YouTuber: 13 ਸਾਲ ਦੀ ਯੂਟਿਊਬਰ 410 ਕਰੋੜ ਜਾਇਦਾਦ ਦੀ ਮਾਲਕਣ, ਫੈਨ ਫਾਲੋਇੰਗ ਬਾਲੀਵੁੱਡ ਸਟਾਰਜ਼ ਤੋਂ ਵੀ ਜ਼ਿਆਦਾ, ਜਾਣੋ ਕੌਣ ਹੈ ਇਹ

Youtuber Shfa: ਯੂਟਿਊਬ 'ਤੇ ਬਹੁਤ ਸਾਰੇ ਕੰਟੈਂਟ ਕ੍ਰੀਏਟਰਾਂ ਵਿੱਚੋਂ ਇੱਕ 13 ਸਾਲ ਦੀ ਕੁੜੀ ਨੇ ਨਾ ਸਿਰਫ਼ ਲੱਖਾਂ ਫਾਲੋਅਰਜ਼ ਬਣਾਏ ਹਨ ਬਲਕਿ ਇਸ ਉਮਰ ਵਿੱਚ ਉਹ ਬਾਲੀਵੁੱਡ ਸੁਪਰਸਟਾਰਾਂ ਤੋਂ ਵੀ ਵੱਧ ਕਮਾਈ ਕਰਦੀ ਹੈ। ਜਾਣੋ ਕੌਣ ਹੈ ਇਹ ਕੁੜੀ।

ਅਸੀਂ ਗੱਲ ਕਰ ਰਹੇ ਹਾਂ ਸ਼ਫਾ ਦੀ ਜਿਸ ਦਾ ਜਨਮ ਸਾਲ 2011 'ਚ ਸਾਊਦੀ ਅਰਬ 'ਚ ਹੋਇਆ ਸੀ। ਜੋ ਅੱਜ ਆਪਣੇ ਸ਼ਾਨਦਾਰ ਵੀਡੀਓਜ਼ ਦੇ ਜ਼ਰੀਏ ਇੱਕ ਮਸ਼ਹੂਰ ਯੂਟਿਊਬਰ ਬਣ ਗਈ ਹੈ।

ਸ਼ਫਾ ਦੇ ਯੂਟਿਊਬ 'ਤੇ ਲੱਖਾਂ ਫਾਲੋਅਰਜ਼ ਹਨ। ਸ਼ਫਾ ਨਾ ਸਿਰਫ ਦੁਨੀਆ ਭਰ ਦੇ ਬੱਚਿਆਂ ਦਾ ਜਾਣਿਆ-ਪਛਾਣਿਆ ਚਿਹਰਾ ਹੈ ਬਲਕਿ ਇਸ ਛੋਟੀ ਉਮਰ ਵਿੱਚ ਉਹ ਹਰ ਮਹੀਨੇ ਯੂਟਿਊਬ ਤੋਂ ਵੱਡੀ ਰਕਮ ਕਮਾਉਂਦੀ ਹੈ।

ਯੂਏਈ ਵਿੱਚ ਰਹਿਣ ਵਾਲੀ ਸ਼ਫਾ ਆਪਣੇ ਵੀਡੀਓਜ਼ ਵਿੱਚ ਦੁਨੀਆ ਭਰ ਦੇ ਬੱਚਿਆਂ ਲਈ ਖੇਡ ਗਤੀਵਿਧੀਆਂ ਦਿਖਾਉਂਦੀ ਹੈ। ਸ਼ਫਾ ਦੇ ਵੀਡੀਓਜ਼ ਜਿਆਦਾਤਰ ਪਿਆਰੇ ਫਰੋਜ਼ਨ, ਐਲਸਾ ਅਤੇ ਐਨਾ ਨਾਮ ਦੀਆਂ ਰਾਜਕੁਮਾਰੀਆਂ 'ਤੇ ਕੇਂਦਰਿਤ ਹਨ। ਜਿਸ ਨੂੰ ਬੱਚੇ ਨਾ ਸਿਰਫ ਖਾਸ ਤੌਰ 'ਤੇ ਪਸੰਦ ਕਰਦੇ ਹਨ ਸਗੋਂ ਸ਼ਫਾ ਦੀ ਸਫਲਤਾ 'ਚ ਵੀ ਉਨ੍ਹਾਂ ਦਾ ਵੱਡਾ ਯੋਗਦਾਨ ਹੁੰਦਾ ਹੈ।

ਸ਼ਫਾ ਦਾ ਯੂ-ਟਿਊਬ 2015 'ਚ ਸ਼ੁਰੂ ਹੋਇਆ ਸੀ ਜਦੋਂ ਉਹ ਸਿਰਫ ਚਾਰ ਸਾਲ ਦੀ ਸੀ। ਹੁਣ ਸ਼ਫਾ ਦਾ ਚੈਨਲ ਇੱਕ ਵਪਾਰਕ ਉੱਦਮ ਵਿੱਚ ਤਬਦੀਲ ਹੋ ਗਿਆ ਹੈ।

44 ਮਿਲੀਅਨ ਸਬਸਕ੍ਰਾਈਬਰਸ ਤੋਂ ਇਲਾਵਾ ਸ਼ਫਾ ਦੇ ਇਸ ਚੈਨਲ 'ਤੇ ਅਰਬਾਂ ਵਿਊਜ਼ ਹਨ। ਜੋ ਕਿ ਆਮਦਨ ਦਾ ਵੱਡਾ ਸਾਧਨ ਬਣ ਗਿਆ ਹੈ।

ਸ਼ਫਾ ਨੇ ਯੂ-ਟਿਊਬ ਤੋਂ ਹੀ ਮੋਟੀ ਕਮਾਈ ਕੀਤੀ, ਜੇਕਰ ਪਿਛਲੇ ਸਾਲ ਦੇ ਅੰਕੜਿਆਂ ਦੀ ਗੱਲ ਕਰੀਏ ਤਾਂ ਕੁਝ ਰਿਪੋਰਟਾਂ ਮੁਤਾਬਕ ਸ਼ਫਾ ਨੇ ਪਿਛਲੇ ਸਾਲ ਯੂ-ਟਿਊਬ ਤੋਂ ਕਰੀਬ 3 ਕਰੋੜ ਰੁਪਏ ਕਮਾਏ ਸਨ।

ਖਬਰਾਂ ਮੁਤਾਬਕ ਸ਼ਫਾ ਨੈੱਟਵਰਥ ਦੇ ਮਾਮਲੇ 'ਚ ਸਭ ਤੋਂ ਵੱਡੇ ਸਿਤਾਰਿਆਂ ਨੂੰ ਸਖਤ ਟੱਕਰ ਦਿੰਦੀ ਹੈ। ਤੁਹਾਨੂੰ ਇਹ ਜਾਣ ਕੇ ਹੈਰਾਨੀ ਹੋਵੇਗੀ ਕਿ ਸ਼ਫਾ ਛੋਟੀ ਉਮਰ ਵਿਚ 50 ਮਿਲੀਅਨ ਡਾਲਰ ਦੀ ਜਾਇਦਾਦ ਦੀ ਮਾਲਕ ਹੈ। ਜੋ ਕਿ ਕਰੀਬ 410 ਕਰੋੜ ਰੁਪਏ ਹੈ।