Delhi Metro: ਕੀ ਤੁਹਾਨੂੰ ਪਤਾ ਦਿੱਲੀ ਮੈਟਰੋ ਦੇ ਇੱਕ ਡੱਬੇ ਦੀ ਕੀਮਤ ਕਿੰਨੀ ਹੁੰਦੀ? ਜਾਣ ਕੇ ਹੋ ਜਾਓਗੇ ਹੈਰਾਨ

Delhi Metro

Delhi Metro: ਮੈਟਰੋ ਨੇ ਦਿੱਲੀ ਦੀ ਰੁਝੇਵਿਆਂ ਭਰੀ ਜ਼ਿੰਦਗੀ ਨੂੰ ਬਹੁਤ ਆਸਾਨ ਬਣਾ ਦਿੱਤਾ ਹੈ। ਇੱਕ ਆਮ ਆਦਮੀ ਬਿਨਾਂ ਕਿਸੇ ਮੁਸ਼ਕਲ ਦੇ ਮੈਟਰੋ ਵਿੱਚ ਘੰਟਿਆਂ ਬੱਧੀ ਸਫ਼ਰ ਕਰ ਸਕਦਾ ਹੈ। ਤੁਸੀਂ ਸਾਰਿਆਂ ਨੇ ਵੀ ਮੈਟਰੋ ਵਿੱਚ ਸਫ਼ਰ ਕੀਤਾ ਹੋਵੇਗਾ, ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਇੱਕ ਮੈਟਰੋ ਕੋਚ ਦੀ ਕੀਮਤ ਕਿੰਨੀ ਹੋ ਸਕਦੀ ਹੈ। ਜੇ ਨਹੀਂ ਤਾਂ ਤੁਹਾਨੂੰ ਦੱਸਦੇ ਹਾਂ।

ਮਾਡਰਨ ਕੋਚ ਫੈਕਟਰੀ (MCF) ਨੇ 2021 ਤੱਕ ਦੇਸ਼ ਵਿੱਚ ਮੈਟਰੋ ਕੋਚ ਬਣਾਉਣ ਬਾਰੇ ਸੋਚਿਆ ਹੈ। ਇਸ ਤੋਂ ਬਾਅਦ 'ਮੇਕ ਇਨ ਇੰਡੀਆ' ਤਹਿਤ ਮੈਟਰੋ ਕੋਚਾਂ ਦੇ ਨਿਰਮਾਣ ਲਈ ਤਕਨੀਕ ਖਰੀਦਣ ਲਈ 150 ਕਰੋੜ ਰੁਪਏ ਦਾ ਟੈਂਡਰ ਜਾਰੀ ਕੀਤਾ ਗਿਆ ਸੀ।

ਸੂਤਰਾਂ ਦੁਆਰਾ ਦਿੱਤੀ ਗਈ ਜਾਣਕਾਰੀ ਅਨੁਸਾਰ ਇਹ ਟੈਂਡਰ MCF ਰਾਏਬਰੇਲੀ ਦੁਆਰਾ ਜਾਰੀ ਕੀਤਾ ਗਿਆ ਸੀ। ਐਲੂਮੀਨੀਅਮ ਦੇ ਬਣੇ ਯਾਤਰੀ ਕੋਚਾਂ ਦੇ ਡਿਜ਼ਾਈਨ, ਵਿਕਾਸ, ਨਿਰਮਾਣ, ਟੈਸਟਿੰਗ ਤੇ ਰੱਖ-ਰਖਾਅ ਲਈ ਤਕਨਾਲੋਜੀ ਟ੍ਰਾਂਸਫਰ ਅਤੇ ਮੁਹਾਰਤ ਦੀ ਖਰੀਦ ਲਈ ਟੈਂਡਰ ਜਾਰੀ ਕੀਤਾ ਗਿਆ ਸੀ।

ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਸੂਤਰਾਂ ਨੇ ਦੱਸਿਆ ਸੀ ਕਿ ਅਸੀਂ ਅਜਿਹੇ ਕੋਚ ਤਿਆਰ ਕਰਨ ਲਈ ਮਾਰਕੀਟ ਦਾ ਹਿੱਸਾ ਬਣਨਾ ਚਾਹੁੰਦੇ ਹਾਂ ਕਿਉਂਕਿ ਇਸ ਨਾਲ ਅਸੀਂ ਆਪਣੇ ਸ਼ਹਿਰਾਂ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰ ਸਕਾਂਗੇ, ਜੋ ਸ਼ਹਿਰਾਂ ਵਿਚ ਆਵਾਜਾਈ ਦੇ ਵਿਕਲਪਾਂ ਦਾ ਲਗਾਤਾਰ ਵਿਸਤਾਰ ਕਰ ਰਹੇ ਹਨ। ਉਨ੍ਹਾਂ ਦੱਸਿਆ ਕਿ ਇਹ ਕੋਚ ਵੱਡੇ ਪੱਧਰ 'ਤੇ ਦਰਾਮਦ ਕੀਤੇ ਜਾ ਰਹੇ ਹਨ ਅਤੇ ਅਸੀਂ ਇਨ੍ਹਾਂ ਨੂੰ ਬਹੁਤ ਘੱਟ ਕੀਮਤ 'ਤੇ ਬਣਾ ਸਕਦੇ ਹਾਂ।

ਰੇਲਵੇ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਮੌਜੂਦਾ ਸਮੇਂ 'ਚ ਦੂਜੇ ਦੇਸ਼ਾਂ ਤੋਂ ਖਰੀਦੇ ਗਏ ਕੋਚਾਂ ਦੀ ਕੀਮਤ 8-9 ਕਰੋੜ ਰੁਪਏ ਹੈ, ਜਦਕਿ ਦੇਸ਼ 'ਚ ਬਣੇ ਕੋਚਾਂ ਦੀ ਕੀਮਤ ਕਰੀਬ 7-8 ਕਰੋੜ ਰੁਪਏ ਹੋਵੇਗੀ, ਬਾਅਦ 'ਚ ਇਸ ਦੀ ਕੀਮਤ 4-6 ਕਰੋੜ ਰੁਪਏ ਹੀ ਰਹਿ ਜਾਵੇਗੀ।

ਉਨ੍ਹਾਂ ਕਿਹਾ ਕਿ ਦੇਸ਼ ਵਿੱਚ ਬਣੇ ਕੋਚ ਚੀਨ ਅਤੇ ਹੋਰ ਦੇਸ਼ਾਂ ਤੋਂ ਖਰੀਦੇ ਗਏ ਕੋਚਾਂ ਨਾਲੋਂ 40 ਫੀਸਦੀ ਸਸਤੇ ਹੋਣਗੇ ਤੇ ਵਾਈਫਾਈ, ਸੀਸੀਟੀਵੀ ਕੈਮਰੇ, ਮੋਬਾਈਲ ਚਾਰਜਿੰਗ ਆਊਟਲੈਟ ਸਮੇਤ ਹੋਰ ਸਹੂਲਤਾਂ ਨਾਲ ਲੈਸ ਹੋਣਗੇ।

ਇਸ ਤੋਂ ਇਲਾਵਾ ਉਹ ਬੋਰਡ 'ਤੇ ਆਧੁਨਿਕ ਨਿਗਰਾਨੀ ਉਪਕਰਨਾਂ ਦੇ ਨਾਲ ਸੰਚਾਰ-ਅਧਾਰਿਤ ਸਿਗਨਲਿੰਗ, ਦਰਵਾਜ਼ਾ ਕੰਟਰੋਲ ਤੇ ਰੇਲ ਪ੍ਰਬੰਧਨ ਪ੍ਰਣਾਲੀ ਸਮੇਤ ਸੁਰੱਖਿਆ ਸੁਬਿਧਾਵਾਂ ਦਾ ਵੀ ਦਾਅਵਾ ਕਰਨਗੇ।