ਬਾਲੀਵੁੱਡ ਦੇ ਸਭ ਤੋਂ ਵੱਡੇ ਵਿਲੇਨ ਹੋਣ ਦੇ ਬਾਵਜੂਦ ਅਮਰੀਸ਼ ਪੁਰੀ ਅਸਲ ਜ਼ਿੰਦਗੀ 'ਚ ਰਹੇ ਸਭ ਦੇ ਦਿਲਾਂ ਦੇ ਹੀਰੋ

ਬਾਲੀਵੁੱਡ ਵਿੱਚ ਸਭ ਤੋਂ ਵੱਡੇ ਵਿਲੇਨ ਕਿਰਦਾਰ ਹੋਣ ਦਾ ਬਾਵਜੂਦ ਅਮਰੀਸ਼ ਪੁਰੀ ਅਸਲ ਜ਼ਿੰਦਗੀ ਵਿੱਚ ਸਭ ਦੇ ਦਿਲਾਂ ਵਿੱਚ ਹੀਰੋ ਬਣ ਕੇ ਰਹੇ। ਬਾਲੀਵੁੱਡ ਵਿੱਚ ਉਨ੍ਹਾਂ ਦਾ ਸਤਿਕਾਰ ਇਸ ਗੱਲ ਕਰਕੇ ਵੀ ਸੀ ਕਿ ਉਹ ਸਭ ਦੀ ਮਦਦ ਲਈ ਤਿਆਰ ਰਹਿੰਦੇ ਸੀ।

ਬਾਲੀਵੁੱਡ

ਬਾਲੀਵੁੱਡ ਵਿੱਚ ਸਭ ਤੋਂ ਵੱਡੇ ਵਿਲੇਨ ਕਿਰਦਾਰ ਹੋਣ ਦਾ ਬਾਵਜੂਦ ਅਮਰੀਸ਼ ਪੁਰੀ ਅਸਲ ਜ਼ਿੰਦਗੀ ਵਿੱਚ ਸਭ ਦੇ ਦਿਲਾਂ ਵਿੱਚ ਹੀਰੋ ਬਣ ਕੇ ਰਹੇ। ਬਾਲੀਵੁੱਡ ਵਿੱਚ ਉਨ੍ਹਾਂ ਦਾ ਸਤਿਕਾਰ ਇਸ ਗੱਲ ਕਰਕੇ ਵੀ ਸੀ ਕਿ ਉਹ ਸਭ ਦੀ ਮਦਦ ਲਈ ਤਿਆਰ ਰਹਿੰਦੇ ਸੀ। ਉਨ੍ਹਾਂ ਨਾਲ ਕਈ ਕਿੱਸੇ ਜੁੜੇ ਹੋਏ ਹਨ।

ਦਰਅਸਲ ਜੋ ਵੀ ਫਿਲਮੀ ਦੁਨੀਆ ਵਿੱਚ ਕਦਮ ਰੱਖਦਾ ਹੈ, ਉਨ੍ਹਾਂ ਵਿੱਚੋਂ ਜ਼ਿਆਦਾਤਰ ਹੀਰੋ ਬਣਨ ਦਾ ਸੁਪਨਾ ਲੈਂਦੇ ਹਨ। ਇਸ ਸੁਪਨੇ ਨਾਲ ਅਮਰੀਸ਼ ਪੁਰੀ ਵੀ ਮੁੰਬਈ ਆ ਗਏ ਸੀ ਪਰ ਜਦੋਂ ਉਹ ਕੰਮ ਲੱਭਣ ਲੱਗੇ ਤਾਂ ਉਨ੍ਹਾਂ ਨੂੰ ਜਵਾਬ ਮਿਲਦਾ ਸੀ ਕਿ ਤੁਸੀਂ ਹੀਰੋ ਨਹੀਂ ਲੱਗਦੇ। ਬਸ ਫਿਰ ਕੀ ਸੀ, ਅਮਰੀਸ਼ ਪੁਰੀ ਭਾਵੇਂ ਹੀਰੋ ਵਾਂਗ ਨਾ ਲੱਗੇ, ਪਰ ਉਨ੍ਹਾਂ ਨੇ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਬਾਲੀਵੁੱਡ ਦਾ ਸਭ ਤੋਂ ਵੱਡਾ ਖਲਨਾਇਕ ਬਣਨ ਦਾ ਰਾਹ ਬਣਾ ਲਿਆ।

ਅਮਰੀਸ਼ ਪੁਰੀ ਨੇ ਆਪਣੇ ਬਾਲੀਵੁੱਡ ਕਰੀਅਰ ਦੀ ਸ਼ੁਰੂਆਤ ਸਾਲ 1970 'ਚ ਫਿਲਮ 'ਪ੍ਰੇਮ ਪੁਜਾਰੀ' ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਹ ਇੱਕ ਤੋਂ ਬਾਅਦ ਇੱਕ ਕਈ ਸੁਪਰਹਿੱਟ ਫਿਲਮਾਂ ਵਿੱਚ ਨਜ਼ਰ ਆਏ ਤੇ ਉਨ੍ਹਾਂ ਨੇ ਆਪਣੀ ਸ਼ਾਨਦਾਰ ਅਦਾਕਾਰੀ ਨਾਲ ਹਰ ਕਿਰਦਾਰ ਨੂੰ ਯਾਦਗਾਰ ਬਣਾ ਦਿੱਤਾ, ਚਾਹੇ ਉਹ ਨਾਇਕ ਕਰਨ ਅਰਜੁਨ ਦੇ ਮੁੱਖ ਮੰਤਰੀ ਠਾਕੁਰ ਦਾ ਕਿਰਦਾਰ ਹੋਵੇ ਜਾਂ ਮਿਸਟਰ ਇੰਡੀਆ ਦਾ ਮੋਗੈਂਬੋ।

ਹਰ ਕਿਰਦਾਰ ਰਾਹੀਂ ਖਲਨਾਇਕ ਬਣੇ ਅਮਰੀਸ਼ ਪੁਰੀ ਨੇ ਲੋਕਾਂ ਦਾ ਦਿਲ ਜਿੱਤਣ ਦਾ ਕੰਮ ਕੀਤਾ ਹੈ। ਪਰਦੇ 'ਤੇ ਉਸ ਦੀ ਅਦਾਕਾਰੀ ਤੇ ਡਾਇਲਾਗ ਡਿਲੀਵਰੀ ਦਾ ਅੰਦਾਜ਼ ਅਜਿਹਾ ਸੀ ਕਿ ਹਰ ਕੋਈ ਦੇਖ ਕੇ ਹੈਰਾਨ ਰਹਿ ਗਿਆ ਪਰ ਇਸ ਦੇ ਨਾਲ ਕਿਹਾ ਜਾਂਦਾ ਹੈ ਕਿ ਉਹ ਉਸ ਕਿਰਦਾਰ ਨੂੰ ਨਿਭਾਉਣ ਲਈ ਆਪਣੀ ਫੀਸ ਲੈ ਕੇ ਵੀ ਨਿਰਮਾਤਾਵਾਂ ਨੂੰ ਹੈਰਾਨ ਕਰ ਦਿੰਦੇ ਸਨ।

ਅਮਰੀਸ਼ ਪੁਰੀ ਨੂੰ ਬਾਲੀਵੁੱਡ ਦਾ ਹੁਣ ਤੱਕ ਦਾ ਸਭ ਤੋਂ ਮਹਿੰਗਾ ਖਲਨਾਇਕ ਮੰਨਿਆ ਜਾਂਦਾ ਹੈ। ਰਿਪੋਰਟਾਂ ਮੁਤਾਬਕ ਉਹ ਇਕ ਕਰੋੜ ਰੁਪਏ ਤੱਕ ਦੀ ਫੀਸ ਲੈਂਦਾ ਸੀ। ਜੇਕਰ ਉਸ ਨੂੰ ਕਿਸੇ ਫਿਲਮ ਵਿੱਚ ਲੋੜੀਂਦੇ ਪੈਸੇ ਨਹੀਂ ਮਿਲੇ ਤਾਂ ਉਹ ਉਸ ਫਿਲਮ ਨੂੰ ਕਰਨ ਤੋਂ ਇਨਕਾਰ ਕਰ ਦਿੰਦੇ ਸਨ।