ਇਸ ਤਰ੍ਹਾਂ ਕਰੋ ਆਪਣੇ ਹੈਂਡਬੈਗ ਦੀ ਸਫ਼ਾਈ , ਅਜਿਹਾ ਲੱਗੇਗਾ ਕਿ ਜਿਵੇਂ ਤੁਸੀਂ ਨਵਾਂ ਖਰੀਦ ਕੇ ਲਿਆਏ ਹੋ

ਤੁਹਾਡਾ ਹੈਂਡਬੈਗ ਗੰਦਾ ਹੋ ਗਿਆ ਹੈ? ਇਹਨਾਂ ਆਸਾਨ ਸਟੈਪਸ ਨਾਲ ਕਰੋ ਸਾਫ਼ ਅਤੇ ਇਸਨੂੰ ਦੁਬਾਰਾ ਨਵੇਂ ਵਾਂਗ ਚਮਕਾਓ। ਜਾਣੋ ਕਿਵੇਂ ਸਾਫ ਕਰਨਾ ਹੈ.

ਹੈਂਡਬੈਗ ਸਾਡੇ ਰੋਜ਼ਾਨਾ ਜੀਵਨ ਦਾ ਇੱਕ ਮਹੱਤਵਪੂਰਨ ਹਿੱਸਾ ਹਨ। ਅਸੀਂ ਆਪਣੀਆਂ ਬਹੁਤ ਸਾਰੀਆਂ ਜ਼ਰੂਰੀ ਚੀਜ਼ਾਂ ਇਸ ਵਿਚ ਰੱਖਦੇ ਹਾਂ, ਪਰ ਸਮੇਂ ਦੇ ਨਾਲ ਇਹ ਗੰਦਾ ਹੋ ਜਾਂਦਾ ਹੈ। ਜੇਕਰ ਤੁਸੀਂ ਚਾਹੁੰਦੇ ਹੋ ਕਿ ਤੁਹਾਡਾ ਹੈਂਡਬੈਗ ਹਮੇਸ਼ਾ ਨਵਾਂ ਲੱਗੇ ਤਾਂ ਇਸ ਦੀ ਸਫਾਈ ਵੱਲ ਧਿਆਨ ਦਿਓ। ਇੱਥੇ ਕੁਝ ਆਸਾਨ ਤਰੀਕੇ ਹਨ ਜਿਨ੍ਹਾਂ ਦੁਆਰਾ ਤੁਸੀਂ ਆਪਣੇ ਹੈਂਡਬੈਗ ਨੂੰ ਸਾਫ਼ ਅਤੇ ਨਵਾਂ ਬਣਾ ਸਕਦੇ ਹੋ।

ਬੈਗ ਖਾਲੀ ਕਰੋ: ਸਭ ਤੋਂ ਪਹਿਲਾਂ ਆਪਣੇ ਹੈਂਡਬੈਗ ਨੂੰ ਪੂਰੀ ਤਰ੍ਹਾਂ ਖਾਲੀ ਕਰੋ। ਇਸ 'ਚ ਰੱਖੀ ਸਾਰੀਆਂ ਚੀਜ਼ਾਂ ਨੂੰ ਕੱਢ ਲਓ ਅਤੇ ਵੱਖ-ਵੱਖ ਰੱਖ ਲਓ। ਬੈਗ ਦੇ ਹਰ ਕੋਨੇ ਦੀ ਚੰਗੀ ਤਰ੍ਹਾਂ ਜਾਂਚ ਕਰੋ ਤਾਂ ਕਿ ਕੋਈ ਛੋਟੀ ਚੀਜ਼ ਪਿੱਛੇ ਨਾ ਰਹਿ ਜਾਵੇ।

ਡਸਟ ਹਟਾਓ: ਇੱਕ ਸਾਫ਼ ਅਤੇ ਸੁੱਕੇ ਕੱਪੜੇ ਜਾਂ ਬੁਰਸ਼ ਨਾਲ ਬੈਗ ਦੇ ਅੰਦਰ ਅਤੇ ਬਾਹਰੋਂ ਧੂੜ ਹਟਾਓ। ਕੋਨਿਆਂ ਅਤੇ ਜੇਬਾਂ ਵਿੱਚ ਜਮ੍ਹਾਂ ਹੋਈ ਧੂੜ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ। ਤੁਸੀਂ ਕਲੀਨਰ ਦੀ ਵਰਤੋਂ ਵੀ ਕਰ ਸਕਦੇ ਹੋ।

ਸਾਬਣ ਅਤੇ ਪਾਣੀ ਨਾਲ ਸਫਾਈ: ਇੱਕ ਕਟੋਰੇ ਵਿੱਚ ਕੋਸੇ ਪਾਣੀ ਅਤੇ ਥੋੜਾ ਜਿਹਾ ਹਲਕਾ ਡਿਟਰਜੈਂਟ ਮਿਲਾਓ। ਇਸ ਮਿਸ਼ਰਣ 'ਚ ਨਰਮ ਕੱਪੜੇ ਨੂੰ ਭਿਓ ਕੇ ਨਿਚੋੜ ਲਓ। ਹੁਣ ਇਸ ਕੱਪੜੇ ਨਾਲ ਬੈਗ ਦੇ ਬਾਹਰੀ ਹਿੱਸੇ ਨੂੰ ਹੌਲੀ-ਹੌਲੀ ਪੂੰਝੋ। ਧਿਆਨ ਰੱਖੋ ਕਿ ਬੈਗ ਨੂੰ ਜ਼ਿਆਦਾ ਗਿੱਲਾ ਨਾ ਕਰੋ।

ਅੰਦਰ ਦੀ ਸਫਾਈ: ਬੈਗ ਦੇ ਅੰਦਰਲੇ ਹਿੱਸੇ ਨੂੰ ਸਾਫ਼ ਕਰਨ ਲਈ ਉਸੇ ਮਿਸ਼ਰਣ ਦੀ ਵਰਤੋਂ ਕਰੋ। ਨਰਮ ਕੱਪੜੇ ਨੂੰ ਹਲਕਾ ਜਿਹਾ ਗਿੱਲਾ ਕਰੋ ਅਤੇ ਅੰਦਰੋਂ ਸਾਫ਼ ਕਰੋ। ਜੇ ਬੈਗ ਦੇ ਅੰਦਰ ਦਾ ਫੈਬਰਿਕ ਹਟਾਉਣਯੋਗ ਹੈ, ਤਾਂ ਇਸਨੂੰ ਹਟਾਇਆ ਅਤੇ ਧੋਇਆ ਜਾ ਸਕਦਾ ਹੈ

ਧੱਬੇ ਹਟਾਓ: ਜੇਕਰ ਤੁਹਾਡੇ ਬੈਗ 'ਤੇ ਕਿਸੇ ਕਿਸਮ ਦਾ ਦਾਗ ਹੈ, ਤਾਂ ਇਸ ਨੂੰ ਹਟਾਉਣ ਲਈ ਹਲਕੇ ਡਿਟਰਜੈਂਟ ਜਾਂ ਵਿਸ਼ੇਸ਼ ਕਲੀਨਰ ਦੀ ਵਰਤੋਂ ਕਰੋ। ਦਾਗ ਵਾਲੀ ਥਾਂ 'ਤੇ ਕਲੀਨਰ ਲਗਾਓ ਅਤੇ ਕੁਝ ਦੇਰ ਲਈ ਛੱਡ ਦਿਓ, ਫਿਰ ਇਸ ਨੂੰ ਸਾਫ਼ ਕੱਪੜੇ ਨਾਲ ਪੂੰਝੋ।

ਕੰਡੀਸ਼ਨਿੰਗ: ਜੇਕਰ ਤੁਹਾਡਾ ਹੈਂਡਬੈਗ ਚਮੜੇ ਦਾ ਬਣਿਆ ਹੈ, ਤਾਂ ਇਸ ਨੂੰ ਸਾਫ਼ ਕਰਨ ਤੋਂ ਬਾਅਦ ਲੈਦਰ ਕੰਡੀਸ਼ਨਰ ਲਗਾਓ। ਇਸ ਨਾਲ ਬੈਗ ਦੀ ਚਮਕ ਬਰਕਰਾਰ ਰਹੇਗੀ ਅਤੇ ਚਮੜਾ ਨਰਮ ਰਹੇਗਾ।