Range Rover ਸਪੋਰਟ ਈਵੀ ਇਸ ਸਾਲ ਹੋਵੇਗੀ ਲਾਂਚ, 2026 ਤੱਕ 6 ਮਾਡਲ ਲਿਆਉਣ ਦੀ ਯੋਜਨਾ

Range Rover Sport EV: ਕਾਰ ਨਿਰਮਾਤਾ ਕੰਪਨੀ ਲੈਂਡ ਰੋਵਰ ਵੀ ਇਲੈਕਟ੍ਰਿਕ ਵਾਹਨ ਬਣਾਉਣ 'ਤੇ ਧਿਆਨ ਦੇ ਰਹੀ ਹੈ। ਰੇਂਜ ਰੋਵਰ ਸਪੋਰਟ ਈਵੀ ਨੂੰ ਇਸ ਸਾਲ ਦੇ ਅੰਤ ਤੱਕ ਗਲੋਬਲ ਮਾਰਕੀਟ ਵਿੱਚ ਲਾਂਚ ਕੀਤਾ ਜਾ ਸਕਦਾ ਹੈ।

ਪੂਰੀ ਦੁਨੀਆ ਵਿਚ ਇਲੈਕਟ੍ਰਿਕ ਵਾਹਨਾਂ ਦੀ ਮੰਗ ਵਿਚ ਭਾਰੀ ਵਾਧਾ ਹੋਇਆ ਹੈ। ਲੈਂਡ ਰੋਵਰ ਨੇ ਵੀ ਇਲੈਕਟ੍ਰਿਕ ਵਾਹਨਾਂ ਨੂੰ ਬਾਜ਼ਾਰ 'ਚ ਉਤਾਰਨ ਦੀ ਯੋਜਨਾ ਬਣਾਈ ਹੈ।

ਇਲੈਕਟ੍ਰਿਕ ਕਾਰਾਂ ਦੀ ਵਧਦੀ ਮੰਗ ਦੇ ਵਿਚਕਾਰ, ਲਗਜ਼ਰੀ ਕਾਰਾਂ ਬਣਾਉਣ ਲਈ ਮਸ਼ਹੂਰ ਕੰਪਨੀ ਲੈਂਡ ਰੋਵਰ ਈਵੀ ਵਾਹਨਾਂ ਦੇ ਬਾਜ਼ਾਰ ਵਿੱਚ ਆਪਣੇ ਉਤਪਾਦ ਲਾਂਚ ਕਰਨ ਦੀ ਤਿਆਰੀ ਕਰ ਰਹੀ ਹੈ। ਸਾਲ 2026 ਤੱਕ ਕੰਪਨੀ 6 ਲੈਂਡ ਰੋਵਰ EVs ਬਾਜ਼ਾਰ 'ਚ ਲਿਆਵੇਗੀ।

ਜੈਗੁਆਰ ਲੈਂਡ ਰੋਵਰ (JLR) ਇਸ ਸਾਲ ਦੇ ਅੰਤ ਤੱਕ ਰੇਂਜ ਰੋਵਰ ਸਪੋਰਟ ਦੇ ਇਲੈਕਟ੍ਰਿਕ ਮਾਡਲ ਨੂੰ ਬਾਜ਼ਾਰ 'ਚ ਲਾਂਚ ਕਰ ਸਕਦੀ ਹੈ। ਸਾਲ 2026 ਤੱਕ ਲਾਂਚ ਕੀਤੇ ਜਾਣ ਵਾਲੇ EV ਮਾਡਲਾਂ ਵਿੱਚੋਂ ਇਹ ਦੂਜੀ ਇਲੈਕਟ੍ਰਿਕ ਕਾਰ ਹੋਵੇਗੀ।