣਾ ਪੈਂਦਾ ਹੈ, ਜਿਸ ਨਾਲ ਖ਼ਰਚ ਵੱਧ ਜਾਂਦਾ ਹੈ। ਇਸ ਲਈ ਸਮੇਂ-ਸਮੇਂ 'ਤੇ ਏਅਰ ਫਿਲਟਰ ਨੂੰ ਸਾਫ਼ ਕਰਨਾ ਬਹੁਤ ਜ਼ਰੂਰੀ ਹੈ।

ਸਹੀ AC ਸੈਟਿੰਗ ਨਾਲ ਕਿਵੇਂ ਬਚਦਾ ਹੈ ਪੈਟਰੋਲ ? ਬਹੁਤ ਸਾਰੇ ਲੋਕ ਸੋਚਦੇ ਹਨ ਕਿ ਏਸੀ ਦਾ ਤਾਪਮਾਨ ਜਿੰਨਾ ਘੱਟ ਹੋਵੇਗਾ, ਓਨੀ ਹੀ ਜਲਦੀ ਠੰਡਕ ਮਿਲੇਗੀ ਅਤੇ ਖ਼ਰਚ ਘੱਟ ਹੋਵੇਗਾ ਪਰ ਅਜਿਹਾ ਨਹੀਂ ਹੈ। ਜੇਕਰ ਤੁਸੀਂ ਬਹੁਤ ਘੱਟ ਤਾਪਮਾਨ ਸੈੱਟ ਕਰਦੇ ਹੋ ਤਾਂ ਏਸੀ ਕੰਪ੍ਰੈਸਰ ਲਗਾਤਾਰ ਚੱਲਦਾ ਰਹਿੰਦਾ ਹੈ, ਜਿਸ ਨਾਲ ਪੈਟਰੋਲ ਦੀ ਖਪਤ ਵਧਦੀ ਹੈ। ਸਭ ਤੋਂ ਵਧੀਆ ਤਰੀਕਾ ਹੈ ਤਾਪਮਾਨ ਨੂੰ 24 ਅਤੇ 26 ਡਿਗਰੀ ਦੇ ਵਿਚਕਾਰ ਰੱਖਣਾ। ਇਹ ਕਾਰ ਨੂੰ ਆਰਾਮ ਨਾਲ ਠੰਡਾ ਰੱਖਦਾ ਹੈ ਅਤੇ ਇੰਜਣ 'ਤੇ ਬਹੁਤ ਜ਼ਿਆਦਾ ਦਬਾਅ ਨਹੀਂ ਪੈਂਦਾ।

ਰੀ-ਸਰਕੁਲੇਸ਼ਨ ਮੋਡ ਦਾ ਸਹੀ ਇਸਤੇਮਾਲ ਕਾਰ ਵਿੱਚ ਦਿੱਤਾ ਗਿਆ ਰੀ-ਸਰਕੁਲੇਸ਼ਨ ਮੋਡ ਬਹੁਤ ਹੀ ਕੰਮ ਦਾ ਫ਼ੀਚਰ ਹੁੰਦਾ ਹੈ ਪਰ ਬਹੁਤ ਸਾਰੇ ਲੋਕ ਇਸਨੂੰ ਨਜ਼ਰਅੰਦਾਜ਼ ਕਰਦੇ ਹਨ। ਜਦੋਂ ਤੁਸੀਂ ਇਸ ਮੋਡ ਨੂੰ ਚਾਲੂ ਕਰਦੇ ਹੋ ਤਾਂ ਕਾਰ ਦੇ ਅੰਦਰ ਠੰਢੀ ਹਵਾ ਵਾਰ-ਵਾਰ ਘੁੰਮਦੀ ਹੈ ਅਤੇ ਬਾਹਰ ਦੀ ਗਰਮ ਹਵਾ ਅੰਦਰ ਨਹੀਂ ਜਾਂਦੀ। ਇਸ ਨਾਲ ਏਸੀ ਨੂੰ ਘੱਟ ਮੇਹਨਤ ਕਰਨੀ ਪੈਂਦੀ ਹੈ ਅਤੇ ਕਾਰ ਜਲਦੀ ਠੰਡੀ ਹੁੰਦੀ ਹੈ। ਇਹ ਤਰੀਕਾ ਮਾਈਲੇਜ ਨੂੰ ਵੀ ਬਿਹਤਰ ਬਣਾਉਣ ਵਿੱਚ ਵੀ ਮਦਦ ਕਰਦਾ ਹੈ।