Reliance Alia Deal: ਹੁਣ ਰਿਲਾਇੰਸ ਦੀ ਹੋਈ ਆਲੀਆ ਭੱਟ ਦੀ ਇਹ ਕੰਪਨੀ, ਕਰੋੜਾਂ 'ਚ ਹੋਈ 3 ਸਾਲ ਪੁਰਾਣੀ ਕੰਪਨੀ ਦੀ ਡੀਲ

RIL-Ed a Mamma Deal: ਰਿਲਾਇੰਸ ਇੰਡਸਟਰੀਸ ਦੀ ਰਿਟੇਲ ਕਾਰੋਬਾਰੀ ਕੰਪਨੀ ਨੇ ਇਹ ਡੀਲ ਕੀਤੀ ਹੈ। ਇਹ ਡੀਲ ਆਲੀਆ ਭੱਟ ਦੀ 3 ਸਾਲ ਪੁਰਾਣੀ ਕੰਪਨੀ 'ਚ 51 ਫੀਸਦੀ ਹਿੱਸੇਦਾਰੀ ਖਰੀਦਣ ਦਾ ਹੈ।

Alia Bhatt

ਮੁਕੇਸ਼ ਅੰਬਾਨੀ ਦੀ ਕੰਪਨੀ ਰਿਲਾਇੰਸ ਇੰਡਸਟਰੀਸ ਰਿਟੇਲ ਬਿਜਨੇਸ 'ਚ ਤੇਜ਼ੀ ਨਾਲ ਆਪਣੇ ਪੈਰ ਪਸਾਰ ਰਹੀ ਹੈ। ਇਸ ਦੇ ਲਈ ਕੰਪਨੀ ਲਗਾਤਾਰ ਸੌਦੇ ਕਰ ਰਹੀ ਹੈ। ਰਿਲਾਇੰਸ ਦੀ ਤਾਜ਼ਾ ਰਿਟੇਲ ਡੀਲ ਆਲੀਆ ਭੱਟ ਨਾਲ ਹੋਈ ਹੈ।

ਆਲੀਆ ਭੱਟ ਨੇ ਤਿੰਨ ਸਾਲ ਪਹਿਲਾਂ ਸਿਨੇਮਾ ਵਿੱਚ ਕੰਮ ਕਰਨ ਦੇ ਨਾਲ ਹੀ ਉੱਦਮ ਦੀ ਦੁਨੀਆ ਵਿੱਚ ਪ੍ਰਵੇਸ਼ ਕੀਤਾ ਸੀ। ਉਨ੍ਹਾਂ ਨੇ ਬੱਚਿਆਂ ਲਈ ਇੱਕ ਕੱਪੜੇ ਦਾ ਬ੍ਰਾਂਡ ਸ਼ੁਰੂ ਕੀਤਾ ਜਿਸ ਨੂੰ Ed a Mamma ਕਿਹਾ ਜਾਂਦਾ ਹੈ।

ਰਿਲਾਇੰਸ ਇੰਡਸਟਰੀਸ ਨੇ ਆਲੀਆ ਦੀ ਕੰਪਨੀ 'ਚ 51 ਫੀਸਦੀ ਹਿੱਸੇਦਾਰੀ ਖਰੀਦੀ ਹੈ ਅਤੇ ਹੁਣ ਜ਼ਿਆਦਾਤਰ ਹਿੱਸੇਦਾਰੀ ਰਿਲਾਇੰਸ ਦੇ ਕੋਲ ਆ ਗਈ ਹੈ।

ਆਲੀਆ ਭੱਟ ਨੇ ਸਾਲ 2020 ਵਿੱਚ Ed a Mamma ਬ੍ਰਾਂਡ ਲਾਂਚ ਕੀਤਾ, ਜਿਸ ਨੂੰ Eternia Creative Company ਦੁਆਰਾ ਸੰਚਾਲਿਤ ਕੀਤਾ ਗਿਆ ਸੀ। ਇਸ ਕੰਪਨੀ ਵਿੱਚ ਆਲੀਆ ਭੱਟ ਡਾਇਰੈਕਟਰ ਹੈ।

ਈਸ਼ਾ ਅੰਬਾਨੀ ਰਿਲਾਇੰਸ ਰਿਟੇਲ ਦੀ ਅਗਵਾਈ ਕਰ ਰਹੀ ਹੈ। ਉਨ੍ਹਾਂ ਨੇ ਪਿਛਲੇ ਕੁਝ ਸਾਲਾਂ ਵਿੱਚ ਬਹੁਤ ਸਾਰੇ ਬ੍ਰਾਂਡ ਹਾਸਲ ਕੀਤੇ ਹਨ। ਆਲੀਆ ਦੀ Ed a Mamma ਇਸੇ ਲੜੀ ਦੀ ਨਵੀਂ ਕਿਸ਼ਤ ਹੈ।

ਰਿਲਾਇੰਸ ਰਿਟੇਲ ਵੈਂਚਰਸ ਲਿਮਟਿਡ ਨੂੰ ਉਮੀਦ ਹੈ ਕਿ ਆਲੀਆ ਦੀ Ed a Mamma ਦੀ ਖਰੀਦ ਇਸ ਨੂੰ ਬੱਚਿਆਂ ਦੇ ਪਾਉਣ ਦੀ ਸ਼੍ਰੇਣੀ ਵਿੱਚ ਆਪਣੀ ਮੌਜੂਦਗੀ ਨੂੰ ਮਜ਼ਬੂਤ ਕਰਨ ਵਿੱਚ ਮਦਦ ਕਰੇਗੀ।

ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਇਹ ਸੌਦਾ ਕਿੰਨੇ ਵਿੱਚ ਹੋਇਆ ਹੈ ਪਰ ਜੁਲਾਈ ਵਿੱਚ ਜਦੋਂ ਇਸ ਸੌਦੇ ਨੂੰ ਲੈ ਕੇ ਅਟਕਲਾਂ ਚੱਲ ਰਹੀਆਂ ਸਨ ਤਾਂ ਖਬਰਾਂ ਵਿੱਚ ਕਿਹਾ ਜਾ ਰਿਹਾ ਸੀ ਕਿ ਰਿਲਾਇੰਸ ਇੰਡਸਟਰੀਜ਼ 300 ਤੋਂ 350 ਕਰੋੜ ਰੁਪਏ ਵਿੱਚ ਸੌਦਾ ਪੂਰਾ ਕਰ ਸਕਦੀ ਹੈ।

ਰਿਲਾਇੰਸ ਇੰਡਸਟਰੀਜ਼ ਨੇ ਇਹ ਸੌਦਾ ਰਿਲਾਇੰਸ ਰਿਟੇਲ ਵੈਂਚਰ ਲਿਮਟਿਡ (RRVL) ਰਾਹੀਂ ਕੀਤਾ ਹੈ। RRVL ਨੇ ਸੌਦੇ ਬਾਰੇ ਬਿਆਨ ਜਾਰੀ ਕਰਕੇ ਜਾਣਕਾਰੀ ਦਿੱਤੀ ਹੈ।