Hyundai Creta Facelift: Hyundai ਨੇ Creta Facelift ਨੂੰ ਕੀਤਾ ਲਾਂਚ, ਕਮਾਲ ਦੇ ਫੀਚਰਾਂ ਨਾਲ ਲੈਸ

Creta

Hyundai Creta facelift First Look Review: Creta ਪਹਿਲਾਂ ਹੀ ਆਟੋ ਮਾਰਕੀਟ ਵਿੱਚ ਧੂਮ ਮਚਾ ਰਹੀ ਹੈ। Hyundai ਦੇ ਯਤਨਾਂ ਦੇ ਬਾਅਦ ਵੀ ਕੰਪਨੀ ਨੂੰ Creta ਦੀਆਂ ਮਾਰਕੀਟ ਲੋੜਾਂ ਨੂੰ ਪੂਰਾ ਕਰਨਾ ਮੁਸ਼ਕਲ ਹੋ ਰਿਹਾ ਹੈ। ਇਸ ਦੇ ਨਾਲ ਹੀ ਫੇਸਲਿਫਟ ਕ੍ਰੇਟਾ (Facelift Creta) ਦਾ ਨਵਾਂ ਵਰਜ਼ਨ ਇੰਡੋਨੇਸ਼ੀਆ (Indonesia) 'ਚ ਲਾਂਚ ਕੀਤਾ ਗਿਆ ਹੈ। ਇਸ ਨਵੇਂ ਵਰਜ਼ਨ ਨੂੰ ਦੇਖਣ ਤੋਂ ਬਾਅਦ ਪਤਾ ਚੱਲਦਾ ਹੈ ਕਿ ਫੇਸਲਿਫਟ ਕ੍ਰੇਟਾ (Facelift Creta) ਆਪਣੇ ਪੁਰਾਣੇ ਵਰਜ਼ਨ ਤੋਂ ਜ਼ਿਆਦਾ ਹਿੱਟ ਹੋਣ ਵਾਲੀ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਹੁੰਡਈ ਕ੍ਰੇਟਾ ਦਾ ਨਵਾਂ ਵਰਜ਼ਨ ਅਗਲੇ ਸਾਲ ਤੱਕ ਬਾਜ਼ਾਰ 'ਚ ਆ ਜਾਵੇਗਾ।

Hyundai Creta 2022 ਨੂੰ ਇੱਕ ਨਵੀਂ ਪੈਰਾਮੀਟ੍ਰਿਕ ਜਵੇਲ ਗ੍ਰਿਲ ਮਿਲਦੀ ਹੈ, ਜਿੱਥੇ DRLs ਦੇ ਨਾਲ LEDs ਸ਼ਾਮਲ ਹੁੰਦੇ ਹਨ। ਹੁੰਡਈ ਕ੍ਰੇਟਾ 2022 ਦੀ ਦਿੱਖ 'ਤੇ ਆਉਂਦੇ ਹੋਏ, ਇਸ ਨੂੰ ਆਇਤਾਕਾਰ LED ਹੈੱਡਲੈਂਪਸ, ਪਤਲੇ ਏਅਰ ਇਨਲੇਟਸ ਦੇ ਨਾਲ ਸੰਸ਼ੋਧਿਤ ਬੰਪਰ, ਸਿਲਵਰ ਰੰਗ ਦੀਆਂ ਫੌਕਸ ਸਕਿਡ ਪਲੇਟਾਂ ਤੇ ਮੁੜ ਡਿਜ਼ਾਈਨ ਕੀਤੀ ਫਾਗ ਲੈਂਪ ਅਸੈਂਬਲੀ ਮਿਲਦੀ ਹੈ। ਇਸ ਦੇ ਨਾਲ ਹੀ ਇਸ ਦੇ ਸਾਈਡ ਪ੍ਰੋਫਾਈਲ 'ਚ ਪੁਰਾਣੇ ਵਰਜ਼ਨ ਦੀ ਤਰ੍ਹਾਂ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।