Japji Khaira: ਅਦਾਕਾਰਾ ਜਪਜੀ ਖਹਿਰਾ ਦਾ 'ਅਰਦਾਸ ਕਰਾਂ 3' ਤੋਂ ਪੱਤਾ ਕੱਟਿਆ, ਹੁਣ ਇਹ ਖੂਬਸੂਰਤ ਅਭਿਨੇਤਰੀ ਫਿਲਮ 'ਚ ਆਵੇਗੀ ਨਜ਼ਰ

Ardaas Karan 3: 'ਅਰਦਾਸ ਕਰਾਂ ਸਰਬੱਤ ਦੇ ਭਲੇ ਦੀ' ਫਿਲਮ ਦੀ ਸ਼ੂਟਿੰਗ ਅੱਜ ਯਾਨਿ 15 ਜਨਵਰੀ ਤੋਂ ਸ਼ੁਰੂ ਹੋ ਚੁੱਕੀ ਹੈ। ਗਿੱਪੀ ਦੀ ਪੋਸਟ ਦੇਖ ਇੰਝ ਲੱਗ ਰਿਹਾ ਹੈ ਕਿ ਫਿਲਮ ਦੇ ਤੀਜੇ ਭਾਗ ਤੋਂ ਜਪਜੀ ਖਹਿਰਾ ਦਾ ਪੱਤਾ ਕੱਟ ਗਿਆ ਹੈ।

ਅਦਾਕਾਰਾ ਜਪਜੀ ਖਹਿਰਾ ਦਾ 'ਅਰਦਾਸ ਕਰਾਂ 3' ਤੋਂ ਪੱਤਾ ਕੱਟਿਆ, ਹੁਣ ਇਹ ਖੂਬਸੂਰਤ ਅਭਿਨੇਤਰੀ ਫਿਲਮ 'ਚ ਆਵੇਗੀ ਨਜ਼ਰ

'ਅਰਦਾਸ ਕਰਾਂ' ਇੱਕ ਅਜਿਹੀ ਫਿਲਮ ਹੈ, ਜਿਸ ਨੂੰ ਹਰ ਕੋਈ ਪਸੰਦ ਕਰਦਾ ਹੈ। ਇਹ ਫਿਲਮ 2016 'ਚ ਰਿਲੀਜ਼ ਹੋਈ ਸੀ। ਫਿਲਮ ਦਾ ਦੂਜਾ ਭਾਗ 2019 ;ਚ ਆਇਆ ਸੀ।

ਹੁਣ ਫਿਲਮ ਦੇ ਤੀਜੇ ਭਾਗ 'ਅਰਦਾਸ ਕਰਾਂ ਸਰਬੱਤ ਦੇ ਭਲੇ ਦੀ' ਦੀ ਸ਼ੂਟਿੰਗ ਵੀ ਸ਼ੁਰੂ ਹੋ ਚੁੱਕੀ ਹੈ। ਫਿਲਮ 'ਚ ਉਹੀ ਪੁਰਾਣੀ ਸਟਾਰ ਕਾਸਟ ਨਜ਼ਰ ਆ ਰਹੀ ਹੈ, ਪਰ ਫਿਲਮ ;ਚੋਂ ਅਭਿਨੇਤਰੀ ਜਪਜੀ ਖਹਿਰਾ ਦਾ ਪੱਤਾ ਕੱਟ ਹੋਇਆ ਨਜ਼ਰ ਆ ਰਿਹਾ ਹੈ।

ਜੀ ਹਾਂ, ਗਿੱਪੀ ਨੇ ਜੋ ਪੋਸਟ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕੀਤੀ ਹੈ, ਉਸ ਵਿੱਚ ਗਿੱਪੀ ਸਟਾਰ ਕਾਸਟ ਨੂੰ ਟੈਗ ਕੀਤਾ ਹੈ। ਉਸ ਵਿੱਚ ਕਿਤੇ ਵੀ ਜਪਜੀ ਖਹਿਰਾ ਦਾ ਨਾਮ ਨਹੀਂ ਹੈ।

ਜਪਜੀ ਖਹਿਰਾ ਦੀ ਜਗ੍ਹਾ ਦੂਜੀ ਅਭਿਨੇਤਰੀ ਦਾ ਨਾਮ ਨਜ਼ਰ ਆ ਰਿਹਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਉਹ ਕੌਣ ਹੈ।

'ਅਰਦਾਸ ਕਰਾਂ 3' 'ਚ ਜਿਹੜੀ ਅਭਿਨੇਤਰੀ ਨੇ ਜਪਜੀ ਖਹਿਰਾ ਦੀ ਜਗ੍ਹਾ ਲਈ ਹੈ, ਉਹ ਕੋਈ ਨਹੀਂ ਬਲਕਿ ਜੈਸਮੀਨ ਭਸੀਨ ਹੈ।

ਜੀ ਹਾਂ, 'ਅਰਦਾਸ ਕਰਾਂ' ਦੇ ਤੀਜੇ ਭਾਗ 'ਚ ਜਪਜੀ ਖਹਿਰਾ ਦੀ ਜਗ੍ਹਾ ਜੈਸਮੀਨ ਭਸੀਨ ਨੇ ਲਈ ਹੈ। ਇਸ ਦਾ ਖੁਲਾਸਾ ਗਿੱਪੀ ਦੀ ਪੋਸਟ ਤੋਂ ਹੁੰਦਾ ਹੈ।

ਦੱਸ ਦਈਏ ਕਿ ਫਿਲਮ ਦੀ ਸ਼ੂਟਿੰਗ ਅੱਜ ਤੋਂ ਸ਼ੁਰੂ ਹੋ ਗਈ ਹੈ। ਫਿਲਮ 'ਚ ਗਿੱਪੀ ਗਰੇਵਾਲ, ਜੈਸਮੀਨ ਭਸੀਨ, ਗੁਰਪ੍ਰੀਤ ਘੁੱਗੀ, ਸਰਦਾਰ ਸੋਹੀ ਸਮੇਤ ਹੋਰ ਵੀ ਕਈ ਕਲਾਕਾਰ ਨਜ਼ਰ ਆਉਣ ਵਾਲੇ ਹਨ।

ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋ ਚੁੱਕੀ ਹੈ, ਪਰ ਇਸ ਦੀ ਰਿਲੀਜ਼ ਡੇਟ ਦਾ ਹਾਲੇ ਤੱਕ ਐਲਾਨ ਨਹੀਂ ਕੀਤਾ ਗਿਆ ਹੈ। ਦੱਸ ਦਈਏ ਕਿ ਇਸ ਫਿਲਮ ਦੇ ਇਸੇ ਸਾਲ ਰਿਲੀਜ਼ ਹੋਣ ਦੀ ਉਮੀਦ ਹੈ।