Diljit Dosanjh: ਦਿਲਜੀਤ ਦੋਸਾਂਝ ਦੀ ਕਥਿਤ ਪਤਨੀ ਓਸ਼ੀਨ ਬਰਾੜ ਆਈ ਸਾਹਮਣੇ, ਬੋਲੀ- 'ਮੈਂ ਉਦੋਂ ਸਿਰਫ 19 ਸਾਲ ਦੀ...'

Oshin Brar on Diljit Dosanjh: ਪੰਜਾਬੀ ਅਦਾਕਾਰ ਅਤੇ ਗਾਇਕ ਦਿਲਜੀਤ ਦੋਸਾਂਝ ਇਨ੍ਹੀਂ ਦਿਨੀਂ ਆਪਣੀ ਫਿਲਮ ਅਮਰ ਸਿੰਘ ਚਮਕੀਲਾ ਦੇ ਨਾਲ-ਨਾਲ ਨਿੱਜੀ ਜ਼ਿੰਦਗੀ ਨੂੰ ਲੈ ਸੁਰਖੀਆਂ ਬਟੋਰ ਰਹੇ ਹਨ।

Oshin Brar on Diljit Dosanjh

ਦਰਅਸਲ, ਹਾਲ ਹੀ ਵਿੱਚ ਦਿਲਜੀਤ ਦੀ ਇੱਕ ਔਰਤ ਨਾਲ ਫੋਟੋ ਵਾਇਰਲ ਹੋਈ ਸੀ। ਕਿਹਾ ਜਾ ਰਿਹਾ ਸੀ ਕਿ ਉਹ ਦਿਲਜੀਤ ਦੀ ਪਤਨੀ ਹੈ। ਹਾਲਾਂਕਿ ਬਾਅਦ 'ਚ ਪਤਾ ਲੱਗਾ ਕਿ ਉਹ ਦਿਲਜੀਤ ਦੀ ਪਤਨੀ ਨਹੀਂ, ਸਗੋਂ 2015 ਦੀ ਪੰਜਾਬੀ ਫਿਲਮ 'ਮੁਖਤਿਆਰ ਚੱਢਾ' 'ਚ ਦਿਲਜੀਤ ਨਾਲ ਕੰਮ ਕਰਨ ਵਾਲੀ ਅਦਾਕਾਰਾ ਓਸ਼ੀਨ ਬਰਾੜ ਹੈ। ਇਸ ਤਸਵੀਰ ਦੇ ਵਾਇਰ ਹੁੰਦਿਆਂ ਹੀ ਓਸ਼ਿਨ ਨੇ ਇਸ 'ਤੇ ਪ੍ਰਤੀਕਿਰਿਆ ਦਿੱਤੀ ਹੈ।

ਓਸ਼ੀਨ ਬਰਾੜ ਨੇ ਇੰਡੀਅਨ ਐਕਸਪ੍ਰੈਸ ਨੂੰ ਦਿੱਤੇ ਇੰਟਰਵਿਊ ਵਿੱਚ ਕਿਹਾ, "ਮੈਨੂੰ ਨਹੀਂ ਪਤਾ ਕਿ ਲੋਕਾਂ ਨੇ ਅਜਿਹਾ ਕਿਉਂ ਸੋਚਿਆ ਕਿ ਮੈਂ ਉਨ੍ਹਾਂ ਦੀ ਪਤਨੀ ਹਾਂ। ਮੈਂ ਉਨ੍ਹਾਂ ਨਾਲ ਸਿਰਫ਼ ਦੋ ਪ੍ਰੋਜੈਕਟ ਹੀ ਕੀਤੇ ਸਨ- ਇੱਕ ਫ਼ਿਲਮ ਅਤੇ ਇੱਕ ਗੀਤ।

ਇਸ ਤੋਂ ਬਾਅਦ ਮੇਰੀ ਉਨ੍ਹਾਂ ਨਾਲ ਕੋਈ ਗੱਲ ਨਹੀਂ ਹੋਈ। "ਮੈਨੂੰ ਲਗਦਾ ਹੈ ਕਿ ਕੋਈ ਅਜਿਹਾ ਸੀ ਜੋ ਨਹੀਂ ਚਾਹੁੰਦਾ ਸੀ ਕਿ ਮੈਂ ਉਨ੍ਹਾਂ ਦੇ ਨਾਲ ਫਿਲਮ ਦਾ ਪ੍ਰਚਾਰ ਕਰਾਂ, ਭਾਵੇਂ ਮੈਂ ਫਿਲਮ ਵਿੱਚ ਮੁੱਖ ਅਦਾਕਾਰਾ ਸੀ, ਜਾਂ ਕੋਈ ਅਜਿਹਾ ਵਿਅਕਤੀ ਸੀ ਜੋ ਨਹੀਂ ਚਾਹੁੰਦਾ ਸੀ ਕਿ ਮੈਂ ਉਸ ਨਾਲ ਦੁਬਾਰਾ ਕੰਮ ਕਰਾਂ।"

ਓਸ਼ਿਨ ਨੇ ਅੱਗੇ ਕਿਹਾ, "ਲੋਕ ਸ਼ਾਇਦ ਇਹ ਸਭ ਕੁਝ ਈਰਖਾ ਦੇ ਕਾਰਨ ਕਰ ਰਹੇ ਹਨ। ਕਿਉਂਕਿ ਮੈਂ ਸਿਰਫ 19 ਸਾਲ ਦੀ ਸੀ ਜਦੋਂ ਮੈਂ ਉਨ੍ਹਾਂ ਦੇ ਨਾਲ ਆਪਣੇ ਦੋਵੇਂ ਡੈਬਿਊ ਪ੍ਰੋਜੈਕਟ ਕੀਤੇ ਸਨ। ਇਮਾਨਦਾਰੀ ਨਾਲ ਕਹਾਂ ਤਾਂ ਮੈਨੂੰ ਪਰਵਾਹ ਨਹੀਂ ਹੈ, ਮੈਂ ਇਸ ਤੋਂ ਕੋਈ ਫੇਮ ਹਾਸਿਲ ਨਹੀਂ ਕਰਨਾ ਹੈ।"

ਇੰਟਰਵਿਊ ਦੌਰਾਨ ਓਸ਼ਿਨ ਨੇ ਦਿਲਜੀਤ ਦੀ ਕਾਫੀ ਤਾਰੀਫ ਕੀਤੀ। ਓਸ਼ਿਨ ਨੇ ਕਿਹਾ, "ਮੈਂ ਉਨ੍ਹਾਂ ਨਾਲ ਬਹੁਤ ਵਧੀਆ ਸਮਾਂ ਬਿਤਾਇਆ। ਮੈਂ ਸਿਰਫ਼ 19 ਸਾਲ ਦਾ ਸੀ। ਉਨ੍ਹਾਂ ਨੇ ਹੀ ਸ਼ੂਟਿੰਗ ਦੌਰਾਨ ਮੈਨੂੰ ਫ਼ਿਲਮ ਦੇ ਕਿਰਦਾਰ ਬਾਰੇ ਸਮਝਾਇਆ ਸੀ ਅਤੇ ਮੇਰਾ ਮੰਨਣਾ ਹੈ ਕਿ ਉਹ ਬਿਲਕੁਲ ਨਹੀਂ ਬਦਲੇ ਹਨ। ਹੁਣ ਵੀ ਉਹ ਪੂਰੀ ਟੀਮ ਨੂੰ ਪਿਆਰ ਨਾਲ ਰਹਿੰਦੇ ਹਨ।

ਦੱਸ ਦੇਈਏ ਕਿ ਓਸ਼ੀਨ ਬਰਾੜ ਨੂੰ ਦਿਲਜੀਤ ਦੋਸਾਂਝ ਨਾਲ ਫਿਲਮ ਮੁਖਤਿਆਰ ਸਿੰਘ ਚੱਢਾ ਵਿੱਚ ਵੇਖਿਆ ਗਿਆ ਸੀ। ਜੋ ਕਿ ਸਾਲ 2015 ਵਿੱਚ ਰਿਲੀਜ਼ ਹੋਈ ਸੀ। ਦੋਵਾਂ ਦੀ ਕੈਮਿਸਟ੍ਰੀ ਨੂੰ ਪ੍ਰਸ਼ੰਸਕਾਂ ਨੇ ਬੇਹੱਦ ਪਸੰਦ ਕੀਤਾ ਸੀ।