ਨਵੇਂ ਸਾਲ 'ਤੇ ਨਵੀਆਂ ਕਾਰਾਂ-ਮੋਟਰਸਾਈਕਲ, ਸਕੂਟਰ ਦੀ ਸਵਾਰੀ ਹੋਈ ਮਹਿੰਗੀ, ਇਸ ਕਾਰਨ ਕੰਪਨੀਆਂ ਨੇ ਲਿਆ ਫੈਸਲਾ

ਸੰਕੇਤਕ ਤਸਵੀਰ

ਜੇਕਰ ਤੁਸੀਂ ਨਵੇਂ ਸਾਲ 'ਤੇ ਨਵੀਂ ਕਾਰ ਜਾਂ ਮੋਟਰਸਾਈਕਲ ਖਰੀਦਣ ਬਾਰੇ ਸੋਚ ਰਹੇ ਹੋ ਤਾਂ ਤੁਹਾਨੂੰ ਮਹਿੰਗਾਈ ਦਾ ਝਟਕਾ ਲੱਗਣ ਵਾਲਾ ਹੈ। ਇੱਕ ਪਾਸੇ ਜਿੱਥੇ ਪੈਟਰੋਲ ਡੀਜ਼ਲ ਮਹਿੰਗਾ ਹੋਇਆ ਹੈ, ਉੱਥੇ ਹੀ ਵਾਹਨ ਕੰਪਨੀਆਂ ਨੇ ਜਨਵਰੀ 2022 ਤੋਂ ਕਾਰਾਂ, SUV, ਮੋਟਰਸਾਈਕਲਾਂ, ਸਕੂਟਰਾਂ ਦੀਆਂ ਕੀਮਤਾਂ ਵਿੱਚ ਵਾਧਾ ਕਰਨ ਦਾ ਫੈਸਲਾ ਕੀਤਾ ਹੈ।

ਦੇਸ਼ ਦੀ ਸਭ ਤੋਂ ਵੱਡੀ ਆਟੋਮੋਬਾਈਲ ਕੰਪਨੀ ਮਾਰੂਤੀ ਸੁਜ਼ੂਕੀ ਜਨਵਰੀ 2022 ਤੋਂ ਵਾਹਨਾਂ ਦੀਆਂ ਕੀਮਤਾਂ ਵਧਾਉਣ ਜਾ ਰਹੀ ਹੈ। ਕੰਪਨੀ ਨੇ ਕਿਹਾ ਹੈ ਕਿ 2021 'ਚ ਵੱਖ-ਵੱਖ ਇਨਪੁਟ ਲਾਗਤਾਂ 'ਚ ਵਾਧਾ ਹੋਣ ਕਾਰਨ ਵਾਹਨਾਂ ਦੇ ਨਿਰਮਾਣ ਦੀ ਲਾਗਤ ਵਧ ਗਈ ਹੈ, ਜਿਸ ਕਾਰਨ ਕਾਰਾਂ ਅਤੇ ਐੱਸਯੂਵੀ ਦੀ ਕੀਮਤ ਵਧਾਉਣਾ ਅਤੇ ਇਸ ਦਾ ਕੁਝ ਹਿੱਸਾ ਗਾਹਕਾਂ ਨੂੰ ਦੇਣਾ ਜ਼ਰੂਰੀ ਹੋ ਗਿਆ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਉਹ ਜਨਵਰੀ 2022 ਵਿੱਚ ਕੀਮਤਾਂ ਵਧਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਕੀਮਤਾਂ 'ਚ ਵਾਧਾ ਵਾਹਨ ਦੇ ਮਾਡਲ 'ਤੇ ਨਿਰਭਰ ਕਰੇਗਾ।

ਨਵੇਂ ਸਾਲ 'ਚ ਜਰਮਨ ਕਾਰ ਨਿਰਮਾਤਾ ਕੰਪਨੀ Volkswagen ਵੀ ਜਨਵਰੀ 2022 ਤੋਂ ਆਪਣੇ ਵਾਹਨਾਂ ਦੀਆਂ ਕੀਮਤਾਂ ਵਧਾਉਣ ਜਾ ਰਹੀ ਹੈ। Volkswagen ਆਪਣੇ ਵਾਹਨਾਂ ਦੀਆਂ ਕੀਮਤਾਂ 'ਚ 2 ਤੋਂ 5 ਫੀਸਦੀ ਤੱਕ ਦਾ ਵਾਧਾ ਕਰਨ ਜਾ ਰਹੀ ਹੈ। ਹਾਲਾਂਕਿ ਕੀਮਤ 'ਚ ਵਾਧਾ ਵਾਹਨ ਦੇ ਮਾਡਲ ਅਤੇ ਵੇਰੀਐਂਟ 'ਤੇ ਨਿਰਭਰ ਕਰੇਗਾ। Volkswagen ਵੱਲੋਂ ਕੀਮਤ ਵਧਾਉਣ ਦੇ ਫੈਸਲੇ ਤੋਂ ਬਾਅਦ ਕੰਪਨੀ ਦੀਆਂ Polo, Vento ਕਾਰਾਂ ਦੀਆਂ ਕੀਮਤਾਂ ਵਧਣਗੀਆਂ। ਹਾਲਾਂਕਿ ਹਾਲ ਹੀ 'ਚ ਲਾਂਚ ਹੋਏ ਨਵੇਂ ਮਾਡਲ Tiguan ਦੀਆਂ ਕੀਮਤਾਂ 'ਚ ਕੋਈ ਬਦਲਾਅ ਨਹੀਂ ਹੋਵੇਗਾ। Volkswagen ਨੇ ਵੀ ਵਧਦੀ ਲਾਗਤ ਦਾ ਹਵਾਲਾ ਦਿੰਦੇ ਹੋਏ ਕੀਮਤ ਵਧਾਉਣ ਦਾ ਫੈਸਲਾ ਕੀਤਾ ਹੈ।

ਨਵੇਂ ਸਾਲ 'ਚ ਤੁਹਾਡੇ ਲਈ ਨਵੇਂ ਮੋਟਰਸਾਈਕਲ ਅਤੇ ਸਕੂਟਰ ਦੀ ਸਵਾਰੀ ਮਹਿੰਗੀ ਹੋ ਜਾਵੇਗੀ। ਮੰਗਲਵਾਰ, 2 ਜਨਵਰੀ, 2022 ਤੋਂ, ਮੋਟਰਸਾਈਕਲ ਸਕੂਟਰ ਬਣਾਉਣ ਵਾਲੀ ਕੰਪਨੀ ਹੀਰੋ ਮੋਟੋਕਾਰਪ ਨੇ ਐਲਾਨ ਕੀਤਾ ਹੈ ਕਿ ਉਹ ਮੋਟਰਸਾਈਕਲ ਸਕੂਟਰਾਂ ਦੀਆਂ ਕੀਮਤਾਂ ਵਧਾਉਣ ਜਾ ਰਹੀ ਹੈ। ਕੰਪਨੀ ਨੇ ਕੀਮਤ 'ਚ ਵਾਧੇ ਲਈ ਵਧਦੀ ਇਨਪੁਟ ਲਾਗਤ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ।

ਹੀਰੋ ਮੋਟੋਕਾਰਪ ਨੇ ਆਪਣੇ ਬਿਆਨ 'ਚ ਕਿਹਾ ਹੈ ਕਿ ਵਸਤੂਆਂ ਦੀਆਂ ਕੀਮਤਾਂ ਵਧਣ ਕਾਰਨ ਉਸ ਨੂੰ ਕੀਮਤ ਵਧਾਉਣ ਦਾ ਫੈਸਲਾ ਲੈਣਾ ਪਿਆ ਹੈ। ਮੋਟਰਸਾਈਕਲਾਂ ਅਤੇ ਸਕੂਟਰਾਂ ਦੀ ਕੀਮਤ ਵਿੱਚ 2,000 ਰੁਪਏ ਤੱਕ ਦਾ ਵਾਧਾ ਕੀਤਾ ਜਾਵੇਗਾ। ਨਾਲ ਹੀ, ਕੀਮਤ ਵਿੱਚ ਵਾਧਾ ਮੋਟਰਸਾਈਕਲਾਂ ਅਤੇ ਸਕੂਟਰਾਂ ਦੇ ਮਾਡਲਾਂ 'ਤੇ ਨਿਰਭਰ ਕਰੇਗਾ। ਹੀਰੋ ਮੋਟੋਕਾਰਪ ਨੇ ਪਿਛਲੇ ਛੇ ਮਹੀਨਿਆਂ ਵਿੱਚ ਤੀਜੀ ਵਾਰ ਸਕੂਟਰ ਮੋਟਰਸਾਈਕਲਾਂ ਦੀ ਕੀਮਤ ਵਧਾਉਣ ਦਾ ਫੈਸਲਾ ਕੀਤਾ ਹੈ।ਇਸ ਤੋਂ ਪਹਿਲਾਂ, 1 ਜੁਲਾਈ 2021 ਨੂੰ ਕੀਮਤ 3,000 ਰੁਪਏ ਅਤੇ 30 ਸਤੰਬਰ ਨੂੰ 3,000 ਰੁਪਏ ਵਧਾਉਣ ਦਾ ਫੈਸਲਾ ਕੀਤਾ ਗਿਆ ਸੀ।

ਟਾਟਾ ਮੋਟਰਜ਼ ਨੇ ਨਵੇਂ ਸਾਲ 'ਚ 1 ਜਨਵਰੀ 2022 ਤੋਂ ਵਾਹਨਾਂ ਦੀਆਂ ਕੀਮਤਾਂ 'ਚ ਵਾਧਾ ਕੀਤਾ ਹੈ।ਟਾਟਾ ਮੋਟਰਜ਼ ਨੇ 1 ਜਨਵਰੀ 2022 ਤੋਂ ਆਪਣੇ ਵਪਾਰਕ ਵਾਹਨਾਂ ਦੀਆਂ ਕੀਮਤਾਂ ਵਿੱਚ 2.5 ਫੀਸਦੀ ਦਾ ਵਾਧਾ ਕੀਤਾ ਹੈ। ਹਰ ਤਰ੍ਹਾਂ ਦੇ ਕਮਰਸ਼ੀਅਲ ਭਾਰੀ ਵਾਹਨਾਂ, ਬੱਸਾਂ ਦੇ ਭਾਅ ਵਧ ਗਏ ਹਨ।

ਨਵੇਂ ਸਾਲ 'ਚ ਕਾਰ-SUV ਖਰੀਦਣ ਲਈ ਤੁਹਾਨੂੰ ਹੋਰ ਜੇਬਾਂ ਢਿੱਲੀਆਂ ਕਰਨੀਆਂ ਪੈਣਗੀਆਂ। ਪਿਛਲੇ ਕੁਝ ਮਹੀਨਿਆਂ 'ਚ ਸਟੀਲ, ਐਲੂਮੀਨੀਅਮ, ਤਾਂਬਾ ਅਤੇ ਹੋਰ ਧਾਤਾਂ ਦੀਆਂ ਕੀਮਤਾਂ 'ਚ ਜ਼ਬਰਦਸਤ ਵਾਧਾ ਹੋਇਆ ਹੈ, ਜਿਸ ਕਾਰਨ ਆਟੋਮੋਬਾਈਲ ਕੰਪਨੀਆਂ ਵੱਲੋਂ ਕੀਮਤਾਂ ਵਧਾਉਣ ਦਾ ਫੈਸਲਾ ਲਿਆ ਜਾ ਰਿਹਾ ਹੈ।