Year Ender 2022: ਸਰਗੁਣ ਮਹਿਤਾ- ਨੀਰੂ ਬਾਜਵਾ ਤੇ ਤਾਨੀਆ ਸਣੇ ਇਸ ਸਾਲ ਚਰਚਾ 'ਚ ਰਹੀਆਂ ਇਹ ਅਭਿਨੇਤਰੀਆਂ

ਪੰਜਾਬੀ ਸਿਨੇਮਾ ਜਗਤ ਲਈ ਸਾਲ 2022 ਬੇਹੱਦ ਖਾਸ ਰਿਹਾ। ਇਸ ਸਾਲ ਕਈ ਫਿਲਮਾਂ ਨੇ ਬਾਕਸ ਆਫਿਸ 'ਤੇ ਧਮਾਲ ਮਚਾਈ। ਇਸ ਵਿਚਕਾਰ ਅਸੀ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਉਨ੍ਹਾਂ ਅਭਿਨੇਤਰਿਆਂ ਬਾਰੇ ਖਾਸ ਜੋ ਇਸ ਸਾਲ ਚਰਚਾ 'ਚ ਰਹੀਆਂ।

ਪੰਜਾਬੀ ਸਿਨੇਮਾ ਜਗਤ

ਪੰਜਾਬੀ ਸਿਨੇਮਾ ਜਗਤ ਲਈ ਸਾਲ 2022 ਬੇਹੱਦ ਖਾਸ ਰਿਹਾ। ਇਸ ਸਾਲ ਕਈ ਫਿਲਮਾਂ ਨੇ ਬਾਕਸ ਆਫਿਸ ਉੱਪਰ ਧਮਾਲ ਮਚਾਈ। ਇਸ ਵਿਚਕਾਰ ਅਸੀ ਤੁਹਾਨੂੰ ਦੱਸਣ ਜਾ ਰਹੇ ਹਾਂ ਉਨ੍ਹਾਂ ਅਭਿਨੇਤਰਿਆਂ ਬਾਰੇ ਖਾਸ ਜੋ ਇਸ ਸਾਲ ਚਰਚਾ 'ਚ ਰਹੀਆਂ। ਜਾਣੋ ਕੌਣ-ਕੌਣ ਲਿਸਟ 'ਚ ਹੈ ਸ਼ਾਮਲ...

ਇਸ ਸਾਲ ਅਦਾਕਾਰਾ ਸਰਗੁਣ ਮਹਿਤਾ ਖੂਬ ਸੁਰਖੀਆਂ ਵਿੱਚ ਰਹੀ। ਦਰਅਸਲ, ਇੱਕ ਤੋਂ ਬਾਅਦ ਇੱਕ ਸੋਨਮ ਦੀਆਂ ਕਈ ਹਿੱਟ ਫਿਲਮਾਂ ਰਿਲੀਜ਼ ਹੋਈਆਂ। ਅਦਾਕਾਰਾ ਲਈ ‘ਮੋਹ’ ਫਿਲਮ ਕਰੀਅਰ ਦੀ ਹੁਣ ਤੱਕ ਦੀ ਸਭ ਤੋਂ ਬੇਹਤਰੀਨ ਫਿਲਮ ਰਹੀ। ਇਸ ਦੇ ਨਾਲ ਨਾਲ ਸਰਗੁਣ ਨੇ ਇਸ ਸਾਲ ਬਾਲੀਵੁੱਡ ਫਿਲਮਾਂ ‘ਚ ਵੀ ਡੈਬਿਊ ਕੀਤਾ। ਉਨ੍ਹਾਂ ਨੂੰ ਆਪਣੀ ਪਹਿਲੀ ਹੀ ਬਾਲੀਵੁੱਡ ਫਿਲਮ ‘ਕੱਠਪੁਤਲੀ’ ਤੋਂ ਸਫਲਤਾ ਮਿਲੀ। ਖਾਸ ਗੱਲ ਇਹ ਹੈ ਕਿ ਸਰਗੁਣ ਦਾ ਨਾਂ ਟੌਪ 50 ਏਸ਼ੀਅਨ ਸਟਾਰਜ਼ ਦੀ ਸੂਚੀ ਵਿੱਚ ਸ਼ਾਮਲ ਹੋਇਆ ਹੈ। ਇਹ ਪ੍ਰਾਪਤੀ ਹਾਸਲ ਕਰਨ ਵਾਲੀ ਉਹ ਇਕਲੌਤੀ ਪੰਜਾਬੀ ਅਦਾਕਾਰਾ ਬਣ ਗਈ ਹੈ।

ਇਸ ਸਾਲ ਅਦਾਕਾਰਾ ਅਤੇ ਗਾਇਕਾ ਨਿਮਰਤ ਖਹਿਰਾ ਵੀ ਖੂਬ ਸੁਰਖੀਆਂ ਵਿੱਚ ਰਹੀ। ਫਿਲਮ ਸ਼ੌਕਣ-ਸ਼ੌਕਣੇ ਵਿੱਚ ਆਪਣੇ ਕਿਰਦਾਰ ਨਾਲ ਨਿਮਰਤ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ। ਇਸ ਫਿਲਮ ਤੋਂ ਇਲਾਵਾ ਨਿਮਰਤ ਨੇ ਆਪਣੇ ਇੱਕ ਤੋਂ ਵੱਧ ਇੱਕ ਕਈ ਹਿੱਟ ਗੀਤ ਵੀ ਦਿੱਤੇ।

ਸੋਨਮ ਬਾਜਵਾ ਦੀ ਗੱਲ ਕਰਿਏ ਤਾਂ ਇਸ ਸਾਲ ਉਹ ਟੌਪ 5 ਅਭਿਨੇਤਰੀਆਂ ‘ਚ ਸ਼ਾਮਲ ਰਹੀ। ਇਸ ਸਾਲ ਸੋਨਮ ਦੀਆਂ ਕਈ ਫਿਲਮਾਂ ਰਿਲੀਜ਼ ਹੋਈਆਂ। ਸੋਨਮ ‘ਮੈਂ ਵਿਆਹ ਨਹੀਂ ਕਰਾਉਣਾ ਤੇਰੇ ਨਾਲ’, ‘ਸ਼ੇਰ ਬੱਗਾ’ ਤੇ ‘ਜਿੰਦ ਮਾਹੀ’ ਵਰਗੀ ਪੰਜਾਬੀ ਫਿਲਮਾਂ ‘ਚ ਐਕਟਿੰਗ ਕਰਦੀ ਨਜ਼ਰ ਆਈ। ਫਿਲਮਾਂ ਦੇ ਨਾਲ-ਨਾਲ ਸੋਨਮ ਆਪਣੇ ਸ਼ੋਅ ‘ਦਿਲ ਦੀਆਂ ਗੱਲਾਂ 2’ ਰਾਹੀਂ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਖਾਸ ਗੱਲ ਇਹ ਹੈ ਕਿ ਹਾਲ ਹੀ ‘ਚ ਸੋਨਮ ‘ਮੂਫਾਰਮ’ ਦੀ ਬਰਾਂਡ ਅੰਬੈਸਡਰ ਬਣੀ ਹੈ, ਜੋ ਕਿਸਾਨਾਂ ਦੇ ਲਈ ਕੰਮ ਕਰੇਗੀ।

ਨੀਰੂ ਬਾਜਵਾ ਪੰਜਾਬੀ ਫਿਲਮ ਇੰਡਸਟਰੀ ਵਿੱਚ ਜਾਣਿਆ ਪਛਾਣਿਆ ਨਾਮ ਹੈ। ਅਦਾਕਾਰਾ ਨੇ ਟੀਵੀ ਦੇ ਨਾਲ-ਨਾਲ ਪੰਜਾਬੀ ਫਿਲਮਾਂ ‘ਚ ਵੱਖਰੀ ਪਹਿਚਾਣ ਬਣਾਈ। ਨੀਰੂ ਦੀਆਂ ਇਸ ਸਾਲ ਕਈ ਫਿਲਮਾਂ ਰਿਲੀਜ਼ ਹੋਈਆਂ। ਨੀਰੂ ਕੋਕਾ, ਬਿਊਟੀਫੁਲ ਬਿੱਲੋ, ਲੌਂਗ ਲਾਚੀ 2, ਮਾਂ ਦਾ ਲਾਡਲਾ, ਸਨੋਮੈਨ ਤੇ ਕ੍ਰਿਮੀਨਲ ਵਰਗੀਆਂ ਫਿਲਮਾਂ ;ਚ ਨਜ਼ਰ ਆਈ। ਹਾਲਾਂਕਿ ਫਿਲਮਾਂ ਨੂੰ ਛੱਡ ਆਪਣੀ ਖੂਬਸੂਰਤੀ ਦੇ ਚੱਲਦੇ ਅਦਾਕਾਰਾ ਚਰਚਾ ਵਿੱਚ ਰਹੀ।

ਇਸ ਤੋਂ ਇਲਾਵਾ ਤਾਨੀਆ ਵੀ ਪੰਜਾਬੀ ਇੰਡਸਟਰੀ ‘ਚ ਬੇਹਤਰੀਨ ਅਭਿਨੇਤਰੀਆਂ ਵਿੱਚ ਗਿਣੀ ਜਾਂਦੀ ਹੈ। ਇਸ ਸਾਲ ਤਾਨੀਆ ਦੀਆਂ 3 ਫਿਲਮਾਂ ਰਿਲੀਜ਼ ਹੋਈਆਂ, ਜਿਨ੍ਹਾਂ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਉਹ ਫਿਲਮ ‘ਲੇਖ’, ‘ਬਾਜਰੇ ਦਾ ਸਿੱਟਾ’ ਤੇ ‘ਓਏ ਮੱਖਣਾ’ ‘ਚ ਨਜ਼ਰ ਆਈ ਸੀ। ਇਨ੍ਹਾਂ ਫਿਲਮਾਂ ‘ਚ ਤਾਨੀਆ ਨੇ ਆਪਣੀ ਅਦਾਕਾਰੀ ਨਾਲ ਦਰਸ਼ਕਾਂ ਨੂੰ ਖੂਬ ਪ੍ਰਭਾਵਿਤ ਕੀਤਾ।

ਪੰਜਾਬੀ ਅਦਾਕਾਰਾ ਰੁਬੀਨਾ ਬਾਜਵਾ (Rubina Bajwa) ਇਸ ਸਾਲ ਆਪਣੇ ਵਿਆਹ ਨੂੰ ਲੈ ਸੁਰਖੀਆਂ ਵਿੱਚ ਰਹੀ। ਇਸ ਸਾਲ ਅਦਾਕਾਰਾ ਨੇ ਆਪਣੇ ਬੁਆਏਫ੍ਰੈਂਡ ਗੁਰਬਖਸ਼ ਸਿੰਘ ਚਾਹਲ (Gurbaksh Chahal) ਨਾਲ ਵਿਆਹ ਤੋਂ ਬਾਅਦ ਨਵੀਂ ਜ਼ਿੰਦਗੀ ਦੀ ਸ਼ੁਰੂਆਤ ਕੀਤੀ। ਰੁਬੀਨਾ ਵੱਲੋਂ ਆਪਣੀ ਵੈਡਿੰਗ ਲੁੱਕ ਦੀਆਂ ਸ਼ਾਨਦਾਰ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸ਼ੇਅਰ ਕੀਤੇ ਗਏ।