Best 8-Seater Cars: ਵੱਡੀ ਕਾਰ ਖਰੀਦਣ ਦੀ ਤੁਹਾਡੀ ਇੱਛਾ ਹੋਵੇਗੀ ਪੂਰੀ, ਮਾਰਕਿਟ 'ਚ ਮਿਲ ਰਹੀਆਂ ਹਨ ਇਹ 8-ਸੀਟਰ ਕਾਰਾਂ

ਕਾਰ ਖਰੀਦਣ ਵੇਲੇ ਲੋਕ ਕਈ ਤਰ੍ਹਾਂ ਦੇ ਵਿਕਲਪ ਦੇਖਦੇ ਹਨ। ਕੁਝ ਲੋਕ ਛੋਟੀ ਕਾਰ ਖਰੀਦਣਾ ਚਾਹੁੰਦੇ ਹਨ, ਜਦੋਂ ਕਿ ਕੁਝ ਲੋਕ ਵੱਡੀ ਕਾਰ ਨੂੰ ਆਪਣੇ ਘਰ ਲੈ ਜਾਣਾ ਚਾਹੁੰਦੇ ਹਨ। ਵੱਡੀਆਂ ਗੱਡੀਆਂ ਲਈ ਮਾਰਕਿਟ ਵਿੱਚ ਕੁਝ ਕੁ ਹੀ ਆਪਸ਼ਨ ਹਨ।

ਜੇਕਰ ਤੁਸੀਂ 8-ਸੀਟਰ ਕਾਰ ਖਰੀਦਣ ਬਾਰੇ ਸੋਚ ਰਹੇ ਹੋ, ਤਾਂ ਭਾਰਤੀ ਬਾਜ਼ਾਰ ਵਿੱਚ 8-ਸੀਟਰ ਕਾਰਾਂ ਵਿੱਚ ਟੋਇਟਾ ਅਤੇ ਮਹਿੰਦਰਾ ਦੀਆਂ ਗੱਡੀਆਂ ਵੀ ਸ਼ਾਮਲ ਹਨ। ਮਾਰੂਤੀ ਸੁਜ਼ੂਕੀ ਦਾ ਮਾਡਲ ਵੀ ਇਸ ਸੈਗਮੈਂਟ 'ਚ ਹੈ।

ਟੋਇਟਾ ਇਨੋਵਾ ਕ੍ਰਿਸਟਾ ਇੱਕ ਪਾਵਰਫੁੱਲ 8-ਸੀਟਰ ਕਾਰ ਹੈ। ਇਸ ਕਾਰ 'ਚ ਲੱਗੇ LED ਹੈੱਡਲੈਂਪਸ ਕਾਰ ਨੂੰ ਸ਼ਾਨਦਾਰ ਲੁੱਕ ਦਿੰਦੇ ਹਨ। ਕਾਰ ਦੇ ਅਗਲੇ ਪਾਸੇ ਕ੍ਰੋਮ ਸਰਾਊਂਡ ਪਿਆਨੋ ਬਲੈਕ ਗਰਿੱਲ ਹੈ। ਇਸ ਦੇ ਨਾਲ ਹੀ ਇਸ ਕਾਰ 'ਚ ਡਾਇਮੰਡ ਕੱਟ ਅਲਾਏ ਵ੍ਹੀਲ ਵੀ ਲਗਾਏ ਗਏ ਹਨ।

ਇਨੋਵਾ ਕ੍ਰਿਸਟਾ 'ਚ 20.32 ਸੈਂਟੀਮੀਟਰ ਦੀ ਡਿਸਪਲੇ ਹੈ, ਜਿਸ 'ਚ ਐਂਡ੍ਰਾਇਡ ਆਟੋ ਅਤੇ ਐਪਲ ਕਾਰਪਲੇ ਕਨੈਕਟੀਵਿਟੀ ਦੀ ਫੀਚਰ ਹੈ, ਜਿਸ ਨਾਲ ਤੁਸੀਂ ਆਸਾਨੀ ਨਾਲ ਆਪਣੇ ਮੋਬਾਈਲ ਫ਼ੋਨ ਨੂੰ ਕਾਰ ਨਾਲ ਜੋੜ ਸਕਦੇ ਹੋ। ਇਸ ਕਾਰ ਦੀ ਐਕਸ-ਸ਼ੋਰੂਮ ਕੀਮਤ 19.99 ਲੱਖ ਰੁਪਏ ਤੋਂ ਸ਼ੁਰੂ ਹੋ ਕੇ 26.30 ਲੱਖ ਰੁਪਏ ਤੱਕ ਜਾਂਦੀ ਹੈ।